متن نوحه ترکی احوالات حضرت زهرا

متن نوحه ترکی احوالات حضرت زهرا سلام الله علیها

در احوالات حضرت فاطمه زهرا (سلام الله)

یتوشدی جوراعدادن وفات حضرت زهرا

پریشان زلف زینب تک اولوبدورحالت زهرا

پیمبردن صورا غمدن بتولین قلبی داغلاندی

طناب ظلمیله دست ولی الله باغلاندی

لگدکوب عدودن سیندی پهلو درگهی یاندی

علینی بیعته چکدیله آرتوب حیرت زهرا

او خاتونین یتوشدی حاملان عرشه افغانی

صباح و شام آغلاردی چکردی ال دیرمانی

وداع ایلوبدی اون سکزیاشیندا داردنیانی

نقدرایتسن تفکرشرحه گلمز محنت زهرا

بو مدت عمریده اصلا اولمادی بیرلحظه آسوده

ایدردی حضرت مریمدن آرتوخ سجده معبوده

سرشکین ایلموشدی خون دلیله ایله آلوده

اولوب لیلا نهارا آغلاماقلوق عادت زهرا

باشی حیدرکنارینده گیدردی ضعفیدن هوشه

گلوب هوشه باخاردی زینبه دردی گلوب جوشه

گهی کلثومی گاهی مجتبانی چکدی آغوشه

قویوب آغلارحسینی قالدی دلده حسرت زهرا

نه وارزهرا آدیندا بلمورم ذکراولسا هریرده

هامی قلبه چکردرد و کدورتده سرا پرده

نه عالمدی اونون آدی گلوب عالم گلردرده

مگرتخمیراولوبدوردرد و غمدن طینت زهرا

اسوب باد خزان گلزارعیشی ظلمیله سولدی

هجوم آمراولوب زاغ و زغن صحن چمن دولدی

علینین قولارین باغلی گورنده مو سفید اولدی

بوکولدی بارمحنتدن اولوب خم قامت زهرا

خانم یا فاطمه زینب غمونده بیقرارآغلار

سنان و شمریوخدورخوفه دوشسون آشکارآغلار

دیارشامه گل بازاریده بی اختیارآغلار

او زینب که ظهورایلردی اوندا عفت زهرا

بو زینب آدینین زهرادن آرتوخ واردی تاثیری

اونون تاثیری هرقلبی یخوبدوریوخدی تعمیری

شرار دود آهی یاندوروبدوربند زنجیری

یزیدین مجلسینده هتک اولاندا حرمت زهرا

حسین باشین جداده گوردی زینب آه و زارایتدی

دیدی قارداش نه وارباشونده دشمن سنگسارایتدی

یهودیلرمحلاتین دولاندی شمر جارایتدی

دیدی آغوش عزتده بو باشدور زینت زهرا

بو غمده (بیخود )و (سالک)اولوب بلبل کیمی گویا

دل(واقف) گلوردرده ایدرناله علی السما

بیزی شش گوشه قبره (عاملیله)ایسته یا مولا

بحق تربت حیدر بحق عصمت زهرا

مرحومین واقف و عامل و سالک و بیخود سرابی

منبع : کانال گنجینه گذشتگان

موضوع: حضرت فاطمه زهرا (س) احوالات , 

زبان شعر و شاعر: نوحه ترکی 

احوالات حضرت فاطمه زهرا (سلام الله)

جهانی دولدوروب گینه غم و ملال فاطمه

باتوبدی ماتمه بو گون تمام آل فاطمه

اشاره ایلسم اگر مصیبت بتولیدن

رساله الده شرم ایدر خجل اولار رسولیدن

سوروش بتوله نائبه فسرده دل ملولیدن

هنوز زینبی ملول ایدوب ملال فاطمه

او گونکه تاپدی خلقت بشرله ماسوا نظام

عطا اولوندی حقّیدن بتوله عالی بیر مقام

که یتمیوب بیر عورته بیر ایله رتبه ی عظام

جهانیانی حیرته سالوب جلال فاطمه

او گونکه اهل محشره خدای حیّ کائنات

حساب خیر و شرّ اوچون ویرور دوباره دن حیات

او سخت گیر و داریده چتیندی هر کسه نجات

گر اولماسا شفاعته او گون خیال فاطمه

بو شان و بو مقامیله بو عزّت و جلالیه

گورون بو چوخ آز عمرینی ویروب باشا نه حالیله

انیسیدی گجه گونوز مصیبت و ملالیله

سارالدی سولدی گل کیمی جمال آل فاطمه

گلوبدی بیر گونی ایوه علی ولیّ کردگار

پیمبرین عزیزه سین گوروب ملول و دلفگار

یاتوبدی قبلیه طرف فسرده دل غریب و زار

او شهریار حالینی پوزوبدی حال فاطمه

شروع ایدوب اویاتماقا عزیزه سین ابوتراب

نه دللریله سسلدی ایدوب نجه گوزل خطاب

ملول اولوب سوالیدن گوروب که گلمدی جواب

اورکلنوب او بلبل شکسته بال فاطمه

اولوب سرشک حسرتی عذاره سیل تک روان

دیدی عم اوغلوام سنون نه یاتموسان گوز آچ اویان

نه دل دیدیم دانشمادون، نولوب او نطق خوش بیان

علینون آلدی طاقتین بو نطق لال فاطمه

سنون بو دینمماقلیقون ز بس ایدر اثر منه

که قورخورام اورک یانا گلم دله ایدم گله

اورکده چوخدی درد دل اماندی بیرده گل دله

فرح ویرور روانیمه او خوش مقال فاطمه

آچوب گوزین او حالیده او نور دیده ی رسول

رسول جانشینینه ادبله عرض ایدوب بتول

سنون ملالون ایلیوب منی عم اوغلی جان ملول

فراق باشلانوب یتوب باشا وصال فاطمه

یاخونلاشوب اوشاقلاریم یتیم اولا عم اوغلی جان

واریمدی بیر نچه سوزوم اجازه ویر ایدوم بیان

ازلکه خواهشیم بودور گر عورت آلسان هر زمان

بیر عورت آل که تا اولا رئوف آل فاطمه

منیم که قویمادی فلک زمانه ده یوزوم گوله

شبیهیدیم همیشه بیر خزان اولوب سولان گله

جنازه مین گوتورماقین مباد اهل کین بوله

گرکدی خلقیدن نهان اولا رحال فاطمه

ئولومده گوردوم عاقبت فشاریدن نجاتیمی

اودور که حقدن ایستدیم گجه گونوز وفاتیمی

هانی بولن نه چکمیشم بو مدّت حیاتیمی

بو مطلبی بولور فقط او ذوالجلال فاطمه

اگرچه غمده زینبیم سببدی شور و شینیمه

او چوخ علاقه منددور بو ایکّی نور عینیمه

اونون جهاندا منجه وار محبّتی حسینیمه

او بلبلی ملول ایدر بو گل جمال فاطمه

عبث دگل که گوزلریم بهار ابری تک دولار

صغیر اَکَن بو نازنین بالالاریم یتیم اولار

حسن پوزولسا دل یانار، حسین سارالسا گل سولار

چمنلری خزان ایدر بو نونهال فاطمه

باخاندا زینبه دولور سرشک چشمیله گوزوم

آنا فراقی قیزلارا چتیندی گورموشم اوزوم

بو محنته بو فرقته محال امردور دوزوم

آنا دیوب نه قدر وار یانار مثال فاطمه

بو فصل تازه « شأنیا » ملول ایتمه سین دلون

تانور تمام اهل دل سنون سوزون سنون دلون

نجه جهاندا حلّ اولور تمام سخت مشکلون

یقین جزاده ده یتر سنه نوال فاطمه

شاعر : مرحوم شانی

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , شانی 

در احوالات حضرت فاطمه زهرا (سلام الله)

چوخ چکدی جفا عمروده دلبند پیمبر

ایستردی خدادن ئولومون با دل مضطر

زهرانی قوتار دار جفانین ستمیندن

قدّیم خم اولوبدی آتامون بار غمیندن

هر گونده نماز اوسته او بانوی دل افگار

ایلردی بو طرزیله خانم دردینی اظهار

یارب سنی جدّیم داخی ئولدور منی قورتار

آخِرده مرض فاطمه نی بستره سالدی

مظلومه لیقین عالم آرا دللره سالدی

بستر خانما مونس اولوب گوگلینی آلدی

زهرا دیه سن بیر گلودی سولدی سارالدی

گل سولدی سارالدی غمی بلبللره قالدی

غمدن بالاسی زینبه چوخ حصّه یتیشدی

چون باشی بلالیدی اونا غصّه یتیشدی

گوردی ئولوم آثاری نمایاندی یوزونده

تاریک ایلیوب غم گیجه سینده گونوزونده

گوزیاشی ووروب زینبینون حلقه گوزونده

مقراض اجل رشتۀ امّیدی قیراردی

بو حالیله زینب تلینه شانه ووراردی

ووردوقجا پریشان تلینه شانۀ حسرت

آغلاردی دیردی قیزیم اولدی بیله قسمت

یاخشی قولاق آس ایلیورم نچّه وصیّت

مندن صورا باشون دوشه جاق درد و بلایه

دیداریمیزین قالدی بیری کرب و بلایه

قارداشلاریوین غم گونی غمخواری سن اولدون

آغلار باجیوین مونس و دلداری سن اولدون

آز سنّیله ایتام پرستاری سن اولدون

زهرا عوضیندن اولارین گوگلین آلارسان

زهرانی سالوب یاده بو ایوده دولانارسان

من تک خُم محنتده غمیله بویانارسان

بو قارداشیوین باشینون اوسته سو قویارسان

سسلنسه آنا سن عوضیمدن اویانارسان

ای مادر غم آغلاسا قارداشیوی قویما

گر ایستسه آخسون یوزه گوزیاشیوی قویما

آغلاشدیلا بو سوزده ایکی بانوی عالم

اولموشدولا بیربیرلرینه مونس و همدم

میر نجفیله حسنین گلدیله باهم

اوغلانلارینین بوینونا سینمیش قولی سالدی

هر تک تکینون ئوپدی یوزون گوگلونی آلدی

عرض ایتدی عم اوغلی اورگیم قان اولا قویما

اشکیله حسینین گوزی بیر آن دولا قویما

گل تک بالالاریم سارالوب یا سولا قویما

روحیمدی حسین آیریلورام روحیدن ایمدی

کشتی نجات ایچره اولان نوحیدن ایمدی

قویما آخا گوزیاشلاری سیمایه عم اوغلی

گیتسونله بویور روضۀ طاهایه عم اوغلی

ایتسونله دعا اوردا بو زهرایه عم اوغلی

گلچین اجل گلدی دی بلبللره گیتسون

دورسون بالالار روضۀ پیغمبره گیتسون

زهرا سوزی تاثیر ایلدی میر حجازه

گوندردی او شهزاده لری مجلس رازه

فرمایش ایدوبدی دل آچون راز و نیازه

خیر البشرین روضه سی چون دار شِفادی

اول قبّه نین آلتیندا برآورده دعادی

چوخ حسرتیله ال اله ویردی ایکی قارداش

عمّامه لری الده توکولّر یوزه قانیاش

تا روضۀ پیغمبره دین قاچدیلا بیر باش

غم ساغری دولموشدی یره دوشدی جالاندی

اول روضه ده بیردن بیره بو سس اوجالاندی

مقتلده اوکی ضبط اولونوبدی بودور عینی

سس گلدی یتیم اولدولا زهرا حسنینی

زینب آناسیز قالدی یتیم اولدی حسینی

کلثوم آناسی ترک ایلدی دار فنانی

یاندوردی بو سوز قلب شه کرب و بلانی

فوراً قییدوبلر ایوه با دیدۀ گریان

اَسمانی گوروبلر دایانوب زار و پریشان

گلدی دله اوّلده حسین ایلدی عنوان

آخِر دی گوروم ایمدی آنام فاطمه هاردا

علّت ندی گوزیاشون آخور عارضه اسما

عرض ایتدی آنان غملرینی گوزدن آتوبدی

وصل عالمینون لذّتینی هجره ساتوبدی

سسلنمه اویاتما اونی آسوده یاتوبدی

پروانه ده هجر آتشینه من کیمی یانمور

چوخ سسلموشم من اویانا بلکه، اویانمور

بو سوزلریله ایلدی سدّ ره چاره

فرمایش ایدوب وورما یارا قلبیمه یاره

چک زحمتیمی سن آنامی سسله دوباره

قلبین غم اوخی سویله گلن دلدی حسینون

گیتمیشدی دعا ایلماقا گلدی حسینون

بیر سوز دیماقا تاپمادی اسما او حزینه

باشین اشاقا سالدی گلوب داد و انینه

ساکت دایانوب لیک غم آرتوردی حسینه

یوز دوتدی او دم قارداشینا شاه شهیدان

بو سوزلریله غملرینی ایلدی اعلان

غم آز قالوری صبر و قراری اوزه قارداش

بو غمده یانوب دوندی وجودیم کوزه قارداش

قول بوینوما سال قوی منیله یوز یوزه قارداش

سن اوخشا آنامی توکرم من یوزه قانیاش

بیر بزم عزا گل قوراخ ایمدی ایکی قارداش

هجرینده آنامون اورگیم قانیله دولدی

اولاد بتولین داخی پرگاری پوزولدی

گل آغلاشاق ایمدی بیزه قارداش اولان اولدی

بیز تک آناسیز خوش گونه حسرت قالا خوشدی

آخِر نجه گورّم که آنامون یری بوشدی

اولماز داخی بوندان صورا خوش گون بیزه قسمت

قلبیمدن ئولونجه چخا حاشا بو مصیبت

دیدارینه قویدی آنام آخِر بیزی حسرت

یاندوردی بو سوزلر «حسنی» ایلدی غمگین

گوزیاشی آخوب دامنینی ایلدی رنگین

شاعر : استاد حسین حسنی افشرد

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , حسنی 

معجرحضرت فاطمه زهرا (سلام الله) و مسلمان شدن عده ی زیادی از یهودیان مدینه

گلورخیالیمه بیر قصه اسف انگیز

دوام ایتمزاورک بیله حسرته هرگز

روایت ایلین علامه دورهمین بو سوزی

سوزی دیه دیه ویردی نشان محلین اوزی

اوزی خبرده مسلطدی هربدو خوبه

ویروبدی نسبتینی ابن شهرآشوبه

گلوبدی بیرگون ایوه شهریار ملک وفا

دیدی طعامه گمانین گلوری یا زهرا

کمال خجلتیله سویلوب ای شه دوران

حضوریوه گتورم بیرزادا یوخومدی گمان

اشاقلاریمدا اوزیمده آجام جعلت فداک

اوزون علاج ایله قویما عیالیوی غمناک

آلوب او وقتیده چادرشبین او کنز غمین

شراره سی سونه دللرده بلکه بو المین

یهودینین ایوینه گلدی میرربانی

لحکمه اونا فاش ایتدی بو قضایانی

قویوبدی فاطمه چادرشبین او یرده گرو

معاش ایتماق ایچون بیرقدرآلوبدورجو

قیتدی منزله مسرور حال و چوخ دلشاد

اولا بالالاری تا قید جوعیدن آزاد

یاخوندی موج ایده دللرده آجلیقین سیلی

علی و آل علینین اله گلوب میلی

غروبه گون یتوب آفاقی چولقادی ظلمت

اولوب شب عالی و ادنا  هامی یاتوب راحت

یتوبدی نصف شب عالم اولوب سراسرتار

اولوب عیالی یهودینین اول زمان بیدار

او حجره که واریدی معجربتول اوردا

گوروب او حجره دن افلاکه نوراولورپیدا

دوشوبدی حیرته یکباره ایلینده نظر

علاوه نورگلور گوردی عطر مشک و عبر

ایدوبدی صاحبین اول وقته خوابیدن بیدار

نه یاتموسان دیدی دور بیر مهم مطلب وار

گوروبله نور اوجالورآسمانه پی درپی

اودم حقیقت زهرایه تا آپاردیلا پی

او دم ویروبله هامی خویش و اقربایه خبر

او نوری گورماق ایچون خویش و ایل گلوب یکسر

گورن او حالتی ترک ایتدی فورا آئینین

قبول ایلدی تا که پیمبرین دینین

مشرف اولدی نچه خوانواده اسلامه

بلی کرامت زهرا یتوشمز اتمامه

روادی گوربوجلال و بو شان صاحبینی

سالا فشاره عدو آرتورا مصائبینی

آتاسی الدی سالوب محنته او غم زده نی

پیمبرین قوروسون ثانی قویمادی کفنی

اودرکه قابض الارواح اذن آلوب اوندان

همان او درگهه اودووردی فرقه عدوان

قاپو دالیندا دایانموشدی دخترطاها

هجوم دشمنی سد ایلیه او مام بلا

بو فکردیدی خانم قویمیا قاپو آچیلا

نه اینکه سینه سینه  ارغوانی گل ساچیلا

او پشت درده نه صدمه یتوب خدا بلدی

بو قدروارکه دیدی فضه گل بالام الدی

جنینی بیرطرفه دوشدی بیرطرفه اوزی

نه حاله قالدی او مخدومیه دوشنده گوزی

بتولی حجت حق گوردی قانینه غلطان

رواندی سین سینین قانی ای امام زمان

نه حاله قالدی دیه بلمم ای شه کونین

ولی بو سری بلر کربلا غریبی حسین

نچون او شهده گوروب شمرالینده محرمینی

سالاندا یادیمه قان آغلارام بو بیرغمینی

آچاندا دشت بلا ایچره قان دولان گوزینی

گورنده زینبی یاددان چیخاتدی اوزاوزینی

نه گوردی قارداشینین فکرینه قالورزینب

دوتوبدی قاتل الین شمره یالوارورزینب

امام امرایلیوب خیمگاهه گیتدی اوزار

ولی تیکوب یولا گوز(حامد)ایمدیده آغلار

شاعر : مرحوم حامد تبریزی

منبع : کانال گنجینه گذشتگان

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , حامد تبریزی 

در احوالات حضرت فاطمه زهرا (سلام الله)

صدیقه ای که عصمت پروردگار اولا

انصافدور زمانه ده غمدن فکار اولا

انصافدور حبیبۀ خلّاق لم یزل

هر گون صباح و شام گوزی اشکبار اولا

انصافدور حدیث کسانون معرّفی

زهرا اولا و لیک بلایه دچار اولا

انصافدور آتاسی فداها دین قیزین

طوفان ظلمدن گونوزی لیل تار اولا

انصافدور پیمبر اولا خلقته سبب

زهرا ولی جهاندا سیه روزگار اولا

انصافدور بو شأن و جلالتده بیر خانم

جور و جفائیله اورگی داغدار اولا

انصافدور که حقّینی نا حقّلر آلا

بیر حق که گون تک حقّی اونون آشکار اولا

انصافدور که چرخ مصیبت اونی سیخا

ناموس چرخینه اوزی لیکن مدار اولا

انصافدور که درگهی باب نجات اولان

نار جفائیله قاپوسی شعله بار اولا

انصافدور او درگهی اود یاندرا اونا

مالک اولان قسیم جنانیله نار اولا

انصافدور او گل کیمی بیر جسم نازنین

خار جفائیله سینه سی زخمدار اولا

انصافدور که رحمت للعالمین قیزی

عجّل وفاتی حقدن اوزی خواستار اولا

انصافدور زمانه ده اون سگّیز ایل تمام

عمر ایلین دویا ئولومه انتظار اولا

انصافدور او قامتی بار ستم بوکه

بیر قامتی که دین اونیله استوار اولا

انصافدور تاپانمیه بیر اهل دل دیه

دردین ولی شفیعۀ یوم شمار اولا

انصافدور که قویمیه لر ایوده آغلیا

آخر گیده بقیعده ایشی آه و زار اولا

انصافدور که یدّی نفرله جنازه سی

قبره گیده جهانی گوروم تار و مار اولا

انصافدور گجیله علی مخفی دفن ایده

ایللر بویی زمانه ده ایتگین مزار اولا

انصافدور بو درگهه سائل اولا دخیل

بوش قیتروب قاپوندان اونی شرمسار اولا

شعر دخیل «سائله» دم وئردی روحینه

لیل و نهار رحمت پروردگار اولا

شاعر : مرحوم ذهنی زاده

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , ذهنی زاده 

در احوالات حضرت فاطمه زهرا (سلام الله)

رحلت ایلیوب دار فانیدن

بنت خاتم الانبیا بوگون

باشینه وورار زینب حزین

گوز یاشی توکرمجتبا بوگون

آغلوری شه کربلا بوگون

شیعه لر بو گون آغلیون هامی

دخترِ شه انبیایه سیز

گوز یاشی توکوب تسلیت ویرون

صاحب عزا لافتایه سیز

بیرده میوۀ قلب مصطفی

زهریله ئولن مجتبایه سیز

قان اولوب گوزینده سرشک تر

آغلوری شه کربلا بوگون

سسلدی اودم گل عم اوغلی جان

ایلیوم سنه بیر وصیتی

جان سنون اولا جان حسینیمین

بیرده کسمه مندن سن اُلفتی

مجتبا حسن اوغلوما اوزون

قیل عم اوغلی هرآن محبتی

عترتیم هامی باشیم اوسته دور

آغلوری منه اولیا بوگون

دوقوزایل سنه همدم اولموشام

گورمدیم اذّیت بیر آنیده

زلفلریم آغاردی عم اوغلی جان

محنت رسول گرامیده

چوخدی حسرتیم قلبیده منیم

آیریلوق یتوب بو زمانیده

یاری یاریدن ایلدی جدا

درک ایدور اجل برملا بو گون

غسلیمی منیم ویرعم اوغلی جان

دفن قیل گیجه ثانی بُلمسون

جسمیمه دگن تازیانه لر

آشکاراولوب کیمسه گورمسون

گیزلین ایله سن قبریمی منیم

قبریم اوستونه تا که گلمسون

روحیمی معذّب ایدر منیم

گلسه لر اگراشقیا بو گون

راضی اولمارام ای عم اوغلی جان

ثانی قبریمین اوستینه گله

یاندوران زمان باب رحمتی

سالدی گوگلره شور و ولوله

وار نشانه سی تازیانه نین

جسمیده بو گون گیتمیوب هله

وامصیبتا سویلدی یقین

روح اشرف انبیا بوگون

زینبا قیزیم آغلاما منه

ساخلا گوزیاشین کربلایه سن

شمردون حسین باشینی کسر

صبر قیل او دم هربلایه سن

باشینی وورار نیزیه سنان

گوش قیل کلام خدایه سن

نیزه ده اوخورکهف آیه سین

میوۀ دل مصطفا بوگون

جدّیمین او قبر مطهّرین

قسمت ائت خدا منده تا گلم

ایلیم زیارت او مرقدی

آغلیام او دم نالیه گلم

دلده بو«ثریایه» ورددور

گوزده گوزیاشی با غم و الم

سویلرم نولور قبر پاکیوه

جمع اولا بو اهل عزا بوگون

شاعر : مرحوم ثریا تبریزی

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , ثریا تبریزی 

در احوالات حضرت فاطمه زهرا (س) 

مشعل دینی فروزان ایلین فاطمه دی

شأنی عالملری حیران ایلین فاطمه دی

مرتضانین بو گئدنده ائوینه شام زفاف

کوینگین سائله احسان ایلین فاطمه دی

هجر طاهاده باشا قاره سالان فاطمه دی

گول کیمی گلشن عمری سارالان فاطمه دی

چوخ مصیبت گورن آز عمریله بو دنیاده

غصّه دن بیر نچه گونده قوجالان فاطمه دی

بو همان درگهی ظلمیله یانان فاطمه دی

در و دیوار آراسیندا دایانان فاطمه دی

یوخیدی کیمسه گلوب ثانیِ خونخواره دیه

ویرما پیغمبره بو روح و روان فاطمه دی

دار دنیاده بو طاهایه نشان فاطمه دی

حسنینون آناسی فخر زنان فاطمه دی

امّتین پشت پناهی بودی روز عرصات

باخما قالمشدی کمکسیز بو همان فاطمه دی

زینبون باشینه بو قاره سالان فاطمه دی

بیت الاحزانیده شوری اوجالان فاطمه دی

ایستین ئوز ئولومون هر گئجه اللهیندن

نصف شب لرده مناجاته دوران فاطمه دی

بو همان پردۀ عصمتده قالان فاطمه دی

شوریله عالمی غوغایه سالان فاطمه دی

کفنیندن ایکی قولّارینی خارج ایلین

حسنینی گئنه آغوشه آلان فاطمه دی

بو همان عالمی غم خانه ائدن فاطمه دی

آدی هر سینه ده اسباب محن فاطمه دی

قورتولان عمری گونوز اون بیر امامین آناسی

نصف شب قبرینه تابوتی گئدن فاطمه دی

سند ملکنی دشمندن آلان فاطمه دی

منزل حیدره سرعتله روان فاطمه دی

یثربین کوچه لرینده ستم ثانی دن

قسم اللهه یول اوسته یخلان فاطمه دی

بو همان حیدری غوغایه سالان فاطمه دی

مصطفادن صورا گوز یاشلی قالان فاطمه دی

نجه گیزلندی مقام و شرفی دنیاده

اؤزی تک قبریده گیزلینده قالان فاطمه دی

شاعر : علومی تبریزی

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , علومی تبریزی 

در احوالات حضرت فاطمه زهرا (سلام الله)

اهل عالم یری وار آغلیا قان فاطمیه

گجه گیزلین قویولان قبره جوان فاطمیه

حقّه محبوبه اوزی اون بیر امامین آناسی

ائده کرنوش گرک کون و مکان فاطمیه

بیر آدی طیبه انسیه دی حورا بیر آدی

فخر ائدر روز جزا باغ جنان فاطمیه

وئریلیب بو خانما فیض شفاعت علمی

خلق محتاجیدی محشرده همان فاطمیه

مثلی یوخ عالم خلقتده حقه محبوبه

اهل دل دردین ائدر جمله بیان فاطمیه

درگهینده دایانار حاجته مین عیسی لر

گوز تیکوب دهرده هر پیر و جوان فاطمیه

یری وار مریم و سارا اولا زهرایه کنیز

گور نه عزّتدی وئروب حی منان فاطمیه

ولی افسوس که بو عزتیله دنیاده

بو فلک وئرمدی بیر لحظه امان فاطمیه

بو فنا دهریده اون سگیز ایل عمر ائتدی خانم

خم اولوب قدی یتوب بار گران فاطمیه

ئولوم ایستردی دعاده گئجه گوندوز حقدن

بو تمنّائیدی چوخ ورد زبان فاطمیه

آتاسی گئتدی الیندن قاپوسی باغلاندی

غصّه یوز وئردی کران تا بکران فاطمیه

شرح ائدوم هانسی غمون شیعه عزادار اولسون

هانسی بیر غصّه گوراخ اولدی گران فاطمیه

بئله فکر ایلرم اوز اوغلی بو بیر نسگلینی

چوخ سالوب یاده ائدر داد و فغان فاطمیه

قاپو یانماقنی یا سقط جنین ایلماقی

یاد ائدوب آغلار او سلطان زنان فاطمیه

دیَر اما آنامی ویردی یول اوسته ثانی

قولونون قوّه سینی وئردی نشان فاطمیه

رهگذرده یخلوب اولمادی بیر دادرسی

اولدی همناله او بیر عده زنان فاطمیه

قبر زهراده گئدوب ایلر او شه بیله خطاب

بو زبانحالیدی گویا دیر آغلار او جناب

هر زمان حالیوی سالدوقجا خیاله آنا جان

آغلارام قان ائدرم شیون و ناله آنا جان

بیر امانت سنیدون امّته پیغمبردن

شمس عمرون نیه تئز یتدی زواله آنا جان

سنی تاپشوردی اوزی امّته گئتدی او جناب

کیم رسا قدّیوی دوندردی هلاله آنا جان

ویردولار اوت قاپووا صدمه یتیشدی بالاوا

ثانی ظلمون یتوروب حدّ کماله آنا جان

نه ایدی نیّتی بیر عدّه نی توکدی قاپووا

علّت اصلی ندی جنگ و جداله آنا جان

نه سبب اولدی سنه یولدا ال آچدی ثانی

که دوشوب صورت مه پاره وه هاله آنا جان

دئمه دی عورتی وورمازلا حیا ایلمدی

سن یخلدون یره دوغراندی قباله آنا جان

او آز عمریله قوجالدون بو فنا دنیاده

گرد غم پرده چکوبدی او جماله آناجان

قبره تابوتیوی گیزلین گجه وقتی آپاروب

حسنین آغلادی یاندی او ملاله آنا جان

انتقام آلماسام اولماز دل زاریم آرام

انتظارم یته حقدن بو حواله آنا جان

بیزده عرض ایلروخ ای گلشن اسلامه صفا

محسنون گل قانین آل شاد اولا معنا آنا جان

ای ظهورونده سالان نه فلکه ولوله گل

انتقام آلماقا شمشیریوی دور آل اله گل

گل آنان فاطمه نین قانینی آل ثانی دن

غم اوخی سینه لری قویما بو قدری دَلَه گل

نقدر بیز ایشیداخ قنفذ ظالم ستمین

نقدر شیعه لرین شور و نوایه گله گل

گل اوزون یغ بو قرا پرچمی منزل لردن

واردی یا سَیّدی سنده نقدر حوصله گل

گل نشان ویر بیزه زهرانین او گیزلین قبرین

آغلادور شیعه نی قان سَیّدی بو مسئله گل

آناوا ظلم الین آچدی اوز ائوینده ثانی

عرشه زهرانین ائویندن اوجالوب هلهله گل

ای گزن چوللری گوز یاشلی ئورکلر قاندی

گل «علومیده» سالا دامن وصلون اله گل

شاعر : علومی تبریزی

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , علومی تبریزی 

در احوالات حضرت فاطمه زهرا (سلام الله)

شمس چرخ الولا هم کفو حیدر فاطمه

مفخر اهل کسا مصداق کوثر فاطمه

مُهجه ی ختم نبی پیرایه بخش ممکنات

دامنی لوث مذلتدن بیری زیبا صفات

بابی منجی الخلایق شوهری فخر الثقات

رتبه ده بیر اوغلی مصباح الهدا فلک النجات

ارشد اوغلی نامه ی صلحه کبوتر فاطمه

دولت اقبالی پاینده جلالی جاودان

گویده منصور القلب یرده علّیه آستان

حورلر انسیه سی صدیقه و تقوا نشان

لطف انفاسی نسیم روضه ی لاهوتیان

بانوان جنت الاعلایه سرور فاطمه

زیب دامان خدیجه دختر امّ القرا

گرد خاک مقدم خوش یمنی مغز کیمیا

وادی عشق خداده سالک ناخسته پا

قبله ی طاعت انیسی بی گناه و بی خطا

کرسی عصمتده خاتون موقّر فاطمه

عاشقان تسبیح و حمد و واله عشق خدا

قونشولارینی مقدم ایلین وقت دعا

ذکری یا غفار العفو وِردی اِرحم ربّنا

محفل وحدتده تسلیم و سلیم المدّعا

مجلس کثرتده نطّاق و سخنور فاطمه

نور ذات اقدسی نور خدای کبریا

مستجاب الدعوه یانمیش درگهی باب الرجا

خانه ی وحیه امینه شافع یوم جزا

بی حجاب عورتلره بیگانه و نا آشنا

بانوان عفت و آزاده رهبر فاطمه

محرم اسرار حق سرّ عوالمدن خبیر

مشکلات روزگاره سدّ آفت ناپذیر

نکته سنج و نکته دان و عامل روشن ضمیر

خوان جود و بخششیندن مستمندان لقمه گیر

گوهر ذاتی عرضدن عاری جوهر فاطمه

جان پاکی آشنا اندیشه ی جانانیله

تار و پود جسمی لرزان وحشت میزانیله

ارتباط مستقیمی محضر جانانیله

حسن رفتاری برابر حکمت قرآنیله

خوی و اخلاقی صفات اللهه مظهر فاطمه

بو فضایل بو کمالات و دلیلون صاحبی

سکّه ی عرفان و افکار جمیلون صاحبی

امّهاتون فخری ابنای اصیلون صاحبی

ضربه لردن اولدی بیر جسم علیلون صاحبی

زندگیدن اینجیدی آزرده پیکر فاطمه

خاتم پیغمبرون درد فراق و رحلتی

امّتون جور و جفاسی مرتضانون عزلتی

محسنون سقط اولماقی باغ فدک کیفیتی

قنفذ جلاد ظلمی ثانینون ضدّیتی

اضطرابه دوشدی روحاً روح پرور فاطمه

باخدیقیجا آه چکدی منزل آبادینه

آغلادی کچمیش زمانین سالدوقیجا یادینه

تنگ اولوب شهر مدینه دردینون ابعادینه

یثرب اهلی اعتراض ائتدی نوا و دادینه

سرزنشلر گوردی تکرار مکرّر فاطمه

حضرت زهرا اوجالدان وقتیده افغانینی

ناله سیندن تتردوردی یثربون ارکانینی

ساکن شهرون سالوردی لرزیه بنیانینی

شیرخواره طفل بوشلاردی آنا پستانینی

حاکمیدی دللره قلبی مکدّر فاطمه

چوخ مزید علت اولدی اعتراض مرد و زن

ایلدی شهرون کنارینده بنا بیت الحزن

عیبی یوخدور چوللری زهرا دئدی ایلر وطن

گر حمایت ایلسه بختیم تز ئولّم غصه دن

والله عمروندن دویوبدور دیده سی تر فاطمه

بیت الاحزانی ائدوب اولدوز کیمی غم محوری

یوزقویوب دیوارینه سسلردی هی پیغمبری

غصب اولان ای مسجد و محراب و عرش و منبری

گل بابا دشمن سالوب تنگه عم اوغلون حیدری

بیلمیور هئچ نیلسون بو قاره معجر فاطمه

سن گئدندن آشنالرده دونوب بیگانیه

فوج اصحابون بابا تهدید اولور هر ثانیه

مرتضانون زندگیسی بنذیور زندانیه

قارداشیم اولسیدی حتماً دیلّنردی ثانیه

وای نجه دنیاده اولدی بی برادر فاطمه

عزم ائدنده بیت الاحزانه بابا هرگونده من

دامنیم الدن بوراخمور بو حسینیلن حسن

گون قباقینده اوشاقلاریم سولوب چون یاسمن

طرّه ی زیبالرینده اگلشوب گرد محن

تللری آشفته سپمور مشک و عنبر فاطمه

من ئوزوم خانه به دوش آواره دور آهولریم

من سیز ائوده قالمیور طفلان زیبا رولریم

غصه و غمدن آغارسا وار یری گیسولریم

جانیمی آلمیش حسین جانی سینان پهلولریم

هاردا گورمیشدی فشار و زحمت در فاطمه

مسجده گئتدیم گُتوردوم پرده من اسراریدن

روشن ائتدیم امّتون افکارینی گفتاریدن

چوخ دفاع ائتدوم نتیجه گورمدیم حضّاریدن

نه مهاجردن منه سس گلدی نه انصاریدن

امّتوندن گورمدی بیر یار و یاور فاطمه

اولمادی قیمت بابا مطلق سرشک پاکیمه

شاهد زنده آپاردوم دعوی املاکیمه

تیر ردّ آتدی خلیفه سینه ی صد چاکیمه

ملکی آلمیشدیم گوجوم چاتسیدی غاصب حاکیمه

حیف مأیوس اولدی حقّیندن دلاور فاطمه

بیت الاحزانی منافقلر گوروب محض خطر

غاصبان حقّی زهرا بیلدیلر رسوا ائدر

سرّی بیر دستور آلوبلار ائتدیلر زیر و زبر

بیر آغاج واریدی حتی اول آغاجی کسدیلر

سایه سیندن تا اولا محروم مضطر فاطمه

گلدی بیرگون گوردی ویرانه قالوبدور مسکنی

چاره سیز قالدی مخاطب ائتدی حیّ ذوالمنی

بارالها یوخدی زهرایه وطنده ایمنی

آشیانیمدن کناره سالدیلار الله منی

انتقامین سندن ایستور یوم کیفر فاطمه

نچه گون کچدی خانم قلباً اولوبدور عقده دار

غصه لی روحی بدندن آز قالوب اولسون کنار

نازنین اوغلانلارین همراه ائدوب بی اختیار

صبح وقتی چیخدی ائودن دلغمین و اشکبار

حمزه قبرین قصد ائدوب خاتون محشر فاطمه

یثربون شرقینده بیر داغ وار متین و استوار

سربلند و رنگی قرمزدور شفق تک باوقار

نام معروفی اُحُد نه باغی نه گلزاری وار

عاشقان پاکبازه دامنی اولموش مزار

مقدمیله وئردی اول مأوایه زیور فاطمه

حمزه نون قبرین ئوپوبدور بانوی علیا جناب

گوزیاشین توکدی او قبره قطره قطره چون گلاب

سرگذشتین گتدی اظهاره اورکده التهاب

دور عمو درگاهیم اودلاندی ائویم اولدی خراب

گورنه سرگردان قالوب بنت پیمبر فاطمه

ای مجاهد ای صف توحیده سرباز کبیر

صاحب شمشیر بُرّا بیشه ی صولتده شیر

بیر تصادف یوز وئروب زهرایه جبران ناپذیر

رحلت ایلوبدی بابام غملر منی ائتمیش اسیر

باغبانسیز بیر گله یثربده بنذر فاطمه

ئوز ائویمده آغلادیم ئوز دردیمه ئوز غصه مه

اعتراض ائتدی وطن اهلی نوا و ماتمه

بیت الاحزاندا بنا ائتدوم عمو با اینهمه

ائتدیلر دیوارینی مخروبه یانّام بو غمه

زندگانی ائتمگی گورمور میسّر فاطمه

مرتضی منزلده گوز یولدا بتوله انتظار

عصری کچدی ناگران اولدی نگاریندن نگار

قیزلارین ائوده قویوبدور اولدی سرعتلن کنار

فضّیه تاپشوردی قویما زینب اولسون بیقرار

من گوروم هاردا یوباندی نیک منظر فاطمه

بیت الاحزاندا دگلدی روشنیدی مسئله

کوچه ده بیر عابری گوردی علی اول مرحله

بو نشاندا بیر خانم گورسون بویوردی فاش ائله

یولداشی خردا ایکی اوغلاندی وئرمیش ال اله

صبح وقتیندن چیخوب ائودن مطهّر فاطمه

عرض ائدوب ای راه ایمانون ایشیقلی مشعلی

بو نشاندا بیر خانم که سن دیورسن یاعلی

من احدده مختصر بوندان قاباق گوردوم بلی

خردا سیّدلر صاقیندا هم صولوندا منجلی

حمزه آدین ائتمیشیدی دیلده ازبر فاطمه

دوردوقی یردن قاچوبدور یل کیمی شیر خدا

منزل مقصودینه فوراً یتیشدی مرتضی

قبرون اوستونده گوروب بیر منظره واحسرتا

غفلتاً ایوای دئدی بو جمله نی ائتدی ادا

گور هایاندا غش ائدوب الله اکبر فاطمه

باشینی آلدی دیز اوسته سسلدی جان عم قیزی

دردی چوخ درمانی یوخ حالی پریشان عم قیزی

غصه دن جسمون گئدور تحلیله هرآن عم قیزی

سن هلاک اولسون من اولّام خانه ویران عم قیزی

مرتضایه یوخدی پشتیبان دیگر فاطمه

نه ائویمده بیر حلاوت نه سر و سامان قالوب

نه منیم آسایشیم واردور نه سنده جان قالوب

بو حسینیله حسندور دیده سی گریان قالوب

بوینی چیگنینده قیزون کلثوم سرگردان قالوب

دور گئدک زینب سنی منزلده گوزلر فاطمه

شاعر : مرحوم انور اردبیلی

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , انور اردبیلی 

در احوالات حضرت فاطمه زهرا (سلام الله)

گنه گفتاره بو طبع رسا و خوش سخن گلدی

سکوتین سیندیروب نطق و بیانه سوز دیین گلدی

عزا هنگی سرود غم انیس گوش جان اولموش

خزانون آفتیندن گل سولوب تنگه چمن گلدی

بئله معلوم اولور صدّیقه ی زهرا ئولن گوندور

نوایه ساکنان عرش حیّ و ذولمنن گلدی

همان گوندور جهاندان گوز یوموبدور جدهٔ سادات

علی المرتضایه دمبدم رمز محن گلدی

دولوبدور قلبلر غمله بولوط تک آغلیور گوزلر

پریشان یوزلره گوزیاشی چون درّ عدن گلدی

بهار درد و ماتمدور مجالس عشق زهرادن

نوا بلبللری غمگین اولوبدور پرشکن گلدی

طلوع صبحیدن زهرا مریدی دلده یازهرا

قویوب یوز مجلسه روحیه سی غمدن ئولن گلدی

بو مجلس مرکز اهل صفا و اهل ایماندور

برازنده اولان یردور برازنده بیلن گلدی

آنون یابن الحسن رحلت ائدوبدور محنتون چوخدور

سنه قربان بیر عده سرسلامت عرض ائدن گلدی

آنوون عمری آز اولدی غمی چوخ قبری نامعلوم

نواسیندن او مظلومون نوایه گلمین گلدی

روایتدور دیور اسما وفات ائتمیشدی اول خاتون

علینون منزلی غمدن منه بیت الحزن گلدی

اوتوردوم صحنیده تنها بتوله من تک آغلوردوم

قاپی ناگه دوگولدی لرزیه بوجان و تن گلدی

بفوری فتح باب ائتدیم نه گوردوم غملی گلزاره

ایکی رنگی پریده حالی پوزقون یاسمن گلدی

ویا کاشانه ی درد و بلایه اشکی گوزلرده

ایکی زیبا نظر خوش منظر آهوی ختن گلدی

نه آهوی ختن نه یاسمن دور اصل مقصودیم

سوزی واضح ادا ایلوم حسینیلن حسن گلدی

سؤال ائتدی حسن مندن آنامدان بیرخبر اسما

دئدیم یاتمیش منه اما جواب لا و لن گلدی

دئدیلر سن بیلن اسراره بیزده واقفوک اسما

سوزی پنهان ائدورسن بیلموسن کشف ایلین گلدی

گلوردوک ناگران یولدا خبردار اولدوق اسراره

ندای هاتف غیبی بیزه گویدن علن گلدی

نداده یتدی بو صحبت آنوز ئولدی یتیم اولدوز

بهشته میهمان الله پیمبر ایستین گلدی

او نور دیده لر کچدی ائوه بالین زهرایه

ائله آغلاشدیلار سس چکدیلر داده زمن گلدی

ایکی پروانه بیر خاموش اولان شمع اوسته پر ویردی

جنازه اوسته گفتاره ایکی وجه الحسن گلدی

حسن قیلدی مخاطب قارداشین اظهار درد ائتدی

آنامین باشینه قارداش نه گلدی کوچه دن گلدی

حسین سسلندی دور آل سینوه ریحانوی ایگله

آنا زهرا قوجاقوندن کناره گئتمین گلدی

حسن گوردی آنا الدن گئدوب یوز مسجده قویدی

حضور پاک مولایه او درّ پر ثمن گلدی

بابا مسجدده اگلشمه ائوه دور گل آنام ئولدی

پیام غصه دن درده امام ممتحن گلدی

امیدیم گئتدی دنیادن دئدی مسجدده غش ائتدی

فغانه قبریده گویا رسول مؤتمن گلدی

جماعتله دولیدی مسجد اعظم خبر واردور

دیوم قوی نطقیمه یاربّی سوزشلی سخن گلدی

علی مسجدده غش ائتدی یریندن دورمادی بیرکس

باشی اوسته تسلایه نه گوزیاشین سیلن گلدی

دئمه دی بیر نفر بو مرتضادی ئولدی یاقالدی

نه حالدا بیلمورم حاله شه خیبر شکن گلدی

سراسیمه دوروبدور قصد ائدوب بالین زهرانی

خزان اولموش گلستانه گلی الدن گئدن گلدی

یتیشدی منزلینده رو بقبله گوردی زهرانی

دئدی دور عم قیزی قلبی فراقوندن اسن گلدی

منیم خوش صحبتیم دیللن منیم شیرین دیلیم دیللن

عزیزیم نطقه گل بالینوه دلدن دوشن گلدی

باشون اوسته آچوب باش زینبون دور معجرین باغلا

حسین عمامه سیزدور لرزیه چرخ کهن گلدی

دوشوب سس یثربون اهلی بیلوبلر فاطمه ئولدی

جنازه دفنینه تعجیلیله چوخ مرد و زن گلدی

پراکنده اولون اعلان اولوندی باب اقدسدن

غرض دفن اولمادی زهرا ائوه اهل وطن گلدی

باتوبدور گون گجه گلدی خمود امت گئدوب یاتدی

طبیعت قاره گیدی نالیه دشت و دمن گلدی

علی ئوز همدمین آلدی قوجاقه چیخدی منزلدن

خلاصه مغسلون اوسته او مجروحه بدن گلدی

وئروبدور غسلینی شیرخدا کافور جنتله

کفن پوش ائتدی زهرانی ندن بیلمم کفن گلدی

کفن ایچره علی چوخ حسرتیله باخدی زهرایه

دئدی بیر اوخشاما اوّل نوایه بوالحسن گلدی

صورا احضار ائدوب اوغلانلاریلا قیزلارین مولا

گلون دیدار آخردور فراق پر محن گلدی

حسینیله حسن باهم بتولون باشینون اوسته

ایکی مظلوم ایکی قارداش ایکی گوزیاش توکن گلدی

یاپوشدی امّ کلثومون الیندن بینوا زینب

جنازه اوستونه کرب و بلا تلّین انن گلدی

آرایه آلدی بلبللر گلون افسرده حالیله

عزا لحنیله دورت یاندان آناوای سسلین گلدی

بالالار یرده آغلاشدی ملکلر گویده سس چکدی

او صحنه اهل معنادن باشا تپراق سپن گلدی

نه حالیله آیردی مرتضی بلبللری گلدن

سیه پوشان قالوب ائوده مزاره آق گین گلدی

اوشاقلار باخدی حسرتله حرکت ایلدی تابوت

گوی اهلیندن یره تابوت زهرانی ئوپن گلدی

آز عدّه یله گجه مدفون اولوب گنجینهٔ تقوا

سحر اولدی یانان درگاهینه اهل فتن گلدی

بیلوبلر دفن اولوب زهرا نه لر اولدی رجوعیم یوخ

فقط بیر نکته وار نسگل بو قلبه هر ندن گلدی

برای جلب افکار عمومی بی حیا ثانی

چکوب نقشه تظاهر اوسته ایماندان گئچن گلدی

سفارش ائتدی مولایه بیزی محروم فیض ائتدون

بتولین دفنی اهل شهره برعکس سنن گلدی

عزا بزمی اقامه ایله سن بیزده ائدک شرکت

خلاصه مجلس ماتم بنا اولدی گلن گلدی

فدک غاصبلری یوز قویدی بیربیر بیت مولایه

تسلّای سلیمانه بیر عده اهرمن گلدی

فشرده نظمیده ای اهل مجلس بیر سوزوم واردور

آدی سوز، نطقه اما رشته ی صبری کسن گلدی

علی گوردی حسینون رنگی سولدی اگلشه بیلمور

دئدی دردون نه دور گفتاره عطشان جان وئرن گلدی

بابا ایله نظر دهلیزه قنفذدور ایاق قویدی

اوتورا بیلمورم نیلوم آنامی ئولدورن گلدی

آلورسان نظموون پاداشینی محشرگونی«انور»

ائلیکی فاطمه الده او قانلی پیرهن گلدی

شاعر : مرحوم انور اردبیلی

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , انور اردبیلی 

در احوالات حضرت فاطمه (سلام الله)

شامل الطاف بی حدّ علی گردیده است

هر که را در این عزا با دیده ی تر دیده است

نوکر زهرا مقامش از مَلَک هم برتر است

خاک پاهایش مقدس ، جای آن بر دیده است

هر گنهکاری که آمد عبد این دربار شد…

رحمت حق را به خود چندین برابر دیده است

لحظه ی جان دادنش هرکس که نوکر بوده است

صاحب این خانه را ساعات آخر دیده است

چندسالی می شود در فاطمیه چشم من

در میان روضه ها تا دیده نوکر دیده است

هرکه شد سینه زن او در قبالش خیر دید

منکر زهرا فقط در زندگی شر دیده است

با عنایات خود زهراست گر هر بنده ای

شیعه و دیوانه ی کوی علی گردیده است

همچو زهرا لعن کرده شیعه بعد از مصطفی

هرکسی را جای حیدر روی منبر دیده است

علت اسلام آن مرد یهودی روشن است:

دستهای بسته ی سردار خیبر دیده است

بعد از آن کوچه گرفته مجتبی لکنت زبان

پیر شد وقتی که خون سینه بر در دیده است

باید از فضه بپرسی که چه شد در پشت در

ماجرای پشت در را فضه بهتر دیده است

زخم پهلو ، خون سینه ، بازوی مجروح را

گر ندیده هیچ چشمی… چشم دختر دیده است

دخترش دق کرده از بس لاله های سرخ را…

بر لباس مادر و بر روی بستر دیده است

شاعر : مهدی علی قاسمی

!!! لطفا با نام کانال مدح و مرثیه کپی کنید !!!

موضوع: حضرت فاطمه زهرا (س) احوالات , 

زبان شعر و شاعر: نوحه فارسی , علی قاسمی 

در احوالات حضرت فاطمه زهرا (سلام الله)

در شهر اگر هیچ کسی را غم دین نیست

تا فاطمه زنده است علی خانه نشین نیست

ای دست پر از پینه ز چرخاندن دستاس

افلاک در افلاک تو را جایگزین نیست

در کوچۀ مسجد تو زمین خوردی و در ما

جز پینۀ چون زانوی اشتر به جبین نیست

انصار هم از خطبۀ تو شرم نکردند

کردند بهانه که چنان است و چنین نیست

غصب فدک این بود که نام تو نباشد

پیداست که دعوا سر یک تکّه زمین نیست

کو چادر خاکی شده کو دامن مولا

تا کی بزنم چنگ به حبلی که متین نیست

جایی که علی هست معاویه چه کاره است

قرآن ِ سر نیزه که قرآن مبین نیست

ای کاش که خود را برسانم به رکوعش

زیرا که بجز نام تواش نقش نگین نیست

مقصود خدا از دو جهان خلقت زهراست

المنّة للّاه که این است و جز این نیست

شاعر : مهدی جهاندار

موضوع: حضرت فاطمه زهرا (س) احوالات , 

زبان شعر و شاعر: نوحه فارسی , مهدی جهاندار 

در احوالات حضرت فاطمه زهرا (سلام الله)

پاره قلب رسول مدنی فاطمه دور

کنز حقّون گهر پر ثمنی فاطمه دور

ایستدی حق تانوسون پنج تنی اهل سما

ذکر ایدوب فاطمه نون آدینی اولّده خدا

همسر و باب و ایکی اوغلینی ذکر ایتدی صورا

بیلدیرن مرتبه پنج تنی فاطمه دور

ساحت قدس الهیده سر افراز و گرام

چرخ عصمت گونی معصومه و مرضیّه مقام

صاحب منطق زیبا و برازنده کلام

بزم توحیدون اولان خوش سخنی فاطمه دور

هیکل قدس ورع چهره زیبای عفاف

ملکوت اهلی ایدن درگهین عشقیله طواف

کهنه پیراهنی رغبتله گین لیل زفاف

بذل ایدن سائله نو پیرهنی فاطمه دور

آتاسیندان صورا مستغرق دریای بلا

مبتلای غم و محنت هدف تیر جفا

گجه گوندوز ایلین شدتّیله آه و نوا

اوزینه غربت اولان اوز وطنی فاطمه دور

بحر محنتده جلالت گمیسی لنگه دوشن

شیشه بخت و یا شیشه شکن سنگه دوشن

در و دیوار آراسیندا نفسی تنگه دوشن

قلب آفاقه موثر محنی فاطمه دور

دم مسماره اولان سینه سی ظلمیله نشان

سیخیلان پیکری پهلولری ظلمیله سنان

شهپری سنمش هما تک یره پوزقون یخیلان

گل سوسن تک اولان گلبدنی فاطمه دور

ذوق و شوقیله حنای اجلی باشه یاخان

جان ویرن وقته یوزه گوز یاشی حسرتله آخان

گهی کلثومه گهی زینب مظلومه باخان

تاپشوران تز تز حسین و حسنی فاطمه دور

روز اوّلدن اولان عاشق و شیدای حسین

ماتمنده او شهون دائم ایدن شیون و شین

دیین ایوای جگر بند رسول الثقلین

گوزی یاشلی گزن هر انجمنی فاطمه دور

تنگ اولان گوزلرینه قصر بهشت مینو

قتلگهده ایلین زلفلرین خونین مو

مطبخ خولیه دل داغلی پریشان گیسو

گجه وقتینده حسینون گلنی فاطمه دور

اشگ چشمین یارالی اوغلونا مرحم گتورن

بزم غم دائر ایدوب قانلو باشا ال یتورن

گل پژمرده سینی گل لرین اوستن گوتورن

درک ایدوب عطرینی نوحه دینی فاطمه دور

ای مبارک نظری تخت سلیمانه قوام

دگلم اوزگه گوزون یومما اوغول سوز آناوام

سن بویرده یاتاسان ایلمرم منکه دوام

بسلین سینه سی اوستنده سنی فاطمه دور

شاعر : مرحوم انور اردبیلی

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , انور اردبیلی 

احوالات حضرت زهرا (سلام الله)

روز و شب ساعت بساعت دوری دورانون گئدور

لحظه به لحظه فنایه عمری انسانون گئدور

عمر بیر گوهردی پر قیمت عیار و ارجینه

فکر نه صرّاف و نه اندیشمندانون گئدور

انبیانی ذات هو خلقه معلّم گوندروب

بی معلم اولسا امّت آری بی قانون گئدور

مکتب توحیدیدن یوخ غیر بیر حق مکتبی

هوشیار اول چخما بو مکتبدن ایمانون گئدور

یوز ایگرمی دورت مین استادی اولان بیر مکتبه

پیروی اولسون عملده عیب و نقصانون گئدور

واعظا وعظونده گوزله انبیانون شیوه سین

نطقوون مغروری اولسون قدر برهانون گئدور

عالما اهل عمل اولسون اگر خوشبخت سن

رو بمعنا گون بگون ترفیع عنوانون گئدور

زاهدا زهدون دوز اولسون سعی ائله نفسون سلیم

چوخ دقیق اول قلبوه خطواتی شیطانون گئدور

ای توانگر ثروتون واردور فقیرون دوت الین

ایلمه غفلت الوندن فیض احسانون گئدور

ای قضاوت ایلینلر دوز قضاوت ایلیون

ناروا بیر حکمیله میزان میزانون گئدور

ایلیوب مغرور بش گونلوک ریاست نفسوی

بش گونه خاطر فنایه حسّ وجدانون گئدور

وار قاباقدا بیر بیوک عالی خدائی محکمه

دوز قضاوت اوردادور چون حکمی یزدانون گئدور

دادگاه عدلیده شاه و گدانون فرقی یوخ

اوردا نه حقّ گدا نه حقّی سلطانون گئدور

زرق و برق عالم امکان فنادور بی دوام

آشنا اولماز وفاسی تئز بو دنیانون گئدور

پند آلان اولسا اگر تاریخ پند آموزدور

باخسا کیم بحثی نظردن عمده جریانون گئدور

عادله رحمت قالوبدور ظالمه لعنت چاتوب

ذلت ظالم بلی نه حسنی خوبانون گئدور

فیلمیدور تاریخ اؤزی هرصحنه سی بیر پرده دور

داستان فیلمی هر بیر مرد مردانون گئدور

گاهی اسکندر گورورسن آب حیوان آختارور

گاه الیندن افسر و اورنگی دارانون گئدور

پاره لور پیغمبرون مکتوبینی گه یزدگرد

درنتیجه غارته درباری کسرانون گئدور

چارده معصوم دور دلسوز رهبر والسلام

حسن ظنّی عرضیمه منصف سخندانون گئدور

مرتضی تک رهبر ایستور رهبر اولسون عالمه

روشن اولسون تا هارا معیاری عرفانون گئدور

قویمادی ثانی دریغا کامیاب اولسون علی

نقش ظلمی ایندیده اول مرد نادانون گئدور

خود سر اولدی باخمادی پیغمبرون دستورینه

اولمادی وجدان دوشونسون حقّی مولانون گئدور

جاهل محض ائتدی علمون هیکلین عزلت نشین

ای عجب نادان الینده قدری نادانون گئدور

درگه دارالامانه وردی بیر اود ظلمیله

حشر اولونجا شعله سی اول نار سوزانون گئدور

توستی قوزاندی قاپی یاندی نه چکدی فاطمه

مشگله حلّی بو بیر مشگل معمّانون گئدور

باردار عورت قاپی سنگینیدی مسمار تیز

دردی فکر ائت گور هارا خاتون علیانون گئدور

وئردی زهرایه ایکی یاندان در و دیوار فشار

ضربه گورسه طاقتی واضحدی نسوانون گئدور

سیندی طاها ایگلین گل غنچه دوشدی تپراقا

نکته سنج اولسون جماله اشگ جریانون گئدور

محسنون عمری قوتاردی فاطمه غش ایلدی

منزله نازک صداسی فخر لعیانون گئدور

فضه ائودن هولیله چخدی دالیجا دورت بالا

زخمدار اولسا آنا یاراسی طفلانون گئدور

یاره لی گوردی بتولی سسلدی زینب آنا

سالمیدون سن نیه تپراقه القانون گئدور

گوزلریم قربان حسینون آغلیور آچ گوزلرون

طاقتی دیندیرمسون بو ماه سیمانون گئدور

گللرون سولدی چاغور امداده گلسون باغبان

باغبانون گلمسه الدن گلستانون گئدور

فضه الهام آلدی بو سوزدن چاغوردی یاعلی

دردمندون وار یوبانما وقت درمانون گئدور

سویگلون زهرانی دلدن سالدیلار امداده گل

ائوده اگلشمه خزانه باغی طاهانون گئدور

غش ائدوبدور صحن ده مصداق کوثر همسرون

قیل حمایت آبروسی اهل قرآنون گئدور

گوزلرین آچمور کأنّه دودمانوندن آقا

دوقّوز ایلّیک دردسرسیز خسته مهمانون گئدور

مرتضی ائودن چخوبدور گلدی صحن خانیه

توستی گوردی گوگه درگاه والانون گئدور

ناله ایلور قیزلاری حیران باخور اوغلانلاری

گوزیاشی رخساره دورت طفل هراسانون گئدور

بیر طرفده محسنی خاموش اولوبدور شمع تک

بیر طرفده یاره سیندن قانی زهرانون گئدور

عصمت اللهه عباسین پرده ائتدی مرتضی

احترامی گوردی چون ناموس یکتانون گئدور

ائتدی فرمایش عم اوغلون سندن اولدی شرمسار

سرنوشتی گور هارا اولاد عمرانون گئدور

حُسن نیّتله بلاگردانیم اولدون فاطمه

حشر اولونجا امری بو ایثار عظمانون گئدور

من سلیمان سن جلالت تختینون بلقیسی سن

گورسه بلقیسی خطر صبری سلیمانون گئدور

منع ائدوبدور مصطفی یوخسا آلاردوم انتقام

ثانی آنلاردی هارا جرمی بو طغیانون گئدور

دوزمز هر مردون عیالین ئوز ائوینده ورسالار

اختیاری الدن هر شخص شکیبانون گئدور

غیرت اللهَم صلاح دینه خاطر دینمورم

صبریدن چخسام رضاسی حیّ سبحانون گئدور

اون بیرینجی اوغلووا موکول اولوب بو انتقام

ناگران اولما اورکدن داغ پنهانون گئدور

هر زمان چخسا ظهوره محسنه خونخواه اولار

قلبیمیزدن سوزشی بو ظلم و بلوانون گئدور

ثانی درک ائتدی نه ظلم ائتسه مهیّادور علی

بیر ستم قیلدی نه ظنّی گبر و ترسانون گئدور

روبه ترسو دوتوب شیری دئدی گل بیعته

قالما ائوده وحدتی قوم مسلمانون گئدور

بوینونا سالدوردی شالین باغلادوب بازولرین

گئتمه سون گئتمه دئدی الده گریبانون گئدور

مختلف سسلر اوجالدی آچدی زهرا گوزلرین

گوردی الدن دامنی فرزانه جانانون گئدور

یاره سین یاددان چخارتدی دوردی یردن خشمگین

ورسالار فکر ائتمدی یاراسی اعضانون گئدور

اللریله مرتضانون دوتدی محکم دامنین

اشگی بو یرده یوزه هر چشم گریانون گئدور

ثانیه قیلدی بیان ال چک عم اوغلومدان اوتان

صحنیدن ایوان عرشه دود عصیانون گئدور

فکر ائله گور هانسی اللردی طنابه چکموسن

لذت امروزه ظالم خیری فردانون گئدور

سن غدیر خمّده به به دئدون بو سروره

خاطروندن تئز نیه اقرار و اذعانون گئدور

قویمارام سیزله عم اوغلوم مسجده باهم گئده

گئتسه سیزله احترامی شاه شاهانون گئدور

قوللارین سن باغلیانمزدون مشیّت باغلیوب

خط مشیی دوز یولا بو مرد معنانون گئدور

نیلیورسوز ایلیون ئولسم شهیده گئتمشم

غصه لی عمری هاچان پایانه زهرانون گئدور

دوشدی صحنه کشمکش قنفذ ال آتدی قمچیه

دگسه قمچی طاقتی مرد توانانون گئدور

قول شکست اولدی گوگردی اللری غش ایلدی

تاقیامت عمری بو غملی قضایانون گئدور

غشّیدن حاله گلنده گوردی یوخدور مرتضی

بیلدی امری مشگله سلطان مردانون گئدور

شهپری سینمش هما تک یوز قویوبدور مسجده

اشگی گوزدن هر قدم اول جنت آرانون گئدور

صدر منبرده ابوبکری گوروب ائتمش جلوس

عرشه گَردِ فتنه سی اول فتنه برپانون گئدور

بیعت ایستور مرتضادن پیر مرموز حجاز

اشگی گوزدن بوذر و مقداد و سلمانون گئدور

باش آچوقدور شالی بوینوندا وصیّ مصطفی

جسمینه رنجی کمند و بند و ایذانون گئدور

باغلانوب دروازه ی خیبر قوپاردان پنجه لر

آهی دلدن گوگلره اول دل پریشانون گئدور

دیللنوب زهرا عم اوغلومدان بویوردی ال چکون

شرم ائدون حیثیّتی سیز خانه ویرانون گئدور

من نه حالدا گلمشم بو مسجده الله بیلوب

دردیمی واضح دئسم گوزیاشی اعدانون گئدور

چارم اولسیدی قالاردوم ائوده گلمزدوم بورا

دردیمه فکر ائتمیون فکری اطبّانون گئدور

مسجد اهلی بی خبرسوز ئولدوروب قنفذ منی

بو اشارمدن توانی روح طاهانون گئدور

نیمه سوز هیزم هارا زهرا هارا قنفذ هارا

آخری قتله بو امر ناگوارانون گئدور

زندگیدن اوزمیشم ال مرتضادن اوزمرم

مرتضاسیز عزتی امّ ابیهانون گئدور

قوللارین آچمادیلار زهرا ال آتدی معجره

فکری نفرین ائتمگه خاتون کبرانون گئدور

تتردی مسجد بشیک تک لرزه دوشوبدی یثربه

آسمانه ضجّه سی اهل تماشانون گئدور

مرتضی امر ائتدی سلمانه اوتورما قیل شتاب

قویما زهرا باشین آچسون نقشی امکانون گئدور

بازوان حیدرون آخر طنابین آچدیلار

بیر سوزوم وار طاقتی هر صبری دریانون گئدور

مسجدی ترک ایلیوب گلدی ائوه زهرا ، علی

گور هارا اندیشه سی زهرای زیبانون گئدور

یورقونیدی منزلینده اگلشوب دینجلمدی

فضه گرچه چوخ دئدی گَل بستره جانون گئدور

باشینه جمع ایلدی اوغلانلارین هم قیزلارین

خدمته فکری گینه بانوی شایانون گئدور

عرض ائدوب شاها اجازه وئر دولاناق باشوه

باشوه دونسوک اگر شرّی بلایانون گئدور

درس اولوبدی بو قضیه زینب مظلومیه

قوی دیوم گرچه تواناسی احبّانون گئدور

مجلس شومه عبیدالله جلّاد ایستدی

قتل زین العابده متنی بو فرمانون گئدور

قورخولی قیزلار سارالدی قورخوسیندان تتردی

مجلسه افغان سسی طفلان لرزانون گئدور

حضرت سجادی باسدی باغرینا زهرا قیزی

گوردی الدن یادگاری شاه بطحانون گئدور

قهرمان کربلا جلّاده فرصت وئرمدی

بیلدی فرصت وئرسه درّی گنج تقوانون گئدور

ئولمسم من ئولدوره بیلمز دئدی بیرکس سنی

قتله یتسون رهبری فوج اسیرانون گئدور

عالم معناده زهرا زینبه احسن دئدی

آغلاما اشگی یوزه شاه شهیدانون گئدور

شاعر : مرحوم انور اردبیلی

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , انور اردبیلی 

در احوالات حضرت فاطمه زهرا (سلام الله)

عشقیدن بهره سیز انسان ئوزینی لا بیلسین

معنوی پیکره دن روحینی منها بیلسین

عشق فطرت یولونی روشن ائدن مشعلدور

یولی نوریله گرک سالِکْ هویدا بیلسین

ره ظلمتده گئدن مقصده هیهات چاتا

یعنی سرمنزل مقصودینی حاشا بیلسین

روشنای ره فطرتدی بیزه حبّ علی

بو چراغی گرک عشق اهلی درخشا بیلسین

خالی اولسا هر اورک مهر ولا مهریندن

صاحبی حتماً ئوزین ضدّ تولّا بیلسین

اِهدنا قولینه کیم ایسته سه حقدن لبیک

مرتضانی گرک حلّال معمّا بیلسین

روح واحددی پیمبرله علینون روحی

بو ایکی روح بزرگی هامی یکتا بیلسین

هرکیمون معرفتی واردی کلام اللهه

هَل اَتیٰ سوره سینی مظهر طاها بیلسین

بویوروب ختم نبی هرکیمه من مولایم

حیدر صفدری مندن صورا مولا بیلسین

کعبه ده آچدی گوزون اولدی شهید محراب

آیری بیر رهبری کیمدور بونا همتا بیلسین

بئله شخصیّتی کیملر ائلدی خانه نشین

خلفانی هامی بو شرّیده مبنا بیلسین

انتخابات ثقیفه یخوب اسلامین ائوین

اهل دین باطله اندیشه نی بلوا بیلسین

مجلسی که اولا شوراسی خلاف اسلام

نجه مؤمنلر اونی مجلس شورا بیلسین

ائله شوراده نه سلمان و نه بوذر واریدی

پس مسلمانلار ائله مَجمعی بیجا بیلسین

جانشین نبوی منتخب اللهیدی

کیم موحّددی علینی گرک اولا بیلسین

شیعه لر ماحصل عرضیمی چوخ یاخشی بیلور

غیرلرده بو سوزی کاش خدایا بیلسین

ای ریاست، سنه دینین ساتانی خوار اولسون

بشریّت ائله عنصرلری رسوا بیلسین

گلدی مولا قاپوسین یاندیرا اوچ یوز ظالم

قوم نمرودی اورک نیّتین اجرا بیلسین

نه قاپی هانسی قاپی هانسی ائوین درگاهی

مَلکی اوردا بشر صفّاً و صفّا بیلسین

پشت درده دایانان حامله بیر عورتیدی

ماجرانی او خانم گلمیشیدی تا بیلسین

دئدی ای قوم بیلورسوز که سنقدور قلبیم

منی امت آتا یاسینده معزّا بیلسین

هرکیمون واردی منه دلده اذیت فکری

ایلیور روح رسول اللهه ایذا بیلسین

غیرت دینوز اگر وار قاپومی ترک ائلیون

ئوز ائوینده ئوزینی اَمنیده زهرا بیلسین

آچمارام حق قاپوسین فرقه ی ناحق یوزونه

منه جبر ایلسه کیم دوزخی مأوا بیلسین

اهل نورین قاپوسین چکدی اوتا فرقهٔ نار

یاندی اسلامین ائوی عاقل و دانا بیلسین

متجاوز تانیوق بیز قاپیا اود ویرانی

کیم تجاوز ائدنی بیلسه مبرّا بیلسین

قاپونین یانماقی هر چند مهمّیدی ولی

پشت درده دورانون دردین احبّا بیلسین

غاصب دوم آچوب اوّل او یانمیش قاپونی

دوشدی زهرا نه حالا صاحب ایما بیلسین

در و دیوار آراسیندا قالانین فکرین ائله

حق دانیش فاطمه نون دشمنی حتی بیلسین

نیلدی حامله بیر عورته سنگین حمله

شیعه لر ، محنتی قوی ایلیوم افشا بیلسین

توخانان وقته قاپی سندی گهر دوشدی صدف

محسنی فاطمه دن هامّی مجزّا بیلسین

بالانون جانی چخوبدور آنا قالدی یاری جان

کیمدی بو مهلک اولان درده مداوا بیلسین

مدّعی، قتلگهه دؤندی علی درگاهی

بلمسین امت احمد دئ گوروم یا بیلسین

گوندن آیدین سوزه کیمدور چکه ایستور پرده

مطلقا پرده ده قالماز بو قضایا بیلسین

قان آخوردی یره مسمار باتان زخمیندن

فکر ائدن سینه سینی قانیله حَمرا بیلسین

ضربه دن بیر خانمیکه ائلدی سقط جنین

هانسی عاقلدی اونی سالم الاعضا بیلسین

شیعه نون حقّیدی تاریخ بویی یاسلی قالا

یوخدی امکانی آجی زهری گوارا بیلسین

ائله بیحالیدی زهرا آچا بیلموردی گوزین

هاراسی صدمه گوروب امّ ابیها بیلسین

مختصر تاپدی ئوزین ائتدی ندا گل فضّه

دردیمی ایستمورم خوردا صبایا بیلسین

فضه فوراً ئوزوی صحنه ی بحرانه یتور

یوخدی لعیا، سنی قوی فاطمه لعیا بیلسین

یخیلاندا یره من محسنیم الدن گئتدی

گوندوزون واریری زهرا شب یلدا بیلسین

اَممدی دوشلریمی صود دادینی بیلمدی حیف

بالامی قویمادیلار لذّت لالا بیلسین

بئله فکر ایلیورم فضه قابورقامدا سینوب

گئدرم قبره شهیده هامی دنیا بیلسین

آلنیمی تر بوریوبدور نفسیم تنگه دوشوب

دردیمون چاره سین هیهات اطبّا بیلسین

سو گتور سپ یوزومه بلکه بیر آز حاله گلم

سویی ایستر یارالی قلبینه یارا بیلسین

صحنه بیگانه دولوب یوخدی عبا باشیمده

دوزمرم قامتیمون حَجمینی اعدا بیلسین

منیدیم دهریده مظلوم علینون کمکی

ئوزینی غملی عم اوغلوم داخی تنها بیلسین

خانه ویران گورورم خانه نشین دلبریمی

کیمی وار مایه ی تسکین و تسلّا بیلسین

اونا قربان حسنینیم بالذ قیزلاریم ئوزیم

بیزی قربان ئوزینه کاش او دل آرا بیلسین

مرتضی صحنه چیخوب گوردی بتولی یرده

دلبرین دلبر اولوب حالینی جویا بیلسین

دئدی یا فاطمه آچ گوزلروی بیر منه باخ

مرتضی ایستیور احوالوی حالا بیلسین

دور ایاقه ائوه گئت محسنی من دفن ائلیوم

دینه قربان بالامی حیّ توانا بیلسین

ذوالفقاره ال آتام مصلحت ایجاب ائتمور

گرک اسلامی علی هرنه دن اولا بیلسین

خاک و خونه چکرم یوخسا بو غاصبلری من

منی تاریخ بشر حکمته دارا بیلسین

گوره بو منظره نی هاردادی ایّوب صبور

ئوزینی صبریده قطره منی دریا بیلسین

مطلقا یوخدی علینون الینون اوستونه ال

دشمنیم تیغیمی یک قبضه دو پهنا بیلسین

اون بیریمجی بالون حتما آلاجاقدور بو قانی

اونی روح شهدا ملجأ اعلا بیلسین

نگراندور بالالارون ملشور آهو تک

حسنینون گلوب اوضاعی مبادا بیلسین

قز اوشاقین آناگلسه دیله تز رام ایلر

دیله گل زنده سنی زینب کبرا بیلسین

ائویمون زینتی سن زینب اولوبسان خسته

نه روا سنسیز علی منزلی زیبا بیلسین

شاعر : مرحوم انور اردبیلی

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , انور اردبیلی 

در احوالات حضرت زهرا (سلام الله)

اگر سیلی او ظالم صورت زهرایه وورمازدی

عدو کعب سنان اول زینب کبرایه وورمازدی

اگر حقّ علی غصب اولماسیدی تا دم محشر

قلم دشمن حقوق عترت طاهایه وورمازدی

او ظالم گر لگدمال ائتمه سیدی حقّ زهرانی

لگد زجر شقی اطفال مه سیمایه وورمازدی

اگر اود وورماسیدی بی حیالر باب زهرایه

عدو آتش خیام زادۀ زهرایه وورمازدی

قاپی پشتینده مقتول اولماسیدی محسن زهرا

عدو اوخ حلق ناز اصغر زیبایه وورمازدی

پیمبر قلبینی سندیرماسیدی دشمن جانی

شقی منقذ یارا شبه شهِ بطحایه ورمازدی

اگر بازوی زهرا گورمه سیدی قمچی ، شام اهلی

ستمله تازیانه زینب کبرایه وورمازدی

علیدن اولماسیدی نقل فی العین قذا ، دشمن

کنار نهرده اوخ دیدۀ سقّایه وورمازدی

بتولین اویماسیدی سینه سین مسمار در ، اعدا

حسینون پیکرینده اوخ دل شیدایه وورمازدی

علینی مسجده گر چکمه سیدی خصم قول باغلی

عدو زنجیر کین سجّاد دل آرایه وورمازدی

شهیده اولماسیدی فاطمه گر راه مولاده

باشین زینب ستون محمل والایه وورمازدی

اگر دشمن بتولی وورماسیدی ، ساربان سیلی

رقیّه آدلی نازلی دختر رعنایه وورمازدی

امید ساحل امن اولماسیدی «تائبه» ، هرگز

خدا گویان اؤزون بی باک هر دریایه وورمازدی

اگر مأیوس اولیدی لطف مولادن امیدیله

او کشکولین بو بحر قلزم مولایه وورمازدی

شاعر : مرحوم حاج صادق تائب تبریزی

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , حاج صادق تائب تبریزی 

[آرشیو نظرات]

در تشریح باغ فدک و احوالات کوچه 5797

:تاریخ: ۱۳۹۷/۱۰/۲۸

در تشریح باغ فدک و احوالات کوچه

هفتم هجریده اقدام اِئلِئیوب ختم نبی

هدفی اولدی جهانی ائده دین عربی

سدّ راه اولدولا بیر عِدّه یهودی نسبی

لشگر " نَصرُ مِن اللّهینی" حاضر اِئله دی

خیبرین جنگینه ئوز امرینی صادر ائله دی

بیر یهودی کی مُخَیرَق یازیلوب صاحب جاه

موشکافانه اِئدوب جاریه اوضاعه نگاه

آخر جنگی یهودی لره درک ائتدی تباه

تانیوردی الی بوش صحنه نی ترک ائتمز علی

قلعۀ خیبری فتح ائیله مسه ، گئتمز علی

واریدی حومه ده بیر مزرعه سی هفت قلاع

صافیه ، بُرقه و اَعرافیله ، د َلاّل و حُناء

قلعۀ ششّمی مِیثَبتیدی ، هفتمده خفاع

پنبه خیزیدی او محدوده یاشیل دامنه تک

کُلّ ِ بو منطقیه دئیدی حِجاز اهلی فدک

قصد صُلحیله مُخَیرَق ، فدکین مسئله سین

حل ائدیب ایسته دی پیغمبره اهدا اِئله سین

بیلدی لازیمدی فدا ائیلیه ، دنیا هوسین

ئوز رضائیمله دئدی عهدیمی تنظیم ائدورم

 شخص پیغمبره ئوز باغیمی تقدیم ائدورم

طبقِ امریّۀ سلطانِ سماوات و سَمَک

وِئریلیبب فاطمۀ طاهریه مُلکِ فدک

اختیارینده اولوب یازده هجریه جک

حاصلِ مزرعه دن سهم آیئروب شاه ولا

گئچینوردی هم علینین حرمی ،هم فقرا

رحلت ختم نبی دن سورا اشرار دنی

قبضه ی قدرتیچون ائتدیله پیکار علنی

حلّ ِ مشگلده بنی ساعِدَه نین انجمنی

اولدی تشکیل ائلیه بلکه بو آشوبی تمام

تا ابوبکر اِئله دی تخت خلافتده مقام

بئله بیر واقعه نین عاقبتی اولدی نفاق

گؤرسه نیب هالۀ تزویریده اربابِ صِداق

بیعت ائتمیشدی ابوبکره اگر شام و عراق

رهبرین حکمینی ردّ ائتدیله درحال ِحیات

دولت حاضره وئرمیدیله بیر عدّه زکات

ابن خطّاب کی اوضاعیدن اولموشدی کنار

تحتِ امریدی بنی ساعِدَه دَه کارگزار

گؤردی چون موجِ بَلایاده ابوبکری دُچار

طرح ریزی ائله دی قدرته چاتسون ئوز اَلی

باشلانا غائِله ما بینِ ابوبکر و علی

دئدی بوبکره علی نین سنه واردور خطری

آلوب اطرافینه ناراضی اولان شیعه لری

تا قیام ائتمیوب اجرا اِئله طرحِ عُمری

مرتضی دولتِ مُستَأصَله بَلوا سالاجاق

منبعِ کسبینی غصب ائتسون علی تک قالاجاق

نیه تَملیک ائلِییوب فاطمه حق اُمَمی؟

سود سالانه سی یئتمیش مینه بالغ رقمی

نیه بو مبلغه صاحبدی علینین حرمی؟

مرتضی عادت ائدوبدور یئیه نان و نمکی

منبع ِ دخلِ درآمد دی سنه ، آل فدکی

شکل تزویریده چون ائتدی عمر رایزنی

منطقاً اولدی ابوبکره مؤثر سخنی

یازدی فرمان آلالار مزرعۀ فاطمه نی

دئدی ،باغ فدکی ئوز آدیما ثبت ائدورم

قالماز ارثیه پیمبردن ، اودی ضبط ائدورم

فاطمه گؤردی بو جنجالیده وار آیری پیام

بیلدی ایستیلر علی ، ائیلیه بوحکمه قیام

قویمادی موضِعِ شخصی دوتا جریانه امام

نگران اولما دئدی ساقیه ، کوثر واردی

دینمه سه حیدر اگر ، حیدر دیگر واردی

حق آلوب ساتمالی اولمار ساتلا ، یا آلینا

داغ بو ننگی کیم آزاده دی وُرماز آلینا

شیرین آغزیندا اگر اولاسا ،گرگ حق، آلینا

کیم دئیور من بو یولی مَنفَعت اوسته گِئدورم

درس غیرتدی ، قئزم زینبه درس ئورگَدورم

فاطمه شخصاً ابوبکریله دیدار ائله دی

مُستَدَل مدرکینن حقینه اصرار ائله دی

امّ اِیمَنله علینین آدین اظهار ائله دی

دئدی شاهیددی بولار پرده ده ظلم علنه

فدکی وِئردی بابام حال حیاتینده منه

حاکم دینی او شاهد لری انکار ائلییوب

یازان امریّه نی بو باره ده تکرار ائلییوب

روح زهرانی کذایی سوزی آزار ائلییوب

گلدی طغیانه ، حقایقلری افشا اِئلیه

گؤردی واجبدی او نالایقی رسوا ائلیه

دئدی زهرا : اولا هر حاکم اؤزاق امّتدن

اولا بیلمز خبری رنجه دوشَن ملّتدن

استفاده اِئدوسن نَفعُوَه سن قدرتدن

بو وظیفوندی سنون جامعه ده داد اِئده سن

نه کی زهرادن آلوب حقینی پامال ائده سن

حاکم جامعه سن ، سن گرک عادل اولاسان

حقی حقداره وئیریب شرعیده کامل اولاسان

نه کی ئوز خِیرُوَه خاطر شَره مایل اولاسان

سن مقصّرسن اگر مُلکیده ظالم چوخدی

ظلمی گؤرسون گؤزوی یومماقا حقّون یوخدی

عدلی قربانی ائدنمز اُمرا منفعته

خفقان ننگیدی اسلامی اولان مملکته

گَرَگ اوّلده خلیفه باخا حقّانیته

بو تفکّرله خلافتده قالا بیلمزسن

فدک حقّیمدی منیم ، منّن آلا بیلمزسن

شرعین احکامینی ئوز نَفعُوَه تفسیر اِئله مه

شکلیدن شکله سالوب امّته تعبیر ائله مه

قدرته تکیه ائدیب، رأییده تغییر ائله مه

حکم شرعی ائله ، احکامه اگر عالم سن

بیر نفر شهریده مظلوم اولا سن ظالم سن

بو خلافت کی ائدوبسن اونون عرشینده مقام

دونن اجلالیله صدرینده اوتورموشدی بابام

بئله رفتار اِئله دی امتیلن خیر الاَنام ؟

گرک ، احکامِ رسول الهی اجرا اِئده سن

بیر قدم یوخدی اجازون یولووی کج گئده سن

پرورش ائیلیَه نیم ختم رسالتدی منیم

شأنیم عصمتدی شرافتدی نجابتدی منیم

ایاقیمنان اوپن هر لحظه فصاحتدی منیم

دئمورم من سنه سلطان عرب دختریم

غیرتیم ظلمه باش اگمز ، من علی همسریم

فاطمه خطبه سی ائتدی او قدر جلب نظر

سوزلری شدّتیلن ائتدی ابوبکره اثر

فدکه یازدی سَنَد فاطمیه قَیتَره لر

آلدی زهرا سَنَدی شاد و خرامان الینه

کوچیه گلدی حسنلن قئییده ئوز ائوینه

کوچه ده عازمیدی ثانیده تاب و تبیلن

فکری غرق اولموشودی تن تنۀ منصبیلن

روبرو اولدی غرض فاطمۀ اَطیَبیلن

دِئدی معلومیدی شورو شعف وشوقی ده سن

گلموسن دار الاموره نیه ، یا اُمِّ حسن؟

بویوروب فاطمه بوبکریله دیدار ائله دیم

خواب غفلتدکی وجدانینی بیدار ائله دیم

حقّیمه مدرک آلوب ناحقی ده خوار ائله دیم

شکر اولا بیر اولان اللهَ منه اولدی کمک

قویمادم غصب اولونا رهبری تک ملکِ فدک

دئدی ثانی گؤرورم سدِّ رهِ رهبری سن؟

مرتضی گونه سن الحق کی علی همسری سن

گرچه اصل و نسباً ختم نبی دختری سن

قویمارارم شرعیله عرفی منه تکلیف ائده سن

فدکه صاحب اولوب دولتی تضعیف ائده سن

نئچه سوز کوچه ده قهریلن اولوب ردّ و بدل

او دئِدی وِئر سَنَدی ائیله مه ییم آیری عمل

بو دئدی چکمرم حقّیمنن اگر کی ئولَم اَل

گؤردی بو حالی حسن ، عاقبتی بیلدی نَدی

دئدی نامردیدی بو ثانی ، ننه ، وِئر سندی

نئجه ثانی اَل اوزون پنجه سی قهّار و قوی

فطرتاً اسفل و اصلاً شر و ذاتاً بَدَوی

یاپیشوب سیّده دن سیّدِ آلِ علوی

گَه باخوب کوچیه گَه ثانیه گَه فاطمیه

یول کسیلمیشدی بیری گَلمَدی امداد ائلیه

مرد جنگیدی وُران فاطمه بیمار و ضعیف

باغلاماز یول یورولان عورته کیم اولسا شریف

گویه قالخئزدی اَلین کوچه ده نامرد حریف

گؤر نه گؤردی ..حسنین گؤزلری غمنن سئخیلوب

ننه سیلن بالا ، بیر سیلیه، با هم یئخیلوب

اوچیلار هاردا شکار ائیله سه آهو بالاسن

چوخ دیوبلر کی همیشه وُرا ای کاش آناسن

ولی زهرایه حسن دِییدی بئله اوخشاماسن

نه چتیندی ننه دردینده بالا قلبی یانا؟

 کاش اؤلیدیم سنی بوحالیده گؤرمیدیم آنا

مدرکی ثانی آلوب فاطمه دن سرعتیلن

پاره پاره ائله دی توکدی یِئره نخوتیلن

باخدی بانوی دو عالم سَنَده حسرتیلن

دئدی بیر جمله او دُردانۀ گنجِ اَزَ لی

ایندی بیلدیم نئجه دنیاده کمک سیز سن علی

اؤرَه گون من کیمی یانسون سنون ای چرخ فلک

منی ، آذار اِ ئلییَن دردِ علیدور نه فدک

کمگیم اولدی کمک سیز ائلییَن یوخدی کمک

تک قویوب امّت صد چهره شه صف شکنی

آچیق اولسیدی اَلی ، ثانی وراممزدی منی

سؤز چتین یئرده قالوبدور قلمه یوخدی دؤزوم

واردی زهرا بالاسی مَهدیه بیر جمله سؤزوم

بویوروبسان دئیرم ئوز آناما نوحه ئوزوم

نیه اول فاطمه کی درگَهیدور بابِ کرم

کوچه ده سیلی ووروب صورتینه نامحرم؟

نیه زهرا کی ئوزی، نوریدی ، نور ازلی

وئره جگ حکم جزا ، حشریده همراه علی

کوچه دن منزلینه گئتدی یوزی اوسته اَلی؟

دوزدی محشرده خانوم کینه یولون گئتمیه جگ

ولی بو سیلینی زینب جانی عفو ائتمیه جگ

نیه زهرا بو قدر غمده اسیر اولموشدی

زندگیدن قسم ئوز جانینه سیر اولموشدی

سنّی اون سگّیزیدی قامتی پیر اولموشدی

نئینیوب گؤر اونا امت ،اؤرَه گین داغلادیلار

باشنا درود بالاسی دوره وُروب آغلادیلار

نیه اول فاطمه کی شیعه یانار دردینده

غصّه دن ذلفی آغارمیشدی جوان سنینده

نیه اللرده اؤلوب قبری قالیب گیزلینده؟

شیعه بو محنت عضماده اؤرَگ داغلیاجاق

نَقَدر وار نفسی ، فاطمیه آغلیاجاق

شیعه قان آغلیاجاق فاطمه نین محنتینه

آغاران ذلفی یاراشموردی جوان صورتینه

ایکی عالم اولا قربان اگیلن قامتینه

فاطمه فاطمه دی حرمتی وار عزتی وار

نیه گیزلینده غریبانه اولان تربتی وار؟

حقیدن امت اگر رشته ی الفت قیرالار

امر واضحدی علی حرمتینی سئندیرالار

نه دلیلیله گرگ در گهینه اود وورالار؟

ثانی فکر ائیله دی درگاه امامت یاندی

قاپودان چوخ شرف و عصمت و غیرت یاندی

سوزلریم نوحه دی اما یوزونه پرده دوشوب

قاپی اود دوتدی دئدی مرد ایشی نامرده دوشوب

در و دیوار آراسی.. فاطمه بیر درده دوشوب

سئنان آئینه کیمین آلنینا مرجان دوزولور

قاپی مسمارینه کیم باخدی گوروب قان سوزولور

شعری ئورگنمه گیلن شاعر اگر شاعر اولا

شعری شعر اولماز، اگر قافیه ده ماهر اولا

شاعرین ذوقی شعورینده گرگ ظاهر اولا

ای «امانی» فضلا ، فرعی اصول ائتمه دیلر

عرفا نظمیده هر شعری ،قبول ائتمه دیلر

شاعر : حاج علیرضا امانی مجد اردبیلی

موضوع: حضرت فاطمه زهرا (س) احوالات , 

زبان شعر و شاعر: نوحه ترکی 

در احوالات حضرت فاطمه زهرا (سلام الله)

منصوره و راضیّه و مرضیّه و زهرا

معصومه و نوریّه و صدّیقۀ کبری

حنّانه و حانیّه و ریحانه و کوثر

انسیّه و حوریّه و انسیّۀ حَورا

این‌ها همگی فاطمه هستند ولی نیست

محبوبیت فاطمه محدود به این‌ها

مادر که نه! بالاتر از اُمُّ الحَسنِین است

دختر که نه! بالاتر از آن، اُم اَبیها

فردوس برین، باغ بهشت است به صورت

فردوس برین خانۀ زهراست به معنا

پیچیده در آن عطر «بِه» و «یاس» و «گل سرخ»

بیرون زده از پنجره‌اش شاخۀ طوبی

روزی که بخندد همۀ شهر بهاری‌ست

آن شب که بگرید شب عالم شب یلدا

آن شب که بگرید همۀ شهر بگریند

آن شب که بگرید...چه می‌آید سر مولا؟

از روی لب مادرمان فاطمه چندی‌ست

لبخند فراری شده کاری بکن اَسما

کاری بکن اَسما که پریشان شده مادر

درد است سراپا و سکوت است سراسر

این هیزمِ تر چیست که در آتش آن سوخت

یک مرتبه هم مادر و هم دختر و همسر

در سوخت، ولی مانده به یادم که محمد

یک مرتبه بی‌اذن نشد وارد از این در

من خواب بدی دیده‌ام اَسما، چه بگویم؟

دور کمرش شال عزا بست پیمبر

از عطر «بِه» و «یاس» و «گل سرخ» در این شهر

خالی‌ست مشام همه، کافور بیاور...

شاعر : محمد حسین ملکیان

!!! لطفا با نام کانال مدح و مرثیه کپی کنید !!!

موضوع: حضرت فاطمه زهرا (س) احوالات , 

زبان شعر و شاعر: نوحه فارسی , محمد حسین ملکیان 

دراحوالات حضرت فاطمه زهرا (س) و گریز به احوالات روز عاشورا

آغلاتدی زهرا غملرون اهل جهانی سر به سر

اون سکّیز ایل عمر ایلدون دنیاده اولدون خون جگر

ای بند قلب مصطفی وی روح آرام رسول

ای طیّبه، وی طاهره، صدّیقه، مرضیه، بتول

وی عصمت کبرای دین گنجینه سرّ اصول

اخلاق و حُسن و حرمتون درک ایلمز عقل بشر

ای معدن فکر و ادب کنز وفا نور عُقول

سرچشمه‌ی بحر حیا سرلوحه‌ی خط وصول

غملر توکولدی اوستوه محنتدن اولدون دل ملول

چکدی شرر غملر اوتی ایتدون نوا شام و سحر

جدّون امانت تاپشروب قرآنی اوّل اُمته

بعداً سنی اسلامیده بیلدی شرایط وحدته

باش اگمدون یا فاطمه حیدر مثالی ذلّته

الدن آلوبلار حقّوی توکدون یوزه اشک بصر

بین در و دیواریده جسمون قالان وقته سنون

جور ستمدن اود دوتوب درگه یانان وقته سنون

مجروح اولان سینونده قان جاری اولان وقته سنون

فریاده ایدوبسن فضّه ویر شیر خدایه تیز خبر

مسمارِ ظلمه آشنا سینون اولان وقته سنون

مین ناله‌ی شبگیرله قلبون دولان وقته سنون

جور و جفادن صورتون گل تک سولان وقته سنون

یا فاطمه یا فاطمه قانیله اولدون غوطه ور

طاها فراقینده گیجه گوندوز یانوب دل داغلادون

بیتُ الاحزنده سن خانم خلوتده ماتم ساخلادون

غصب اولدی حقی حیدرین سن هر مکاندا آغلادون

غصه سالوب حالدان حالا محنت ایدوب چوخلی اثر

ارث اولدی سندن زینبه محنتلی غملی ماجرا

سن قاره سالدون باشیوه زینب سالوب باشه قرا

اولدی ایشق گونلر اونا ظلمت سرا سندن صورا

گلشن سولوب بلبلرون سرگشته حیران سر به سر

عشقون یتوردی زینبی عشقیله عالی مکتبه

ایستر قلم وارد اولا بوردان بیر آیری مطلبه

آغلار گوزوم یا فاطمه قدّی خمیده زینبه

گور اللری باشدا نجه کربو بلا دشتین گزر

اوخ نیزه و شمشیرلن دشمن توکولدی صف به صف

دورت سمتیدن جسم حسین اوخلارا اولموشدی هدف

بیر یاندا سقا اللری سو مشگی دوشموش بیر طرف

بیر یاندا ایوای اکبریم لیلای مضطر سسلنر

حَلق علی اصغر نشان اوچ شعبه لی پیکان اولوب

بیر یاندا قیزلار تشنه لب گل مثلی ماتمده سولوب

کلثوم زینب گوزلری ابر بهاران تک دولوب

بیر یاندا قیزلار تشنه لب هم زینب خونین جگر

آواره قیزلار زینبه الله بیلور وابسته دور

چون هامّسی بو گردش اَیامیدن دل خسته دور

قولار خدایا رحم ایله بند طنابه بسته دور

اهل حرم آواره‌دور گوزدن توکولّر اشک تر

یاندی آلیشدی خیمه‌لر غوغا اولوبدی بر ملا

قانیله رنگین اولدی تا اُول سرزمین کربلا

اهل حرم ال سینه‌ده یکسر اولوب غرق عزا

افلاکه ساری غم اودی اوردان اولوبدی شعله ور

عریان جنازه اوستونه توز قوندی یا صاحب زمان

آغلار قالوبدی انبیاء روحی اوچولده هم زمان

اکبر سسی گلمور دیدی زینب اودم وقت اذان

لیلا، رباب، اهل حرم، اوندا اولوبدی دیده تر

«غمکش» بو روضه آغلادار مجلسده اهل ماتمی

سعی ایله دیلده یر آچا مولا حسینون هر غمی

سایه سالوبدی باشلارون اوسته بوقاره پرچمی

گوز یاشینی شاعر ئوزی باران کیمی گوزدن اَلَر

شاعر : مرحوم غمکش

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , غمکش 

در احوالات حضرت فاطمه زهرا (سلام الله)

یارب اگر ایجاب ایلسه امرمشیت

احسان ایله گلسون عمله دلده کی نیت

زهرانین ایدوم ساحتینه عرض ارادت

بو شرطیله گراولسا عنایت خانیمیمدان

همواره اولوبلطف و کرامت خانیمیمدان

من بیرنفرم معترف جرم و گناهکار

آلوده و ناپاکم و محتاج نمکذار

بیرروسیهم عاصی و مجرم خطاکار

اما خانیمیم لطف و عنایتدی سرا پا

هم عاطفه و نعمت و رحمتدی سرا پا

هرچندکه احبابینه ایتگیندی مزاری

اوچ یرده ایدر اهل ولا گوزیاشی جاری

بیرمنبرو محراب آراسی یا که کناری

ممکن اولا زواری گیدربیرده بقیعه

بیرده اوز ایوینده اولا شاید او ودیعه

هرنوعیله تحسینه سزاواریدی زهرا

احساسیدی اخلاصیدی ایثاریدی زهرا

اوزهمسرینه یار فداکاریدی زهرا

معلومیدی مولایه حیاتین بو نکاتی

مرهونیدی زهرایه حقیقتده حیاتی

زهرا نجه زهرا فلک عصمته اختر

زهرا نجه زهرا صدف عفته گوهر

زهرا نجه زهرااو کمکسیز شهه یاور

بیرکیمسه ده اولماز اولا بو قدرت و تمکین

ایثاری ایده همسرینین عمرینی تضمین

پیغمبر رحمت شرف عالم امکان

ایستردی ایده بو خانمین شانینی اعلان

فرمایش ایدردی آتاسی بو قیزا قربان

ایلربیزه بو نکته بو معنانی حکایت

زهرادی گل سرسبد عالم خلقت

زهرا نجه زهرا گل زیبای رسالت

زهرا نجه زهرا  دردریای محبت

زهرا نجه زهرا شرف عالم خلقت

مانندینی گورمز بو جهان تا بو جهان وار

باشدان ایاقا مهرو وفا رافت و ایثار

ای گلشن طاهایه گل نازو معطر

ای عفته پیرایه اوزی عصمته زیور

وی بحرمحبت صدف خلقته گوهر

سن نوگل زیبای گلستان وفاسن

سن گوهرپرارزش دریای حیاسن

ای سرو قدی نخله گلزاررسالت

وی معنی ایثار و وفا روح فضیلت

مسجدده علیدن ایلین وقته حمایت

فاش اولدی که سن آیت حی ازلیسن

سن یار وفادار و فداکار علیسن

سن گلشن توحیدیده بیرغنچه ترسن

سن معنی کوثرده کی پربار ثمرسن

افسوس که عمرین گونی تک زورگذرسن

هیچ بیر گلین سنون عمرون تک آز اولماز

هیچ بیر گل افسرده جمالین کیمی سولماز

بو مطلبه مولا اوزیده ایلوری اقرار

مین ایللراگردورایده بو گنبددوار

مشکل گوره زهرا کیمی بیریار وفادار

هیهات بتولین گوره مانندینی دنیا

باشدان ایاقا مهریدی ایثاریدی زهرا

نه همسریدی تک منه زهرای فداکار

بیریاروفاداریدی بیریاورغمخوار

باشدان ایاقه عشقیدی اخلاصیدی ایثار

هراحظه که گورسیدی اگرغصه لیم من

دوزمزدی آلاردی غم و اندوهیمی دلدن

بیعت گونی جبرا آیراندا بونی مندن

قنفذ ایله بیر ظلم ایلیوب منفعلم من

ای کاش دوشیدی او ایکی شوم الی تندن

مجروح ایلیوب ضربتی بازوی بتولی

قمجی یری درده گتوروب قلب رسولی

بیرکشمکش اولدی دیمورم من نلر اولدی

باد ستم اسدی خانیمون گلشنی سولدی

هرغنچه گلین باغری قزل قانیله دولدی

بو حادثه لر قویدی آناسیز حسنینی

زهرانی شهید ایلدی آغلاتدی حسینی

تهدید اولونان وقتیده دربارامامت

بوردا دیدیلرفاطمه وارایتمه جسارت

باشد دیدی وارفاطمه وارمنده اوجرئت

بودرگهی یاندورام علی ایتمسه بیعت

ایوای اگرنفس ایده انسانه حکومت

چون عقلی اسیراولدی اونون نفسینه ناچار

باب الاهی یاندورماقا چوخ ایلدی اصرار

باخ شرمه اودون ایستدی اول شوم و جفاکار

ای کاش او ظالم شل اولیدی ایکی الدن

تا نادم اولیدیبیله بیر زشت عملدن

شورای سقیفه ایلموشدی بیله تضویب

تامنده ایدم بیعت اولا دین ایوی تخریب

السمده اولانمازبیله بیر مرحله تعقیب

هیهات که عالم ایلیه جاهله بیعت

بی ارزش و نا چیزیدی بو امرخلافت

شورائیله اوز دلده کی مقصودیزه یتدوز

دوزیولدان آیردوزیولی بیراهیه گیتدوز

بو غصب خلافتدی مسیرین عوض ایتدوز

بو ناقه مجروح سیزه سود ویره بلمز

قان اولدی او سود خلق سعادت گوره بلمز

وقت اولدی خلاصه خانیمی درک ایده رحلت

وقت اولدی که اوزایستدیقی تک اولا راحت

وقت اولدی که حق خواهشینی ایتدی اجابت

وقت اولدی خانم امر قضایه اولا تسلیم

اوزجانین ایده محضرجانانینه تقدیم

مولایه خبرویدیله درک ایله بتولی

گل منزله ترک ایت حرم پاک رسولی

امرایله بتولین گله اطفال ملولی

زهرانی دویونجا گوره بیرده حسنینی

زهراده گوره گوزلرینین نوری حسینی

مولا حرمی ترک ایلیوب عالم و آگاه

نه قدر چتیندور بونا بو آیریلیق الله

دوردی گیده ایوای یخلدی یره ناگاه

بلمم نقدرقلبی بو محنتده سیخیلدی

دنیا جه حوادث اونی یخمازدی یخیلدی

دوردی ایاقا یاس تمامیله اومولا

گلدی گوره نه حالیده دور عصمت کبرا

گوردی که یاتوب بسترآلامیده زهرا

قصد ایتدی دانشدیرسین او محزون و حزینی

زهراده جواب اولمادی آغلاتدی علینی

فرمایش ایدوب ای یارالی قلبیمه یارا

چوخ غصه لیم هجریوه یوخ منده شکیبا

بیرکلمه دانش آل بو سینق گوگلیمی زهرا

هرچند حذر یوخدی قضای ازلیدن

آچ گوزلریوی دویما بو تزلیقدا علیدن

ای هر غم و محنت گونیمون  یاوری زهرا

وی چرخ حیا و ادبین اختری زهرا

ای بو حرمین طایرخونین پری زهرا

پروازایلدون عرشه سینان بال و پریله

قویدون منی عالمجه غم و دردسریله

زهرا بیله فکرایتمه محبتده یانشدی

تا آلدی علینین سسینی گوردی تانشدی

نازیله گوزین آچدی دله گلدی دانشدی

عرض ایلدی ای سروردین خسرو خوبان

سن آغلاما آغلارگوزیوه فاطمه قربان

سن آغلاما ای خلقته شخصیتی زیور

سن آغلاما ای قافله امته رهبر

سن آغلاما ای یار وفادارپیمبر

سن آغلاما آغلاتما بو محزون و ملولی

عفو ایله گذشت ایله حلال ایله بتولی

بیرآز ایکی دلداده او دم درد دل ایتدی

اذن آلدی خانم محضرپیغمبره گیتدی

تک قویدی علینی اوزی مقصودینه یتدی

مولایه نه اندازه اولوب  مشکل او هجران

بیرفاطمه بلدی  بیراوزی  بیرحق سبحان

ایتموشدی وصیت گیجه غسل و کفن اولسون

تشییعینه حاشا نه گلن نه گیدن اولسون

نه قبری بولونسون و نه دفنی علن اولسون

ایوای اولار که بو ملاله سبب اولدی

زهرا و علینین اورگی قانیله دولدی

بیر نیمه شب ایتدی علی منزلی خلوت

اول پیکرزهرایه باخوب شاه ولایت

کیم بلدی او باخماقدا وار نلرگوردی او حضرت

عرشه اوجالوب ناله سی اشرارین الیندن

گوردی که گلی پرپراولوب خارین الیندن

خلوت گیجه دنیانی دوتوب پرده ظلمت

زهرایه اوزی غسل ویروب شاه ولایت

زهرا نه حقیقتده الوب عالم خلقت

ذی روح یقین یوخ  کسیلوب شهریده سسلر

محبوس اولونوب سینه ده هراودلی نفسلر

راوی دیر ال چکدی علی غسلیدن اما

دیواره یوزین قویدی ایله آغلادی مولا

عرض ایلدیم ای صبرینه حیران هامی دنیا

بو آیریلیق ایتدی سنی بو نوع مکدر

یا وارآقا بو آغلاماقا علت دیگر

فرمایش ایدوب هرنقدر عمرایده دوران

منده او قدرعمرایلیم گراولا امکان

بیر عمر اولام فاطمه نین فقدینه گریان

ایتمزله  مذمت منی اهل دل اولانلار

اما او که آغلاتدی منی اهل دل آنلار

بیخود اولا بلمزاولا عشقیمده ثباتیم

مرهون اولا بیر ال که بو حالیمده حیاتیم

زهرانین الیدی که اولوب فلک نجاتیم

اللردن آلوب دشمنه محصورقالاندا

شمشیر لرآلتندا او گون بیعت آلاندا

جبریله چکن وقته  منی مسجدده دشمن

زهرا الی دامانیمی گوردوم که دوتوب من

قنفذ که آیردی منی اوندان اونی مندن

بو شاخه گلده اثر خاروارایمدی

قمچی اثریندن هله آثار وارایمدی

درد دل مولایه عجب ایتدیله چاره

ووردی یارالی قلبینه غملرگینه یاره

کیملرگتوروب فاطمه نی پای مزاره

دنیا جه غم و غصه دی اول معدن صبره

مولا اوز الیله قویا محبوبینی قبره

زهرانی قویوب قبره او شه با دل محزون

گویا ایدوب اوزروحینی زهرائیله مدفون

اشکین یوزه جاری ایلدی چون درمکنون

فرمایش ایدوب ای گوزیمین نوری عزیزیم

شایسته دی گیتسه گوزیمین نوری عزیزیم

ای وای بو دنیا نقدرپستیدی یارب

کیم بلدی نجه روح علی اولدی معذب

تا مغرب ظلمتده غروب ایتدی او کوکب

آغوشینه خاک آلدی ایله گوهر پاکی

عرشه یری وارفخرایلسه عالم خاکی

بیرنیمه شب خلوت  و خاموش مدینه

گیزلینجه گیدر منزل قبره او دفینه

علت ایکی عاملدی فراهمدی زمینه

بیرعلتی زهرا اوزی ایتموشدی وصیت

شاید اولا بیرعلتی بیگانه جماعت

اعلام ایلموشدی اوزی پیغمبررحمت

هرکیمسه بتولین ایده تشییعینه شرکت

بی شبهه اولارحشرگونی داخل جنت

چوخلاربو امیدیله که گیتسونله بهشته

ایستردیله تشییع اولا اول حورسرشته

اما او قرانلوق گیجه آخرسحراولدی

تا پرتو خورشید فلک جلوه گراولدی

بو حادثه دن اهل جفا باخبراولدی

یعنی ثمرین ویردی  او دم نخل سقیفه

قصد ایتدی نمازه گله زهرایه خلیفه

هیهات اولا نائل بیله بیر امرخطایه

کرکس اولا بلمزکه سالا سایه همایه

مشکلدی الومدنده  بو غم اهل ولایه

یارب نیه خسف ایتمدی یر اهل حجازی

گور کیم گلوب ایستر قیلا زهرایه نمازی

ثانی که اوگون مصدریدی امریده ناگاه

اولدی او خانم فاطمه نین دفنینه آگه

جمع ایلدی اوز باشینه بیر عده گمراه

یوز قویدولا قبراستینه اللرده وسیله

بو امر اهانتدی او بانوی جلیله

بلمم نیه دوندرمدی حق چرخ مدارین

یا ایتمدی شل اللرینی قوم شرارین

گلمیشدیله نبش ایتماقا مرضیه مزارین

هیهات ایله بیرامره اولارایلیه اقدام

بو مسئله شخصیدی  دگل صحبت اسلام

ناگاه گوروبلرکه گلورشاه ولایت

اندامی دوتوب لرزه غضبدندی علامت

باشدا ساری دستمالی دیوروارنه حکایت

غیظیله دوتوب الده او شه قبضه شمشیر

آماده دی بیرحملیه روبه لره چون شیر

فرق اولمیا بیر جامعه ده نیک و بدیله

انسانی برابر سایالاردیو و ددیله

بیردل که دولا کینه و بغض و حسدیله

آیا او علی غیرعلی فرقینی آنلار

یا مهلکه ده جامعه نین غرقینی آنلار

فرمایش ایدوب یاندی قاپوم اوندا دایاندیم

ظاهرده دایاندیم ولی دلدن یارالاندیم

اودشعله لنوب منده شرارغمه یاندیم

منظوریدی چون مصلحت دین الهی

دوزدوم که خلل گورمیه آئین الهی

اما اوکه بو قبرلره اولسا جسارت

مربوطیدی شخصا اوزومه حفظ و حراست

شمشیرهمان الده همان الدی جماعت

چون چوخلاروزین قدرتیمه واردی یقینی

سیراب ایدرم قانوزیله روی زمینی

چون گوردوله مولانی غضبناک او اشرار

ال قبضه شمشیریده آماده پیکار

ال آچسا او بیرحمله ده قویماز قالا دیار

عذرایستدی ثانی دیدی ای شیرشجاعت

عفو ایت بیزی بیزده یوخودی قصد اهانت

مولا او که خشم ایتدون  او افراد جهوله

دنیا بوئی حسرتدی بو محزون و ملوله

بیرقبرکه منسوبیدی ظاهرده بتوله

دومزدون او تپراقه دگه دست جسارت

ایستردون اولا زیر و زبر عالم خلقت

اما او که عاشورگونی دشت بلاده

اشرارایلدی سویماقا اطفالی اراده

زینب او کشاکشده چاغوردی سنی داده

گرمصلحت اولسیدی گلردون او دیاره

ناچارقالان قیزلاریوا ایتماقا چاره

یا فاطمه  ای گلشن دین سروخرامی

وی چرخ حیا و ادبین بدرتمامی

(خوندل) سیزه هرگونده ایدرعرض سلامی

وارقصدی که بیرگون اولا احسانیوه مشمول

قبرینده یقین ایلر اولوب خدمتی مقبول

بیرشخص مشخص سیزه دارای ارادت

صادق متعهد اوزی آماده خدمت

افسوس که یوخ جامعه ده فهم و فراست

اوندندی عطا خواهشی مندندی اشاره

ایوای اگر ایتمیه سوز دردینه چاره

اشعار چاپ نشده مرحوم حاج حیدر خوندل سال 1372 شمسی

با تشکر از جناب زاد صادق مدیر محترم کانال گنجینه گذشتگان

منبع : کانال گنجینه گذشتگان

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , حاج حیدرخوندل 

در احوالات ایام فاطمیه

بر مشامم می رسد بوی عزای فاطمه

می شوم آماده ی گریه برای فاطمه

هاتفی از آسمان ها می دهد امشب ندا

فاطمیّه آمده، ماه عزای فاطمه

فاطمیّه آمده ای فاطمیّون غیور

خانه ی دل را کنید امشب سرای فاطمه

در عزایش بر تنم دارم لباس نوکری

این لباس مشکی ام باشد عطای فاطمه

من کجا و گریه در بزم عزای او کجا ؟

اشک چشمانم بُوَد لطف خدای فاطمه

بر جراحات عمیق فاطمه مرهم نهد

هر کسی گرید میان روضه های فاطمه

هر کسی بر بام خانه پرچم زهرا زند

می شود ایمن ز غم تحت لوای فاطمه

مهر زهرا را خدا با طینتم کرده عجین

افتخارم این بُوَد هستم گدای فاطمه

در قنوت هر نمازم بر لبم دارم دعا

بارلها جان من گردد فدای فاطمه

یاری زهرا نمودن با زبان است و عمل

ای که هستی در پی کسب رضای فاطمه

می رسد آوای یامهدی هنوز از پشت در

ذکر تعجیل فرج باشد دعای فاطمه

کی می آیی تا بگیری انتقام مادرت ؟

مهدی زهرا بیا، ای دلربای فاطمه

شاعر : محمّد فردوسی

!!! لطفا با نام کانال مدح و مرثیه کپی کنید !!!

موضوع: حضرت فاطمه زهرا (س) احوالات , 

زبان شعر و شاعر: نوحه فارسی , محمد فردوسی 

[آرشیو نظرات]

در احوالات حضرت زهرا (س) 5790

:تاریخ: ۱۳۹۷/۱۰/۲۵

در احوالات حضرت زهرا (سلام الله)

دست نَیازم مگر به دامنِ مادر

باده نگیرم مگر ز ساقی کوثر

کس نتواند در این مسیر نهد پای

تا نگذارد به خاک فضه ی او سر

مدحت او را کم است قُطرِ سه دیوان

آن که شده نازلش سه آیه ی کوثر

هر دَمِ او خالق هزار مسیحا

هر شب او چله ی هزار پیمبر

آتشِ کفار را نشانده به خطبه

وز کلماتش به جانشان زده آذر!

علّتِ خلقِ جهان و کون و مکان را

کرده اشارت به نشرِ قدرتِ داور

سبحه به ذکرش گرفته ام لبِ خمره

باده به یادش کشیده ام دمِ منبر

دست مرا هم بگیر عزتِ اعظم!

گَردِ گناهم زُدای! عصمتِ اکبر

ای که سجودت مدام، هستیِ هستی

وی که قیامت تمام، محشرِ محشر

پای مدیحت کُمیتِ شعرم لنگ است

زآن که بوَد مادحِ تو "سیّدِ حمیر"

دختر و هم مادرم فدات که هستی

دخت پیمبر نه بلکه امّ پیمبر

کفوِ تو مولاست زآنکه او همه زهراست!

هیچ کسی جز تو نیست با تو برابر

آب اگر روشنایی است به تمثیل

باشد از آن رو که بوده مهر تو مادر

مدحِ تو باید سرود لیک قلم هم

 خود به خود از داغ دوست میشکند سر

آه چه گوید دلم از این جگرِ خون؟

آه چه نالم ز داغِ لاله ی پر پر؟

نیست عجب گر ز ارث منع کنندت

امّتی آنگونه که به گفته ی حیدر:

"چون پشه در باد می روند به هر سو"

چون شته در خاک می خزند به هر ور

امّتی از بیخ و بن مخالفِ معروف

امتی از جان و دل موافقِ منکَر!

امّ ابیها کجا و بی پدران؟ هان!

صورت زهرا کجا و سیلیِ کافر؟

کاش بسوزد هر آنچه میخ که داغ است

پاش بلنگد هر آنکه می شکند در

بر تنِ چادر نشست ردّ چهل پا

شعله ی آتش گداخت گوشه ی معجر

آیه به آیه شکست قدرِ شبِ قدر

زیرِ لگد ها خمید قامتِ کوثر

آه که گل کرده است یک گل میخک

بر چمنِ چادرِ بهارِ پیمبر

جاه طلب بودنِ خلیفه ی اول

بین که چه آورد بر سر علی آخر

بسته به دستِ طناب، دستِ خداوند

در به درِ کوچه فاتحِ درِ خیبر

فاطمه پشت سرش به ناله زمین خورد

پیش رُخَش لیک گشت گوش فلک کر

در مگذر یا رب از مهاجر و انصار

سهل مگیر ای خدا بر آن دو ستمگر

تا نرسد روزگار منتقم یاس

نقطه نخواهم گذاشت آخرِ دفتر...

شاعر : حسین نادری

!!! لطفا با نام کانال مدح و مرثیه کپی کنید !!!

موضوع: حضرت فاطمه زهرا (س) احوالات , 

زبان شعر و شاعر: نوحه فارسی , حسین نادری 

در احوالات حضرت فاطمه زهرا (سلام الله)

ای نگین نبی ، نگار علی

بی قرار علی ، قرار علی

گلشنِ وحی را صفا ، زهرا

نوجوان یار و نوبهار علی

مِهرِ مهری در آسمانِ وفا

گردشت بود بر مدار علی

مصطفی جان فداییِ تو و تو

جانِ خود کرده ای نثار علی

ایستادی به پیشِ سیل ستم

همچنان کوه ، در کنار علی

آن زمانی که بسته شد دستش

باز کردی گره ز کار علی

خطبه های تو بود در رتبه

لبه‌ی تیز ذوالفقار علی

خطبه ات سوخت خرمن دشمن

زد رگ پر ز خونِ اهریمن

دل ز قبله ربودنت خوش بود

کبریا را ستودنت خوش بود

در نماز نشسته ، نیمه‌ی شب

فکر همسایه بودنت خوش بود

سینه ، پهلو ، شکسته ، دل ، خسته

وا علیّا سرودنت خوش بود

بینِ یک شهر ، دشمنِ بدخواه

دل حیدر به بودنت خوش بود

خسته چون سوی خانه بر می گشت

لحظة در گشودنت خوش بود

با سلامی ز قلبِ پر دردش

گرد غربت زدودنت خوش بود

با نگاهی به چشمِ چشمِ خدا

روشنایی فزودنت خوش بود

رفتی و رکنِ رکنِ دین بشکست

پشت مولی الموحدین بشکست

شاعر : امیر ایزدی

!!! لطفا با نام کانال مدح و مرثیه کپی کنید !!!

موضوع: حضرت فاطمه زهرا (س) احوالات , 

زبان شعر و شاعر: نوحه فارسی , امیر ایزدی 

در احوالات حضرت فاطمه زهرا (سلام الله)

جور فلک

اوزون بو گردیشیوه ایله بیر نظاره فلک

بو کج روشدن اَلون چک داخی کناره فلک

بولورسن اوزگه لرین باشینه دولاندوقجا

سالورسان اهل دلون قلبینه شراره فلک؟

نَدندی سینموری چرخون چیخا مداریندن

نَدندی سیر ایلدون اوزگه بیر مداره فلک؟

تمام، اهل دلون گوزیاشون روان اِلییوب

ولیک ظالمی بیر سالمادون فشاره فلک

گولَنده گولمه میسن چهر زرد مظلومه

گولَنده ایلموسن غملره اشاره فلک

حبیب عالمین عالمده قلب مُضطَرینی

اقلّی سن گَتیرِیدون اَله دوباره فلک

اونون امانتینه ظلم بی شمار ایلدون

دیلینده غملری حاشا گَله شماره فلک

امانت نبوی دوشدی ظلمیله دلدن

کیم اعتبار ایلیر گور بو اعتباره فلک

جهان عاریه دن اوزدی عاقبت اَلینی

گَتیردی حیدری هجرینده آه و زاره فلک

عجب مصائبه سالدون ولی سبحانی

عجب وفا ایلیوبسن او شهریاره فلک

قولونی باغلادون عالمده دست غیریله

علی ال آتمیا تا قبض ذوالفقاره فلک؟

خلاصه بولدوقیوی ایتموسن او مظلومه

که سالدی لشکر غم قلبینی حصاره فلک

گونوزلر ایوده گیجه فاطمه مزارینده

آخاردی خون دلی دائما عذاره فلک

دیردی من سنه ای بی وفا نه ایتمیشدیم

پیمبرین قیزی گیزلین گیدوب مزاره فلک

ولی نعمتیوی اِیلدون غمه توشه

کیم اعتبار ایلیر چرخ کجمداره فلک

نجوم محفیلیمی اولدی ظلمیله بی مه

ترحم ایلمدون مهر اشکباره فلک

حسن گوزونده ورور موج، قصه مسمار

دیور هایاندادی بشکسته گوشواره فلک

سنخدروبدی حسینی فراقی فاطمه نون

گوزونده غمدن اولوب گوزیاشی فواره فلک

اُغوشدورور هله ده زینبیم اورک باشینی

ترحم ایلمدون سن او غم دچاره فلک

سالوبدی باشینه شال عزا قیزیم کلثوم

اونوندا گوندوزون ایتدون گوزونده قاره فلک

یقین سندن آلار انتقامیمی مهدی

او گونده توش اولاسان تیغ ذوالفقاره فلک

گلر الینده حسینون (عتیق) پیرهنی

او گونکی گون دوشَسَن حال اضطراره فلک

پیاله دل (شبگیری) دولدورار اوندا

دوباره دوشمیه تا حالت خماره فلک

استاد شبگیری و استاد طهمورثی (عتیق)

!!! لطفا با نام کانال مدح و مرثیه کپی کنید !!!

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , شبگیر تبریزی , طهمورثی عتیق 

احوالات دفن حضرت فاطمه زهرا (سلام الله)

قویاندا فاطمه نی قبره ساقی کوثر

گوروندی شیر خداونده دست پیغمبر

سرشکی عارض پر نمده، دلده شعله آه

کمال حُزنیله عرض ائتدی یا رسول الله

بو سن بو فاطمه آل مندن ای شه خوبان

که اُولمدی اُوزی اُولدوری فرقه عدوان

مکدّر ایلدی مرآت حق نمانی عدو

کانّهُ که مکدر اولوب بو گون قران

فدا اولوم سنه آهسته آل بو پیکری که

قویوب بقیع محبتده حیدری گریان

مشیت ازلی باغلادی علی قولونی

ائدردی یوخسا جهان عناصری ویران

وئرنده غسلونی الله بولور نه چکدیم من

یاراسی کوینکین اوستن اوزین وئروردی نشان

نچه کفن عوض ائتدیم دوباره قان اولدی

مصیبتین اثریندن اولوبدی باغریم قان

غریبه وقتیده گلدون هرایمه یِتدون

یتیردون ال منه ای ابروی کون و مکان

یتیرمسیدون اگر ال منه بو دمده اوزون

مزاره تاپشیرا بولمزدی مرتضی آسان

منه جهاندا سنون چوخ یتوبدی احسانون

فدا اولوم سنه اِئتدون گینه بویوک احسان

گلنده محشره قویما قویا اَلین بِلینه

و گر نه شعله قهریه دن یانار ارکان

یتوبدی گوش دل مرتضایه صوت جلی

مشیت ازلیدن بودور امور نهان

گلنده محشره دخت رسول عم اوغلی علی

تمام، انفس اولار شوقیدن او دم خندان

گلنده محشره زهرا الینده پیراهن

او پیرهنله ائدر اهل عشقی شادُروان

او گونده شور سالار محشره قلم قوللار

او شوره جمله خلایق اوگون قالار حیران

او دم که قوزیاجاخ فاطمه اَلین عرشه

حزین حزین دیه جاخ یا عزیز ، یا سبحان

بغیشله امتی یارب بو محسنه خاطر

پیمبر امتینین ایله دردینه درمان

او دمده فاطمه نین قدرینی بولر امت

یاراندی فاطمیه خاطر عالم امکان

بو یرده یادیمه دوشدی دیار کرب و بلا

خطور خاطر اولور حال اصغر عطشان

امانته ایلیوبلر خیانت اهل کَفر

پر آچدی اهل ستم دن سه شعبه بیر پیکان

علی اصغره دگدی رباب دیسکیندی

آنا نوایله سسلندی اصغریم جان جان

خدا بولور که نه حاله رباب او دم قالدی

رقیه نی آلوب آغوشینه دیلینده فغان

بویوردی وای منه قالدون رقیه قارداشسیز

بو چولده قُلزم ذخار غم ائدوب طغیان

رقیه آغلادی سیلدی آناسنون گوزینی

ادبله عرض ایلدی آغلاما سنه قربان

منای عشقیده اصغرجهاده جان وئردی

تاپوپدی اصغریله زیب سینه سلطان

زیارت ایلماقا زمرّه ملائک اَنیر

که ظل شهپریله سایه دار اولوب میدان

اولوبدی عرش معلایه قانی پیرایه

اگر چه لرزیه گلمیش مکَوّنِ کیهان

بابام قوجاقی اولار گاهواره اصغریوه

((عتیقه ده)) بو فیوضاتیدن یتَر احسان

پیاله دل ((شبگیر)) قانیله دولودی

اودور که خامه سی اولموش الینده خون افشان

استاد شبگیر و استاد طهمورثی (عتیق)

موضوع: حضرت فاطمه زهرا (س) احوالات , 

زبان شعر و شاعر: نوحه ترکی , شبگیر تبریزی , طهمورثی عتیق 

در احوالات حضرت زهرا (س) 

ای یگانه دخت طــاها

مفخــره انسیه حورا

درغمـت نالــد  بسان

نی ولـــی الله اعــلا

سلطــان ولا ازغم توگشـته پریشــان

میسوزد ازاین محنت واندوه فراوان

علی با شکوه بسیار

بریزد اشک خونبـار 

کــوثر قـرآن تویـــی تو

آیت رحمــان تویــی تو

در ره دیــن وــ ولایـــت

آنکه داده جان تویی تو

گلـــزار علـی ازستم کین شده پرپر

می گرید کنون درغم تو فاتح خیبر

علی با شگوه بسیار

بریزد اشک خونبار

زین مصیبت شد پریشان

زینـب و گلـــثومه نــالان

شعلـــه ور شد قلب مولا

ازشـــــــرار آه طفــــ لان

درهجربتــول گـــریه کند دیده افلاک

قلب حسنین ازغم مادرشده صدچاک

علی با شگوه بسیار

بریزد اشک خونبار

علت خلقت کجــا رفت

معدن عصمت کجا رفت

درمدیـــنه نیمـه ی شب

کنــزحــریت کجــا رفت

شمع شب کاشانه ی مولا شده خاموش

با خاک بقیع فاطمه گردیده هم آغوش

علی با شگوه بسیار

بریزد اشک خونبار

(تــرکی)

درگهــون ظلمــیله یانـدی

توستوسی عرشه دایاندی

حقــوی ای کنــز عصـــمت

دشمنون بطحـــاده دانـدی

الدوردوله ظلمیله بالان محسنی اعدا

قان ایلــدیلر گــوزیاشوی بضعه طـاها

یانار دل ماتمونـده

علی آغلارغمونـده

آچمامیش غنچن سولوبدی

جــام دل غمـــله دولــوبدی

محسنــــه جـــور عـــدودن

پشت در مقــتل اولــــوبدی

سیندی صدف بحر ولا یاندی اورکلر

گوگلـــرده گلوب ناله و افغانه ملکلر

یاناردل ماتمونده

علی آغلارغمونده

ای علیــــــنون مهـــــربانی

گلشنــــــــینده   باغبـــانی

سولدی سن سیز گلستاندا

یــاس و سوسن ارغـــوانی

گیدون بالالارناله سی افلاکه اوجالدی

ایستکلون علی درد فراقوندا قوجالدی

یاناردل ماتمونده

علی آغلارغمونده

زینبیـــنون  ای  آنــاسـی

اولمـادی دردون دواسـی

قان اولان قربون گرکدی

اولسون عالمــلر فداسـی

یاندیردی غمون عالمی ای کوثر بطحا

نار محنوندن یانــار احبـاب ایکی دنیا

یاناردل ماتمونده

علی آغلار غمونده

شاعر : کربلایی موسی جوانی تبریزی

منبع : کانال اشعار موسی جوانی تبریزی (ترنم عاشورا)

موضوع: حضرت فاطمه زهرا (س) احوالات , 

زبان شعر و شاعر: نوحه ترکی 

منبع: http://yon.ir/iHxyv