اطرافه باخدی گورمدی پیر و جوانلارین - روضه سوزناک حاج سیدمحمد عاملی برای تنهایی امام حسین
دانلود صوت کامل روضه سوزناک تنهایی حضرت ابا عبدالله الحسین علیه السلام در روز عاشورا با نوای جانسوز حاج سیدمحمد عاملی - اطرافه باخدی گورمدی پیر و جوانلارین - سال 1390
روضه خوانی سوزناک و جانسوز حاج سید محمد عاملی - اطرافه باخدی گورمدی پیر و جوانلارین
متن نوحه اطرافه باخدی گورمدی پیر و جوانلارین
اطرافه باخدی گورمدی پیر و جوانلارین
گلدی مخاطب ایتدی قوم اوسته یاتانلارین
.
ای قانه غرق اولان شهدا سس ویرون منه
یالقوزلیوب حسینی بلا سس ویرون منه
.
ای با وفا ظهیر و یا مسلم و حبیب
مردان عشقباز خدا سس ویرون منه
.
قیزلاریمون ایشیدمیوسوز آغلاماقینی
روحوز سیزون گیدوبدی هارا سس ویرون منه
.
اولمازدی من سیزی چاغورام بی جواب اولام
حتما سیزی یوروبدی یارا سس ویرون منه
.
سعد اوغلی تک گوروبدی حسینی نه یاتمیسوز
ایستور قوشون خیامه دولا سس ویرون منه
.
بو قدری لشگری دیوری کیمدی قیترن
غش ایلیوبدی زین العبا سس ویرون منه
.
رسم عربله جنگ ایلمور فرقه شریر
نا اهل لشگره نجه گور اولموشام اسیر
.
سالمون منی فشاره دیدیم ویردیلار منی
حق سوز بو اهل ناره دیدیم ویردیلار منی
.
زهرا آنامدی خاتم پیغمبر اوغلیام
بو قوم حیله کاره دیدیم ویردیلار منی
.
گتدوم خیامه قیزلاریم آغلاتدیلار منی
گلدوم بو قومه چاره دیدیم ویردیلار منی
.
سیزدن صورا من اصغری گتدیم سو آلماقا
یاندی بو شیرخواره دیدیم ویردیلار منی
.
بیر اوخ گلوب ایکی میزیده ایلدی هدف
حلقومی اولدی پاره دیدیم ویردیلار منی
.
ایتدوم جدایه تکیه بر آز بلکه دینجلم
درد دلیمی یاره دیدیم وردیلار منی
.
ترپندی ناگهان شهدانون جنازه سی
نیم خیز اولوبلا ایستدیلر جنگ اجازه سی
.
فخر ایلوروق یولوندا سوسوز چیخدی جانیمیز
اولدی نثار مقدمیوه آخدی قانیمیز
.
لبیک یا بن فاطمه ایسته اللهیدن
بو دوغرانان بدنلره گلسون روانیمیز
.
اول بلی دیوبدی بیزیم روحیمیز سنه
عشقون اولوب بیزیم شرف جاودانیمیز
.
هر قطره قانیمیز گینه ده یا حسین دیر
مین یول اگر کسیلسه رگ و استخوانیمیز
.
کچدی بیر آز یخیلدی حسین وعده گاهینه
گوزدن گرک آخا یوزه اشک روانیمیز
نظرات (۰)