متن نوحه ترکی احوالات حضرت رقیه
متن نوحه ترکی احوالات حضرت رقیه سلام الله علیها
احوالات حضرت رقیه (سلام الله)
ویرانه در بیرمدت اگلشدی آی الدوزلار
باش قویدی تراب اوسته گل اوزلی بالا قیزلار
هرتک تکی اوز عشقین دنیایه نشان ویردی
بیر نازلی بالا آخر ویرانه ده جان ویردی
هرچند او مظلومه آی تک دل شب باتدی
ترک ایلدی دنیانی اوز مقصدینه چاتدی
اما غم و اندوهی آل اللهی آغلاتدی
وای نازلی رقیم وای دللرده اولوب ازبَر
افسوس اوگون اولموب قارداشی علی اکبر
بیر شمع کیمی سوندی آهیله اولان مأنوس
گل سولدی گلستاندا بلبلر اولوب مأیوس
سسلندی در و دیوار بو غنچه گله افسوس
دلبند حسین دوربو عالملر ایدر رشگین
ضبط ایلدی ویرانه رخساره آخان اشگین
ویرانه دله گلدی ای غنچه نه تیز سولدون
هر چند گجه گوندوز بو یرده غمه دولدون
اما غم ومحنتدن عالمده خلاص اولدون
گتدون دیمورم چخدی بویرده الیم سندن
حشره کیمی عطردن تک نالن گله جاق مندن
تشکیل محن قوردی آل الله اودم ناگاه
اصغر آناسی دلدن اودلاندی چکوبدور آه
سسلندی مصیبدن قورتولدی بالام الله
شام اهلی بونا چوخلی دل یاره سی ورموشدی
ایستردی الوم بسکه غمللر ایله یورموشدی
زهرا قیزی چوخ یاندی اوج ایتدی گویه آهی
عرض ایتدی یتش داده ای کرب و بلا شاهی
وی ظلمیله دین اوسته تالانه گیدن جاهی
جان ویردی رقین گل، گل قبلیه سن دوندر
گر اولماسا گلماقون گور اولسا کفن گوندر
زینب دوتاجاق ماتم سولموش بو گل یاسه
بیر داد رسیم یوخدور نسگل اولا عباسه
بو یرده غریبم من کیمدور گلنیم یاسه
خواراولسا بالام یاسی بیگانه ولایتده
قالام گجه گوندوز من خلق ایچره شماتتده
بو طفلی یاتوردار دیم نازیله دیز اوستنده
عمریم نه قدر اولسا یانام بو سوز اوستنده
شهزاده نی ساخلالار علمده گوز اوستنده
هر کیمسه عزیزین گر خوار ایستیه خوار اولسون
شهزادیه ویرانه شام اهلینه عار اولسون
هر جورو جفایتدی طاقت بو بالا گتدی
بو چرخ جفا پرور باشه نه بلا گتدی
بو گوهر شب تابی هاردان هارا گور گتدی
ویران اولاسان دنیا بو یثرب عزیزیدی
اولده بونون هنده یثربده کنیز یدی
ای چرخ جفا گستر انصافیدی دنیاده
شهزاده یاتا یرده بسترده گدازاده
بو ظلم و ستم قالسون اول محکمه داده
گر کامه یته قویماز حق ظالم و گمراهی
یرده بلورم قالماز مظلوم بالامون آهی
غارتده چون اطفالین یانمیشدی پر و بالی
زیر پریمه یغدیم قوش تک یانان اطفالی
ویرانه پناه گتدیم کیم غمدن اولار خالی
بو بیر سوری آهودن آیریلدی بیری الله
نیلوم گجه یانیمده گورسنسه یری الله
قالدی بالالار بلمم اول دمده نه احواله
گلدی اوگوزل طفلین غسلین ویره غساله
باشلاندی بیر هنگامه عرشه اوجالوب ناله
تا کوینگین اگنندن غساله سویوندوردی
نیلی قولی گورسندی دنیایه شرروردی
حسرتلی الن بیر قیز صاق و صولوتی گوزلر
غساله بلور حالین نیلی قولونی گوزلر
مهماندی گیدیر بلدی اکبر یولونی گوزلر
اما غمی آغلاتدی تا عالم ناسوتی
بیر پاره تختیدی یاخشتیدی تابوتی
حسرتله حیا دُرون جمع ایتدیله گنج اوسته
گویا قیزل گلدور دوشموش یره بیر دسته
پوزدی هامونون حالین اول اکبره وابسته
زینب او شیرین دلدن بلمم نجه ال اوزدی
اطرافنه اول شمعین پروانه لری دوزدی...
برگ اوسته دوشوب غنچه بو حاله یانوب ایللر
دریا کیمی موج ایتدی گوزلردن آخان سیللر
غساله سوئی توکدی ایسلاندی قرا تللر
زلفی داغلوب تل تل رخساره او ناکامین
آخدوقجا سو زلفندن یازدی یوزه آلامین
ایتمیشدی غبار آلود ویرانه رخ زردین
تا آب روان آخدی سیلدی یوزینون گردین
سولموش یوزی گورسندی اعلان ایلدی دردین
هرکیم بوغمی گوردی اوزغملرینی آتدی
سیلی یری گل یوزده غساله نی آغلاتدی
کلثومه دیدی زینب آغلا باجی جان آغلا
ایوای بالا وای سویله آهیله جگر داغلا
من قالزدوم آهسته سن گوزلرینی باغلا
قبر اوستنه یازدورام بلسون بو غمی زوار
الموب بو بالا یعنی الدوردی بونی اشرار
چوخ نسگلی وار دلده بیکسدی وطن سیزدی
دنیانی پوزار حالی بیر گلدی چمن سیزدی
بوباب الحوایجدی هر چند کفن سیزدی
قویام یاننا تربت گلسون بو بالا عطری
بو تربت حسینوندور وار کرب و بلا عطری
دنیایه محن یتدی بو غملی حکایتدن
باغلاندی اوگوزلر که آغلاردی خجالتدن
اولدی اورکی ساکت قورتولدی شماتتدن
ناله کسلر آخر ویرانه دن هر ساعت
فریاد ایلین گتدی هند اوغلی یاتا راحت
تا وقت او وقت اولدی گل گلشنی ترک ایتسون
قمچی یاراسی قولدا زهرایه قوناق گتسون
جنتده او عالیله وصل عالمینه یتسون
ظلمیله الن مظلوم یولداشلارینی گورسون
چو خداندی یانوب هجره قارداشلارینی گورسون
آل اللهی یاندوردی بو حال اسف انگیز
اول داغلی اورک لرده جام غم اولوب لب ریز
اطفاله دیدی زینب اولماز بله غم هرگز
نی تک ایلیون ناله هنگام فراقوز دی
بو نازلی بالا بوردا بیر لحظه قونا قوزدی
زینبده دی بو محنت سالسون شرر آفاقه
تا بوکدوله الوان تک اول غنچه نی یپراقه
غملراریدن جسمین تاپشور دولا توپراقه
معناده مزارینده سس گلدی رقیم گل
غملر سنی چوخ یوردی یورقون بالا یات دنجل
ویرانه ده دفن اولدی گل اوزلی او مه پاره
مه اوستنی ابر اورتدی قبره چکلوب قاره
قبرینده اوپوب زینب تا یول آچا زواره
اکبر باجیسی گورنه عز و شرفه یتدی
بیر خورداجا قبریله ویرانی بهشت ایتدی
حق باطله غالب دور گور سوز یرینه یتدی
نولدی او اوجا قصری هند اوغلی هارا گتدی
اما بو آتا سیز قیز دللره نفوس ایتدی
سلطانیدی دنیایه هند اوغلی اولوب فانی
بو طفل اسیر ییدی دوتدی آدی دنیانی
تاریخه ایدوب زینب منشی وفا صبرین
دولدورسون عزا داری قان یاشیله گوز ابرین
گوز یاشلی دولانسون تا تاپسون بالاجا قبرین
سیلسون گورینون یاشی قبر اوسته اولان گردین
درمانین عطا ایلر هرکیمسه دیسه دردین
هر محنته دین اوسته هر چند رضا ویردی
دنیایه اوگون اما اعلان عزا ویردی
ویرانه ده خوار اولدی شاماته صفا ویردی
قبری ویرری اعلان اوز حقنین اثباتین
گر اولماسا اول مدفن یوخ ارزشی شاماتین
شاعر : مرحوم اعظمی
موضوع: حضرت رقیه (س) احوالات ,
زبان شعر و شاعر: نوحه ترکی , اعظمی تبریزی
در احوالات حضرت رقیه (سلام الله)
خرابه یردن اوجالدی سمایه جان بالاوای
صغیره سنیله مظلومه باغریقان بالاوای
آلوب قوجاقه خانم عمه سی جنازه سینی
اوپوبدی صورتینی ایلیوب فغان بالاوای
دیردی ای آنامون بنـذری گوزوم نوری
ملالی ائلــلری آغــلارقـویان بالاوای
ویربلاتیرشماتت سنی سالوب دئلدن
قراریوی آپاروب طعن شامیان بلاوای
دوشنده یادیوه جدیم شبیهی قارداشون
یاناردون آتش هجرانیده نهان بالاوای
خرابه یرده گیجه گوندوزایلین افغـان
آتـاغمیـــنده اولان موکنــان بالاوای
یارالی باشی گورن وقته شوقیدن یوزونه
سرشگ دیده سی بی فاصله آخان بالاوای
بئله گمان ائدرم اولمادی توان آلاسان
قـوجاقه بـاری اوباشی بیر آن بالاوای
گوزون یاشی یُودی رخسارینون کولون قانین
سیلیندی یوزده کی آثار کوفیان بالاوای
اوشمعه عشقه اولـوبسان وفالی پروانه
شـرارشمعیده ای پرلـری یانان بالاوای
شماره گلموری ویرانسـراده دردوغمون
دیلیم دولانموری تزتزائدم بیان بالاوای
گلـرخیـالیمه محنتلــرون یانـاراورگیم
خرابه یرده نچه مدت آج قالان بالاوای
جنازه وی نجه من ایمدی تاپشوروم قبره
نه وارکفن سنه نه قبروی قازان بالاوای
گرکدی قـبروی عمـُّون ئوزاللـریله قازا
ســالا شـراره دل عالمه عیـان بالاوای
خرابه یرده سنون قبروی قازوب یازارام
شهیده گتـدی بوگنجینه گـران بالاوای
(جوانی)شکرائله هرلحظه حـّی داداره
وئـررجـزاده صـله یازدقون بو اشعــاره
شاعر : کربلایی موسی جوانی تبریزی
منبع : کانال اشعار موسی جوانی تبریزی (ترنم عاشورا)
موضوع: حضرت رقیه (س) احوالات ,
زبان شعر و شاعر: نوحه ترکی , موسی جوانی تبریزی
ــــــــــــــــــــــــــــــــــــــــ
در احوالات حضرت رقیه (سلام الله)
خرابه ده قراریمی بو آخشام انتظار آلوب
بابامی ایستورم گورم یولوندا گزلریم قالوب
نجه قوش ایستیر قونا چمنده گل بوداغینا
چوخ ایستیر کی قیز گله آتا آنا قوجاقینا
بابامی گورسم ایندی من دوشنٌم ال ایاقینا
داریخمیشام خرابه ده یرولموشام بو دنیادان
بابامی ایستورم گورم یولوندا گزلریم قالوب
چوخ ایستورم کی گلجگین قولومی بوینونا سالام
اوپم ائو مهربان یوزون دویونجا عطرینی آلام
من اونی سسلیم اودا منه دیه جان آی بالام
دورم گدیم دییم بی بی بو درده چاره قیل کی من
بابامی ایستورم گورم یولوندا گوزلریم قالوب
بابامی گورسه کیم دئسون خرابه یرده قالمیشام
دئسون کی گل کیمی سولوب خرابه ده سارالمیشام
فراق اودوندا یانمیشام بیبیم کیمی قوجالمیشام
کیمه بو دردیمی دییم کیمی حرایه سسلییم
بابامی ایستورم گورم یولوندا گزلریم قالوب
بهار چاقیندا عمرومون گلی خرابه ده سولوب
ائوقدر اذیت الموشام ایشیق گونوم قرا ائلوب
یاشاماقیم محال الوب بولود کیمی گزوم دولوب
بابا بابا دیه دیه خرابه ده گونوم کجور
بابامی ایستورم گورم یولوندا گوزلریم قالوب
وطنده قویمازیدی هچ یوزومه توز قونا آتام
بو غربت الکده ولی ساچیمی حرمیوب آنام
آتامی گورسم ایستورم گزومدن عالمی آتام
قوجاقینه گدم یاتام منی نوازش ایلیه
بابامی ایستورم گورم یولوندا گوزلریم قالیب
شاعر : حسنعلی بالایی
منبع : کانال اشعار حسنعلی بالایی
موضوع: حضرت رقیه (س) احوالات ,
زبان شعر و شاعر: نوحه ترکی , حسنعلی بالایی
ــــــــــــــــــــــــــــــــــــــ
احوالات حضرت رقیه (سلام الله)
وقتیکه رقیه ئورگینده محن ئولدی
ویرانه ده گوز یومدی قولوندا رسن ئولدی
دیدارینه گلمشدی حسین قانلی طبقده
باخدی یارالانمش باشینا غصه دن ئولدی
امکانی یوخیدی دوداقیندان کولی سیلسون
دلدن دوشوب اول دختر شاه زمن ئولدی
زینب یوزینی دوتدی حسینه دئدی قارداش
قانلو باشوی گوردی بالام غفلتاً ئولدی
یاز نسخه سینی ای دوداقی یاره طبیبیم
گوز یومما بیان ایله رقیم ندن ئولدی
گوزلردی سنی شامیده آغلاردی همیشه
اشگین یوزه توکدی یولی گوزلین ئولدی
گوز تیکدی خرابه قاپوسیندا یولا باخدی
وصلونده سنون خورداجا قلبی اسن ئولدی
دینجلدی فلک سینمی ده ایلدی خالی
یوللاردا باجون زینبه عمّه دیَن ئولدی
یوردی بالامی قمچی گوزوندن ایراق اولسون
گلمور نفسی شمر ستمگر دوئن ئولدی
آج قالدی ئوزی نفسینی سیندیرمادی اصلا
ویرانه ده آهسته گجه سسلنن ئولدی
هر دم سوروشاردی بابام هاردا خانم عمه
هیچ وقته دیمزدوم که یوزوندن ئوپن ئولدی
تاب ایله دیَردیم گله جک دیده حسینیم
گلدون نه دیدون دختر شیرین سخن ئولدی
کیم گیتسون حسین بو قیزا غساله چاغیرسون
یوخدور کفنی سن کیمی بو بی کفن ئولدی
کیم دفن ایلسون کیم بالاجا قبرینه قویسون
نازیله قوجاقونده حسین اگلشن ئولدی
گوز یاشلی گلوب شام غریبانووه بیر باش
توزلی ساچینی سینوون اوسته سرَن ئولدی
شامون یولونی اللری باشینده گجیلن
قورخیلا تیکانلیقدا پریشان گَزن ئولدی
دینجلدی جفادن بو گیجه شمرون اسیری
سندن صورا قوللارین حسین ایپ کسن ئولدی
گوزلر آخینوب باغلامیشام دیده پر آبم
آز عمریده چوخ رنج و مصیبت چکن ئولدی
چادرده قرا معجر آچان ایستی هواده
اصغر بشیگین محنتیلن ترپدن ئولدی
شیرین دیلینه ویردیلا گوز من بئله بیلّم
چوخ ایستمه لیدی ئورگون ایستین ئولدی
سیلی یوزینه قانلی لکه سالدی حسینیم
اللرده آنام فاطمیه بنذین ئولدی
آیا بودا گیتمشدی قباله دالسیجان
شمرون ستمیدندن ئورگی اینجین ئولدی
درد دلینی شامیده قیزلاره دیمزدی
قلبینده ئورک صحبتینی گیزلدن ئولدی
نیلی یوزینه قویمادی یولداشلاری باخسون
زلفین گوگرن صورته دائم توکن ئولدی
بوندن صورا تنها ایین آللام لچکیندن
یاندی ئورگیم بلبل باغ و چمن ئولدی
عرض ایله «معزی»بیله سن صاحب عصره
اللرده نیه دخت شه مؤتمن ئولدی
شاعر : معزی اردبیلی
موضوع: حضرت رقیه (س) احوالات ,
زبان شعر و شاعر: نوحه ترکی , معزی اردبیلی
ــــــــــــــــــــــــــــــــــــــــــــــــــــــــ
در احوالات حضرت رقیه (سلام الله)
آی گؤیده اوچان قوشلار دردانه بالام ئولدی
آز عمری اولوب غملی افسانه بالام ئولدی
شوقیله چالون شهپر گؤیلرده اوچون قوشلار
دشت غم و اندوهه افسرده اوچون قوشلار
بو غم خبرین بیلسون اکبرده اوچون قوشلار
گلسون باشی اوستونده افغانه بالام ئولدی
آخر منی تک قویدی یار سفریم گئتدی
هم روحیمون آرامی هم بال و پریم گئتدی
آیریلدی گجه یاری مرغ سحریم گئتدی
گؤزیاشیمی دؤندردی القانه بالام ئولدی
رویاده گجه نصفی مظلوم باباسین گؤردی
تاپدی باباسین اما بیلمم هاراسین گؤردی
اول قانلی دوداقلاردا شاید یاراسین گؤردی
گؤزیاشی توکوب گؤزدن دامانه بالام ئولدی
آغوشه آلیب ئوپسون اول قانلی دوداقیندن
دلخسته بالام اولدی شرمنده قوناقیندن
تاب ائتمدی آهسته باش دوشدی قوجاقیندن
بیر یانه او باش دوشدی بیریانه بالام ئولدی
باخدیم او قیزا گؤردوم جسمینده نفس یوخدی
سسلندیم عزیزیم دور گؤردوم ولی سس یوخدی
پروازه گلوب روحی دای میل قفس یوخدی
ویرانه منه اولدی غمخانه بالام ئولدی
زینب بو مصیبتده قان آغلاسا گر آزدی
تقدیر الی آهسته بیر غملی غزل یازدی
اوچ سن ده قیز ئولدی قبرون بی بی سی قازدی
دنیانی گؤروم اولسون ویرانه بالام ئولدی
شاعر : ابوالفضل عباسی معروفان اهری
موضوع: حضرت رقیه (س) احوالات ,
زبان شعر و شاعر: نوحه ترکی , ابوالفضل عباسی معروفان اهری
ــــــــــــــــــــــــــــــــــــــــــــ
احوالات حضرت رقیه (سلام الله)
انقلاب کربلادن منده دفتر یازمیشام
ادعاده ایتمورم اخباری یکسر یازمیشام
غم لری آل عبانون مثل اقیانوسیدور
هر نقدری یازمیشام مضمونی کمتر یازمیشام
شاعرم امّا اوزومدن خیردا شاعر بیلمرم
گلمرم گفتاره کی اشعاری بهتر یازمیشام
عالم حرّیتون انسانلارین بی قیدو بند
من حسینی سر به سر دنیایه رهبر یازمیشام
روحیمیز آیریلمیور نیلوم حسیندن عاشقان
کربلا تپراقینی عشّاقه کشور یازمیشام
سرور احراری من ثبت ائتمیشم صرّاف عشق
محضرینده عترت اطهاری گوهر یازمیشام
پاک اولام بیر عمریدور کی گلمیشم دوزلاقدییام
آدیمی شرم ائتمیوب دفترده نوکر یازمیشام
دوتمیشام صبح و مسا دامانینی یالوارمیشام
ساخلیا بو بی علاجی شاه محشر یازمیشام
وورمیشام در گوندرر ایو صاحبی آخر بیرین
آچماقا درگه منه بیر نازلی دختر یازمیشام
آند ویّرم یاحسین روحون رقیّه جانینه
قؤما عالی آستانوندن مکرّر یازمیشام
گتدیلر ویران سرایه ماهرو دردانوی
هر زاماندا شامیده حالین مکدّر یازمیشام
عرض ائدوبدور عمّه جان بیر نامه یازدیم گوئیا
یولّادیم باد صبادن باشدا اکبر یازمیشام
گزمیشم صحن سرای آرزونی سر به سر
گللرین آمالیمون پژمرده پرپر یازمیشام
کاغذ اوسته اشکی توکدوم سالدی اکبر نعشینی
محضر پور نورینه نامه مصّور یازمیشام
زلفلری طولانی اولسون عمری کوتاه اولماسون
قامتین طوبا کیمی روحین مطهّر یازمیشام
قاشلارین شمشیری زیبا گوزلرینده نرگسه
صورتین تشبیهیده بیر مهر انور یازمیشام
یاحسین سسلنمیشم اولدی نفسده مشکبو
سوزلریمی بیر به بیر عمّه معطّر یازمیشام
عالم فکریمده باخدیم صورت عبّاسیمه
نوری دوشدی گوئیا یوزدن منوّر یازمیشام
خاطریم چوخ محترمدور محضرینده اکبرین
صفحه ی قلبیمده آدین منده دلبر یازمیشام
درس عشق پاکی ناقصدی کیمون گلسون بورا
گوشه ویرانه نی عشّاقه معبر یازمیشام
گورمیشم بزم یزید شومیده من نطقوی
آدیوی شهزادیه نامی سخنور یازمیشام
سن ئوپورسن سینه‌ی پر مهریده سیلی یرین
صورتیم گوی یاپراقا مدّتدی بنذر یازمیشام
باش آچوخ هر گون الیم قوینومدا آغلار قالمیشام
گوندره بو باشیمه بیر قاره معجر یازمیشام
وار سوزی مظلوم بابام ویرانیه گلمکده دور
حاضر ائتسون اللرینده مشک و عنبر یازمیشام
ائتمیشم دعوت قبول ایلر اولونموش دعوتی
ذرّیه ائتسون نظاره ذرّه پرور یازمیشام
چوخ دوشوبدور گوگلومه بو شامیده مظلوم بابام
دیدیمه گلسون گُل زهرای اطهر یازمیشام
دامنوندن اللریمی چکمرم گورسم بی بی
ایسترم قالسون همان خلّاقه مظهر یازمیشام
شیر خواره قارداشیمدان هاکذا یوخدور خبر
لااقل رؤیاده بیر گورسنسون اصغر یازمیشام
قانلی قنداقین آنام گاهی آچور گاهی بوکور
گوندوزی شامه ربابون دونمش آخر یازمیشام
گون دوننده سسلنور هاردا قالوبسان اصغریم
بیر هما مثلی آنامدا سندی شهپر یازمیشام
گون قباقینده دیور چوخ اوخشاما قارداشیمه
پس گلر شامه هاچان اول غنچه ی تر یازمیشام
هی دیور گَل اصغرین عطرین آلوم سندن قیزیم
شامیده گوزلریولون بیچاره مادر یازمیشام
تپراقون اوسته علی لیلا آنامی نوحه گر
اصغرین دل داغلی سین گوز یاشلی مضطر یازمیشام
گه قماطه گه باخور دیرناقلارینون ردّینه
عفو ایله سوزشلی سوزلر نامه ده گر یازمیشام
یاحسین فرمایش ائتسون حشریده بسدور منه
ای «معزی» آدیوی من خادم در یازمیشام
شاعر : استاد معزی اردبیلی
موضوع: حضرت رقیه (س) احوالات ,
زبان شعر و شاعر: نوحه ترکی , معزی اردبیلی
ـــــــــــــــــــــــــــــــــــــــ
در احوالات حضرت رقیه (سلام الله)
الهی شام ویراندا گُل گُلزاری دفن ایتدیم
قرا معجرله اول دُخت شه ابراری دفن ایتدیم
بالام لای لای بالام لای لای
رقیّم وای رقیّم وای
باجون زینب ابوالفضلیم فراقونده یانار آغلار
اونا بو شهر غربتده یانار دیلدن عزا ساخلار
گوزوم اشک عزا توکدی عزاداریم قرا باغلار
سنون عشقونده بیمارم گل گُلزاری دفن ایتدیم
جفای ساربان گوردی منیم تک باغریقان اولدی
گل گلزاری آل الله حسین جان نیمه جان اولدی
سنون رأسون گورن وقته رقیّم ناتوان اولدی
بیله فکر ایلدیم قارداش عزیزه یاری دفن ایتدیم
قرا گوزلر آخان وقته یوزون قویموشدی دیواره
باجوون هجرونده اودلاندی الینده قالمادی چاره
سنون تک یا حسین حسرت باخوردوم منده قیزلاره
خرابه گوشه‌سینده من گل بی خاری دفن ایتدیم
ستارم آخدی من باخدیم دل ویراندا آی قارداش
نوالی کاروانیله رقیّم ده گلیدی کاش
رضائی آغلیور دائم توکور چوخ دیده دن گوزیاش
زبانحال ایدوب نوحه قالان آثاری دفن ایتدیم
شاعر : غمکش
منبع: کانال مدح و مرثیه
موضوع: حضرت رقیه (س) احوالات ,
زبان شعر و شاعر: نوحه ترکی , غمکش
ــــــــــــــــــــــــــــــــــــــــ
احوالات حضرت رقیه (سلام الله)
اوچ یاشیندابالانی درده دچارایله دیلر
ظلم بیحدخانیما لیل ونهار ایله دیلر
گه ویروب شمره،دنی گاه ویروب زجره خبیث
فاطمه سویگولونی غمده حصارایله دیلر
قوللارین باغلادیلارشامه کیمین اولدی اسیر
ویردی هربی سروپاگردوغبارایله دیلر
بیریسی قمچی الینده دوگوب ایمان ثمرین
بیریده سیلی ویروب غصه نثارایله دیلر
اوچ یاشیندابالاسسلوردی بابام هارداقالیب
گوره یوللاردا،منیم حالیمی زارایله دیلر
ئولورم خیمه یاناندان داخی چیخماز یاددان
باخ یانان تللریمی توشه ی نارایله دیلر
دیدی عمه،عموم اولسیدی بلاگورمزیدیم
منی ایوای نجه بیرفرقته یارایله دیلر
عموم اولسیدی مگرسیلی دگردی ئوزیمه
اولمادی،،جوروجفااهل شرارایله دیلر
سویلویردیم عموما،هرنه گلیبدی باشیما
وارایاقیمدا یارا گور،نه قابارایله دیلر
غارت اولدی عموجان اکبرآلان گوشواره
منی آواره ی هرشهر و دیارایله دیلر...
شاعر: عبدالله گلمحمدی زنجانی
منبع : مجمع شعرا و مادحین
موضوع: حضرت رقیه (س) احوالات ,
زبان شعر و شاعر: نوحه ترکی , عبدالله گلمحمدی زنجانی
ـــــــــــــــــــــــــــــــــــــــــ
احوالات حضرت رقیه (س)
ویرانه ده غم گلشنینون غملی هزاری
دوردی یوخودان گلدی نوایه گئجه یاری
محنت لر الیندن دئدی ای خونجگر عمه
دور ایله بو خونین جگره بیر نظر عمه
ویرانه هواسی گتیروب سینمی تنگه
قلبیم غم غربتدن اولوب شعله ور عمه
یثربده گئچن گونلریمیز یادیمه دوشمیش
قلبیم او کچن گونلره حسرت چکر عمه
صغرا باجیم هرگون منی آغوشه آلاردی
باشیمه چکردی ال او نیکو سیر عمه
بو توز بوریین زلفیمی نازیله داراردی
ایگلردی ئوپردی منی اول دیده تر عمه
الان بورا گلسه بو سولان صورته باخسا
سیلی یرینی گورسه ئوزین ئولدورر عمه
اکبرله چخوب شهری گزن وقتیده باهم
گورجک هامی سویلردی منه بختور عمه
تای توشلار ایچینده اوزیمه فخر ائلییردیم
باشیمی اوجاتمیشدی او فرخنده فر عمه
الله باجینین آلمیا قارداشین الیندن
قارداشدی وئرن باجیلارا بال و پر عمه
شاعر : حاج فرهنگ خدایی
منبع : مجمع شعرا و مادحین
موضوع: حضرت رقیه (س) احوالات ,
زبان شعر و شاعر: نوحه ترکی , حاج فرهنگ خدایی
ــــــــــــــــــــــــــــــــــــــ
حضرت رقیه (س)
سلام اولا او قیزا خیمه لر یانان ساعت
اولوبدو اکبر آلان گوشواره سی غارت
سلام اولا یوزونه گوزیاشی آخان بالیا
دگنده سیلی دونوب علقمه باخان بالیا
سلام اولا هامونون مشکلون آچان بالیا
ایاق یالن باش آچوخ چوللره قاچان بالیا
سلام اولا او قیزا قلبین إتیلر یاره
گجاودن یخیلیب چولده قالدی آواره
سلام اولا اوقیزا یوللار اوسته آغلاردی
ایاقلارین یاره سین معجرینن باغلاردی
سلام اولا اوقیزا دوندو گوزلری ابره
خرابه یئرده ئولوب عمه سی قویدی قبره
غارت اولدی صبر اویم غارتده هاردیدون بابا
خیملر تاراج اولان حالتده هاردیدون بابا
اونداکی نصفی یانان چادورده سسلیدوق سنی
عمه ام ائیلوردی نوا خلوته هاردیددن بابا
ناقدن شامین یولوندا ساربان یخدی منی
قالدیم او صحرایه پروحشته هاردیدون بابا
آغلیاندا من سنه دشمن بابا گولدی منه
یاندی قلبیم آتش محنده هاردیدون بابا
کاش اولیدوک گورمیدوق هیچ بیر یزید مجلسین
قالمادی طاقت دل عطرتده هاردیدون بابا
قوی دیم بیر سوز منی اوردا کنیز استیوردیلر
(مجمع شعرا و مادحین)
موضوع: حضرت رقیه (س) احوالات ,
زبان شعر و شاعر: نوحه ترکی
ــــــــــــــــــــــــــــــــــــــــــ
احوالات حضرت رقیه (سلام الله)
بشنو از راوی که گوید دیدم اندر کارزار
پنج ساله یک پیاده ، شصت ساله یک سوار
این یکی کودک ولی دریای عقل و معرفت
آن یکی پیر کهن لیکن شرور روزگار
این درایمان بی مثل آن در جهالت بی نظیر
این در اوج بینوائی آن در اوج اقتدار
چون ستون خیمهٔ شیطان ، درشت آن بی ادب
چون نخ شیرازهٔ قرآن ، ظریف این باوقار
این غریب بینوا درگیر شد با آن غراب
دفعتا دیدم به دور از چشم عقل وانتظار
تازیانه بر هوا رفت و فرود آمد سریع
بر زمین افتاد با یک ضربه آن والا تبار
رفت ضارب در پی آزار مظلومی دگر
از زمین برخاست چون یک شاخه گل آن بیقرار
بار دیگر پشت اسبی ظالمی دیگر رسید
اسب زد باسینه بر پیشانی آن طفل زار
باز هم افتاد لیک این دفعه دیگر برنخاست
اختران از آسمان گفتند جان ای خاکسار
آن شقی نقش زمینت ای گل زهرا نکرد
سورهٔ اخلاص را انداخت روی ریگزار
باادب باید ز دست و پای تو بوسند خلق
نی که ضربت بر سر و رویت زنند این اهل نار
دیدهٔ زهرا که در بالین او دیدار داشت
شیوهّ جنّات تجری تحتها الانهار داشت
شاعر : استاد شاهی اردبیلی
منبع : مجمع شعرا و مادحین
موضوع: حضرت رقیه (س) احوالات ,
زبان شعر و شاعر: نوحه فارسی , شاهی اردبیلی
ـــــــــــــــــــــــــــــــــــــــــ
احوالات حضرت رقیه (سلام الله)
آتش محنته قلبیم گینَده یاندی بی بی
بی وفا اُمت اَلیندن ئورگیم قاندی بی بی
نیلمیشدیم فلکه غم گونونی یازدی منه
نقَدر ظلم اِلیور فکر اِلیور آزدی منه
عِلّتین بیلمیورم قلبیده بیر رازدی منه
منه فاش ایله سوزی چون سنه آساندی بی بی
خوش گونوم یثرب وبطحاده بی بی قالدی نیه
اوگوزل گونلری تقدیر قضا آلدی نِیه
وطنیمدن اِئدوب آواره چوله سالدی نیه
شاه خوبان قیزینون مسکنی ویراندی بی بی
کِچن ایّامی خیالیمده مرور ایلمیشم
مرغ روحوملان او وادیدن عبور ایلمیشم
خاطراتیملَن ئورک غرقۀ شور ایلمیشم
گوز قاباقینده اولان گونده او دوراندی بی بی
اکبرون من سیخلاردیم اوگوزل سایه سینه
مین ملک چاتماز اونون رُتبه و همپایه سینه
گوشوار آلدی منه کوثرون اوچ آیه سینه
اوداغارتده قولاقیمدَن اُوغورّراندی بی بی
آلتی آیدا صود اَمر اصغره لای لای دئمیشم
من ربابدان قاباق او آغلاجاقیین وای دئمیشم
اونی خالق طرفیندن ئوزومه پای دِئمیشم
ولی میداندا اَل اوسته اودا اُوخلاندی بی بی
قورخمازیدیم نقدَر قامت سَقّا ساغیدی
تکیه گاهیدی منه محکم اِراده داغیدی
پُوزولان گلشنیمیز اوندا گوزل بیر باغیدی
عَلقم اوسته دییلور قامتی دوغراندی بی بی
بیرآتام قالدی فقط زادۀ سلطان نجف
منی اَخیمده قویوب گئدی او میدانه طرف
دئدیما گِتمه بابا یوخدی بو ملّتده شرف
دئمدی بوبالاقیز قلبی پریشاندی بی بی
باتدی میدانیده قانه اِلَدی قان جیگریم
توکدی قان یاشی عذاره بومنیم دیده لَریم
شامه جک شِمردَنی اولدی منیم همسفریم
تانیورسان نِجَه بی دینیله وجداندی بی بی
شامه جک زخم زبانیله ئورک داغلادی شمر
یولی سُرعَتلَه گلوب مختصری ساخلادی شمر
ناقه اوسته بالاجا قولّاریمی باغلادی شمر
اِله محکم قولومی باغلادی کی یاندی بی بی
هِچ مکاندا شام ویران تک بی بی اینجیَمدیم
شامیاندان سُوز اِئشیتدیم ولی هچ سوز دِئمدیم
صدقه گدّیلر ویرانیه اما یِمدیم
بوسارالمیش ئوزومون رنگی آجیمناندی بی بی
بابامی ایستیوروم آب و غذا قالسون هله
آیریلاندا منه قول وئردی خَرابیّه گله
گلمیوب مدّت اولار اِیلیورم ایندی گِلَه
یاندیران عاشقی بو آتش هجراندی بی بی
یزیدون سمعینه ناگه یتیشوبدی بو مَقال
گوندروب باشی خرابیه او اِبلیسه خصال
دئدی عمه بوباشی گَل سینمون اوستونه آل
بوکسیک باش سینم اوسته اِله مهماندی بی بی
من گَرَک بوباشا بوجانیمی قربان الییَم
بیر اُوپم یاره لَرین حَظِّ فراوان اِلییم
بیر اُپوشلَه بوئورک دردینه درمان اِلییم
وئرمسَم جانیمی من عشقیده نُقصاندی بی بی
گل اَلیمدن بی بی دوت یوخدی منیم اَل دوتانیم
قویما بو شمع شب اَفروزیدن ایندی اوتانیم
دوت اَلیمدن بوباشین باشینه بیر یول دولانیم
خسته پروانیه چون شمع شبستاندی بی بی
بیلورم هرقوناقون دَهریدَه چوخ حرمتی وار
احترام اِیلیَسن هرقوناقا لذتی وار
ولی نینیم بویرون نَه سویی نه شربتی وار
اولان اَلده قوری جاندی اودا قرباندی بی بی
شاعر : صبری
منبع: کانال کنزُ الشُّعَراء
موضوع: حضرت رقیه (س) احوالات ,
زبان شعر و شاعر: نوحه ترکی , صبری
ـــــــــــــــــــــــــــــــــ
احوالات حضرت رقیه (س)
کربلا سمتینه ای باد صبا ایله سفر
ئولور اکبر باجیسی اکبریمی ایله خبر
سویله صد پاره اولان نعشی گوزل قارداشیما
گلدی ویرانه بوجاقیندا نه ایشلر باشیما
اگلشوب گرد یتیمی گوزمه هم قاشیما
قاچمیشام بس کی اخا یاره اولوبدور ایاقیم
گورسدور حالتیمی بوگوورن دیل دوداقیم
سن گِئدنّن بو بدن توش اولونوب چوخ مُحنه
اُوقدر واردی سوزوم حیف اولا گلمور سخنه
بَلکده قالمیا عمروم علی جان سن گلنه
بَنزورَم بیر یورولان قوش کی دوشو بدی قفسه
اَزیلوب قول قنادیم چاتمیشام آخر نفسه
ئوز خیالیمده چوخ ایامی مُرور اِیلمیشم
یصربین کوچه لریندن من عبور ایلمیشم
عالم عشقیده بیر یرده قُصور ایلمیشم
من نجه قلبیمی تیغ غمیلن بولممیشم
آتا قارداشیم ئولوب ایندیَجک ئولممیشم
ئوزخیالیمده باباملان دانیشوب غم آچارام من
دییرم کی او گلن یولّارینا گول ساچارام من
بابا جان سویلیوب آغوشینه ساری قاچارام من
بوسینان قلبیمیلن فوری بارشیدیّرام اونی
کوسموش اولسا گرمنیلن من دانیشدّیرام اونی
چشم گریان نَچِه مدت یازیلوب قالدی رقیه
آغلیوب هرایکی دنیایَه شرر سالدی رقیه
عاقبت رأس حسینی قوجاقا آلدی رقیه
گولونن گول بِجرن لحظۀ دیداره چاتوب
کسیلن باشی رقیه دیزینین اوسته آلوب
دئدی ای گوزلریمی یولدا قویان آچ گوزوئی
قانیلن یاتما بوتشت ایچره اویان آچ گوزوئی
گلمیوبدی ئوزومه سیلی ووران آچ گوزوئی
أل ایاقدان آچیلو بدی بابا جان بَندِ رسن
قویمارام قولّاریمین ردّ طنابین گورَسن
گوزون آچ نیزه باشیندا دانیشان حق سوزی باش
قلبینی تیر عدو یاره لیین آلنینی داش
دِئمرم من سوزومی سن اله آسرارووی فاش
دی ِمنه خولی اِئوینده باشووا گلدی نلر
دِئمرم من قیچیمون یاره لریندن سو گلر
دِئمرم صورتیمه سیلی ووروب زجردنی
ساچلاریمنان یاپیشوب یرده سوروندوردی منی
سَبّ اِئدردی گجه چوللّرده قالان وَقته سنی
من دییردیم بابامون آدینی آلما دیلووه
اودییردی دییرم آرتیق اولا نیسگیلووه
بابا آچ گوزلرووی باخ بو پریشان قیزووا
طاقتین اَلدن آلان آتش هجران قیزووا
شهر غربتده اولان بی سرو سامان قیزووا
بنزورم ماهیه من آیری دوشوب دریادن
بیر باخیش باخ منه تا جان قوتاریم مأوادَن
شوره گلدی قلمیم دیلَدَه کی احساس کیمین
گوزومون یاشی داموب دفتره الماس کیمین
دوشدی دیلدن بالا قیز برگ گل یاس کیمین
تازه دن بانگ عزا عالم اِمکانی آلوب
کُنج ویرانیده زینب بالاجا قبری قازوب
وار یِری سنگ مزارینده بونوعیله یازا
پنجم ماه صفر حَشرَه کیمن اولدی عزا
رادیو موج پیام گرچه چالور طَبل و سازا
« صبری» سن وئرمه قولان هرچالینان آهنگه
دیلده یاس ساخلا آجیندان یخییلان دلتنگه
شاعر : صبری
منبع: کانال کنزُ الشُّعَراء
موضوع: حضرت رقیه (س) احوالات ,
زبان شعر و شاعر: نوحه ترکی , صبری
ـــــــــــــــــــــــــــــــــــــــــــــ
در سوگ آن ستمزدگان بحر و بر گریست
هر چاندر آسمان و زمین خشک و تر گریست
آن شب زمین به حالتشان سختتر گداخت
آن شب زمان به زاریشان زارتر گریست
کاندر خرابه دختر خردش رقیه نام
چون شمع صبح از سر شب تا سحر گریست
صحرا به تاب سینه وی چون شرر گداخت
دریا به آب دیده وی چون شمر* گریست
شمعی به بزم ماتمیان همچو او نسوخت
چندانکه غرق اشک فتد تا کمر گریست
چون مرغ پر شکسته و گم کرده آشیان
بر پای دام حادثه سر زیر پر گریست
از زخم نای و آبله پای و طعن نی
از رنج راه و سختی و طول سفر گریست
نه چشم آب و نان نه تمنای برگ و ساز
نی طمع خوان نه برهوس ما حضر گریست
بهر پدر- نه ظلم و ستم بهر خو یش بود
هرچ اندر آن خرابه بی بام و در گریست
زاندیشه ی مدار وی آن روز شمس سوخت
در فکرت حیات وی آن شب قمر گریست
دردا که این قضیه هنوزاست ناتمام
چندانکه بختم از تف دل باز مانده خام
شاعر : مرحوم صفائی جندقی
!!! لطفا با نام کانال گنجینه گذشتگان کپی کنید !!!
موضوع: حضرت رقیه (س) احوالات ,
زبان شعر و شاعر: نوحه فارسی , صفایی جندقی
ـــــــــــــــــــــــــــــــــــــــــــ
از تمنای مرگ لبریزم
نو بهاری اسیر پاییزم
آمدی و به احترام سرت
نشد از جای خویش برخیزم
در مدینه چه خوب فهمیدم
روی دوشت عزیز یعنی چه
حال اما سوال من این است
ای پدر جان کنیز یعنی چه
با تمامی سن و سال کمم
درد عشقی کشیده ام که مپرس
آنقدر روی خارها پی تو
پا برهنه دویده ام که مپرس
از ازل تو نصیب من بودی
عشق تو سهم این و آن که نبود
پای بوسیدن لبت لب من
کمتر از چوب خیزران که نبود
زن غساله را خبر نکنید
من که غسلی به تن نمی خواهم
بعد از آن پیکری که عریان شد
دیگر اصلا کفن نمی خواهم
شاعر : على آمره
موضوع: حضرت رقیه (س) احوالات ,
زبان شعر و شاعر: نوحه فارسی , على آمره
ــــــــــــــــــــــــــــــــــــــــ
اهل دنیایه رقیه عشقین اعلا ن ایلدی
کاخ ظلمی تیشه آهیله ویران ایلدی
تا مقیم اولدی دیار شامده، گل پیکری
گوشه ویرانه نی رشگ گلستان ایلدی
خانه خانه گزدی شطرنج محبت قلعه سین
عشقیده شاهی ، گدانی مات و حیران ایلدی
مکتب توحیده تبدیل ائتدی اول ویرانه نی
شامده تبلیغ دین ، احیای قرآن ایلدی
بیر نئچه گونده صفا لا ندیردی بو جنت گلی
گلخن ویرانه نی گلزار رضوان ایلد ی
زمزم اشکیله آرتیردی صفا ، ویرانیه
کعبه ارباب عشق و اهل ایمان ایلدی
سالک کوی محبت ائتدی هو حق،ذ کرینی
اول خرابه منزلی بیر بزم عرفان ایلدی
آیه آیه مصحف عشق و وفانین سوره سین
بیر به بیر عاشق لره تفسیر و اعلان ایلدی
دوزدی زنجیر اسارتدن شکایت ائتمدی
هر مصیبتده ، بلاده شکر یزدان ایلدی
اولدی گل، خار مغیلان قوردی باش هر بیر قدم
گل ایاقون اوپدی اخذ شوکت و شان ایلدی
ائتدی بوینوندا بلا زنجیرینی طوق شرف
باشدا قمچی یاره سین تاج زر افشان ایلدی
نه شکایت ساربان لاردان نه شکوه ناقه دن
نه گلایه قمچیدن یوللاردا عنوان ایلدی
یاندی سس سیز شمعه پروانه یانان تک دینمدی
عمه سین یاندیردی یاخدی باغرین آلقان ایلدی
باشینه جمع اولدی عشقینده یانان پروانه لر
یانماقا اوز جانینی شمع شبستان ایلدی
بیر گئجه یاتدی آتاسین گوردی رویاده خانم
تا آییلدی ، آرزوی وصل جانان ایلدی
ناله ائتدی بو تمناده آییتدی عمه سین
باشلادی هجران الیندن شکوه بیر آن ایلدی
عمه جان سویله ندن گلمیر بابام بو منزله
باغریمی آخر منیم قان درد هجران ایلدی
اول گئجه زهرا کیمی آچدی دعایه اللرین
باشلادی راز و نیاز حی سبحان ایلدی
گوردوم اللهدان ئولوم ایستور آنام زهرا کیمی
بو تمنا فکریمی پوزدی پریشان ایلدی
سویلدیم آخر قیزیم بونه دعا دور ایلوسن
گوردوم اشکین تو کدی گوزدن شور و افغان ایلدی
سویلدی عمه حیاتیمدان داها من دویموشام
قلبیمی بو سوزهجران یاندیروب قان ایلدی
آغلادی ویرانیه آخر گتوردی یارینی
درد بی درمانینه ، وصلیله درمان ایلدی
چکدی جان تک باغرینا جانان باشین مین شوقیله
ایگلیوب اوپدی او باشی زیب دامان ایلدی
دوزدی هجره شوق وصل یاریله ویرانه ده
عاقبت جانا نینی بیر لحظه مهمان ایلدی
شمع تک یاندی سو اولدی عاقبت اولدی خموش
بیر چمن پروانه نی بو غمده سوزان ایلدی
اولمادی آسوده خاطر بیر نفس ویرانه ده
عاقبت اوز جانینی جانانه قربان ایلدی
ائتدی جان تسلیم اوز جانانینه (شبخیز) باخ
باصفا قبرین زیارتگاه رندان ایلدی
شاعر : مرحوم شبخیز
موضوع: حضرت رقیه (س) احوالات ,
زبان شعر و شاعر: نوحه ترکی , عباس شبخیز
ــــــــــــــــــــــــــــــــــــــــــــ
ای چراغ شب شهادت من
ای تماشای تو عبادت من
جان من! باز بر لب آمده ای
آفتابا! چرا شب آمده ای
داغ تو ذره ذره آبم کرد
لب خشکیده ات کبابم کرد
حیف از این لب و دهن باشد
که بر او چوب، بوسه زن باشد
اشک و خون، جاری از دو عین من است
بوسهء من شهادتین من است
گلوی پاره پاره آوردی
عوض گوشواره آوردی
از گلوی تو پاره تر، جگرم
از سر تو شکسته تر، کمرم
طفل قامت خمیده دیده کسی؟!
مثل من داغدیده، دیده کسی؟!
قامت خم گواه صبر من است
گوشهء این خرابه قبر من است
نیزه بر صورتِ تو چنگ زده
که به پیشانی تو سنگ زده؟
در رگ حنجر تو دیده شده
که سرت از قفا بریده شده
تازیانه گریست بر بدنم
بدنم شد به رنگ پیرهنم
تنم از تازیانه آزردند
چادر خاکی مرا بردند
آفتاب رخم عیان گردید
در دو پوشش رویم نهان گردید
ابر سیلی به رخ حجابم شد
خون فرق سرم نقابم شد
سیلی از قاتلت اگر خوردم
ارث مادر به کودکی بردم
شامیان بی مروّت و پستند
دختران را به ریسمان بستند
همه را با شتاب می بردند
سوی بزم شراب می بردند
من که کوچکتر از همه بودم
راه با دست بسته پیمودم
نفسم در شماره می افتاد
در وجودم شراره می افتاد
بارها بین ره زمین خوردم
عمّه ام گر نبود می مردم
تا به من خصم حمله ور می شد
عمّه می آمد و سپر می شد
بس که عمّه مدافع همه شد
پای تا سر شبیه فاطمه شد
شاعر : حاج غلامرضا سازگار
موضوع: حضرت رقیه (س) احوالات ,
زبان شعر و شاعر: نوحه فارسی , غلامرضا سازگار
ـــــــــــــــــــــــــــــــــــــــــــــــــ
ویران سرایم امشب شد میهمان سرایم
این‌جا که خیزران نیست قرآن بخوان برایم
هر شب صدات کردم امشب دعات کردم
یا در برم بمانی یا همرهت بیایم
زهرا عذار نیلی نگشود بهر حیدر
من هم به محضر تو صورت نمی‌گشایم
گر افکنی جدایی در بین جسم و جانم
دیگر به جان زهرا از خود مکن جدایم
من دختر حسینم هم‌سنگر حسینم
ماه صفر محرم، شام است کربلایم
خواهم در این خرابه دور سرت بگردم
دیوار گشته حائل، زانو شده عصایم
دیشب به شوق وصلت تا صبح گریه کردم
امشب بگو اسیران گریند در عزایم
کی گفته در خرابه شب‌ها گرسنه خفتم؟
بعد از تو بوده هر شب خون جگر غذایم
دانی چرا عدویم تا حد مرگ می‌زد؟
فهمیده بود از اول من دخت مرتضایم
تا دور او بگردم تا دست او ببوسم
ای کاش همرهت بود عموی با وفایم
هر چند روسیاهم آلوده‌ی گناهم
مولا بگیر دستم من (میثم) شمایم
شاعر : حاج غلامرضاسازگار
موضوع: حضرت رقیه (س) احوالات ,
زبان شعر و شاعر: نوحه فارسی , غلامرضا سازگار
ــــــــــــــــــــــــــــــــــــــــ
احوالات حضرت رقیه (س)
ــــــــــــــــــــــــــــــــــــــــ
تمام باجیلارین آرزوسی وار ایکاش
ئولنده قویسون اونی قبره مهربان قارداش
خصوص بیر باجی کی قارداشا قالا حسرت
دلنده از بر اولا قارداش آدی بیر مدت
رقیه ده چوخ ایدوبدور علی علی ازبر
ندن خرابیه بس گلمدی علی اکبر ؟
نه شاد اولوب آچیلوب قلبی نه یوزی گلدی
علی علی دیدی یولدا قالوب گوزی ئولدی
اولونجه سسلدی گل هارداسان علی اکبر
اولور خرابه ده باجون سنون یولون گوزلر
بو سهلدور که علی اکبر ایتمدی اونی یاد
قویانمادی باجیسین قبره سید سجاد
صریح یوخدی یازان کیم قویوب اونی قبره
دونه سزادی حسینی لرین گوزی ابره
بو دور عقیدم اونی غسل ویردی زینب اوزی
قابار ایاقلارینا جسمینه ساتاشدی گوزی
هنوز گوردی ایاقینده زخم آبله وار
دیریلیقی کیمی بوینوندا جای سلسله وار
نحیف جسمینه باخدوقجا سینه داغلاردی
دلنده وای بالا وای سس چکردی آغلاردی
گلوبدی گوز یاشی موجه قلم سوزی آزدی
رقیه قبرینی معلوم اولان خانم قازدی
خانملار ایتدی کمک لیک او معدن صبره
قویوب علی قیزی قارداش بالاسینی قبره
شاعر : مرحوم حسینی سعدی زمان
موضوع: حضرت رقیه (س) احوالات ,
زبان شعر و شاعر: نوحه ترکی , حسینی سعدی زمان
ـــــــــــــــــــــــــــ
حضرت رقیه (س)
ـــــــــــــــــــــــــــ
یاس کبود صورت او التهاب داشت
معجراگرچه سوخته بود،اوحجاب داشت
گرچه به سمت آن تن بی سر پناه برد
هر گوشه رفت همره خود ،یک سپاه برد
طفل سه ساله قامتش از غم خمیده بود
بوی طعام شمر به صحرا رسیده بود
بر روی نیزه اشک علمدار جاری است
زجر لعین موظف یک سر شماری است
هر درد و قصه ای که بگویی چشید او
باسیلی عاقبت به خرابه رسید او
در پای غرق تاول او خار رفته بود
قد خمیده مجلس اغیار رفته بود
اشک سه ساله در دل صحرا سرود بود
ای عاشقان دو گونه ی سرخش کبود بود
موضوع: حضرت رقیه (س) احوالات ,
زبان شعر و شاعر: نوحه فارسی
ــــــــــــــــــــــــــــــــــــــــــــــــــــــــ
متن نوحه حضرت رقیه (س) احوالات
ــــــــــــــــــــــــــــــــــــــــــــــــــــــــ
امشب به دامن من خورشید آرمیده
یا ماه آسمان ها در کلبه ام دمیده
دختر همیشه جایش آغوش گرم باباست
کس روی دست دختر رأس پدر ندیده
از دل، چراغ گیرم از اشک، گل فشان
از زلف، مشک ریزم بابا زره رسیده
از بس که چون بزرگان بار فراق بردم
در سن خُردسالی سرو قدم خمیده
بابا چه شد که امشب با سر به ما زدی سر
جسمت کدام نقطه در خاک و خون طپیده؟
هم کتف من سیاه است، هم روی من کبود است
هم فرق من شکسته، هم گوش من دریده
داغم به دل نشسته آهم زسر گذشته
چشمم براه مانده اشکم به رخ چکیده
از بس پیاده رفتم پایم زراه مانده
از بس گرسنه خفتم رنگ زرخ پریده
تو رفع تشنگی کن از اشک دیدۀ من
من بوسه می ستانم از حنجر بریده
انگشت های عمّه بگرفته نقش گُلزخم
از بس نشسته و خار، از پای من کشیده
جسمم رود شبانه در خاک مخفیانه
یاد آورد ززهرا (س) دفن من شهیده
خفتم خموش و دادم بر بیت بیت «میثم»
صد محنت نگفته صد راز ناشنیده
شاعر : استاد غلامرضا سازگار (میثم)
موضوع: حضرت رقیه (س) احوالات ,
زبان شعر و شاعر: نوحه فارسی , غلامرضا سازگار
ـــــــــــــــــــــــــــــــــــــــــ
آدون اگرچه مصیبتدی غمفزادی رقیه
گوزل مقام وضریحون نه باصفادی رقیه
وفالی عمه وین عطری گلورگوزل حرموندن
یوزون قویوب یوزیوه سنله همصدادی رقیه
خانم خرابه نی دوندر میسن بهشت برینه
بهشت غبطه ائده قبر یوه سزادی رقیه
قاپوندی باب الحوائج آدوندی فیض ونتایج
طنابه باغلانان اللر گره گشادی رقیه
خانم ایاقلار یوین توختویوبدی زخم قباری
ویاگنه دولانا بولموسن یارادی رقیه
اوقدری گوزیاشی توکدون خرابه ده گئجه گوندوز
نه گوزیاشی دییه سن درّ شبنمادی رقیه
همان گئجه باباوین باشینی خرابه ده گوردون
دئدون بابا یارالی باشوه فدادی رقیه
منی بو خیر داجا سنیمده کیم یتیم ائلیوبدی
ترحم ایلمدی درده مبتلادی رقیه
بوغازیوین شل اولیدی داما رلارین کسن اللر
فدای رأس ذبیحا من القفادی رقیه
بابا گوزوندن ایراق شمر سیلی ووردی یوزومدن
ترحم ایلمدی زار وبی نوادی رقیه
باباخرابه ده هئچ کس منیم هرایمه گلمز
بوگوشه ده غم واندوهه آشنادی رقیه
نه اکبریم گلوری نه عموم نه قاسم عم اوغلوم
دچار مهلکهٔ درد بی دوادی رقیه
اوگونلریم ها راگئتدی هامی آلاردی قوجاقه
خرابه دی هامی ئل طا یفادان جدادی رقیه
باخور جمالیمه دشمنده رحم ائدیر منه آغلور
قالوب یامان گونه بیر غملی ماجرادی رقیه
یارالی باشووی من قویمارام یره قوجاقیمدان
منی قوجاقوه چوخ آلمیسان رضادی رقیه
یاواش یاواش اُپرم لبلرون یارالیدی اینجیر
اذیت ایلمرم عهده بافادی رقیه
نولیدی بیرده گوریدیم اوتورمشام قوجاقوندا
نه غم نه غصه نه مظلوم اشقیادی رقیه
بیلکلریمده توان یوخ آلام قوجاقیمه باشون
یخیلمیشام با شون اوسته سنه فدادی رقیه
کریمی درگهه کشکول آسوبدی سفره سالوبدی
بولور علی نوه سی منبع سخادی رقیه
شاعر : کریمی مراغه ای
موضوع: حضرت رقیه (س) احوالات ,
زبان شعر و شاعر: نوحه ترکی , کریمی مراغه ای
ــــــــــــــــــــــــــــــــــــــــ
قالوب خرابه ی شاماتیده بنات علی
شکسته نی کیمی گلدی نوایه آل علی
یاتوب گل اوزلی اوشاقلار هامی قوری یرده
بلالی زینبی مطلق گتوردولر درده
چوخ آه و زار ائلیوب بیر گجه رقیه ی زار
یاتوب گوروب آتاسین خوابدن اولوب بیدار
اویاندی چون یوخودان اضطراب وحشتیله
باخوب اویان بویانا منتهای حسرتیله
یاپیشدی دامن زینبدن عرض ائدوب عمه
بابام خرابیه گلدی نه تئز گئدوب عمه
کسوب سبب ندی تئز التفاتینی مندن
علاج ائله بابامی ایمدی ایستورم سندن
نقدر وئردی تسلی رقیه ی زاره
که بلکه ساکت اولا گوردی اولموری چاره
گلوب او دم اورگی درده باشلیوب ناله
یتیشدی نوبت شیون صغیر اطفاله
رقیه شمع عزا دوره سینده اهل حرم
قوروب او محفل ماتمده حلقه ی ماتم
خرابه گوشه سینی ائتدیلر عزاخانه
اسیرلر هره بیر یاندا گلدی افغانه
بیری دیردی اوغول ای شبیه پیغمبر
آنان نه گونلره سنسیز قالوب علی اکبر
بیری دیردی طویی یاس اولان جوانیم اوغول
مراده یتمین عالمده مهربانیم اوغول
گلنده سوز دلیله سکینه فریاده
ائدردی پرده ده ناله عروس داماده
گل ای ائدن منی درده دچار عم اوغلوم وای
گجه گونوز ائدرم آه و زار عم اوغلوم وای
دیردی شوریله کلثوم ، ای رشید عباس
خرابه ده آنالار کیمی دوتموشام سنه یاس
گلوب خرابه ده بیر منزل و مکانیمه باخ
سالوب نه حاله منی گور فلک گوزوندن ایراخ
کیمی اوغول کیمی قارداش دیوب سیزیلداردی
سالوب خیاله هره اؤز عزیزین آغلاردی
خرابه دن اوجالوب ناله گوگلره دایانیب
او خواب غفلتیله خوابدن یزید اویانوب
دئدی نه سسدی منی ائتدی نصف شب بدخواب
او سست خواب غروره وئریلدی بیله جواب
عزیز فاطمه نین اوچ یاشیندا بیر قیزی وار
گوروب آتاسینی رؤیاده آغلوری او نزار
قویور نه عمه لرین نه اؤزی دوتور آرام
او طفل آغلادور اولاد مصطفانی تمام
گئدون ائدون دئدی آرام او طفل معصومی
خرابیه آپارون رأس شاه مظلومی
فغان او وقت خانم زینبه ویریلدی خبر
گلور خرابیه راس شهید تشنه جگر
دیدی رقیه دیوللر شه حجاز گلور
ایاقه دور آتاوی ایله پیشواز گلور
دوروب ایاقه یریندن قاچوب صول و صاقه
خرابه نین قاپوسیندا دوشنده تپراقه
دیدی که ایمدی ایده بولمرم ایدم اعزاز
ایاقی آتدا ایدیم قوی یوزیمی پای انداز
کسلّه رسمدی قربان عزیز مهمانه
گلور منیمده گمانیم بو ناتوان جانه
بسان سایه سالوب عکس گوزیاشی اوسته
گوزون آچاندا گوروب گون گلوب باشی اوسته
ایدوب خرابه نی روشن سر امام شهید
طلوع ایدوب گجه وقتی خرابه ده خورشید
جمالی طشت طلا ایچره آفتاب کیمی
یوزونی قان بورویوب سرخی سحاب کیمی
خرابه دن اوجالور دمبدم فلک لره نور
اولوب او نوریله ویرانه رشک وادی طور
تجلی ایتدی پس پرده دن جمال الله
مقام بهتده محو جمالی آل الله
عیالینین یوزونه بیر به بیر نظر سالدی
او قانلی گوزلری اما رقیه ده قالدی
آتا محبتی گلدی رقیه ده جوشه
باسوب او قانلی باشی حسرتیله آغوشه
یوزون قویوب یوزونه گیتدی سینه سینده تاب
یخلدی دوردی گلوب نالیه بسان رباب
دیدی بابا نیه بس ایتموسن یوزومه نظر
بیله گلور آتالار گورماقا عیالی مگر
سنون جمالیوا مدتدی قالمیشام حسرت
دوشوب اله نچه مدتده بیر بیله ساعت
بو قدر بول گَله لی شامه گولمیوبدی یوزوم
خرابه ده گجه گوندوز قالوب یولوندا گوزوم
یتن زماندا ولی دامن وصالون اله
صاقا صولا باخورام قورخورام که شمر گله
اگر گله گوره شرم ایلمز یانوندا وورار
یوزومه بسکه ووروب سیلی ایمدیده یری وار
دیمزدی الماقوی بس ندن بی بیم زینب
بو نوع گلماقی نیلوردوم ای امیر عرب
باشوی هانسی ستمگر بدندن ائتدی جدا
من صغیر و یتیمه بو ظلمی بولدی روا
بویور محاسنوی قانیله کیم ائتدی خضاب
جواب وئر منه منده سؤاله قالمادی تاب
بو شامده بولوسن من چکن مصیبتی سن
منِ یتیمی گوزوندن کنار ایلموسن
همان سکینه که جان تک اؤزون دوتادون عزیز
عزیزه دین آدینا شامیده دیولدی کنیز
ز بس سنی گتوروب تنگه طعنه ی اغیار
اماندی هر یره گتسن منی یانونجا آپار
مکدّر اولماسا گر خاطرون سوزوم چوخدور
ولی اوزونده بولورسن دئماقلیق آرتوقدور
دئدوقجا دردینی دردی اورکده ایلدی جوش
او قدر آغلادی دلدن دوشوب اولوب خاموش
دوداقینه یتشوب جان گره لنوب نفسی
زلال شهد وصال ایچماقا اولوب هوسی
آتا بالا هر ایکیسی دوداق دوداقه قویوب
گورنده جان کیمی شیرین او قدر اَموب که دویوب
مریض عشقه لب لعلی تازه جان وئردی
آتا باشی بالانین سینه سینده جان وئردی
«حقیر» سن یازانی اشگ دیده ایلدی مهو
سوزون ایتورمه دوباره یازاندا اولمیا سهو
شاعر : مرحوم حقیر خویی
موضوع: حضرت رقیه (س) احوالات ,
زبان شعر و شاعر: نوحه ترکی , حقیر خویی
ــــــــــــــــــــــــــــــــــــــــــــــــــــــــــــــــــ
متن نوحه ترکی احوالات حضرت رقیه (س)
ــــــــــــــــــــــــــــــــــــــــــــــــــــــــــــــــــ
تاپوب باشونلا بو ویرانه چوخ صفا یارالی
یارالی باشیوه جانیم اولا فدا یارالی
نَه وقتیدور یولووا منتظر قالوبدی قیزون
سنی مدام باجوندان سراغ آلوبدی قیزون
دوزوب فراقه، وصالی اَله سالوبدی قیزون
گلوبدی باشینه هر چند چوخ بلا یارالی
بلا چولونده اوموقع کی سندن آیریلدیم
مثال بلبلِ شیدا چمندن آیریلدیم
نه نوعیله او یارالی بدندن آیریلدیم
اوحالی سن بولوسن بیر بولور خدایارالی
چوخور مکاندابابا گل تک ایگلینده سنی
او حالیم ایلدی آزرده قومِ اَهرمنی
ویرا ویرا منید سندن آیردی شمر دَنی
نه بی مروّتیمیش شمرِ بی حیا یارالی
بلا چولونده اُفول ایتدی بخت کوکبیمیز
دیارِ کوفیه یوللاندی غملی موکبیمیز
اولوبدی تارگونوز، تیره تر اولوب شبیمیز
زِ بس شماتت ایدوب قومِ اَشقیا یارالی
قرار و صبریمیزی الدن آلدیلار او گیجه
حریم عصمتی زندانه سالدیلار او گیجه
بالالارون ایله بیر حاله قالدیلار او گیجه
ایدوبله صبحه قَدَر نی کیمی نوا یارالی
جفای کوفه بولورسن یتیشمز اِتمامه
چکوبله بیزلری قُل باغلی کوفه دن شامه
میانِ راهیده امّا بیر آیری هنگامه
رقیّه وی ایلیوب درده مبتلا یارالی
منی .دچار ایلیوب زجرِ شومه چرخ دنی
یتونجه شامه اوظالم گتوردی جانه منی
ویراندا سیلی منه، داده سسلینده سن
منه گولردی شماتتله اول دغا یارالی
بابا بلالی قیزون ناقه دن دوشن گیجه ده
برهنه پائیله هی صاق صولا گزن گیجه ده
آنان اوچولده گلوب دادیمه یتن گیجه ده
دُیونجا آغلامیشوق دوتموشوخ عزایارالی
وفالی عممه چوخ دردسر یتوب مندن
منه اوزون سپر ایلوبدی جور دشمندن
ویریبلا قمچی، اودور شرمسارم عممدن
اودورکی پیکری یکسر اولوب یارا یارالی
فدا اولوم گوزووه آچ گوزون بیر ایله نگاه
قوری یئر اوستونی ایلوب منام آل الله
ندن سالوب بیزی بو حاله فرقه ی گمراه
بو ظلمی کافره گورمزله هیچ روا یارالی
آخوبدی داش یاراسیندان دوتوبدی قان گوزووی
سالوب خسوفه تنورون کولی بو مه یوزووی
یارالیدور دوداقون، سن دینموسن سوزووی
اذیته دوشه سن ، اولمارام رضا یارالی
نویدی گُل مَثَلی غصه دن سولوبدی بابا
آدون گلنده بولود تَک گوزی دولوبدی بابا
اگرچه بحرِ معاصیده غرق اولوبدی بابا
منه گوره دوت اَلین ایلمه رها یارالی
شاعر : نویدی
موضوع: حضرت رقیه (س) احوالات ,
زبان شعر و شاعر: نوحه ترکی , نویدی
ــــــــــــــــــــــــــــــــــــــــــــ
بنال ای دل نوا دارد رقیه
به هر دردی دوا دارد رقیه
مرض او را ز پا انداخت ،امّا
مریضان را شفا دارد رقیه
سه ساله کودک و این اوج عزّت؟
مدال مرحبا دارد رقیه
بیا یا فاطمه اندر خرابه
عزای بی ریا دارد رقیه
بدور از دیدهٔ بیگانه امشب
سخن با آشنا دارد رقیه
ز دست ساربان و زجر و خولی
به بابا شکوه ها دارد رقیه
ز خونین چهره میبوسید و می گفت
غم بی انتها دارد رقیه
بیا ای یار پیشانی شکسته
که با مهمان صفا دارد رقیه
چه با جا آمدی ای جان جانان
ببین جا در کجا دارد رقیه
از آن روزی که افتادی به مقتل
دل پر ماجرا دارد رقیه
دلم در قتلگاه و جسمم اینجاست
وطن در کربلا دارد رقیه
بمیرم از چه لبهایت کبود است
بگو محشر به پا دارد رقیه
پدر بر چهره ام یک دم نظر کن
رُخ زهرا نما دارد رقیه
به جرم عاشقی جان بر لب آمد
شکایت زاشقیا دارد رقیه
خدا خواهد اگر ،می میرم امشب
که هر شب این دعا دارد رقیه
موضوع: حضرت رقیه (س) احوالات ,
زبان شعر و شاعر: نوحه فارسی
ــــــــــــــــــــــــــــــــــــــــــــــــــ
احوالات حضرت رقیه (سلام الله)
ــــــــــــــــــــــــــــــــــــــــــــــــــ
درباره خبر ویردی نگهبان خرابه
جان ویردی گلون بلبل خوشخوان خرابه
زینب ئوزین ئولدوردی قالوب یرده جنازه
یکسر پوزولوب جمع پریشان خرابه
غساله اگر گئج گله قالماز بیری سالم
وحشتدن هلاک اولدی بو طفلان خرابه
القصه یزیدی اوگجه ایلدی بدخواب
آه دل مظلومه زندان خرابه
گوردی که اگر صبح آچیلا ظلمی اولارفاش
امر ایتدی گجه دفن اولا سلطان خرابه
بعلت نارضایتی خانواده مرحوم منزوی فقط پنج بیت اول
از اشعار و تخلص ایشان به اشتراک گذاشته میشود
سسلندی قرایللر ایدون دردیمه چاره
تپراق سووروم باشه توکون سیز بو مزاره
شاعر : مرحوم منزوی
موضوع: حضرت رقیه (س) احوالات ,
زبان شعر و شاعر: نوحه ترکی , منزوی اردبیلی
ـــــــــــــــــــــــــــــــــــــــــــــــ
گلون گلون بالام ئولدی دوتون عزا بالاما
عزاسی خوار اولا سیز گورمیون روا بالاما
وطندن ائلدن ال اوزدی خرابه ده قالدی
بو غربت ئولکده یوز ویردی ابتلا بالاما
ویروبدی جان قوری توپراقلار اوسته حسرتیله
سزادی آغلیاسوز سیزده بر ملا بالاما
حجاز بلبلی دی سیز بو شام شهرینده
گلون نوایه ائدون شوریله نوا بالاما
مریضدی بالامین اولمادی بولن مرضین
نه بیر طبیب تاپیلدی نه بیر دوا بالاما
وورا وورا بالامی ساربانلار ئولدوردی
ئولونجه آغلاسام آزدور یانایانا بالاما
گلنده شیونه دشمن ویراردی قمچی اونا
ترحم ائتمزدی قوم اشقیا بالاما
دولاندی باغری جفادن چو لاله قان اولدی
زبسکه ایتدی جفا فرقه جفا بالاما
دیردی عمع هانی قارداشیم عم اوغلوم عموم
اولوردی مد نظر خویش و اقربا بالاما
بابا دیردی سیز یلداری دائم آغلاردی
تسلی بیر ویرن اولمازدی بینوا بالاما
علی اکبر ادین سالمادی بیر آن دلدن
ئولونجه ورد زبان اولدی وا اخا بالاما
علی اصغری هر دم گورردی رویاده
دیردی یوز نه ویروب محنت و بلا بالاما
سالوب خیاله بو نسگیلرین اوزوم یانانم
نقدر وار نفسیم ائلرم بکا بالاما
گیدوب کنار مزارینده (ذوقیا) سویله
گلون گلون بالام ئولدی دوتون عزا بالاما
شاعر : مرحوم ذوقی
موضوع: حضرت رقیه (س) احوالات ,
زبان شعر و شاعر: نوحه ترکی , ذوقی
نظرات (۰)