متن نوحه ترکی احوالات تنور خولی
متن نوحه ترکی احوالات تنور خولی
احوالات تنورخولی
کنج تنور آیینه نوراولوب اوغول
موسانی محو جلوه ایدن طوراولوب اوغول
ای آفتاب لم یزلی بی زوالسن
خفاشلر باخاندا سنه کوراولوب اوغول
صبح بلی ده مست شراب الست اولان
نرکسلرین نولوب بیله مخموراولوب اوغول
ایوای منای عشقیده نحراولموسان سوسوز
کیم سن کیمی عطش زده منحوراولوب اوغول
باشین دالینجا سایه به سایه دولانموشام
سندن مگربیرآن بو آنان دوراولوب اوغول؟
پیراهنین آپاردیلا غارتگران شام
ظلمت الیله گل بدنین عوراولوب اوغول
خاکسترستم اوتوروب خط و خالیوه
باشین کول استه گورنجه رنجوراولوب اوغول
زلفومله قوی سیلوم اوغول مژگانیوی اوزوم
توزتپراق آلتدا وای منه مستوراولوب اوغول
قوی لبلریندن اوپوم وای اوغول دیوم
درثمین ستاره ی مکسوراولوب اوغول
اشک زلالی گل یوزیوه شبنم ایلرم
گوزیاشیمی یارالاریوا مرهم ایلرم
اوغلون حسین نایل مقصود اولوب آنا
درسرشکی گوهرمنضود اولوب آنا
باشه یتوردوم عهدیمی بیرنحویله بوگون
مبهوت نوح و آدم و داود اولوب آنا
قانیم آخان زماندا جوشوب چشمه چشمه قان
ملحق اولوبدی بیربیرینه رود اولوب آنا
باشیم جدا باشیندا چیخوب عرش رفعته
آیینه دار حضرت معبود اولان اوغول
ایوای ربابیمیم حالینا آرزولری
غارتده خیمه تک نجه گوردود اولوب آنا
خاتم باتوب ملالیمه خاتم گیدن زمان
بو امر حاتمه مثل جوداولوب آنا
زینب یانان چادردا قوروب خیمه عزا
نوحه سراسی احمدمحمود اولوب آنا
گون نورآلور بو پارچالانان سجده گاهیدن
باشیم سپهراطلسه مسجود اولوب آنا
معراج وصل آختارانا نیزه دوربراق
نیزه بروج طالع مسعود اولوب آنا
شاعر : هادی وحیدی زنجانی
منبع کانال گنجینه گذشتگان
موضوع: احوالات تنور خولی ,
زبان شعر و شاعر: نوحه ترکی , هادی وحیدی زنجانی
ـــــــــــــــــــــــــــــ
احوالات تنور خولی
ـــــــــــــــــــــــــــــ
مهبط نوریدی نور حق سبحانه تنور
سینۀ طوردی یا زادۀ عمرانه تنور
لمعۀ نور جمال ازلی جلوه لنور
منعکس نور ائدری عالم امکانه تنور
نور ذات حقیله اول گئجه هی طعنه ویروب
عرش و فرش و حرم و مُلک سیلمانه تنور
نصف شب ظلمت محض ایچره یاتوب شحنه ولی
اولموشیدی سر خمّاریله میخانه تنور
نئجه خمّار که شهلا گؤزودور کشکولی
خانقه دور ائله بیر مرشد رندانه تنور
نئجه خمّار که تاجی باشینین یاره سی دور
دؤرد مریدیله اولوب خلوت جانانه تنور
وصل دلداره گرک طیّ منازل اولونا
اوّلین منزلی مقتل دوّمین خانه تنور
قاب قوسینه عروج ایلییه پیغمبر تک
گؤردی اقصاسیدی معراجینه ویرانه تنور
زوجۀ خولی گؤروب نور چیخور مطبخدن
افق اولموش دئیه سن مهر فروزانه تنور
گلدی فاش ایلییه بو سرّی گؤروبدور ناگه
شه عطشانه اولوب محفل شاهانه تنور
دیزلری تیتردی سسلندی فغانیله حسین
اول فغانیله گلوب ناله وافغانه تنور
مرغ روحی طیران ایلدی ضعف عالمینه
ضعفده گؤردی دؤنوب روضۀ رضوانه تنور
اوج ائدیر عقد ثریّایه ثریٰ دن لمعه
عرشدن نور آلوری شمسۀ ایوانه تنور
عرشدن فرشه ملائک اَنیری ، فوج به فوج
نقطۀ عطفدی گو : عرشیله ارکانه تنور
نوردن خیل ملک قووردولا اورنگ شهی
نور احمدله جنان اولدی او ویرانه تنور
گلوب اجلاس ائله دی احمدیله میر عرب
شأنه باخ زائر اولوب سرور مردانه تنور
حسن اُول یوسف کنعان پیمبره گلوب
اونیله طعنه ویروب یوسفه کنعانه تنور
آناسی فاطمه ده شام غریبانه گلوب
خلوت اولدی او گئجه شام غریبانه تنور
روضه خوان اولدی گُل سرسبد باغ رسول
اول فنا فی اللّهه اولموشدی عزاخانه تنور
دئدی ای مردم چشمیم منه ای جوهر جان
نه روا مسکن اولا سن کیمی مهمانه تنور
لبلرون لعل بدخشاندی بدخشاندی تنور
یا که گنجینه دی بو لعل بدخشانه تنور ؟
بوغازوندا گؤرونور زخم سَنان بنِ انس
نحر اولان حنجریوه اولدی دواخانه تنور
قتلگده دوتوب اوخ نیزه قلیج پیکریوی
قوندوروبدور کولونی لعل لب عطشانه تنور
اهرمن بارماقیوی کسدی یتوب مقصدینه
بو نه غالمدی اولوب کاخ سلیمانه تنور
باجووین نالۀ شبگیری گتُوردی درده
طائر روحیمه اولموش دئدی کاشانه تنور
شاعر : استاد شبگیر تبریزی
منبع: کانال مدح و مرثیه
موضوع: احوالات تنور خولی ,
زبان شعر و شاعر: نوحه ترکی , شبگیر تبریزی
ـــــــــــــــــــــــــــــ
احوالات تنور خولی
ـــــــــــــــــــــــــــــ
کیم کول اوستونده وئریب یئر بئله مهمانه اوغول
کیم گتوردی باشیوی کوفه ویرانه اوغول
سینم اوستونده سنی بسلدیم ای روح و روان
ساخلامیشدیم گوزوم اوسته گئجه گوندوز نگران
وای منه قانلی باشین گورائلییوب هاردا مکان
دوندریب له نئجه گور باغریمی القانه اوغول
نقدر ظلمیده طغیان ائلییوب اهل جفا
پیکرین باشدان ایاقه یارادی نازلی بالا
باشوی تشنه کسیب لر دالیدان وا اسفا
منی دردین گتیریب ناله و افغانه حسین
بیلمه دی کوفه لیلر قیمتوی عزتیوی
گوزون آچ ائیله بیان باشه گلن محنتیوی
کیمه تاپشورماسان ای شاه جهان عترتیوی
یوخدی بیر کس چکه باش زینب نالانه اوغول
باشوا وئردیله مطبخده یئر ای ماه لقا
گلمیشم دیدیوه بو منزله من دیلده نوا
یوخسا زهرا هارا بومنزل بیگانه هارا
وای اولا بیر بئله منزل بئله دورانه اوغول
یاخارام زلفیمه قانین ائدرم زینت حسین
نگرانم منیله ائیله گیلن صحبت حسین
داخی اولماز بیله فرصت منیچون قسمت حسین
گیده جاق قانلی باشین نیزه ده هریانه اوغول
شاعر : کربلایی محمد هوشمند (مدهوش)
منبع : کانال اشعار مدهوش تبریزی
موضوع: احوالات تنور خولی ,
زبان شعر و شاعر: نوحه ترکی , محمد هوشمند
ـــــــــــــــــــــــــــــــــــ
دیدی حسین گوزون آچ کام آلیم نگاهوندن
خبر ویریم سنه اوز قانلی قتلگاهوندن
او چولده من واریدیم چشم خون فشان واریدی
غریبه منظره لر واضح و عیان واریدی
یانان چادردا نماز اوسته زینبون گوردوم
نه دیزده طاقتی نه قلبیده توان واریدی
سریر نازیده صبح ایلین یالالاریوا
گئجه نه بستر راحت نه خانمان واریدی
گوزوم که دوشدی فراته آخوردی اوز باشینا
شریعه ده نه موکّل نه پاسبان واریدی
بعلت نارضایتی خانواده مرحوم منزوی فقط پنج بیت اول
از اشعار و تخلص ایشان به اشتراک گذاشته میشود
کسیلسون اللری شمرون، ایوی خراب اولسون
گوروم که من کیمی قلبی یانوب کباب اولسون
شاعر : مرحوم منزوی
موضوع: احوالات تنور خولی ,
زبان شعر و شاعر: نوحه ترکی , منزوی اردبیلی
ـــــــــــــــــــ
تنور خولی
ــــــــــــــــــ
جناتیدن حسینیم عشقونده شوره گلدیم
یاندیم دئدیم حسین وای دیده تنوره گلدیم
زهرانی گوزلروندن اوغلوم نیه آتوبسان
مطبخ سراده اولما مقصودوه چاتوبسان
هیچ دینموسن کول اوسته مخمور سن یاتوبسان
آچ گوزلرون دانشدیر مهمان حضوره گلدیم
صود ام مگه عزیزیم گهوارده چالشدون
آغوشه گلمگونده نار غمه آلشدون
واللهی چوخ سویوندیم دوتدون ایاق دانشدون
آلدیم سنی قوجاقه وجدو سروره گلدیم
من قصریدن چخاندان رعشه دوتوبدی جانیم
اشکیم آخوب گوزومدن یاندیم دئدی زبانیم
طورون اولوبدی مطبخ ای موسی زمانیم
موسائیلن ملاقات اولسون بو طوره گلدیم
دردین سنه دیوبدور دنیاده اهل معنا
دردیم قوتارمیاندی فرض ایله مثل دریا
اظهار دردین ائتسون دیداره گلدی زهرا
قلبیم سوزون دییَم تا سنگ صبوره گلدیم
یاندیرمیشیدی قلب زهرانیده فراقون
خوش گلدون ایله اوغلوم گلمیش نئچه قوناقون
باشونده نور قالخوب پرنور اولوب اتاقون
نور بهشتی آتدیم دنیای نوره گلدیم
سیاره لر سیاقی عرش محنده آخدوم
عریانیدی جنازون منحور حُلقه باخدوم
آغ زولفیمه اگیلدیم قانوندن اوندا یاخدوم
نفرین ائدوب او چولده فوج جسوره گلدیم
پیغمبرینده جام صبری جالانمیشیدی
قلبون سه شعبه اوخلان چوخ پارچالانمیشیدی
دور و برونده گوردوم داشلار قالانمیشیدی
بیلدیم او نعشی گویا قرآندا سوره گلدیم
اصغر آناسی گوردوم آهو کیمی ملردی
میدانیده رقیه چوخ نالیه گلردی
پاره چادردا زینب اشکین یوزه الردی
ویردیم تسلّی قدری صاحب شعوره گلدیم
شاعر : استاد معزی اردبیلی
موضوع: احوالات تنور خولی ,
زبان شعر و شاعر: نوحه ترکی , معزی اردبیلی
ــــــــــــ *** ــــــــــــ
عیال خولی گوز اچدی گوره نه غوغادی
باخوب نگوردی که مطبخده حشر بر پادی
تنوریدن گورجک نوریدی تلالو ایدور
دیدی خدا بو حقیقتدی یا که رویادی
بو خولینون ایویدور بوردا وا حسین سسی وار
بو محترم کیشی لر کیمدی نه قضایادی
نه سسدی بو که دیولر دورون گلور طاها
دالیجا نوحیدی ادم مسیح و موسادی
شعیب و خضر و سلیماندی یونس داوود
خلیل و یوشع و شمعون ذبیح و یحیادی
هاموسی قاره گیوب باش اچوقدی سینه زنان
تنوری دور لیوبلر عجب تماشادی
نه گوردوم اوندا بلند اولدی طرقوا صوتی
تمام ایدون دیدیلر موقع تسلی دی
چیخون قباقنا ایندی اوغول اناسی گلور
حسین عزاسیدی بو سر پرستی زهرادی
گلوب اوتوردی تنوره اوزاتدی بیر الینی
اشاره اهلینه بو سوز گوزل بیر ایمادی
دیوله بیر قولی قاخموردی ظلم ثانیدن
بیر اللی گوتدی او باشی اوجالدی فریادی
دیدی حسین گوزون اچ کام الوم نگاهوندان
خبر ویروم سنه اوز قانلی قتلگاهوندان
او چولده من واریدیم چشم خونفشان واریدی
غریبه منظره لر واضح و عیان واریدی
یانان چادردا نماز اوسته زینبی گوردوم
نه دیزده طاقتی نه قلبیده توان واریدی
سریر نازیده صبح ایلین بالالاریوا
گجه نه بستر راحت نه خانمان واریدی
گوزوم فراتده دوشدی اخوردی اوز باشینا
شریعه ده نه موکل نه پاسبان واریدی
دیدیم گیدوم گینه گودال قتلگاهه طرف
اگر چه اوردادا مین محنت گران واریدی
کسوک بوغازیوی اوپدوم اوجادان اغلامادیم
کمینده چون الی خنجرده ساربان واریدی
غریبه شام غریبان غریبه مجلسیدی
دیمه نه بیر باش اچان نه بیر اغلیان واریدی
من اوخشاما دیمدیم چونکه سینون اوستونده
بیر اوچ یاشیندا گوزی یاشلی نوحه خوان واریدی
ایون ایشقی دوشنده رقیوین یوزونه
گوزومدن اولدی روان قلبیده نه قان واریدی
بیله خیال ایلیدیم ثانی کربلایه گلوب
یوزونده منکیمی چون سیلیدن نشان واریدی
!!! لطفا با نام کانال کنزُ الشُّعَراء کپی کنید !!!
موضوع: احوالات تنور خولی ,
زبان شعر و شاعر: نوحه ترکی
ـــــــــــــــــــــــــــــ
احوالات تنور خولی
ـــــــــــــــــــــــــــــ
قورولدی مطبخ خولیده محفل ماتم
بتول ساره و حوا خدیجه و مریم
دیردی هر بیریسی وای نور عینیم وای
علی اکبری ناکام الن حسینیم وای
باش اچدیلار هامی باشدان گوتوردولر معجر
اوغول دیوب دوشوب از قالدی ضعف ایده مادر
باشین الوب دیزینه دورت معظمه بانو
قیامت عالمی برپا قیام شورو نشور
گوروب بتول خواتینیدن اوجالدی صدا
حسینینی بومقالاتیله ایدوبدی ندا
اولار بالا انا قوینوندا گرچه راحت اوغول
یازیلمیوب سنه اما بیر استراحت اوغول
گوز آچ قوناقلاریوا بیرجه خوش صفا ایله
قوناقه لازمه دور احترام و حرمت اوغول
بهشت خانملاری گوگدن یره نزول ایلیوب
بو قصدیله که سنی ایلسون زیارت اوغول
قوری دلیله اوزیندن قوناقلاری ممنون
نوازش ایت یولا سال جانه وار بو منت اوغول
بو صاق یانیمداکی جده ندی حالینی خبر ال
اماندی ایتمه انامدان منی خجالت اوغول
جواب ویرماقایوخ سنده حال حقین وار
یورولموسان ویریلوب چوخ سنه اذیت اوغول
اگرچه زحمتیوه راضی اولمارام بیرده
قبول ایله منیم خاطریمه زحمت اوغول
باشی بلالی بیر از گوگلوم ایستوری دانشاق
گیجه گیچر گیده فوته مباد فرصت اوغول
فداک یاولدی یاغریب و یامظلوم
منه بو امت الیندن ایله شکایت اوغول
باشینداکی یارالاردان خبر ویرور اورگیم
گرک بدنده نقدری اولا جراحت اوغول
نه گونده دور بدنون احتاجی گورماقا وار
اودور باسین بدنین حالتین حکایت اوغول
اوغول کول استی هارا سن هارا تنور هارا
گتورمموش باشیوا قالدی بری مصیبت اوغول؟
مگر بو قالدی جدایه ووروب دولاندورالا
کسیک باشین ایده تا شهرلرده شهرت اوغول
نقدری دیندورورم دینمه سن بو دغعه ده گر
جواب ویرمیه سن ایلرم قیامت اوغول
دوشنده فاطمه دلدن گلوب مقاله امام
ایدوب سئوالینه رد جواب ویردی سلام
حسینیوین طرفیندن باشین سلامت انا
الیندن الدیلا اوغلون ستمله امت انا
اوزوم الوم خبریمی گتورموشم ایده سن
جفای امتینی جدیمه شکایت انا
باشیمدا وار اونایکی معتبر شهود عدول
ویرور شهادتیمه هر بیری شهادت انا
علاوه تمیش ایکی تن شهید ایچون تعدیل
همین بو اکبر و اصغر ایدر دلالت انا
قانیمدی خون خدا خونبهای خون شهید
شهید شاهدی جدیم ایدن زیارت انا
مصیبتیمده جزای جزیل و صبر جمیل
سنه خدای جلیل ایلسون کرامت انا
چوخ اختاروردی گوزوم یاخشی وقتیده گلدون
چکردیم ایمده تک انتظارفرصت انا
بو حالیله منی قویمازلا راضیم قویالار
تنور ایچنده اولام بیر دقیقه راحت انا
صباح اولاندا قورالار بیر ایری هنگامه
که وار بلالی باشیمدا بویوک مصیبت انا
وورالا سنگ جفا کوفهده کسیک باشیما
ایدنده نیزه ده کهف ایه سین تلاوت انا
(حقیر) نوکریمون نسبتی منه دور
ولی سنوندی شفاعتده حق سبقت انا
شاعر : مرحوم حقیر خوئی
منبع: کانال گنجینه گذشتگان
موضوع: احوالات تنور خولی ,
زبان شعر و شاعر: نوحه ترکی , حقیر خویی
زبانحال حضرت فاطمه زهرا (س) در تنور خولی
در تنور خولی
ای دل شکسته منزل مبارک
یاتما کول استه منزل مبارک
چوخدان چکردیم من اشتیاقون
درده گتوردی درد فراقون
اولسون مبارک تازه اطاقون
ای زار و خسته منزل مبارک
دنیانی ویرم اشکیله سیله
عاشق اولانلار یاتمازلا بیله
دور بیر آناوا خوشگلدون ایله
نعشین قم استه منزل مبارک
دشت بلادن من گلدیم الان
اولموشدی میدان قانیله الوان
گوردوم کسیبله باشون دالیدان
ای بالی بسته منزل مبارک
تالانه گیتدی جمله اساسین
غربتده آخر خوار اولدی یاسین
کیم کسدی باشون سویدی لباسین
سالدی یوز استه منزل مبارک
زلفیمه یاخدوم اولده قانون
گویا که تازه چیخموشدی جانون
گوردوم گیدوردی اوز ساربنون
ای دل شکسته منزل مبارک
لازیمدی عاشق ایتسون مصلا
سنده تنوری ایت طور سینا
بیرده کول استن ایله تجلا
یاتما کول استه منزل مبارک
بو ظلمه کافر آغلار اورکدن
الدوم حسینیم صبر ایلمکدن
هر ایکی الین کسدی بیلکدن
نفرین او پسته منزل مبارک
گزلین عداوت گلدی ظهوره
قالدی بو مطلب یوم نشوره
آخر کسیک باش گلدی تنوره
ای زار و خسته منزل مبارک
ایله (ذلیلا )بو بیتی ازبر
اولدی کول استه مهمان اوسرور
دیوبدی اوردا زهرا مکرر
ای دل شکسته منزل مبارک
یاتما کول استه منزل مبارک
شاعر : مرحوم ذلیل تبریزی
این اشعار در حدود هفتاد سال قبل از اشعار
مرحوم صراف سروده شده و صراف ازاشعار ذلیل پیروی نموده است
موضوع: احوالات تنور خولی ,
زبان شعر و شاعر: نوحه ترکی , ذلیل تبریزی
ـــــــــــــــــــــــــــــــــ
احوالات تنور خولی
عشقینده مقصده آنا من تک چاتان یاتار
باشدان خیال جاه وجلالین آتان یاتار
جانان یولوندا ترک ایدن اوز خانمانینی
عشق استه سو یانیندا ویرن تشنه جان یاتار
کوی وفاده من کیمی سر مست عشق اولان
معشوقینه ویرن بیله بیر امتحان یاتار
عاشق بیر عمر یاتماسا ایام هجریده
بزم وصال یاره یته بیر زمان یاتار
مهمان خولیم بو گیجه میزبان سنه
گرچه قوناقی راحت ایدر میزبان یاتار
اما بو بارده منی معذورم عفو ایله
وار علتی بو خسته دل کوفیان یاتار
بیر باش که تندن اون ایکی ضربتله آیریلا
اول گیجه کول استه اولا میهمان یاتار
خوش گلموسن منی بو گیجه یاده سالموسان
وصلیله نار هجر دل عاشقان یاتار
درد دله دل اهلی دل شبده دل آچار
چون بزم یار خلوت اولار دیگران یاتار
باشیم تنور ایچنده کول استنده میهمان
کرببلاده جسمیمه بستردی قان یاتار
فکر ابلمه بالالاریمین فکرین ایتمورم
گل خار الینده قالسا مگر باغبان یاتار
بو باردن ولی آنا آسوده خاطرم
بیجا دگل بو پیکری باشسیز قالان یاتار
یانموش چادردا چونکه حسینین بلور اوزی
زینب کیمی بالالارا وار مهربان یاتار
چه باجیمدا بو گیجه یورقوندی خسته دور
یاتماز ولیک یاتسادا چوخ ناگران یاتار
گر یاتماسا ربابیله لیلانین حقی وار
گل غنچه سولسا بلبل خوش نغمه خوان یاتار؟
دما حسینین عشقینه نقصاندی یاتماسا
کول استه وار رضای حق لا مکان یاتار
چوخ یرده بو باشین آتا چوخ ماجراسی وار
هر یرده وار مصاحب و بیر همزبان یاتار
بوردا سنیله دیریده نصرانی شامیده
چوخ نازیله بو باشی آقاجدان آسان یاتار
اوردا بالام رقیه منه همزبان اولار
نصف شب اونداکی باشیما پاسبان یاتار
بلم سکینه بوگیجه چوخ آه و زار ایذر
آتلار دوشینده چوللره یوخسا قاچان یاتار؟
اوغلون حسین أنا ایله مخمور عشفیدور
لعل لبین اپنجه دم خبزران یاتار
ثارالهی اگرچه توکوب ظلمیله عدو
(اشکی)خیال ایلمه هر گز بو قان یاتار
بیر گون ایذر اوز اوغلی بو قان ادعاسینی
بو شورش و بو غلغله بل اول زمان یاتار
استاد دور بو بارده (عاصی)گوزل یازوب
یاتماز اونون کلامیدی (اشکی)یازان یاتار
شاعر : حاج مجید اشکی
این اشعاررا آقای حاج مجید اشکی در جواب
(باشیندا شور عشق الله اولان بیر باش بیله یاتماز) مرحوم عاصی سروده
موضوع: احوالات تنور خولی ,
زبان شعر و شاعر: نوحه ترکی , اشکی تبریزی
ــــــــــــــــــــــــــــــــــــــــ
اولان قطب مدار عالمه محور یاتا بلمز
خدای لا ینامین نورینه مظهر یاتا بلمز
اگر یاتسا مداریندن چیخار دوران امکانات
مقام عدل موجوداتیده داور یاتا بلمز
تعادلدن چیخار درهم اولار منظومه شمسی
اودور کیم تا قیامت خسرو خاور یاتا بلمز
اگر منزل کسه بیر کاروان یول استه دینجلسین
یورولسا یاتسا اهل قافله رهبر یاتا بلمز
یاتار تپراقلار استه جسم بی سر گون قباقینده
ولی مطبخ سراده راس بی پیکر یاتا بلمز
مسلمدور که زهرا سینه سینده بسلنن بیر باش
تنور ایچره اولا بالینی خاکستر یاتا بلمز
بو باش بیر باشدی دامان پیمبردهیاتوب دائم
اگر آغوش زهرا اولماسا بستر یاتا بلمز
مجه یاتسون ستمله آیریلوب شبه پیمبردن
آلوب آرامینی هجر علی اکبر یاتا بلمز
سکینه لبلرینده تا عطش آثاری وار باقی
اولونجا حشر چشم چشمه کوثر یاتا بلمز
آلوب زخم سنان و تیغ و خنجر لذتین دویموب
سراغ خیزرانیله گزر بو سر یاتا بلمز
محقر منزلینده مقدم زهرایه شایقدور
گوگولدن خانه هجراندا وصل ایستر یاتا بلمز
یارالی رنج دیده بیر باشا ممکن دگول یاتماق
علاوه خاک و خونیله دولان گوزلر یاتا بلمز
(کلامی) ماجرای آل طاهانی یازان شبلر
قلم دوشمز الیندن باغلاماز دفتر یاتا بلمز
شاعر : مرحوم کلامی تبریزی
موضوع: احوالات تنور خولی ,
زبان شعر و شاعر: نوحه ترکی , کلامی تبریزی
ــــــــــــــــــــــــــــــ
روز عاشورا گذشت و شب رسید
مهر و مه را جان ز تب بر لب رسید
ماه را دادند آن بد اختران
گردش وارونه در چرخ سنان
سیر او از کربلا آغاز شد
سوی شهر کوفه، راهش باز شد
ماه از بیداد اشرار جهول
کرد اندر غرب خاکستر افول
شب چراغ خلوت لاهوتیان
شد به ظلمت خانه دشمن نهان
دشت ایمن بود گویی آن سرا
که تجلی کرد از آن نور خدا
لاله شاداب صحرای امید
چون گل اخگر ز خاکستر دمید
طره ی حوران حریر ناز او
شهپر جبریل زیر انداز او
هفت گردون اطلس اندر خون کشید
کان سر خونین در آنجا آرمید
سندس و استبرق مینو ز رشک
کرد چشم خلدیان خونین ز اشک
دود محنت چشم هفت اختر گرفت
چرخ را آئینه خاکستر گرفت
آتش از تاثیر خود شد شرمگین
از حضور نور خاکستر نشین
سر، سر نور چراغ ماه و هور
بالش از خاکستر کنج تنور
سر، سریر سروران، خاک رهش
چتر گردان لمعه ی وجه اللهش
پرتوی، سر خدا مشکات او
لمعه ای، شرح ولا مرآت او
شمع برج وحدت رب الفلق
نیمی اندر ابر و نیمی در شفق
ماه مهر افروز گردون وفاق
گاه اندر انجلا، گه در محاق
رفت آب و رونق از خلد قصور
تا شد آن سر، سوی میعاد تنور
میهمان فیاض نفس ماسوا
محفلش در گوشه مطبخ سرا
غبطه فردوس اعلا آن مکان
مهبط روح و مطاف قدسیان
بود ناظر چرخ با صدها نگاه
سوی آن در هاله خون خفته ماه
مادرش آمد برای دیدنش
دیدنش، بوییدنش، بوسیدنش
دید آن نور جمال ایزدی
آیت اشراق حسن سرمدی
دید آن پرورده اندر سینه اش
لایزالی صورت آئینه اش
خفته در خاکستر کنج تنور
گشته آن ظلمت سرا، مجلای نور
یا رب این فرزند دلبند من است؟
این سر خونین فرزند من است؟
هشته سر بر بالش ظلم و عناد
تیره وجه آیت رب العباد
آن جمال نزهت خلد برین
آن رخ آئینه خلد آفرین
آن نگارستان هستی را صفا
آن سرابستان مینو را جلا
آن ضیا بخش جمال ماه و شید
آن صفای سینه صبح امید
آن به لب عین بقا را آب بخش
آن به شکر خنده، جان را تاب بخش
آن ز دم فیاض انفاس مسیح
آن بیان حق به گفتار فصیح
آن چراغ آفرینش را ضیا
آن سواد چشم بینش را بها
سدره فردوس عرفان و خلوص
شرح ایثارش احادیث و نصوص
چهره بر خاکستر کین سوده است
مصحف منزل، غبار آلوده است
چشم زهرا دید تا آرام جان
شعله های دل تراوید از زبان
کای تو در بزم لقا مسند نشین
چون شو اندر این مکان گشتی مکین؟
ای رخت قندیل طاق آویز عرش
وز تولایت سکون عرش و فرش
راستی گیتی بسی پست است و خوار
عار بادا چرخ را از این مدار
تو جواهر سرمه چشم وجود
تو جمال آرای دنیای شهود
تو ز هست ماسوا منظور حق
تو به ظلمتگاه امکان، نور حق
نفس هستی میهمان خوان تو
ماسوا پرورده احسان تو
بهره ور از فیض جودت جزء و کل
بر نوالت دیده خیل رسل
میزبان کون بر کان کرم
از تو هستی غرق آلا و نعم
ای نگین خاتم عز و شرف
از چه گشتی سنگ محنت را هدف؟
گر نه دنیا رذل و پست و ناسپاس
گر نه این ناقد جواهر ناشناس
چیست این منظر که بینم آشکار؟
مهر رخشان در ظلام شام تار
هر چه بینم نیست ای در دیده نور
نسبتی وجه خدا را با تنور
سر که آغوش منش بودی مقام
حالیا خاکسترش بینم منام
گل گرفتم شد به جبر از شاخه دور
کی دهندش جای در کنج تنور؟
بس کن این آتش زبانی ای قلم
کز بیانت شعله شد یکسر دلم
چند خواهی قصه تنور گفت
کز دلم صدها گل اخگر شکفت
جان من بگداخت از بشنیدنش
دید تا زهرا چها از دیدنش
آسمان را نیست آن درک و شعور
تا شناسد نور حق را از تنور
بوده تا این بوده رسم آسمان
کازماید شیشه با سنگ گران
باش یکدم کلک من، دمساز من
همدم اندوه و سوز و ساز من
آتش دل را نمی ده از زبان
تا مگر بنشانیم سوز نهان
داغم از بد عهدی ابنای دهر
در مذاقم شهد شادی همچو زهر
آن قدر نامردمیها دیده ام
دامن هر صحبتی بر چیده ام
ای خوشا این گوشه تنهاییم
با خیال خویش بزم آراییم
بزم تنهایی همه ذوق است و حال
خالی از اغیار و دور از قیل و قال
خوش بود دوری ز یاران دغل
همدمی با شاهد شعر و غزل
با خیال او سخنها داشتن
در خموشی شور و غوغا داشتن
ای خوشا گمنام و تنها زیستن
بی نشان مانند عنقا زیستن
چشمه سار دوستی خوشیده است
بیخ مهر و عاطفت خشکیده است
دوستیها جمله رنگ است و ریا
آشناییها همه دور از صفا
دهر هزال است و مردم فتنه گر
دوست غماز است و دشمن کینه ور
دوستیها، کینه جوییها شده
آبرو، بی آبروییها شده
هر که را آبی به رخ، شرمی به چشم
می شود هر دم نشان کین و خشم
همچو (عابد) دوری از مردم نکوست
کاندر اینجا دل به خود در گفتگوست
شاعر : مرحوم استاد محمد عابد
موضوع: احوالات تنور خولی ,
زبان شعر و شاعر: نوحه فارسی , عابد
ــــــــــــــــــــــــــــــــــ
اوغول تنوری عجب رشک جنت ایلمیسن
بو پست محفلی افلاک رفعت ایلمیسن
رواق عرشیده لازمدی سن مکان ائده سن
حضیض خاکه نولوبدور قناعت ایلمیسن
باشین بلاسین آلوم دور یارالی سینمه گل
بو بینوانی بئله غرق حیرت ایلمیسن
نقدر دیندیرورم ای گویول غمین آلانیم
ندندی نطقه گلوب بیرجه صحبت ایلمیسن
شکسته گویلومی آل باخگیلان سولان یوزومه
گوزون فداسی ندن بیر اشارت ایلمیسن
آنا دیلی گتوروب نطقه رأس مذبوحی
دئدی عجب بو غریبی عیادت ایلمیسن
اوجاتدی باشیمی افلاکه یُمن تشریفون
بو لطف محضیله مرهون منّت ایلمیسن
گوز آچماقیم آنا مشکلدی سصربی واضحدی
نه احتیاجی بیانه که رؤیت ایلمیسن
خیمده قامتیله کاش گورمیم آناجان
که قانیله آغاران زلفه زینت ایلمیسن
هامی حرملریمی حقّه تاپشوروب گلدیم
دئمه آنا بالالاردان که غفلت ایلمیسن
علاوه زینبیمون کیمیا اثر نفسین
گورن دئیر که عجب حفظ هیأت ایلمیسن
شاعر : مرحوم حاج خلیل دستمالچی
موضوع: احوالات تنور خولی ,
زبان شعر و شاعر: نوحه ترکی , حاج خلیل دستمالچی
ــــــــــــــــ
تنور خولی
ـــــــــــــــ
حسین شام غریباندور سنه یار اولماسام اولماز
چوخور یرده دوتوب ماتم عزادار اولماسام اولماز
سنون عشقون سالوب چولدن چوله بو غملی زهرانی
اولام لازمدی بو صحراده ناچار اولماسام اولماز
غم اهلی رسم عالمدور همیشه غملینی خوشلار
سنون تک غملی بیر سلطانه غمخوار اولماسام اولماز
شکسته دللرون قدرین شکسته دل بیلر اوغلوم
ئولوب اوغلون سنوب قلبون طرفدار اولماسام اولماز
بو باشسیز پیکره اولّام نگهبان ساربان قویسا
او گلسه دیده سی مقتلده خونبار اولماسام اولماز
نه لر اولدی خانم زهرا دوروب ترک ایتدی گودالی
دیدی هر یرده من درده گرفتار اولماسام اولماز
یوخ امکان اگلشم بوردا حسین جان ال کسن گلدی
ندور چاره گیجه وقتنده سیّار اولماسام اولماز
خرابه کوفه ده مطبخ سرادور مسکنیم بیلدوم
گلوب صبحه کیمی مشغول گفتار اولماسام اولماز
اولوبسان خولیه مهمان سنه گلم قوناق اولام
عزیزیم سن اولان منزلده من وار اولماسام اولماز
بلالی باشوون دردی باشا گلدی و یا اینکه
گنه بیر آیری دردون وار خبر دار اولماسام اولماز
منیم ئوز نازدانم سن منیم ئوز پروریدم سن
امیدیم سن پناهیم سن پرستار اولماسام اولماز
زیارت فیضینون مشتاقیم قصدیم زیارتدور
دوداقوندن ئوپوب مطبخده زوّار اولماسام اولماز
گلوب تاپدی اوغول باشین مرامی حاصله گلدی
کولون سیلدی گوزون اوپدی یوزون اوپدی دیله گلدی
دیدی اوغلوم آنون گور ایندی افغانه گلر گلمز
سرشگین گوزلرینده دوندروب قانه گلر گلمز
اوغول چولدن چوله دوشسه اوغول ایودن ایوه گیتسه
آنا آیا دالیجا خانه بخانه گلر گلمز
قابورقام سینماقیمداندا باش اولدی باشون دردی
بالا یاتسا کول اوستونده آنا جانه گلر گلمز
سنون پروانوم سنده منیم روشن چراغیم سن
چراغ هر یرده روشن اولسا پروانه گلر گلمز
گیدنده موکب سلطان عزیزیم شهریدن شهره
مگر شهرون رجالی دید سلطانه گلر گلمز؟
جلوس شاه شاهانی بیلنده دردمند اشخاص
عریضه الده درباره ذلیلانه گلر گلمز
قوناقسان بو ایوه افسوس خوشگلدون دِیَن یوخدی
گور ایندی قلبیمون آلامی طغیانه گلر گلمز
ئوزون غملی یرون غملی گلن یوخدی گیدن یوخدی
قوناق گلسه ایو اهلی نزد مهمانه گلر گلمز
مسلمان ابتلا گورمز مسلمانه قوناق گیتسه
بو ظلمی درک ایده رقّت مسلمانه گلر گلمز
کول اولسون باشینه اسلامه توهین ایلیوب خولی
بو توهیندن شماتت اهل قرآنه گلر گلمز
بو باشین قدرینی زهرا بیلر چون اهل عرفاندور
صفا عارف اولاندا بزم عرفانه گلر گلمز
بیر آز گیت هوشه محسن اَممیَن پستانلارون اوسته
کسوک باش قان دولان پستانه درمانه گلر گلمز
ئورک دردین آنا اولادینه بیر بیر مقال ایتدی
جوابینده اوغول گویا بو نوعی کشف حال ایتدی
آنا قانلو باشیم مطبخده بی پیکر قالوب قالسون
جنازم صفحۀ میدانیده بی سر قالوب قالسون
قولون قنفذ جفاسیندن اوجالمور غم یمه نینک
منیمده اللریم اللرده ای مادر قالوب قالسون
او داغلی دلده سن ساخلا حسن داغین حسین داغین
منیم قلبیمده داغ اکبر و اصغر قالوب قالسون
قویوبلار خارجی آدی حسینه غصّه سین ایتمه
شماتتده نوامیس حق داور قالوب قالسون
قیزیم صغرا فراقیمدن تیکوبدی گوز یولا تیکسون
آنام ام البنین یثربده بی یاور قالوب قالسون
سویولمش خسته قیزلاریم قولون بالش ایدوب ایتسون
مریض اوغلوم یانان چادرده بی بستر قالوب قالسون
رقیه قولارین قمچی گویَرتسون مانعی یوخدی
منه ناز ایلین بلبل شکسته پر قالوب قالسون
عروس قاسمی بی شرم اولان دشمن سویوب سویسون
گیدوب گوشواره سی تاراجه بی زیور قالوب قالسون
قوجالتسون غصّه کلثومی آغارتسون زینبین زلفین
ویروب قارداشلارین الدن قرا معجر قالوب قالسون
منیمدور جاودانی سلطنت هند اوغلی دنیاده
بِش اون گون آبروسیز ملّته رهبر قالوب قالسون
فقط قرآن وار اولسون پرچم دین اهتزاز ایتسون
اسارت پنجه سینده آل پیغمبر قالوب قالسون
بو بزم انسده اولما پریشان آغلاما نِینَک
کسوک باشیم سنان قولاره قربان آغلاما نینک
آنا کرب وبلانون محشریندن من دیوم یا سن
شهادت نامه نون غم دفتریندن من دیوم یا سن
حسینون دردینه سن که ئوزیندن یاخشی واقف سن
نه لر گوردوم او شامون لشگریندن من دیوم یا سن
حبیب ابن مظاهردن ایدک یا حریدن صحبت
شجاعان حماسه آفریندن من دیوم یا سن
گوزل اوغلوم اَوَل گیتدی عبا پیچ ایلدوم گتدوم
رسول اکرمون ئوز بنذریندن من دیوم یا سن
وفالی عمه سی میدانه گلدی باش آچوق گوردون
آناسی لیلینون اشگ تریندن من دیوم یاسن
ربابین شیر خوار اوغلی اوخی پستان کیمی اَمدی
نجه قان جاری اولدی اوخ یریندن من دیوم یا سن
قوی پنجه قوی بازو قوی هیکل علمدارون
سو اوستونده کسیلمیش اللریندن من دیوم یا سن
بلالی زینبیم من ذبح اولان ساعتده مقتلده
نجه شمرون یاپوشدی خنجریندن من دیوم یا سن
او پیراهن که ویرمیشدون من آلدوم فضّه دن گیدوم
نجه چخدی حسینون پیکریندن من دیوم یا سن
سویا حسرت اولان قیزلاریمی اود چکدی آغوشه
سوسوز بلبللرون یانمش پریندن من دیوم یا سن
بیری خندقده جان ویردی ایکیسی قول بویون ئولدی
باجیم ئوپدی یومولموش گوزلریندن من دیوم یاسن
یزیدی مست ایدوب دنیا اله مستانه جام آلسون
بو قانی قویماسون یرده خداوند انتقام آلسون
شاعر : مرحوم انور
موضوع: احوالات تنور خولی ,
زبان شعر و شاعر: نوحه ترکی , انور اردبیلی
ــــــــــــــــــــــــــــــــــــ
تنور خولی
عاشق حقون گرک باشنده شور اولسون آنا
منزل شاهانه سی کنج تنور اولسون آنا
عشقه جان بذل ایتمینلر بلمز عشقین لذتین
عاشقه زیبادی نوش ایتسه شهادت شربتین
عاشقین زیبنده دور فردوس چکسون حسرتین
آغلیانی عالم معناده حور اولسون آنا
راه جاناندا باشندان کچمین عاشق دگل
ایلین فکر سر و پا و بدن عاشق دگل
قالمیان گونلر ایوینده بی کفن عاشق دگل
پیکر صد پاره سی لازمدی عور اولسون آنا
من شراب عشقیله پیمانمی ایتدیم دولی
مجلس روحانیت هر یرده اولسا روح اولی
محفل ارواحه جسمین شبه سیز یوخدور یولی
یار بزمنده گرگ اغیار دور اولسون آنا
عشقمه نقصاندی قالسام باجی قارداش فکرینه
عالم وحدتده کثرت یار و یولداش فکرینه
کچمیشم باشدان انا حاشا قالام باش فکرینه
عاشقه شایسته دور محنت سرور اولسون آنا
بلبلون عشقی مجازیدور گل اوستون خوش دوتار
گلشن ایچره گل بوداقین سنبل اوستون خوش دوتار
اوغلوون عشقی حقیقی دور کول اوستون خوش دوتار
خوابگاهین ایستر اوز عشقیله جور اولسون آنا
خولیدن یوخدور گلایم یوخدی حق بینا گوزی
خوش دگل بزم محبتده اولا دشمن سوزی
یر ویروب مهمانه کول اوسته یاتوب راحت اوزی
حقی هر گوز گورمسه لازمدی کور اولسون آنا
من شهید اولدوم که قسمت وصل یار اولسون منه
منزل ایتسم هر یری بزم نگار اولسون منه
سنده که گلدون گرک خوش روزگار اولسون منه
نیلورم سن سیز یریم دایم قصور اوسلون آنا
من دیمم بلبل کیمی قوی گل بوداقوندن اوپوم
یانمیشام نار فراقونده دوداقوندن اوپوم
باشیمی قوی تپراقون اوسته ایاقوندن اوپوم
مایه فخریم منیم تا وار دهور اولسون آنا
قیلسون (انور حافظی) شکر خدای بی نیاز
درگهمده نوکراولماقدا تاپوبلار امتیاز
چوخ چتین اولسون میسر بو قدر نعمت بو ناز
هامودا ممکن دگول ذوق وفور اولسون آنا
شاعران : مرحومین حافظی و انور
موضوع: احوالات تنور خولی ,
زبان شعر و شاعر: نوحه ترکی , حافظی تبریزی , انور اردبیلی
ــــــــــــــــــــــــــــ
هر کیم جهاندا طالب عیش و سروردور
یا عقلی یوخدی یا گوزی بالمرّه کوردور
نزدیک اولان سروره بو دارالسّلامیده
راه تمیز عقلیدن البته دور دور
ای هوشیار دل بیله غمخانه ملکیده
فکر اقامت ائتمه که جای عبوردور
دنیا اساسی درد و غم استه بنا اولوب
بد بخت او کسکه طالب عیش و سروردور
باخ گور ننوعی اوزدی هامی ماسوادن ال
سبط نبی که شافع یوم النشوردور
عشقینده عقلی ایلدی عاجز ویروبدی باش
بیر باشدا درک ایدنموری کیم بو نه شوردور
زهرا آناسی شام غریبانه تا گلوب
گوردی اوغول منامی مقام تنور دور
خولی ایوینده سبط نبی ایلیوب مکان
باطل مقرّی حقّه محل ظهور دور
کول اوستی مکر بازی دور سپهریدن
مشکوة نور معنی الله نور دور
حق جلوه سیله ساحت مطبخ سرا دولوب
کنج تنور غیر تجلای طوردور
راحت یاتوب کول اوسته شهنشاه مشرقین
گویا حریم وصلیده محو حضوردور
آئینه اخذ رنگ ایلیوبدور تنوریدن
دوتقون جمالی وجه خدای غفور دور
بالین ایدوب تواضعیله کوللر استینی
بیر باش که نازی مایۀ اعزاز حوردور
حال رضایتیله قویوب باش او بستره
فعلیله حق قضاسینه دلدن شکوردور
اما لبی حکایت ایدور سوز قلبینی
بیر لب که فیض بخش شراب طهوردور
«عابد» هوای مرقد پاکون ایدوب شها
بو آرزوی قلبی سنین و شهوردور
آگاهسن اورکده کی اسراره سن اوزون
اما گدایه عرض تمنا ضروردور
تا وار ولایتین اثری دلده یوخ غمیم
جرم و خطا شماره سی گور بیر کروردور
اوز ایتدیقیم گناهلری سانمورام حقیر
چوخ آگهم بو فعل کمال قصور دور
اما او یر که حقدی خطا بخش سن شفیع
جرم و گنه خیالی ایدن بی شعور دور
شاعر : مرحوم عابد
موضوع: احوالات تنور خولی ,
زبان شعر و شاعر: نوحه ترکی , عابد
ــــــــــــــــــــــــــــــــــــــ
زبانحال حضرت فاطمه زهرا (س) در تنور خولی
ای مست جام عالم قالو بلی اوغول
مطبخ سرا هارا یارالی باش هارا اوغول
سیر الی اللهینده مبارکدی منزلین
خلوت سرای عشقین اولوب غمفزا اوغول
سودای وصل یار دوشه هانسی بیر باشا
گلمز باشا باشیندا اولان ماجرا اوغول
جام بلایه مشتری سن شوق و ذوقیله
بیر کیمسه ائتمییوب بیله بیع و شرا اوغول
عالم فدا بو همت و ایثاریوه سنون
جانان یولوندا جانیوی ائتدین فدا اوغول
گلدی آنان عیادته آچ قان دولان گوزون
باغریم دونوبدی قانه اویان با وفا اوغول
گلم دالینجا هر یئره گئتسون دوزنمرم
تاب ائله مز بالا غمینه هیچ آنا اوغول
ناز ائیلمه که منده داخی قالمییب توان
اولما رضا بو قدری ائده م آه وا اوغول
گل سینمه چوخ اینجیمسن چوخ یورولموسان
از بس وروبلا یاره سنه اشقیا اوغول
خولی گتیردی باشیوی قویدی کول اوستونه
کول اولدی عالمین باشینا برملا اوغول
دوتدی هوای نفس گوزون حقی گورمه دی
گوردی سنه بو محنت و ظلمی روا اوغول
بیر باش که طوف ائدر باشینا عرش و فرشیان
گور هاردا یئر وئریب دیله قوم دغا اوغول
تک گلموسن ندن هانی بس لشگرون سنین
سرلشگرون هایاندادی دوتسون لوا اوغول
گوردوم وفالی قارداشیوین سعی و همتین
سو اوسته اولدی قولاری تندن جدا اوغول
یاندیم علی اکبر و قاسم غمینده چوخ
اصغر غمینده من سنی ائتدیم دعا اوغول
کسدی او دم کی باشیوی شمر لعین سنین
دوشدی بلایه عترت خیرالورا اوغول
سندن صورا خیامی قشون غارت ائتدیلر
عرشه اوجالدی خیمه دن آه و نوا اوغول
قورخوشدی قیزلارین نگران قاچدی چوللره
تا ائیلسین له جانلارین اوددان رها اوغول
هم سویدولا بالالاری هم دوگدولر او دم
اولدی اسیر عترت آلعبا اوغول
آتلارایاقی آلتدا قالیب نازدانه لر
سولدوردی بیر نچه گولی اهل جفا اوغول
سندنصورا آچیلدی فراتین یولی ولی
هر کیم سو ایچدی اولدی غمه مبتلا اوغول
باشون بلاسی درد و غمه سالدی عالمی
گتدی نوایه اهل دلی نینوا اوغول
گرچه کول اوسته یاتماقیوی بیلمیری باجون
گرداب غمده غرقیدی اول ناخدا اوغول
یانمیش چادیردا زینبی گوردوم گلنده من
قورموشدی خیمه گاهیده بزم عزا اوغول
نصفی یانان چادیردا طبیبانه زینبین
آچمیشدی اهلبیتیوه دارالشفا اوغول
نازین چکوب بالالاروین مهربان باجون
بیر کس یوخیدی ائیلییه درده دوا اوغول
بیکس رباب هیچ کیمه دردین دینمدی
گیزلین شراره یاندی اوغولسوز آنا اوغول
دوشدی یولوم گلنده منیم قتلگاهیدن
یاندیم شرار غملریله هکذا اوغول
توپراقلار اوسته قانه بلنمیش جنازه لر
ائتمیشدیلر او یئرده سنه اقتدا اوغول
گودال قتلگاهیدن آلدیم سراغیوی
گوردوم وروبلا جسمیوه سایسیز یارا اوغول
گلمیشدی نعشون اوسته بابان ختم الانبیا
هم قارداشین حسن هم آتان مرتضی اوغول
نازلی قیزین شیرین دیلیله نوحه باشلادی
وئردی او غملی انجمنه بیر صفا اوغول
یاندیردی داغلی سینه میزی لیک ساربان
اول دم که گلدی غارته اول بی حیا اوغول
بیر ال کی ال دوتاردی اونی کسدی ظلمیله
گلدی فغان و نالیه ارض و سما اوغول
گوردوم اوغول او منظره نی یاندیم اغلادیم
یاخدیم او قانی زلفیمه ائتدیم حنا اوغول
گلمز تمامه مصحف غم هرنه شرح ائده م
سن حالیوی بیان ائله ای مه لقا اوغول
مدهوش یازدی شام غریبان بو مطلبی
هر کلمه سینده ائتدی سنه التجا اوغول
کانال اشعار محمد هوشمند (مدهوش)
موضوع: احوالات تنور خولی ,
زبان شعر و شاعر: نوحه ترکی
ـــــــــــــــــــــــــــــ
احوالات تنور خولی
ـــــــــــــــــــــــــــــ
ای خولی تنوری بو گجه طوره دونوبسن
موسی باشی سینونده یم نوره دونوبسن
سینونده یاتوبدی بو گجه سرور خوبان
سینون اودی کی فخر ایلیور گوگلره الان
خوش حالوه باخ گور کیم اولوبدور سنه مهمان
بیر لطف ایلیوب جنت پر شوره دونوبسن
بیر حده چاتوبسان بورا حوراده گلوبدی
عیسائله موسائله طاهاده گلوبدی
ئوز اوغلونا باش چکمگه زهراده گلوبدی
عاشقلره ایچون نقطه منظوره دونوبسن
فرصت بو مکاندا هله ذکر غمه واردور
گیت گل بورا چوخدی بو گجه همهمه واردور
هر گوز گوره بیلمز نه گوزل زمزمه واردور
بو زمزمه دن لانه زنبوره دونوبسن
شاعر : استاد غلامرضا هادی اردبیلی
موضوع: احوالات تنور خولی ,
زبان شعر و شاعر: نوحه ترکی , هادی اردبیلی
ـــــــــــــــــــــــــــــــ
نقل ایدور همسر خولی بو اسفلی سخنی
بستر ایچره گیجه یاری یوخی دوتموشدی منی
بلمیوردوم شرفین ماهی بیزیم ایوده باتوب
فاطمه اوغلی تنور ایچره کول اوستونده یاتوب
بلمیوردوم ایویمون دورین آلیب حور و ملک
بیزه پهلوسی سینان فاطمه مهمان گَلَجک
ویردی بیر ناله سسی قلبیمه رویاده تکان
خواب غفلتده یاتان گوزلری آچدیم یوخودان
یاندیروب مشعلی سالدیم ایوه دقتله نظر
گورمه دیم ناله و افغان ایلیندن هیچ اثر
قلبیمی ناله سسی کورکیمی گوردوم داغلار
ایو عزاخانیه بنذر ثر و دیوار آغلار
ایشیدوردوم او سسین صاحبی دردین سانادی
سوزلریندن بلنور اوغلی اولن بیر آنادی
دیور آهسته لب خشکوه زمزم قربان
آلنون یاره سینه یاره لی سینم قربان
بالالارین حرمین گوزدن آتان اوغلوم وای
جسمی چولده باشی کول اوسته یاتان اوغلوم وای
تشنه لب قانلی باشی ذبح اولان اوغلوم لایلای
گوزینون کاسه سینه قان دولان اوغلوم لایلای
موضوع: احوالات تنور خولی ,
زبان شعر و شاعر: نوحه ترکی
ــــــــــــــــــــــــــــــــ
عالمون داشینی سلطان جهان آتدی گئجه
شمس دین خولی تنورینده نیه باتدی گئجه
جسمی صحراده تنور ایچره باشی یاتدی گئجه
گوردی بو صحنه نی فریاد ایلدی حور و ملک
عرشیدن فرشه نزول ائتدی نچه قاره لچک
ائتدیلر دوره تنوری او برازنده زنان
هاموسی ایلدیلر اشکینی رخساره روان
کیم باخوب قعر تنوره ائلدی آه و فغان
بیری سسلندی حسین آدوه موسی قربان
دئدی مریم کسیلن باشوه عیسی قربان
بیر خانم گلدی قباقه آغاروب باش قاراسی
سورونور یرده عباسی سینه ده وار یاراسی
آغلادوب اهل سماواتی اونون اوخشاماسی
تا گوروب کوللرین اوسته بالاسین فخر انام
دئدی ای وای منه گور هاردا یاتوب نازلی بالام
بالانون باشینه باخدی آناسی ناله کنان
سسلدی آچ گوزووی فاطمه گلدی بالاجان
غم بی حدون ائدوب قامت زهرانی کمان
بیلمورم ظلم و ستم ائتدی سنی خسته اوغول
قوجاقیم بوشدی یاتوبسان نیه کول اوسته اوغول
شاعر : نوید آسال اردبیلی
موضوع: احوالات تنور خولی ,
زبان شعر و شاعر: نوحه ترکی , نوید آسال اردبیلی
ــــــــــــــــ
تنور خولی
ــــــــــــــــ
به خولی بگفت آن زن پارسا
که را باز ، از پا درآورده ای؟
که در این دل شب چو غارتگران
برایم زر و زیور آورده ای
به همراهت امشب چه بوی خوشی ست!
مگر بار مشک تر آورده ای؟
چنان کوفتی در که پنداشتم
ز میدان جنگی سر آورده ای
چو دانست آورده سر، گفت آه!
که مهمان بی پیکر آورده ای
چو بشناخت سر را بگفت ای عجب!
سری با شکوه و فر آورده ای
در این کلبه ی تنگ و بی نور من
ز گردون مه انور آورده ای
بمیرم، در این تیره شب از کجا
سر سبط پیغمبر آورده ای؟
چه حقّی شده در میان پایمال؟
که تو رفته ای داور آورده ای؟
ولی زآنچه من آرزو داشتم
به یزدان قسم، بهتر آورده ای
به گلزار جانان زدی دستبرد
به کوفه گلی نوبر آورده ای
گل آتش است این که از کوه طور
تو با خاک و خاکستر آورده ای
شاعر : مرحوم نگارنده
موضوع: احوالات تنور خولی ,
زبان شعر و شاعر: نوحه فارسی , نگارنده
ـــــــــــــــــــــــــ
بیر گجه حسین باشی ایلدی مطبخی منور تنوریده
گوشواره عرش لم یزل ویردی فرشه زیور تنوریده
بیر به بیر ملائک دئیردیلر بیر باخون بو قانه باتان باشا
جاه و عزتین جمله عترتین حق یولوندا باشدان آتان باشا
بارها پیمبر چکوب الین بو کول اوسته یالقوز یاتان باشا
وجه ذوالمنندور بو شکلیده تا اولوب مصور تنوریده
جبرئیله امر ایلدی خدا ای امین من گئیتگلن یره
فاطمه حبیبیم بهشتیدن قصدی وار گیده اوغلونی گوره
گورسه کوللر اوسته اوغول باشین عالمی ویرار جمله بر بیره
افتخاریله ایت قنادوی سن او باشه بستر تنوریده
گوردی بیر طرفدن عیادته جدی خاتم الانبیا گلور
مرتضی الینده عمامه سی مجتبی دیور وا اخا گلور
اللری بلینده گوزونده یاش دید شاهه خیر النسا گلور
سسلنور حسینیم هایانداسان سس ویرور او سرور تنوریده
خولی دنی قانلی باشوی کوفیه قوناق دعوت ایلیوب
چون بیلوب امیر حجازسن شانوه گوره خدمت ایلیوب
میزبان گوروب چوخ یارالیسان رختخوابوی راحت ایلیوب
میزبان یاتوب رختخوابیده میهمان مضطر تنوریده
کربلاده باش سیز جنازوی قان ایچینده آلدیم کناریمه
بیر به بیر ئوپردیم یارالارون قانوی یاخاردیم عذاریمه
ساربانی گوردوم دوزنمدوم باعث اولدی بو آه و زاریمه
گلدیم ایلیم کوفه ده عیان باشویله محشر تنوریده
سن اوزون قوناقسان بو کوفه ده منده گلمیشم میهمان سنه
چکمه خجلت اولما ملول اگر خدمت ایتمیوب میزبان سنه
زلفیمیله پاک ایلرم باشون سینم اوسته ویرم مکان سنه
قویمارام بو عزتله بسلنن باش اولا محقر تنوریده
شاعر : استاد کریمی مراغه ای
موضوع: احوالات تنور خولی ,
زبان شعر و شاعر: نوحه ترکی , کریمی مراغه ای
ــــــــــــــــــــــــــــ
قتلگهده بویادی زلفین آنان قانه اوغول
گلدی خولی اوینه شام غریبانه اوغول
منه تودیعه گلندن سنه ای سبط رسول
گزورم چوللری آردونجا گوزی یاشلی ملول
ایتموسن هاردا بو یوللاردا سن اجلاس نزول
اوردا من دلده آدون گلمشم افغانه اوغول
کربلا دشتنه چکدی منی دردین هوسی
مخیمونده واریدم عمریون آخر گجه سی
خیمدن عرشه چخاندا باجوون ناله سسی
من اوزوم همدمیدیم زینب نالانه اوغول
آخرعمریونده قویاندا یوزوی توپراقا سن
دوشمیشدیم بوغازون آلتنا آق زلفمی من
الینی گوزلریمه قویدی آتان شاه زمن
دوشمیه تا نظریم خنجربریانه اوغول
دمه بیر لحظه سنی گوزدن آنان آتمشدی
قانه هر بیر یارادان کی بدنون باتمشدی
یارالار قانی منیم زلفمی ایسلاتمشدی
سن کیمی اوردا بلشمشدی آنان قانه اوغول
مصرعونده بلیمی بوکدی منیم لشگر شام
عمریون گچدی چراغی گونوز اولدی منه شام
گون کیمی گچدی باشون نیزیه گون اولدی تمام
چکدی قان لخته سی پرده خور رخشانه اوغول
گجه نین ظلمی گونوز ظلملرینن باشدی
هله گوندوز یاخلان قانیله زلفم یاشدی
او بدن کی کفنی نیزه قلنج اوخ داشی دی
اوزگه ظلم ایتدیلراول پیکر عریانه اوغول
ساربان اولدی سسب قانه دونن گوز یاشیما
اللرون کسدی دوتوب قانوی یاخدیم باشما
گلمدیم دشمن بیرحم ایونه اوز باشیما
گدی عشقون منی بو کوفه ی ویرانه اوغول
بلمیوب کوفه لیلر قدرووی من بولم اوغول
هر یره گتسه باشون دلیده آدون گلم اوغول
کول دولوبدور گوزیوه زلفمیله سیلم اوغول
آناوی عشقون ایدوب گور نجه دیوانه اوغول
گوندوزوم شامه دونوب سنسیز ایا صبح ازل
کیم سالوبدور سنی بو حاله اولا اللری شل
یاتما نازیله کول اوسته بالا دور سینمه گل
قویما اوج ایتسون آنان ناله سی کیوانه اوغول
سن بو ماتم زده خون جگره سو گلوسن
جور خاریله سولان گولشنمون بیر گولی سن
یارالی سینمه ترجیح وروبسن کولی سن
گلماقون سینمه منت دی گنه جانه اوغول
سن اوغول اوغلی اولن قلبی یانان بیر آتاسان
من اوغولسوز آناوی حاش گوزوندن آتاسان
نه گلوب سینه ی زهرایه کول اوسته یاتاسان
کول اولا مردمک عالم امکانه اوغول
گلمشم آچ گوزون ای برج امامت قمری
آناوون گور نجه رخساره آخور اشک تری
یوخوموش خولی بیرحمده انصاف اثری
بو نه منزیلدی وروب سن کیمی مهمانه اوغول
سینمی تیر غمه هر غمون آماج ایلیوب
منزلون دشمن ایوی صبریمی تاراج ایلیوب
چرخ آیینه نی خاکستره محتاج ایلیوب
کوله محتاج اولا بو چرخ ذلیلانه اوغول
ای جمال اللهه آیینه رخ انویله
سیلینن گرد رخی صورت پیغمبریله
دوزدی گرون سیلر آیینه نی خاکستریله
نه بو آیینه نه بو کول نه بو کاشانه اوغول
اولا هر ظلم و ستم دهریده مظلومه چاتار
غم اوخی غملر الیندن دل خونینه باتار
میزبان رذل اولا مهمانی کول اوستتونده یاتار
گوشه مطبخ اولار مأمن شاهانه اوغول
سیخلار اوچی الیندن یارالی قوش بو داغا
جبر ایدر شاهی پناهنده محقر اوتاقا
لیک ورمزله مکان کنج تنوری قوناقا
حتک حرمت دی بو یر سن کیمی مهمانه اوغول
بودی دنیانین ایشی خار ایده هر سو گولونی
داغیله غنچه اکن لاله ی نعمان دلینی
آفت باد خزانه ویره گلشن گولونی
هر بهار آغلار اودور ابر گلستانه اوغول
بسلدیم من گل طاهانی دل اوستونده بالا
خاره یالوارموشام آخر بو گول اوستونده بالا
یارالی صورتوی قویما کول اوستونده بالا
حیف دور گول دوشه خاکستر سوزانه اوغول
بوغازوندا باخورام زخم مکرر یرینه
حنجرونده یانورام اون ایکی خنجر یرینه
گور دوزر هانسی آنا اولسا بو مضطر یرینه
توکمز اشگ بصرین من کیمی دامانه اوغول
گزدیم ای یوسف گمگشته سراغونده سنون
تاپدیم آخر او چوخور یرده یارالی بدنون
گوندرم غصه لی یعقوبه بر پیرهنون
تاپمادیم جبرا آپارمشدیلار تالانه اوغول
پیکرون بنزوری گوردوم یازیلان قرآنه
جیلدی یوخدور داغلوب هر ورقی بیر یانه
من باخوردوم او داغلمش بدن عریانه
گوردوم اول جسمده گلمور یارالار سانه اوغول
ایتموسن عهد الستونده بلایانی قبول
او بلایا کی اونا واله و حیراندی عقول
داغدوب ناطق قرآن بدنین سم خیول
بیرده شیرازه ورولماز بیله قرآنه اوغول
قان ایدوبدور یارالی قلبووی قارداش یاراسی
باشدا شمشیر جبینونده اوغول داش یاراسی
قاریشوب بیر بیرینه داش یاراسی باش یاراسی
آناوون قانه دونر گوز یاشی گریانه اوغول
قان سریرینده یاتوبسان یارالی پیکریله
سایه سالیمش سنه اوخلار قوشی شهپرلریله
اهریمن ال تاپوب انگوشتوه انگشتریله
آچولوب غارت الی دست سلیمانه اوغول
گیتمز ایستکلیسی ایستکلیدن عالمده یانش
دیندیرر خوش دلیله هر کیمی دیندیرسه تانش
چوخدی غصه م بولوسن گوگلمی آل بیرده دانیش
آشنایم دگلم من سنه بیگانه اوغول
منزل ذهنی سائلده بو اشعاری یازان
صابر و حافظی و نجمی و سعدی زمان
مسگر و رنجبر و سالک و طهباز جوان
اولدی بانی حسنینیله بو عنوانه اوغول
بیزه نوکردی بولار شاهه تیکر گوز نوکر
اودی گوز یاشلی هره درد دلین عرض ایلر
جمله سی دردینه درمان و زیارت ایستر
دعوت ایله اولاری وقفه ی قربانه اوغول
شاعر : مرحوم حسینی سعدی زمان
موضوع: احوالات تنور خولی ,
زبان شعر و شاعر: نوحه ترکی , حسینی سعدی زمان
ـــــــــــــــــــــــــــــ
احوالات تنور خولی
ـــــــــــــــــــــــــــــ
حسین شام غریباندور سنه یار اولماسام اولماز
چوخور یرده دوتوب ماتم عزادار اولماسام اولماز
سنون عشقون سالوب چولدن چوله بو غملی زهرانی
اولام لازمدی بو صحراده ناچار اولماسام اولماز
غم اهلی رسم عالمدور همیشه غملینی خوشلار
سنون تک غملی بیر سلطانه غمخوار اولماسام اولماز
شکسته دللرون قدرین شکسته دل بیلر اوغلوم
ئولوب اوغلون سنوب قلبون طرفدار اولماسام اولماز
بو باشسیز پیکره اولّام نگهبان ساربان قویسا
او گلسه دیده سی مقتلده خونبار اولماسام اولماز
نه لر اولدی خانم زهرا دوروب ترک ایتدی گودالی
دیدی هر یرده من درده گرفتار اولماسام اولماز
یوخ امکان اگلشم بوردا حسین جان ال کسن گلدی
ندور چاره گیجه وقتنده سیّار اولماسام اولماز
خرابه کوفه ده مطبخ سرادور مسکنیم بیلدوم
گلوب صبحه کیمی مشغول گفتار اولماسام اولماز
اولوبسان خولیه مهمان سنه گلم قوناق اولام
عزیزیم سن اولان منزلده من وار اولماسام اولماز
بلالی باشوون دردی باشا گلدی و یا اینکه
گنه بیر آیری دردون وار خبر دار اولماسام اولماز
منیم ئوز نازدانم سن منیم ئوز پروریدم سن
امیدیم سن پناهیم سن پرستار اولماسام اولماز
زیارت فیضینون مشتاقیم قصدیم زیارتدور
دوداقوندن ئوپوب مطبخده زوّار اولماسام اولماز
گلوب تاپدی اوغول باشین مرامی حاصله گلدی
کولون سیلدی گوزون اوپدی یوزون اوپدی دیله گلدی
دیدی اوغلوم آنون گور ایندی افغانه گلر گلمز
سرشگین گوزلرینده دوندروب قانه گلر گلمز
اوغول چولدن چوله دوشسه اوغول ایودن ایوه گیتسه
آنا آیا دالیجا خانه بخانه گلر گلمز
قابورقام سینماقیمداندا باش اولدی باشون دردی
بالا یاتسا کول اوستونده آنا جانه گلر گلمز
سنون پروانوم سنده منیم روشن چراغیم سن
چراغ هر یرده روشن اولسا پروانه گلر گلمز
گیدنده موکب سلطان عزیزیم شهریدن شهره
مگر شهرون رجالی دید سلطانه گلر گلمز؟
جلوس شاه شاهانی بیلنده دردمند اشخاص
عریضه الده درباره ذلیلانه گلر گلمز
قوناقسان بو ایوه افسوس خوشگلدون دِیَن یوخدی
گور ایندی قلبیمون آلامی طغیانه گلر گلمز
ئوزون غملی یرون غملی گلن یوخدی گیدن یوخدی
قوناق گلسه ایو اهلی نزد مهمانه گلر گلمز
مسلمان ابتلا گورمز مسلمانه قوناق گیتسه
بو ظلمی درک ایده رقّت مسلمانه گلر گلمز
کول اولسون باشینه اسلامه توهین ایلیوب خولی
بو توهیندن شماتت اهل قرآنه گلر گلمز
بو باشین قدرینی زهرا بیلر چون اهل عرفاندور
صفا عارف اولاندا بزم عرفانه گلر گلمز
بیر آز گیت هوشه محسن اَممیَن پستانلارون اوسته
کسوک باش قان دولان پستانه درمانه گلر گلمز
ئورک دردین آنا اولادینه بیر بیر مقال ایتدی
ئورک دردین آنا اولادینه بیر بیر مقال ایتدی
جوابینده اوغول گویا بو نوعی کشف حال ایتدی
آنا قانلو باشیم مطبخده بی پیکر قالوب قالسون
جنازم صفحۀ میدانیده بی سر قالوب قالسون
قولون قنفذ جفاسیندن اوجالمور غم یمه نینک
منیمده اللریم اللرده ای مادر قالوب قالسون
او داغلی دلده سن ساخلا حسن داغین حسین داغین
منیم قلبیمده داغ اکبر و اصغر قالوب قالسون
قویوبلار خارجی آدی حسینه غصّه سین ایتمه
شماتتده نوامیس حق داور قالوب قالسون
قیزیم صغرا فراقیمدن تیکوبدی گوز یولا تیکسون
آنام ام البنین یثربده بی یاور قالوب قالسون
سویولمش خسته قیزلاریم قولون بالش ایدوب ایتسون
مریض اوغلوم یانان چادرده بی بستر قالوب قالسون
رقیه قولارین قمچی گویَرتسون مانعی یوخدی
منه ناز ایلین بلبل شکسته پر قالوب قالسون
عروس قاسمی بی شرم اولان دشمن سویوب سویسون
گیدوب گوشواره سی تاراجه بی زیور قالوب قالسون
قوجالتسون غصّه کلثومی آغارتسون زینبین زلفین
ویروب قارداشلارین الدن قرا معجر قالوب قالسون
منیمدور جاودانی سلطنت هند اوغلی دنیاده
بِش اون گون آبروسیز ملّته رهبر قالوب قالسون
فقط قرآن وار اولسون پرچم دین اهتزاز ایتسون
اسارت پنجه سینده آل پیغمبر قالوب قالسون
بو بزم انسده اولما پریشان آغلاما نِینَک
کسوک باشیم سنان قولاره قربان آغلاما نینک
آنا کرب وبلانون محشریندن من دیوم یا سن
شهادت نامه نون غم دفتریندن من دیوم یا سن
حسینون دردینه سن که ئوزیندن یاخشی واقف سن
نه لر گوردوم او شامون لشگریندن من دیوم یا سن
حبیب ابن مظاهردن ایدک یا حریدن صحبت
شجاعان حماسه آفریندن من دیوم یا سن
گوزل اوغلوم اَوَل گیتدی عبا پیچ ایلدوم گتدوم
رسول اکرمون ئوز بنذریندن من دیوم یا سن
وفالی عمه سی میدانه گلدی باش آچوق گوردون
آناسی لیلینون اشگ تریندن من دیوم یاسن
ربابین شیر خوار اوغلی اوخی پستان کیمی اَمدی
نجه قان جاری اولدی اوخ یریندن من دیوم یا سن
قوی پنجه قوی بازو قوی هیکل علمدارون
سو اوستونده کسیلمیش اللریندن من دیوم یا سن
بلالی زینبیم من ذبح اولان ساعتده مقتلده
نجه شمرون یاپوشدی خنجریندن من دیوم یا سن
او پیراهن که ویرمیشدون من آلدوم فضّه دن گیدوم
نجه چخدی حسینون پیکریندن من دیوم یا سن
سویا حسرت اولان قیزلاریمی اود چکدی آغوشه
سوسوز بلبللرون یانمش پریندن من دیوم یا سن
بیری خندقده جان ویردی ایکیسی قول بویون ئولدی
باجیم ئوپدی یومولموش گوزلریندن من دیوم یاسن
یزیدی مست ایدوب دنیا اله مستانه جام آلسون
بو قانی قویماسون یرده خداوند انتقام آلسون
شاعر : مرحوم انور اردبیلی
موضوع: احوالات تنور خولی ,
زبان شعر و شاعر: نوحه ترکی , انور اردبیلی
نظرات (۰)