متن نوحه قویوبلار چولده آی بابا آنام باجی ملر منی
متن کامل نوحه قویوبلار چولده آی بابا آنام باجی ملر منی
قویوبلا چولده آی بابا آنام باجیم ملرمنی
سالوبلا ئوزگه لر کیمین گوزیندن عمه لرمنی
نئجه ئوزین وررار سودا ساقا صولا سنق گمی
اوحاله قالمشام بابا گوزوم گورنده کولگمی
نه آی چخور نه کهکشان ایتورمشم دوشر گمی
اجل بهانه آختارور سراغ ایدوب گزر منی
قویوب گور ایندی بو گجه فلک کیمیله باش باشا
بیر اوچ یاشیندا قوورخولی قزی سالوبدی,داغ داشا
ایاق یارالی چاتمور ال نه باجیا نه قارداشا
من ئولسمده ئولدورر مشقت سفر منی
بو آیدا چخمور از قضا بیر آز ایشیقدا آغلیام
ایاقمون تیکانلارین چکوب جهانی داغلیام
آچوب بو کهنه معجری بولوب یارانی باغلیام
اورکده چوخدی طاقتیم ایاقیم اینجیدر منی
ئوزوه مسند ایتموسن اوجادا نوک نیزه نی
ایاقون آلتدا گورموسن ایاقلانان ضعیفه نی
گوزومده اشگ تک دوشن بالون گنه گزور سنی
یتیش هرایه بوشلامور سیاهی خطر منی
غرض قضائیلن قدر سالوب اله بهانه نی
گجیله زجر بیحیا تاپوپ او نازدانه نی
سلام وردی تتردی,گورنده تازیانه نی
ددی گوزتله ورما ای لعین فتنه گر منی
قلم الیمده ایستمور سوزی سوزه هدر قاتا
رقیه تک هوسلنور اوکاروانه تز چاتا
گیدور کی تیر غمزه سین گوزیله نیزیه آتا
دیه دوشنده ناقه دن گوزتله مختصر منی
مرحوم استاد منزوی اردبیلی
نظرات (۰)