متن نوحه ترکی حضرت رقیه از حاج سلیم موذن زاده همراه با دانلود
متن نوحه های ماندگار و مشهور حاج سلیم موذن زاده اردبیلی برای حضرت رقیه (س) همراه با لینک دانلود
نوحه ترکی ویرانه ده نازلی بالام جان وردی دینجلدی حاج سلیم موذن زاده
ویرانه ده نازلی بالام جان وردی دینجلدی
بو دختر شیرین کلام جان وردی دینجلدی
بختی بو طفلون اوجیدن دوشدی سرازیره
یکسر آتا قارداشلارین چکدیله شمشیره
کرب و بلادن شامه دین باغلاندی زنجیره
یاتماق اونا اولدی حرام جان وردی دینجلدی
قالدی اراده بی کفن الله بالام ئولدی
بیر کیمسده یوخ دفن ایدن الله بالام ئولدی
آسوده اوُلدی ظلمیدن الله بالام ئولدی
هر زحمته ایتدی دوام جان وردی دینجلدی
بعضی گئجه اکبر بویونا اوخشاردی یاتمازدی
شمری گورن گون او گئجه قورخاردی یاتمازدی
چوخ یالواراردیم یات قیزیم آغلاردی یاتمازدی
هر زحمته ایتدی دوام جان وردی دینجلدی
نوحه ترکی خرابه قلبیمی سخار رقییه سلام اولا حاج سلیم موذن زاده
خرابه قلبیمی سخار رقییه سلام اولا
یزیدی تختیدن سالان رقییه سلام اولا
ایاقلارین تیکان ئوپن گل پیمبره درود
باشینا قمچیلر دگَن یتیمه دختره درود
خرابه ده افول ایدن ایشیقلی اختره درود
وئرن قوری یر اوسته جان رقییه سلام اولا
فلک لحاف و بالشین حصیر و پاره خشت ائدن
رضای حقیدن ئوزون رضای سرنوشت ائدن
خرابه یرده جان وئرن خرابه نی بهشت ائدن
چراغ و چشم کهکشان رقییه سلام اولا
آناسی فاطمه کیمی جمالی نیلگون اولان
جفا و ضرب سیلیدن گوزل گوزونه قان دولان
سموم ظلم و جوریدن گل چمن کیمی صولان
غمینده عمه سی یانان رقییه سلام اولا
دیلینده اکبرین آدی یاواش یاواش دیین اذان
عزیزه دوتدوقی آدی خرابه خاکینه یازان
گوزل آدی یازیب ئوپن گوزل آدی ئوپوب پوزان
یزیدی تختیدن سالان رقییه سلام اولا
نوحه ترکی ای ورن ویرانه یرده توپراق اوسته جان رقیه حاج سلیم موذن زاده
ای ورن ویرانه یرده توپراق اوسته جان رقیه
دائما حسرتدن آغلار گوزلره قوربان رقیه
لای لای ای آرام جانیم لای لای ای شیرین زبانیم
عمه ن زینب سنین سینه نده اولان محنته قوربان
اولدی اوره گیم قان
یاپراق کیمی سیلی دن گوورن صورته قوربان
ای غم کش دوران
ای ورن ویرانه یرده توپراق اوسته جان رقیه
دائما حسرتدن آغلار گوزلره قوربان رقیه
لای لای ای آرام جانیم لای لای ای شیرین زبانیم
روز و شب یاندون بلادن ایلدون چوخ اه و زاری
قمچه نی سالدی دوزومدن قلبیوین گتدی قراری
اولمادین راحت اولومده غصه دن بیر آن رقیه
لای لای ای آرام جانیم لای لای ای شیرین زبانیم
چوللری قول باغلی گزدین بی کس و ویلان رقیه
لای لای ای آرام جانیم لای لای ای شیرین زبانیم
ای ورن ویرانه یرده توپراق اوسته جان رقیه
دائما حسرتدن آغلار گوزلره قوربان رقیه
لای لای ای آرام جانیم لای لای ای شیرین زبانیم
چشمه اومید ظلمیدن دوندی سرابه
دوندروب بیداد دوران نازیوی قهر و عتابه
خانه اقبالین اولدی بو اوچوخ توزگون خرابه
در تک اولدون بو ویران خانه ده تنها رقیه
لای لای ای آرام جانیم لای لای ای شیرین زبانیم
اینجیدون قول باغلی گوش تک دائما دام خطرده
روزگار سفله پرور تز سنی سالدی نظردن
باغرین اولدی قان بو چولده سیلی لردن قمچی لردن
اولمادی قبره گدینجه مشکلون آسان رقیه
نوحه ترکی ای قاره گوزون غنچا دهن نازلی رقیه حاج سلیم موذن زاده
ای قاره گوزون غنچا دهن نازلی رقیه آواره دوران
قبر کفنی قاره گدن نازلی رقیه عمه سنه قربان
نوحه ترکی دور سنه قربان گئدورم رقیه رقیه حاج سلیم موذن زاده
دور سنه قوربان گئدورم رقیّه ،رقیّه
گور نه پریشان گئدورم رقّیه ،رقیّه
دور بالا عمّون قولونی آچوبلار،آچوبلار
هم صاقینی هم صولون آچوبلار،آچوبلار
کرب و بلانین یولونی آچوبلار،آچوبلار
اکبره مهمان گئدورم رقیّه،رقیّه
دور ئوزوم آلّلام گوزون قاداسین،قاداسین
الده قالوب غارت اولان اساسین، اساسین
من کیمه سوغات آپاروم لباسین، اساسین
دیده سی گریان گئدورم رقیّه،رقیّه
گون که باتار روشن اولار چراغلار، چراغلار
کیم سنی غربتده گلوب سراغلار، چراغلار
قبرورون اوسته اوتوروب کیم آغلار، چراغلار
من که یانوندان گئدورم رقیّه،رقیّه
گئتدون ئوزون قالدی آدون دیلیمده، دیلیمده
یوخدی فراقونده توان دلیمده ، دیلیمده
خورداجا گوشواره قالوب الیمده، دیلیمده
قلبیم اولوب قان گئدورم رقیّه،رقیّه
وای منی گوزدن نیه بس آتوبسان، آتوبسان
خون دلیم گوزیاشیما قاتوبسان، آتوبسان
قبریده یورقون یارالی یاتوبسان، آتوبسان
من ولی نالان گئدورم رقیّه،رقیّه
وادی بطحا یولووی گوزتلور، گوزتلور
عترت طاها یولوی گوزتلور، گوزتلور
غمزده صغرا یولوی گوزتلور، گوزتلور
ایلورم افغان گئدورم رقیّه،رقیّه
گوزلرون آچ بیر بیره وور دوداقون، دوداقون
سویله عزیزیم نجه دی ایاقون ، دوداقون
وای بالا ئولدوردی منی فراقون، دوداقون
نوحه ترکی شیرین سوزوم آیدین اولدوزوم مهربان بالام لای لای حاج سلیم موذن زاده
شیرین سوزوم آیدین اولدوزوم
مهربان بالام لای لای
دادیم دوزوم آهو گوز قیزیم
باغریقان بالام لای لای
جان رقیه جان لایلای
.
وصال یار اولدی تا سنه بو خرابه ده قسمت
زیارت ایتدون طبیبوی ای حبیبۀ جنت
اوچوبدی روحون بو دهریدن ایلیوب سنی راحت
غمون ایدوب زینب عمووی ناتوان بالام لایلای
.
قوجاقه آلدیم جنازوی منزلی دولاندیردیم
شرار آهیمله باشوون اوسته لاله یاندیردیم
سنه تاپانمازدیم آغ کفن دفنووی یوباندیردیم
نه چاره تاپدیم نه ده نشان مهربان بالام لایلای
.
خرابه ده گُل جنازوی غسل ائدنده غسّاله
سویوندوراندا لباسووی ایلدی حزین ناله
منه باخوب دمبدم دیدی وای بو قاره اقباله
نجه بونا غسل ایدوم مگر باغریقان بالام لایلای
.
نیازی یوخدور دیدی منه غسل اولا بو مه پاره
شهیده دور سینه سینده وار قولاریندا وار یاره
کفن تاپوبسان اگر خانم ایله دفنینه چاره
مزاره قوی گل یوزین چاغور خونفشان لایلای
.
ملالووی اشک چشمیله غملی دامنه یازدیم
اورکده که آرزولرون طرح و نقشه سین پوزدیم
حرملر آغلاشدی من سنون خوردا قبروی قازدیم
گئجه گونوز غصه دن دئدیم آج یاتان بالام لایلای
.
الیمدن آلدی قراریمی حدّ محنت و دردون
اوره گیمی قانه دوندروب نقش پیکر سردون
قویاندا قبره قزیم سنی ئوپدوم عارض زردون
زمانه دن راحت اول دیدیم بی امان بالام لایلای
.
منی باغیشلا رقیه جان ای حسینه ریحانه
الیمده بیر چارم اولمادی سن گلنده افغانه
گذشت ایله فرصت ایتمدیم زلفووه وورام شانه
کسوب منه چاره یوللارین کوفیان بالام لایلای
.
.
فضای اعزازیدن سوزوب آی کیمی پارا گیتدون
الیم بوش اولدی منیم اگر سن کوسوب هارا گیتدون
ننم کیمی قبره گول یوزی سیلیدن یارا گیتدون
دلینده دردون چوخین نهان ساخلیان بالام لایلای
.
.
قطاریمز یوللانوب قیزیم بی امان گیدر سنسیز
آنون باجون ایستینلرون باغریقان گیر سنسیز
بی بون الین قوینونا قویوب ناگران گیدر سنسیز
قالوب داخی زنگسیز بیزیم کاروان بالام لایلای
.
.
سن عشقیمون دُرّ نابی سن قدروی ئوزوم بیلّم
مزارووه من زیارته اولمسم قیزیم گلّم
توزین غبارین اطاقوون آغ ساچملا من سیلّم
اولار گوزل قبروه بی بون میهمان بالام لایلای
نظرات (۰)