متن نوحه نه گوزل نام دل آرادی ابالفضلین آدی
متن کامل نوحه نه گوزل نام دل آرادی ابالفضلین آدی
نه گوزل نام دل آرادی ابالفضلین آدی
شرف و شأننه گویادی ابالفضلین آدی
مظهر مهر و وفا سن گُل ایثار وصفا
معنی عشق و تولّا دی ابالفضلین آدی
دوقمیوب دوقمیاجاخ مِثلنی بیرده آنالار
دَهریده یکه و تنها دی ابالفضلین آدی
شهدا ایچره اونون رتبه سنه یوخدو نظیر
گور نچه منصبه دارادی أبَاالفضلین آدی
بیر آدی باب الحوائج بیر آدی قولسوز آقا
دیللرون از بریدور سقادی ابالفضلین آدی
عشقی چوخ گبرو نصارانی مسلمان إلیوب
تشنه عاشقلره دریادی ابالفضلین آدی
شیعه لر قالسون حله سسلر اونی أرمنی لر
مورد مرحمت ترسادی ابالفضلین آدی
دردمندن یاپوش عالمده او أل سیز اتگی
چون نظر کرده زهرا دی ابالفضلین آدی
چوخ مریضه،علیله وِریب عالمدَه شفا
دَم جان پرور عیسی دی ابالفضلین آدی
قاپوسین وور آقادی هیچ کسی نامید إتمز
چون اوزون نوکر حساب إتدی حسین قارداشونه
اودی هر شیعه یه مولادی أبَاالفضلین آدی
مهنتی یاده دوشاندا گوزوم أشکیله دولار
گور نه اندازه غم افزادی ابالفضلین آدی
مطلع مضطر مرحومی قویون عنوان ائلیوم
دیللرون از بریدور زینَت أبَاالفضلین آدی
نظرات (۰)