روضه و شعرخوانی زیبای حاج سلیم موذن زاده برای حضرت زینب - زینبه صدیقه بلالر سپری
روضه و شعرخوانی زیبای حاج سلیم موذن زاده برای حضرت زینب (س) - زینبه صدیقه بلالر سپری - محرم 62
زینب صدّیقه بلالر سپری
حضرت فاطمه نون دختر والا گهری
دولدوران وسعت و ظرفیّت فهم بشری
مرتضانون اوجا قامتلی برومند قیزی
عصمت الله بالاسی عصمته پابند قیزی
زینبه صدیقه بلالر سپری
متن نوحه زینب صدّیقه بلالر سپری
زینب صدّیقه بلالر سپری
حضرت فاطمه نون دختر والا گهری
دولدوران وسعت و ظرفیّت فهم بشری
مرتضانون اوجا قامتلی برومند قیزی
عصمت الله بالاسی عصمته پابند قیزی
بی بضاعت قلمیلن بئله شرمنده و خوار
نه وار الفاظیده وسعت نَدَه مغزیمده چیخار
گُلی بلبلدی گرک مدح ائده نه من کیمی خار
قهرمانلیق قوری بیر کلمه دی زهرا قیزینا
شیرزن لفظی یاراشمور ائله طاها قیزینا
شیره چون عادت فطریدی ائدن وقته شکار
بش که خونخواریدی قانین سوروب اوندان بوشلار
ایشیدوبسن ولی ویرانه ده بو زینب زار
وئروب اوز سهمین اوشاقلار یاتا راحت گئجه لر
آج قاریندان اوزی ایلردی عبادت گئجه لر
ای قلم شرم ائله زینب هارا بیر شیر هارا
زینبون تیغ بیانی هارا شمشیر هارا
نعرۀ شیر هارا نغمۀ تکبیر هارا
غملرون ذکریله تسبیحه سالوب آغلاردی
هر سیزیلتی سسی مین شیرون اَلین باغلاردی
تاپدی چون فیض ولادت گُل زیبای بتول
سرگذشتین ایشیدن غملرینه اولدی ملول
باجی قارداش ولی ذر عالمی ایتموشدی قبول
نه غمی زینبی عاشق یارادوبدی یارادان
بیر جهان عشقی بولوبدور باجی قارداش آرادان
گُل زهرانی گوروب کیم اورگی اَسدی گُله
بلبلون خیره لنوب دیدۀ سرمستی گُله
وئردیلر اَلدن اَله گُل یتوشوب دسته گُله
گوزلرون آچمادی معشوقی سسیندن تانیدی
باجی قارداشی معطّر نفسیندن تانیدی
آچدی زینب که حسینون یوزونه گوزلرینی
گوردی بازار محبّتده گزن مشترینی
تاپدی ذر عالمی تسبیح دئین دلبرینی
قونداقیندان چخادوب اللرین ائتدی عجله
عشق سوداسینه وئردی باجی قارداش اَل اَله
نظرات (۰)