متن نوحه ترکی وداع حضرت امام حسین (ع)
متن نوحه ترکی وداع حضرت امام حسین علیه السلام
زبانحال حضرت امام حسین (علیه السلام) در وداع با حضرت زینب (سلام الله)
آیریلوق وقتیدی گل آغلاما بیچاره باجی
صبردن اوزگه خیال ایتمه ندور چاره باجی
باجی قارداش دم هجرانیده درد دل ائداخ
قلب تسکینینی درد دلیله حاصل ائداخ
آخر عمر وداعی سنیله کامل ائداخ
بیرده هیهات که قسمت اولا دیداره باجی
فوت اولور وقت شهادت او قدر یوخدی مجال
شام هجرانه مبدّل اولاجاق صبح وصال
گورماقون بیرده حسینون گورونور امر محال
گئدرم بزم سرا پرده ی دلداره باجی
خون دل خوان بلادن باجی قسمت دی منه
هر بلا گلسه قبول ایله سعادت دی سنه
صبری ترک ایلمه مندن بو وصیت دی سنه
مشتملدور بو وصیت نچه اسراره باجی
یتشور هرکیمه اول که نه قسمت یتشوب
قسمت آل پیمبرده شهادت یتشوب
دور ایدوب سلسله آخر منه نوبت یتشوب
دولانوب هاله یتوب نقطه پرگاره باجی
ایستیوب جانیمی بیر مرتبه جانانیم اگر
گچمیشم دوست یولوندا اولا مین جانیم اگر
گونده مین مرتبه حلقمدن آخا قانیم اگر
راضیم حق اوزی شاهد دی بو اقراره باجی
یتورور قتله بو صحراده منی قوم جهول
باغلانور سلسلیه سلسله تک آل رسول
صبره ماُمورسن ای نایب زهرای بتول
دستگیر اولسان اگر فرقه اشراره باجی
گوره سن ایسّی قوم اوسته دوشوب عریان بدنیم
پرتو شعشعه ی شمس اولوب پیرهنیم
خاک و خونیله اولا غسل و حنوط و کفنیم
خنجر و تیغیله جسمیم اولا صد پاره باجی
اوندا راضی دگلم چاک گریبان ایده سن
سس چکوب آغلیه سن ناله و افغان ایده سن
باش آچوخ زلف سرون یوزده پریشان ایده سن
خط ناخن ووراسان صفحه ی رخساره باجی
بانوان حرم محترم اطفال صغیر
باغلانور قول قولا بی جرم خطا خوار و اسیر
یتورور حدّ کماله ستمین شمر شریر
غل و زنجیر وورار عابد بیماره باجی
کوفه دن شامه کیمی آل علی ناقه سوار
دست بسته بوروموش چهره لرین گرد و غبار
قویولوب عشق بساطینده ازلدن بو قرار
اهل بیتین چکلر شامیده بازاره باجی
عشق سوداسیدی جانیله خریدار منم
عشق بازاری ایچون رونق بازار منم
بلی میدان شهادتده سزاوار منم
چکلر نوک جداده باشیمی داره باجی
سنه هر چند گراندور بو شهادت خبری
لیک وار نخل شهادتده شفاعت ثمری
گوز تیکوبدور منه یوخ اؤزگه ده اصلا نظری
قویمارام منده ((حقیری)) قالا اودلاره باجی
شاعر : حقیر خویی
موضوع: حضرت امام حسین (ع) وداع ,
زبان شعر و شاعر: نوحه ترکی , حقیر خویی
احوالات وداع حضرت امام حسین (علیه السلام)
پیکر فرمانروای ملک دین
با صلابت شد عیان بر صدر زین
حلقه زد اهل حرم همچون حصار
گرد آن از عشق سبحان بی قرار
کودکان و بانوان بی پناه
اهل بیت درد مند و بی گناه
دربیابان تشنه ی یک جرعه آب
هم رقیه هم سکینه هم رباب
چنگ طفلان میکشد دامان او
ضجه ها برده رمق از جان او
کی پدر جان میروی اکنون کجا؟
دیده هامان کرده ای گریان چرا؟
باچنین وضعی شده شمس هدی
روبه رو با اشقیا در کربلا
در عدو رحم و مروت مرده بود
تیر کین بر حلق اصغر خورده بود
این طرف أل علی غرق فغان
آن طرف ظلم و جفای بی امان
این طرف حس غریبی و خطر
آن طرف خشم و عناد و سیم و زر
این طرف سلطان عالم بی مدد
أن طرف کلاش و دزد و دیو و دد
این طرف شد بوسه باران حلق او
تیز میکرد آن طرف خنجر عدو
بر دلش تیر جدایی تا نشست
عازم میدان شد آن یکتا پرست
میرود با کوله بار غم ولی
سینه اش از نور سبحان منجلی
دخترش دنبال او ناگه دوید
ناله از عمق وجودش سر کشید
گفت با بابا به آهنگی حزین
طاقت غربت ندارم بیش از این
تو سواره من پیاده ای پدر
گشته ام در این بیابان در به در
تشنگی از تن گرفته نای من
لا اقل آهسته رو بابای من
تا صدای نازنینش را شنید
باز گشت او را به آغوشش کشید
گفت ای زیبا گل پڑمرده ام
سد راه من مشو آزرده ام
وعده دیدار ما ویرانسرا
نیمۂ شب میشوم مهمان تورا
گوشۂ ویرانه نازت میخرم
غم مخور با خود تو را هم میبرم
با وداعی دلخراش و غم فزا
کودک و بابا شدند از هم جدا
الغرض آمد به میدان نبرد
خیل نامردان چو دید آن مردِ مرد
ابروان چون کمان در هم خمید
مشتری ناز نگاهش را خرید
بانگ انی بن علی المرتض
آنچنان پیچیده شد در آن فضا
کاز نهیبش نعره ها در هم شکست
هیکل صدها لعین در خون نشست
کی بگنجد این شجاعت در کلام
میکشد تیغ شرربار از نیام
آنکه سیمایش سراسر غیرت است
ذوالفقار از جنگ او در حیرت است
عرصه ی هیجا فتاده دست او
شیر مینازد به ناز شصت او
گاه میریزد ز اهل کینه خون
گاه میگوید به آن عمال دون
کی ستمگرهای بی شرم وحیا
ای شیوخ کوفیان بی وفا
ای که گویی خارج از دین شد امام
حجتم دیگر شما را شد تمام
من حسین ابن علی عالیم
ملک خلاق جهان را والیم
زالفقار حیدری در دست من
پهنهُ هفت آسمان پابست من
ذات باری را یکی مظهر منم
برج دین را سومین اختر منم
آنکه قرأن شد ثنا گویش منم
أنکه چون حیدر بود خویش منم
سعد ملعون از قضا شد بی قرار
لشگرش را دید در حینِ فرار
شکوه هایی کرد از بدر و حُنین
تا جری سازد عرب را بر حسین
گفت ننشینید از میدان عقب
آمده چون پورِ قتال اُلعرب
داشت بابایش علی دستِ جدل
کشته اجداد شما را در جمل
بضعهُ پیغمبرِنیکو سرشت
سرورِکلِ جوانانِ بهشت
با شجاعت با صلابت با وقار
کرد هنگ کوفیان را تار و مار
تا فرو پاشد ز هم گردان و هنگ
این ندا آمد بر آن استاد جنگ
ای که گشتی جنس بازار بلا
شد خریدارت خدای کربلا
عاقبت قربان این میدان تویی
میستانی جان ولی جانان تویی
تیر و نیزه پیکرت سازد جمیل
بر تو مینازد خداوند جلیل
نزد ما با پیکری بی سر بیا
گشته بی تابت علی اصغر بیا
این ندا را تا که از سبحان شنید
دست از کشتار ظالمها کشید
پس فرو آمد ز عرش زین به خاک
زینت دوش رسو ل الله پاک
او که در حال ثنا بود و سجود
با خدای خود چنین گفت و شنود
بار الاها بنگر این دلداده را
بر زمین از صدر زین افتاده را
بنگر این از خویشتن دلکنده را
سر به سودای بلا افکنده را
وعده قالو بلایت را ببین
این رضای از رضایت را ببین
بادلی عاشق ولیکن سوگوار
کرده ام مستانه هستم را نثار
چون که معبودم تویی هستی ز توست
دل به عشقت بسته را مستی ز توست
تشنه لبهایش پر از سر مگو
اوبه ظاهر گشت مغلوب عدو
دشمنش دست از جنایت بر نداشت
چون ز حیدر کینه دیرینه داشت
ظالمی خنجر به گردن از قفا
بر کشید و شد بر آن مولا جفا
دامن صحرا به دست خصم دون
شد ز خون آن لب عطشان لاله گون
یک لعین انگشت او را میبرید
دیگری پیراهنش را میدرید
مانده زیر سم اسبان پیکرش
شام و کوفه میرود بر نی سرش
غرق خون شد در زمین کربلا
پیکر سلطان عرش کبریا
باب او ساقی کوثر مرتضی
خود ولی لب تشنه ضبحأ من قفا
خواهرش خود را به بالینش رساند
روح زهرا از برایش نوحه خواند
خواهرش را ای خدا یاری نما
بی برادر گشته دلداری نما
حلق او را مصطفی بوسیده بود
علتش را عترتش پرسیده بود
از چنین روزی همی فرموده بود
آگه آنها را از این غم کرده بود
در کنار پیکر شاه جهان
قدسیان گشتند مشغول فغان
کربلایش را به خط خون نوشت
آنکه جسم آدمی با گل سرشت
کربلا یک عالمه شور است و شین
کربلا أکنده با عشق حسین
کربلا سر چشمهُ آب حیات
کربلا سر تا سر عمر و ممات
کربلا معراج انسانهای پاک
کربلا عرش خدا بر روی خاک
کربلا شهریست در گلزار عشق
کربلا جولانگه سالار عشق
کربلا کانون اشعار وزین
کربلا را مینویسم به از این
ای ز مهرت بارور باغ روان
یک سخن دارد (حسن) در این میان
در عزایت دیده اش تر میشود
شعرهایش در و گوهر میشود
شعر او باشد همیشه یادگار
تا که اجرش گیرد از پروردگار
شاعر : حسنعلی بالایی
منبع : کانال اشعار حسنعلی بالایی
موضوع: حضرت امام حسین (ع) وداع ,
زبان شعر و شاعر: نوحه فارسی
وداع حضرت امام حسین (علیه السّلام)
کوی عشقیده شوقیلن بو گون
قانه باتماسام برملا باجی
قرب حقّیده دشت ایمنه
فخر ایدر نجه کربلا باجی
ایچمشم بو گون قان شرابینی
جرعه جرعه من جام عشقیدن
نشئه تاپمارام مست اولماسام
هم شراب گلفام عشقدن
اولماسام فنا آلمارام بقا
اولمارام رها دام عشقیدن
زندگانیِ جاودان ویرور
عشقیدن منه بو فنا باجی
توکسه ابر غم بارش اَلَم
باشیم اوسته هر دم، غم ایتمرم
قان فرات تک موج ایدوب داشا
دیدۀ دلی پر نم ایتمرم
هر بلا یتیشسه بو گون منه
چشمیم اوسته ابرو خم ایتمرم
عالم ازلده بَلی دین
سویلَمز داخی حرف لا باجی
اونداکی سینار جور و ظلمیلن
قانه غرق اولور کشتی نجات
بی قرار اولور چرخ نیلگون
اختیار ایدر لرزه شش جهت
حاملان عرش اختیارینی
سلب ایدر بو گون بو عوالمات
هم پوزار صفوف ملائکی
یر اوزونده کی ماجرا باجی
اول زماندا لشکردن آیریلور
شمر بی حیا اضطرابیلن
قصد ایدر منیم قتلگاهیمی
هر قدمده سعی و شتابیلن
نه هواده نور فلک قالور
نه فلکده ضوء، آفتابیلن
وحشته دوشر قدسیان هامی
حیرت اوسته هم ماسوا باجی
چوم من اولّام اول قتلگاهیده
شوقیله او ساعتده ممتحن
انبیا حضوریله برملا
کشف اولور ندور مثمن و ثمن
سس گَلر حق لایزالیدن
ایسته بذل ایدوم هر نه ایسته سن
حیّ لم یزل فیض ذاتینی
ایلیوب منه خون بها باجی
اوندا ترک ایدر قارداشون سنون
بو جهانیدن هر علایقی
وعدۀ وصالیله عاشقون
ماسوا نه صورتده لایقی
بیر باشیملا کشف ایلرم او دم
شمر اَلینده سرّ حقایقی
اوندا ختم اولار بو حسین ایدن
خالقیله بیع و شرا باجی
ایمدی قوی گیدوم تشنه جان ویروم
تنگه دوشدی وقت شهادتیم
وار شهادتیمده رضای حق
حق رضاسی عین سعادتیم
آغلاسان اگر شیون ایلمه
پوزماسون بو حالون او حالتیم
ای باتان بو غرقاب محنته
کشتی غمه ناخدا باجی
دیشره چخما بو خیمه گاهیدن
ای سپهر عصمتده کوکبیم
سویلمه علمدار اُلوب علم
یاتدی تار و مار اولدی موکبیم
گیچمز اول قدر که گورر گوزون
ناله و فغانیله مرکبیم
خیمیه طرف شاه سیز گَلور
مات اولوب ایدر آه و وا باجی
اونداکی خبر گَتدی سیزلره
بیر نظاره ایت سن بو توسنه
آشکار اولور حالتیم سنه
دشمن ایلیوبدور نلر منه
قتلگاهه گَلسن قِییت گلن
خیمه گاهه، یالوارما دشمنه
راضی اولما ایتسون شماتتی
بو حسینیوه اشقیا باجی
ای حسبده زهرایه نائبه
وی نسبده خیرالوری قیزی
گرچه صدر اوّلده کتب ایدوب
منشیان بزم وفا سیزی
من شهید اولاندان صورا ویرون
غارت ایتسه دشمن لباسیزی
چون دیوبله آل عبا سیزه
بسدی سیزلره بیر عبا باجی
چکمه غم که خلقتده اولموسان
رشک خلد و حورایه ماصدق
صفحۀ جمالون صفا ویرور
عالمه اوخونسا ورق ورق
خیره دور هامی دیده لر سنون
عارضوندن آلماز مگر شفق
بیله کیم گورونموبدی بیر گوزه
شمسیدن به غیر از ضیا باجی
چوخ تعجّبیم وار قلم نجه
یازدی بو بیاناتی دفتره
خامه خام اولور بو یتیمیلن
ویرسه دل اگر اوزگه دلبره
بو وداعیدن وار تدارکیم
عاصیانِ هنگام محشره
سن شفیعه سن بو یتیم اوچون
من شفیع روز جزا باجی
شاعر : مرحوم حاج حسین عابد (مولانا یتیم)
موضوع: حضرت امام حسین (ع) وداع ,
زبان شعر و شاعر: نوحه ترکی , مولانا یتیم
وداع حضرت امام حسین (علیه السّلام)
اخیامیدن آیریلدی، زهرانون او دلبندی
بیر خیرداجا قیز قاشدی دالدان بابا سسلندی
ای قلبیمون آرامی، گور دیده ترم بابا
بیکس بالووام گوزدن قان یاش الرم بابا
گئتمه سو آدین واللاه، بیرده دیمرم بابا
هی سسلدی جان بابا، قوللارین آچیب قاشدی
گلدی او کفن گئیمیش سلطانه یاخونلاشدی
راکیب بویانوب قانه، مرکبده آچوب شهپر
سرعتله گیدور باشدا، وار شوق علی اکبر
بیر سس ایشیدوب سالدی، کشتی خدا لنگر
دوندی دالا بیر باخدی، یاشیله دولوب گوزلر
گل آغلاما جان بالا، مندن سورا آغلارسان
باشسیز بدنیم گورسون میداندا قوجاقلارسان
گلدون نیه بس گلدون اولما بالا عطشانسان
سو یوخ بابا دردیم وار، چیخمیش عطشیم یاددان
آیا ندی؟ بس دردون ده باغریمی ائتدون قان
عرض ایلمرم بابا تا دوشمه مییسن آتدان
شاهین اتگین دوتدی عرض ائتدی یانایانه
گوز یاشلی قویوب گئتمه، رحم ائت من نالانه
دوشدی آلوب آغوشه اوپدی قوری لبلردن
بو اوپدی او القانی، پاک ایلدی پیکردن
بیر سوز دئدی یاش توکدی کیپریک سانی گوزلردن
یاندیم باباجان یاندیم، ای وای بو بلالردن
گئتسون منی دوشمنلر یالقوز گورجئک بابا
وای قمچی‌لر آلتیندا شمر اولدورجک بابا
دردین دیوب آغلاردی اول قانلی کفن پوشه
شاهون غمی دریا تک موج ائتدی گلوب جوشه
توپراق ایده اگلشدی محکم باسوب آغوشه
ناگه یومولوب گوزلر، دینجلدی گیدوب هوشه
بیردن دوروب عرض ائتدی، دردون آلارام بابا
مانع دگولم واللاه، گئت آغلامارام بابا
الدن منی قویموردون ای دردی اولان دریا
ایندی دیوسن دور گئت نه اولدی سبب بابا
عرض ایلدی اینجیتدیم عفو ایله منی بابا
الان یوخودا گوردوم گلمیشدی آنام زهرا
امر ایلدی اینجیتمه مهمانیمی قوی گلسون
آغلاتما یول اوستونده جانانیمی قوی گلسون
شاعر : مرحوم منعم اردبیلی
موضوع: حضرت امام حسین (ع) وداع ,
زبان شعر و شاعر: نوحه ترکی , منعم اردبیلی
وداع حضرت امام حسین (علیه السلام)
سزادور عشقیلن من باش وئرم شمشیر فولاده
ولی باش اگمرم جبریله قوم ظلم و بیداده
بو قانین وار نیازی سنله بیر کوبنده فریاده
بو گون معشوقیله عاشق گرک همرنگ اولا زینب
منی سرمست ایدن ساقی ازل گون جام وحدتدن
سنی سیراب ائدیب سرچشمه عشق و محبتدن
حدف تک بیرجه عشق الله دور باجی بو نهضتدن
دایانام من بیر عالم گر سپاه و هنگ اولا زینب
اونا دلبند اولان اهل و عیاله پایبند اولماز
دچار یار اولان عاشق اسیر هیچ کمند اولماز
باجی عشق حقیقی عالمینده چون و چند اولماز
دگور شایسته عشقین اهلینه دلتنگ اولا زینب
دولوبدور گلستان کربلا سرو و صنوبردن
بیتیبدور لاله و نسرین و نرگس خون اصغردن
گلور عشقین شمیمی قاسم و عباس و اکبردن
بو باغین گوللری لازمدی رنگارنگ اولا زینب
بلی سویلر بلایه ، لا دئمز شوریده سر عاشق
باش اگمز ذلتیله دشمنه باشدان کچر عاشق
وئرر جانانینه جانین ، شیرین بیر سود امر عاشق
هامی عشق اهلینه تا بو عمل فرهنگ اولا زینب
عواطف عاشقه مانع اولانماز طی راهیندن
تجلا گر جمال یار اولا تنها نگاهیندن
عبودیتدن اولسون تا علامت سجده گاهیندن
گرگ آنندا عبدین بیر نشان سنگ اولا زینب
بو گون گرچه گئدوب الدن ابوالفضل علمداریم
باتوبدور قانه یتمیش بیر نفر یار وفاداریم
شهید اولسامدا چون تاریخیده محو اولماز افکاریم
هراسیم یوخ بوتون دنیا مصاف جنگ اولا زینب
گرک هموار ائده عاشق طریق عشقی قانیله
آلا وصلین متاعین بی محابا نقد جانیله
وصاله یول تاپا ترک عیال و خانمانیله
صبور اول قویما عشقین کاروانی لنگ اولا زینب
سئنا پیمانه جان لیک سنماز عهد و پیمانیم
گوتوررم من حجاب اولسا اگر جانانیمه جانیم
ئوره ک آئینه سین صیقل وئرر باشدان آخان قانیم
گورنمز دل اگر آئینه سینده زنگ اولا زینب
شاعر : استاد قاسمپور
!!! لطفا با نام کانال مدح و مرثیه کپی کنید !!!
موضوع: حضرت امام حسین (ع) وداع ,
زبان شعر و شاعر: نوحه ترکی , قاسمپور
وداع حضرت امام حسین (ع)
چیخدی امام خیمه دن یوز قویدی مقتله
بیر قیز یولونی کسدی بنا شرح مقتله
عرض ایلدی اماندی بابا گیتمه دایان
بو حالیمی بهشتده یاده سالاندا یان
ان ذولجناحدن داخی آرامیمی آز آل
اگلش یرده منی دیزون اوسته دوباره آل
اولما رضا غمونده گوزوم اشکیله دولا
نازیله بیر او قولارون آچ بوینوما دولا
مطلق علاقه مند اولی بلبل گولن گله
بیرده گولر، گولوم منی دیندیر گله گله
بو سرعتیله اولما قتاله روانه سن
سالما شراره بو دل و جان و روانه سن
گورمورسن اشقیا نجه ایلوله قیل و قال؟
گتسن شهید ایدر سنی، گیتمه یانمدا قال
نه قارداشیم قالوب نه عموم وار نه بیر کسیم
بو حالده علاقه می تندن نجه کسیم؟
هیچ قیز بلایه دوشمسون عالمده من کیمی
سنسیز بولوم پناه اوزومه بیرده من، کیمی؟
بو آیرلیق زبسکه شراره سالور دله
وجهی ندور که جراتیله گلمیشم دله
آیا روادی سن کیمی بیر مهربان آتا
گوزدن جهاندا من تک عزیزه قیزین آتا؟
بولمم نه قدر عشق محبتده وار اثر
قلبیم فراق آدین ایشیدوب بید تک اسر
خار فراق برگ گل وصلی گر یارا
عالم طبیب اولسا، ساغالماز او بیر یارا
بو غنچه لیقدا اولما رضا گل کیمی سولوم
اولسون کبود سیلی زجریله صاق صولوم
آیا نجه بو دامن وصلوندن ال اوزوم؟
بیرده منیم زمانه ده سنسیز گولر اوزوم؟
بو وضعیله که ناقه صبریم دوشوب گله
ایتموم نه نوعی گردش ایامدن گله
بو نسگل اوسته آغلارام عمروم نه قدر وار
صحرالری دولانام همیشه مجنون وار
شاهی سالولا عزت و اجلالیله یولا
سالدی سنی بی بیم یولا، زلفین یولا یولا
قوی منده کوی عشقه ادب پرچمین ساچیم
فرش ایلیوم یول اوسته اولا فرش ره، ساچیم
سنسیز اسیر ایدر بیزی بولم سپاه شام
شامون یولون پیاده چکر شامه صبح و شام
من سنله بازدید ایدرم قتلگاه آرا
سنده خرابه ده گلوب آختار منی بابا
رسم وفانی عالم الفتده گوزلرم
گئت تیز قیت، یولون بو یول اوسته گوزلرم
سنده حسینه عرض ایله دردون نقدر اولا
صاحب سخا و کان کرمدور، دیمز او ، لا
منبع : مجمع شعرا و مادحین
موضوع: حضرت امام حسین (ع) وداع ,
زبان شعر و شاعر: نوحه ترکی
زبانحال حضرت زینب (س) در وداع با امام حسین (ع)
حسین آماده درد و مصائب دور باجون زینب
طریق عشقده هر درده طالب دور باجون زینب
مرید سالک عشقم نه باکیم وار ریاضتدن
تحمل ایلرم هر ابتلایه فیض همتدن
دایاننام هر بلاده چیخمارام هرگز طریقتدن
طریقتده آنان زهرایه نایب دور باجون زینب
محبت جاده سین سیر ائتماقا مردانیم قارداش
شرارشمع حسنینده یانانپروانیم قارداش
ازل گوندن غم واندوهیله همخانیم قارداش
غمه الفت دوتان ، ام المصائب دور باجون زینب
شتابیله بو میدان بلایه سالموسان مرکب
اگر ممکن دی بیر لحظه دایان ای حافظ مذهب
سنه تا آشکار ایلیم اورکده واردی بیر مطلب
بو دم ئوپسون بوغا زیندان مناسب دور باجون زینب
سن ای پشت و پناهیم ای هامی عالملره سرور
باجون سنسیز بوصحراده قالار بی همدم و یاور
روا قیلما قالایالقیز سنه بیر عمردور آخر
انیس و مونس و یار و مصاحب دور باجون زینب
بو صحراده گئدر جاه و جلالیم گرچه یغمایه
ولیکن وئرمرم فرصت اگر ئولسمده اعدایه
مگر قویام ائده دشمن اهانت آل طاهایه
اوزون تک آل طاها دن مراقب دور باجون زینب
سپاه کوفه نین فکری مشخص دور جدالیندان
اگر فکر چپاوول گئچسه بو قومونو خیالیندان
خیالون راحت اولسون تا وارام اهل و عیالیندان
نچون آماده هر بیر نوائب دور باجون زینب
علیدن ارث دور سهم و صلابت آل اطهاره
مگر زهرا قیزی معجر وئرر بو قوم کفاره
ئولر زینب ولی حاشا وئره فرصت ستمکاره
حریم عصمت کبرایه حاجب دور باجون زینب
هراسیم یوخ حوادث سیل اولا داغ تک دایاننام من
دل اعدانی یاندیرام ولی هجرینده یاننام من
اگر مین هنگ اولا لشگر نه باکیم،سهل ساننام من
گورللر عاقبت کفاره غالب دور باجون زینب
خیالون اولماسون آشفته اطفال پریشاندان
داغیلسا چوللره گر وحشت بو قوم عدواندان
ییغاراطفالیوی بیربیرتلاش ایلر بیاباندان
گوزوندن چوخ اوشاقلاردان مواظب دور باجون زینب
بویون قربانیم لطف ائت ئوپوم قارداش رکا بندان
خیامه رجعتون اولماز مشخص دور شتابندان
دایان بیر ذره آلسون نور حسن آفتابندان
که اولدن او نور حسنه طالب دور باجون زینب
سنی یالقیز گوروب قارداش گلوبدور جرعته لشگر
سالوب سن ئولممیش اهل ولا نی وحشته لشگر
ترحم قیل منه سن سیز آچار ال غارته لشگر
بو غربت چولده محصور اجانب دور باجون زینب
اولان ای سلسبیل لعلینه آب بقا تشنه
اولوب آل علی نین قانینه اهل جفا تشنه
آخیر سوچوللره اما قالیب آل عبا تشنه
بو بابتدن هراسان عواقب دور باجون زینب
کسیب دور چاره می لشگر غم و درده گرفتارم
گرک دامان وصلوندن اوزم ال چونکه ناچارم
ولی ظلم بو لشگردن ائله آشفته افکارم
که قارداش ئولماقا هر لحظه راغب دور باجون زینب
اولوب شعری بهانه الده شب خیز دل افکارون
قویوب دور آستان لطفیوه صدقیله رخسارون
عنایت قیل قبول ایله منه خاطر بو اشعارون
سنون مداحیوه محشرده صاحب دور باجون زینب
شاعر : مرحوم شبخیز
!!! لطفا با نام کانال مدح و مرثیه کپی کنید !!!
موضوع: حضرت امام حسین (ع) وداع ,
زبان شعر و شاعر: نوحه ترکی , عباس شبخیز
وداع حضرت امام حسین(ع) با حضرت رقیه (س)
قیزیم ایستیرم سیزی ترک ائدم
سفر اوسته آغلاما قوی گئدیم
منی چوخ یوباتما گرک گئدم
سفر اوسته آغلاما قوی گئدیم
سنیلن گرک گئده شامه بو
گونو قاره خاطری رنجه‌لر
اوپه‌جک بو قوللاریوی هله
گره طناب شکنجه‌لر
ییخاجاق یزیدی دمشقیده
یئره ذلّتیله بو پنجه‌لر
بعلت نارضایتی خانواده مرحوم منزوی فقط پنج بیت اول
از اشعار و تخلص ایشان به اشتراک گذاشته میشود
دئدی صبر ائله قیزیم ائتمه غم
سفر اوسته آغلاما قوی گئدیم
شاعر : مرحوم منزوی اردبیلی
موضوع: حضرت امام حسین (ع) وداع ,
زبان شعر و شاعر: نوحه ترکی , منزوی اردبیلی
وداع حضرت امام حسین (علیه السلام)
خموش اولما گوزوم ویر سرشکوه رخصت
که گوز یاشیله تاپار مجلس عزا زینت
گرکدور اهل عزاده بکایه حال اولسون
گوزونده اشک، دلنده غم و ملال اولسون
سالون امام حسینین وداعنی یاده
آناسی فاطمه گلسون فغان و فریاده
او حالی ایله مجسم نظرده شام و سحر
اورک گوزیله یوزه متصل توک اشک بصر
وداع شاه شهیدان اوخونسا هریرده
او یرده حضرت زهرا گلر اوزی درده
چوخ آغلادور خانمی بو قضیه معناده
صحیحدور بو خبر چون گوروبله رویاده
قیامت اولدی او ساعتده آل اطهاره
ایدوب او حالت اثر کربلاده کفاره
وداع آخر ایدنده شهنشه عالم
قیلوبدی زینبون احوالنه نظاره او دم
گوروبکه غصه او مظلومه نی ایدوب بی تاب
الینی قلبینه قویدی قیلوب بو نوعی خطاب:
آغلاما گلمه بیله فریاده زینب آغلاما
محنت هجرانی سالما یاده زینب آغلاما
صبریوی ویرمه الوندن ایلمه داد و نوا
چوخ پریشان اولما، گلمه داده زینب آغلاما
سن بو نوعی آغلینده، بس بالالار نیلسون؟
صبر قالمور عترت طاهاده زینب آغلاما
هیچ کیمون اوز کامیجه سیر ایتمیوب دور زمان
یوخ وفا بو بی وفا دنیاده زینب آغلاما
سالما تاخیره منی، وقت شهادت گچمسون
سر وار بو ظهر عاشوراده زینب آعلاما
بو شهادت بیر سعادتدور منه ذات خدا
لطف ایدوب بو موقع زیباده زینب آغلاما
انبیا و اوصیا و اولیا، غبطه ایدر
بو مقامه عالم بالاده زینب آغلاما
ممکن اولماز هر کسه بیله مقامی درک ایده
کیمدی گور بو رتبه اعلاده زینب آغلاما
اختصاصی وار حسینه بو شهادت امرینون
فخر ایدر بو منصب والاده زینب آغلاما
ایتمشم جانانیله بیع و شرا روز ازل
سود کامل واردی بو سوداده زینب آغلاما
ایتمرم بیعت یزیده من پیمبر اوغلیم
ویرمرم شرع نبی نی باده زینب آغلاما
ایلرم نابود اگر من ایستسم بو لشکری
اقتداریم واردی بو ایماده زینب آغلاما
وار قراریم ذات حقله، غرق اولوب اوز قانیمه
امته ویرم نجات عقباده زینب آغلاما
کربلا دور بو یرین آدی ندور سعی و صفا
کعبه دن اشرفدی چون معناده زینب آغلاما
بیله قربان ویرماقی عالمده اوز جدیم خلیل
گورمیوبدور عالم رویاده زینب آغلاما
هر مصیبت ویرسه یوز، صبر ایت آنام زهرا کیمی
اول بلایا چکماقا آماده زینب آغلاما
شربت مرگی گرک نوش ایلسونلر بیر به بیر
هر وجودیکه گلوب ایجاده زینب آغلاما
فکر ایله گور بیر آتان، جدون آنان زهرا هانی؟
نولدی قارداشون حسن، سال یاده زینب آغلاما
بو حسینونده حساب ایله ئولنرون بیری
فرض ایله هیچ دوغمیوب زهراده زینب آغلاما
گیت گل اوزلی قیزلاری جمع ایت بلالی باشوه
ویر تسلی بو غم عظماده زینب آغلاما
قویما چوخ نازلی سکینم آغلاسون مندن صورا
گلمه سنده ناله و فریاده زینب آغلاما
قویما لیلا نالیه گلسون، اگر چه حقی وار
دوغرانوبدور اکبر شهزاده زینب آغلاما
ساکت ایت قاسم آناسین، آل شکسته گوگلنی
قویما یتسون چوخ غم، اول ناشاده زینب آغلاما
باغلیوب گر چه فراتی اشقیا، جاری یوزه
ایتمیون گوز یاشی بو صحراده زینب آغلاما
ساخلیون بو گوز یاشین زخم وجودیمه سپون
تشنه جان ویرم لب دریاده زینب آغلاما
بو غزالان حرم دام جفاده بیر به بیر
صید اولاندا ظلمیله صیاده زینب آغلاما
دشمنیم رحم ایلمز باشسیز قالان اطفالیمه
کیمسه اولماز گله امداده زینب آغلاما
گوز گوتورمه بو بالالاردان باجی، اوز سینوی
قیل سپر تیر غم بی داده زینب آغلاما
استراحت گورمه سن بوندانصورا دنیاده سن
قید غمدن اولماسان آزاده زینب آغلاما
دوش باشیم آردینجا بیر باش کوفه و شامی دولان
سیر ظلم ایت فرقه ادناده زینب آغلاما
قوی قدم بزم یزیده، سنله بو قانلی باشیم
چون گیدر ترسالره ارشاده زینب آغلاما
حقیمی ناحقلره بولدورم ایله بزمده
من کیمم آنلار بولر ترساده زینب آغلاما
لبلریمه خیزران اول دم یزید دون وورار
گلمسم گفتاره اول ایذاده زینب آغلاما
(ذوقدن) یکسر سالار بزم اهلین اول حالیم ولی
ظلمی گلمز دشمنون تعداده زینب آغلاما.
شاعر : مرحوم حاج محمد ابراهیم ذوقی
موضوع: حضرت امام حسین (ع) وداع ,
زبان شعر و شاعر: نوحه ترکی , ذوقی
زبانحال حضرت زینب (س) در آخرین وداع حضرت امام حسین (ع)
ای اولان زینبین دادخواهی سنسن عالمده امید گاهی
سن گیدورسن بو بیکس عیالونیوخدی بیرکیمسه پشت و پناهی
خیمدن ایلینده تجلی اولدی مجنون بو غمخواره لیلی
گل اونا خیمده ویر تسلی لطف اوزیله ایله بی نگاهی
جمع قیل بو پریشان عیالین قسمت اولماز داخی چون وصالین
بیرده گورسونله باری جمالین ای ایکی عالمین پادشاهی
ای بو جسمیم ایچره روانیمبیرسنه چون قالوبدورگمانیم
گل اوتورباشیوه بیر دولانیم ای اولان زینبین قبله گاهی
قیل توقف برادراماندورآیریلیق دردی بالله یاماندی
خیمگاه ایچره محشر عیاندوراهلبیتین چیخارعرشه آهی
گورسکینه نه شوریله آغلاررباب آهیله سینه داغلار
قیزلاری قولقولا شمرباغلاراودووراریاندورارخیمگاهی
گل کیمی بیر طرف نعش اکبرخارتیریله اوخلانموش اصغر
گورآچیلموش نه گلهای احمرگلستان ایلیوب قتلگاهی
قالدی بیکس بو باشسیز عیالیننیزه ده گورسم اول گل جمالین
قلبیم ایستر دیسون بو مقالین باخ منه نیزه ده گاهگاهی
یا حسی قیل نظر بو عزایه قسمت ایله گلاخ کربلایه
عفو قیل سن شه لافتایه چوخدی بو (نوحه خوانین گناهی
شاعر : مرحوم خادم عطار (نوحه خوان)
موضوع: حضرت امام حسین (ع) وداع ,
زبان شعر و شاعر: نوحه ترکی , خادم عطار تبریزی
وداع حضرت امام حسین (علیه السلام)
قارداش اماندی بیر دایان گئتمه بیله شتابیله
قویما بیزی بو دشتیده محنت بی حسابیله
هیچ باجی طاقت ایلمز قارداشینون فراقینه
آه وفغان وناله سی اوج ایده عرش طاقینه
قارداشی هاردا یولّویوب باجی ئولوم سراغینه
سن گیدوسن باجون باخور قلب پُراضطرابیله
بیر نظر ایله قیزلارون گور نه دالیجا آغلیور
سسلور حرملرون سنی اشگون عذاره باغلیور
آیریلقون کباب ایدور قلب جهانی داغلیور
گور نه رقیه آغلوری ناله ایدور ربابیله
صبر ائله بیر دویونجا من دیگ غمی آلشدیریم
بیردم اجازه ویر یانان سینه می من آلشدیریم
بو قورویان دوداقلاری حنجریوه یاپشدیریم
تا آنامون وصیتون ایلوم عمل منابیله
قوی الون اودلی سینه مه آتش وسوز وآهه باخ
بیرده دالونجا آغلیان حسرتیله سپاهه باخ
بدرقه اشکیلن ایدن عدّه ی بی پناهه باخ
دور وبرین آلوبدولار زینب دل کبابیله
(راشد) اگر چوخ ایستیسن کرب وبلا زیارتین
یاد ائله باجی قارداشین آیریلغین او ساعتین
سسلدی باجی صبر ائله وار غم بی نهایتین
واردی قاباخدا کوفه نین خطبه سی فتح بابیله
شاعر : قربان بیرامی سیس
!!! کپی بدون نام کانال مدح و مرثیه حرام است !!!
موضوع: حضرت امام حسین (ع) وداع ,
زبان شعر و شاعر: نوحه ترکی , قربان بابیرامی
وداع حضرت امام حسین (ع)
زینبه ببر به بیر اولادینی تاپشوردی حسین
ذوالجناح اوسته سوار اولدی امام الثقلین
قلب میدانه گیدور قلبی دولی شوریله شِین
رَفرَف عشقه مینوب عشقیله میدانه گیدور
مستِ جام اَزَلیدور اودی مستانه گیدور
روبرو گلدی دوروب ظلمتیلن نور جلی
سوزونون اوّلی حمد ایتدی خدای ازلی
صورا عرض ایتدی حسینم شَه بین المللی
خَلَف حیدرکرّارم و دلبند بتول
حجت حاضر حقّم، نوه ختم رسول
قاف عشق اوستونون عَنقای قوی شَهپریم
کربلا کعبه عشق اولسا اونون سروریم
هیکل اَقدسِ اسلامون اوجالموش سَریَم
مظهر کوثر و اسرائیله قدر اوغلی منم
فارس و فاتحِ خیبر کن و بدر اوغلی منم
مشعر و سعی و صفائیله منا اوغلی منم
آیت روشن یکتایم و وجهُ الحسنم
نصّ قرانیده نور آیه سی شرح اولسا منم
مرد هِیجا و یل پیل تنِ صف شکنم
قلبِ میدانه بو گون بی کس و تنها گلنم
سیزون الدن آپاروب عقلوزی بش گونلوک حیات
مست سیز عاریه دنیایه یوخوز فکر ممات
آلموسوز قتلیمه سیم و زر و حتی درجات
حاصل عمروز اولار باطله خدمت ایلمک
دعوی دین ایلیوب دینه خیانت ایلمک
مهبط وحی الهی هارا اولموشدی قرار
قاب قوسینه کیمی دعوت ایدوب ذات کُبار
قابِ قوسینه گیدن شخص کیمه نسبتی وار
ای معمّم کیشی لر که چکوسوز رنج مزید
حجّت حق منم یا که زنازاده یزید
ایتمدی ذرّه حسینون سوزی لشگرده اثر
یان یانا دوردی بیابانی عرب الده کَسَر
بارالهی نَقَدَر سختیدی ناجنس بَشَر
نَقَدَر سوز دیدی سوز قانمیان اعرابه امام
عامل کفر و نفاق اولدولا بالمرّه تمام
مرد فرد علوی گوردی سوزون فایده سیز
پهنهء دشتیده اعرابی گوروب قائده سیز
پینه آلنندا چوخی بعضی ولی زائده سیز
الده سرنیزه و شمشیرو تبرزین و سنان
دوروب آماده کمانداریلری الده کمان
لیف خرمائیله دامانیلری باغلی بِله
ریشِ پُر مولری آرایش اولور ایستی یِله
قصد ادیبلر باتا دین کشتی سی گردابِ گِله
دلده آهنگ مخالف مینوب اوخ چلّه سینه
اوخشیوب گویده جهنّم یولونون پلّه سینه
ال آتوب قبضهء شمشیره چکوب فوری امام
مرکبون اوسته شجاعتله ایدوب حال قیام
ردّ ایدوب گویده کی پیکانیلری میر انام
لشگره ویردی اُوزون قلب صفی ایلدی چاک
نوک تیغی کیمه برخورد ایلیوب ایتدی هلاک
شاعر : عیسی محرمی
منبع : مجمع شعرا و مادحین
موضوع: حضرت امام حسین (ع) وداع ,
زبان شعر و شاعر: نوحه ترکی , عیسی محرمی
وداع حضرت امام حسین (علیه السلام)
محضر حقده بلادور باشه باش و جان باجی
ایستورم باشدان گچم باشه یته پیمان باجی
ایستورم گودالیده با هم اولاخ شمریله مست
شمر مست ری ولی من مست صهبای الست
منفعل اولسون بو چرخ سفلۀ سفیان پرست
مندن ایستور دست بیعت آل بوسفیان باجی
عزّت دنیادن ئوتری ایتمرم جنگ و جدل
دست بیعت ویرمرم گر ساربانه ویرسم ال
قتلگاهه نصف شب زهرا گلنده سنده گل
گلمگون امّا رقیّمدن ایله پنهان باجی
قزلاریم بی تاب اولوب رمز فراقیمدن منیم
چکمور ال بو تشنه قزلار ال ایاقیمدن منیم
گل آییر بو نازنین طفلی قوجاقیمدن منیم
آز قالور ویرسون قوجاقیمده رقیّه م جان باجی
جسمیمی مقتلده عریان گورسن آچما باشوی
آغلا آهسته عذاره جاری ایت گوز یاشوی
شمره یالوارما خجالت ایلمه قارداشوی
نالوه ایتمز توجّه شمر بی ایمان باجی
چوخ چتیندور گوندوزومدن بو گجه ظلمی هله
ظلمت شبده دچارم ساربان و بجدله
پیکریم عریان قالار باشیم دوشر الدن اله
باشمی سغد اوغلی یولّار خولیه مهمان باجی
ایچمسم بو یولدا شهد ساغر مقصودی من
باش ندور تا باش ویروب راضی ایدم معبودی من
نیزه باشندا گرک حیران قویام داوودی من
نوک نی ده دشمنه تعلیم ایدم قرآن باجی
دوغماسیدی گر سنون تک باجی زهرای بتول
کربلا پیمانین ایتمزدیم ازل گوندن قبول
ای مقام زینبیت صاحبی اولما ملول
صبر ایله سر حّد صبره یتمسئن نقصان باجی
منبع : مجمع شعرا و مادحین
موضوع: حضرت امام حسین (ع) وداع ,
زبان شعر و شاعر: نوحه ترکی
وداع حضرت امام حسین (علیه السلام)
کربلا دشتنینده عاشورا گونی
آز قالیردی باتماقا زهرا گونی
حق و باطل اوسته باشلاندی جدل
کربلا دوندی منایه ما حصل
بیر طرف یئتمیش نفر آزاده خو
بیر طرف سایسیز سپاه فتنه جو
کئچدی جاندان بیربه بیرآزاده لر
جان وئروب دلدارینه دلداده لر
کربلا دشتی تاپیب شور و صفا
تشنه لبلر ایچدیلر آب بقا
کسدیلر اعدا خیامین دوره سین
داندیلا مهر و محبت سوره سین
جانینی تقدیم ائدیب پیر و جوان
قالدی یالقیز سرور آزادگان
یکه تاز عرصه بزم الست
شوق وصل یاریله اولموشدی مست
قالمادی هجرانه قلبینده قرار
ائیله دی کوی نگاری اختیار
هر نقدری سسلدی هل من معین
تیریله وئردی جوابین قوم کین
گلدی اخیامه او شاه تشنه کام
اهلبیتین سسلدی منی سلام
خیمه ده اهل حرم خرد و کبار
آلدی شاهین دوره سین پروانه وار
کیم خبردار اولدی آرتدی محنتی
خیمگهده دوشدی هجران صحبتی
قالمادی بیر کس ده صبر و اختیار
قمری لر کوکو ائدیب آغلاشدیلار
اهلبیته باخدی بیر حسرتله شاه
اود دوتوب اودلاندی دیلدن چکدی آه
بیر به بیر آلدی قوجاقه قیزلاری
آسمان عصمته اولدوزلاری
آخرین دیدار او شاه دلنواز
بیر به بیر اطفاله ائتدی مهر و ناز
مرکبه عشقه سوار اولماق همان
وعدگاه یارینه اولدی روان
زینب صدیقه زهرایه نشان
گوردی قارداش آیریلیر ائتدی فغان
سسلدی قربان اولوم گئتمه اخا
بیر دایان زینب سنه اولسون فدا
گرچه عازم سن اخا میدانه تک
من دولانام باشیوه پروانه تک
نیلیوم یورقون یارالی تشنه سن
تا نفس وار آغلارام بو غمده من
مست سن جام فنا فی اللهیدن
آیریلرسان خیمه و خرگاهیدن
اولموسان آماده قربان اولماقا
جدیمه جنتده مهمان اولماقا
آزقالیر اولسون شهادت قسمتین
یوخ سنین آب فراته حاجتین
بیر دایان ای پادشاه ذوالکرام
بیر سفارش ائلیوب زهرا آنام
قتلیوه لشکر ایتیلدیب خنجرین
وئر اجازه زینب اوپسون حنجرین
آز قالیر آفاق دگسین بیر بیره
قانیوی شمر لعین توکسون یئره
عمریده رخت وفانی سویمادیم
آند اولا بو جانه سندن دویمادیم
دل دولوب دردیله درمان ائیله گئت
دشت هجرانی گلستان ائیله گئت
ای منه روح و روان بیر آن دایان
جان زینب جانیوه قربان دایان
الغرض سلطان دشت نینوا
زینبی گوردی ائدیر آه و نوا
اندی مرکبدن او شاه با وقار
سسلدی گل ای منه هر یئرده یار
گل باجی گل آخرین دیداریدور
آیریلیق هنگامی پر اسراریدور
ایستیرم منده باجی کامه چاتام
شوق وصل یاریله قانه باتام
اولموشام سرمست جانان عشقینه
جان وئرم میداندا قران عشقینه
اولموشام سرمست جانانه باجی
جان وئرم تا دین و قرانه باجی
گوردی زینب قارداشی مخمور عشق
مقصدی میدان باشیندا شور عشق
وردی رخصت قان اولان گوزیاشینه
قبله عشقین دولاندی باشینه
یاد ائدیب زهرانی دولدی گوزلری
اوپدی جای بوسه پیغمبری
جلوه حق بیرده اعجاز ائیله دی
زینبی دمساز و همراز ائیله دی
حل اولوب کوی وفاده مسئله
زینب کبری او دم گلدی دیله
گئت حسین اولما حرمدن ناگران
گوزلرم قیزلاری گوز تک مثل جان
قویمارام پرچم یاتا قانین باتا
قویمارام هند اوغلی مقصوده چاتا
زاده مرجانه نی خوار ائیلرم
حقیوی گون تک پدیدار ائیلرم
سن گئدورسن جدیمه الان قوناق
لحظه لحظه منده آرتیر اشتیاق
بیر نفسده گوزدن آتما زینبی
کوفه ده یاددان چیخارتما زینبی
زینبه باخدیوقجا اول عالم پناه
اود دوتوب دیلدن دمادم چکدی آه
ائتدی فرمایش کی اولما ناگران
یولداشام یوللاردا سنله هر زمان
ناظراولام شامه جک احوالیوه
مرحبا احوالیوه اقبالیوه
همدم اولام دیلده سوز و سازیوه
نیزه ده گلم باجی پیشوازیوه
خواهشیم وار سندن ای زهرا خصال
قارداشین وقت نوافل یاده سال
صبر ائیله بو غمده آرتیرما فغان
ائیلمه بو نوعی گوزیاشین روان
صبر ائیله وار ماجرالر عاشقه
نوش دور جام بلالر عاشقه
من گئدیم آمال دل گلسین اله
تا سالیم سجاده قانلی مقتله
باشیمی تشنه کسنده شمر زار
جانیمی جانانیمه قیلام نثار
گل او یئرده جلوه دلداره باخ
یاره باخ دلداره باخ معیاره باخ
ظهر عشق اولدی یوباندیرما منی
من باجی اللهه تاپشیردیم سنی
جام وصل یاری من نوش ائیلرم
عالمی عشقیله مدهوش ائیلرم
کانال اشعار محمد هوشمند (مدهوش)
موضوع: حضرت امام حسین (ع) وداع ,
زبان شعر و شاعر: نوحه ترکی
وداع حضرت امام حسین (علیه السلام)
وقت او وقت اولدی حسین ترک ائلسون ائللرینی
باغبان ایستدی گورسون سارالان گللرینی
زینبین سسلدی اظهار ائده نسگلرینی
باجیسین خیمه قباقینده گوروب زاروملول
گوگلون آلسون قاباقا گلدی او دلبند بتول
یوزونی دوتدی حسین زینب زهرا شیمه
تاب ائدوبسن دئدی بوچولده هامی رنج وغمه
ای اولان یاور وغمخوار بو اهل حرمه
قدرت نطقه باجی فاطمه تک داراسن
منیم ایستگلی باجیم نائبهٔ زهراسن
دئیورم لحظهٔ هجراندا سنه سوزلریمی
قانه غلطان ائلیوب قوه دغا لشگریمی
وئرمیشم حقه فدا اکبریمی اصغریمی
بوبیاباندا گورورسن هامی انصاریم ئولوب
بیر کسیم قالمیوب عباس علمداریم ئولوب
یتمیش عاشق هدف عشقه چاتیبدور بیلوسن
منده کی حال غم افزانی باجی سن گوروسن
عازم جبههٔ جنگم منی الدن وئروسن
آیریلیق وقتیدی زینب دم فرقت یتیشوب
صف عشّاقیده الان منه نوبت یتیشوب
حرم ختم مآبی سنه من تاپشورورام
عترت قلب کبابی سنه من تاپشورورام
بینوا غملی ربابی سنه من تاپشورورام
بیلورم ئولدوره جک آل امیه بالامی
هامیدان چوخ باجی سن گوزله رقیه بالامی
مهِ عصمت باشوا ییغ هامی اولدوزلاریمی
ساخلا سن زیر پرونده بالاجا قیزلاریمی
دای قیتمگ منه یوخ گوزله آدامسیزلاریمی
یوزومه گوزیاشیمی ایندی روان ائتملیم
سن حلال ایله حسینی باجی من گتملیم
....سوزوی پایانه یتوردی غرض ارباب حُمام
زینبی دیندیروب القصه دیله گتدی امام
آچدی باب سخنی زینب مرضیه مرام
باخدی باخدی دئدی ای فاطمیه نور دوعین
حرمین سن سن امیدی بیزی تک قویما حسین
هدف پاکوه اصلا دئمورم یتمه اخا
داریخان قلبیمی آماج بلا ائتمه اخا
دم غنیمتدی بیر آز صبر ائله تئز گتمه اخا
باشوه عترت طاهانی دولاندیر صورا گت
شمع حق سن من پروانه نی یاندیر صورا گت
تنگه دوشموش بومصیباتیده زینب نفسی
اوقَدَر آغلادی انصاره باتوب خسته سسی
داخی سندن صورا بو زینبیون یوخدی کسی
وار باشوندا بیلورم نقشهٔ پیکاروجدل
اذن وئر زینب ائده ائتدیگی پیمانه عمل
وقتیدی عهدیمون اوسته گرک ایندی دایانام
کهنه بیر پیر هنون منده وار ای شاه انام
ئوز الیلن توخیوبدور اونی مظلومه آنام
بیر وصیّت ائلیوب مادر غمدیده منه
هر نه زهرا بویوروبدور دئیورم منده سنه
منی آگاه ائلیوب فاطمه غم ساعتینه
بویوروب وقت وداع آغلا حسین محنتینه
کهنه پیراهنی گیدیر بالامون قامتینه
زینبیم درک ائله مجروح آنوین سوزوسازین
آیریلان وقته حرمدن ئوپ حسینون بوغازین
آیریلیق ساعتیدور صبر ائله ای فخر اُمم
قلبیمی درده سالوب موسم هجراندا بوغم
امر زهرادی وداع وقتی بوغازوندن ئوپم
سن دعا ایله حسین زینب غم پروروی
باشووی عرشه طرف دوت قوی ئوپوم حنجرووی
قالخیزوب سمت سمایه باشینی شاه حجاز
سینه وباش آراسی فاصله گورسندی بیر آز
ئوپدی قارداش بوغازین زینب او دم محرم راز
دئدی ایندی یولا دوش دفع ائده الله خطرون
سنی تاپشوردوم حسین حقه سلامت سفرون
ناگران اولما حسین جان علمون ساخلیارام
سینمی نار فراقونده اخا داغلیارام
گلرم مقتله قارداش یارووی باغلیارام
قلبیدن دور ائلدیم روز ازل واهمه نی
وصل جانانه چاتان وقته چاغیر فاطمه نی
(صمدی) یاز بوسوزی دفتره توگ گوزیاشینی
مقتل قارداشا زینب چاتوب آچدی باشینی
باجی اما تانیا بیلمدی ئوز قارداشینی
دئدی قارداش منه سن نغمهٔ هجرانی اوخی
کیم ویروب قلبوون اوسته گوزلیم اوچ پر اوخی
شاعر : صمدی اردبیلی
!!! لطفا با نام کانال کنزُ الشُّعَراء کپی کنید !!!
موضوع: حضرت امام حسین (ع) وداع ,
زبان شعر و شاعر: نوحه ترکی , صمدی اردبیلی
احوالات وداع حضرت امام حسین (علیه السلام)
گینه قراریمی بیر جلوه نگار آپارور
نگار جلوه سی معلومیدور قرار آپارور
گیوبدی قرمزی قاندان گوزوم ایوینده گزر
توان و تابیمی هرلیل و هرنهارآپارور
او سرو قدینه باخدوقجا گوزیاشیم توکولور
نقدری لذت سرو اولسا جویبار آپارور
دوشوب بهار یوزی سری وار طراوتدن
نسیم جور خزان نکهت بهارآپارور
ووروبلا جسمینه ازبس اوخی اوخ استندن
او گلستانه گلن گلدن اوتری خارآپارور
چوخ آغلا زینبه چوخ یان حسین تشنه لبه
فدا او گوزیاشیوا قلبیدن غبارآپارور
حسین غمینده توکن گوزیاشین بو عالمده
الینده حشرگهه درشاهوارآپارور
قتیل العبره دیوب امته فدا اولدی
اودورکه گوزیاشینی درتک نثارآپارور
دوتولسا قلبین اگر قلب زینبه بنذز
سنی عزا دوتولان بزمه قلب تارآپارور
بهار اولاندا چمن زارعشقه فاطمه نی
بولودکیمی دوتولان چشم اشکبار آپارو
الی قابورقالاریندا شکسته قلبی کیمی
حسین ماتمینه زلف تارمار آپارور
گلر عزایه ولی آستانه ده اوتورار
گیدنده گوزیاشی مجلسده هرنه وارآپارور
دیرحسینیمون آخروداعینی اوخیون
او محنتی دل عالمدن اختیارآپارور
دوشنده یاده حسینین همان مقدمه سی
وجود مملکتین اشک سیل وارآپارور
گوزوم ایوینده مهیا اولوب امام حسین
گیدرجداله طرف الده ذوالفقارآپارور
دوروبدی خیمه قاپوسیندا بوینی چکنینده
شهادت امرینه وارذوق انتظارآپارور
ایچوبدی باده وصلت وصال یارایستر
حسینی ساقی وحدت ایدوب خمارآپارور
شتابی واردی گیده گیدماقا یوزی یوخدور
بلی اوغول الومی دیزدن اختیار آپارور
جناب زینبه گزلین وصیتی واردور
سبب اودورکه اونی خیمدن کنارآپارور
دیر باجی گیدورم باش ویرم جدا باشینا
اسیر ایدرسنیده شمربی خمارآپارور
قضا کیمی شه دینی اجل دولاندوردی
قدرالوم آتینا ایلیوب سوار آپارور
بیله گمان ایلمه اولمادی رکاب دوتان
یانینجا روح الامینی رکابدارآپارور
دیدی رقیه گلوم منده سویلدی گلمه
باشیم جداده گیدنده سنیده یارآپارور
خرابه ده سنیله بیرده قول بویون اولام
منی خرابیه منی زلفینده کی اوتارآپارور
نه انقلاب نه اشوب دور دوشوب شامه
دیوله شامه حسین کاروانی بار آپارور
نه کارواندی که لنگ ایلمز متاعی ندور
گمان قضیه زینبدی نوری نارآپارور
که یعنی عصمت کبرانی قولاری باغلی
یزید مجلسینه شمر بد شعارآپارور
شاعر : مرحوم ثریا تبریزی
!!! لطفا با نام کانال گنجینه گذشتگان کپی کنید !!!
موضوع: حضرت امام حسین (ع) وداع ,
زبان شعر و شاعر: نوحه ترکی , ثریا تبریزی
وداع حضرت امام حسین (علیه السلام)
قدم قدم ز حرم دور گشتنت سخت است
به غربت از حرمت دل بریدنت سخت است
تو می روی و دل خواهرت به دنبالت
شوم فدات! تماشای رفتنت سخت است
تمام زندگی ام ای همه کسِ زینب
به جان فاطمه بی یار ماندنت سخت است
برای بوسه به زیر گلو بده مهلت
شنیده ام که به گودال کشتنت سخت است
بپوش زیر زره دستباف زهرا را
خبر ز غارت پیراهنِ تنت سخت است
به بند چادر و معجر نمی رسد دستی
ولی اگر برسد دست دشمنت سخت است
چگونه صبر کنم آخرین نگاه ترا
وداع دختر و این بوسه چیدنت سخت است
به زیر کعب نی و ضربه ماندَنَم آسان
به زیر نیزه و شمشیر دیدنت سخت است
تمام عمر ترا دیده ام به ندبه ولی
به زیر دشنه مناجات خواندنت سخت است
چقدر حال تو چون روز آخر مولاست
چقدر شیوۀ ((لا حول)) گفتنت سخت است
اگر چه چشم تو ما را رها نمی سازد
ز روی نیزه بما سر کشیدنت سخت است
موضوع: حضرت امام حسین (ع) وداع ,
زبان شعر و شاعر: نوحه فارسی
وداع حضرت امام حسین (علیه السلام)
آنام اوغلی گیدورسن بیر دایان اهلحرم گلسون
وداع ایتسون سنی بو بانوان محترم گلسون
قدرعنای وصلتدن لباس وصلتی سویدون
یانوخلی قلبیله هجران ایوینده زینبی قویدون
عزیزه قزلارین قارداش چوخ ایستردون نه تیزدویدون
بلالی گونلریمده بس هرایه کیم دیم گلسون
دیمم هرگز گیدوب قارداششهادت فیضینه یتمه
بو باشسیز عترتین صحرای غمده بیله ترک ایتمه
جلالین هرجه پوزقوندورحسین میدانه تک گیتمه
اجازه ویر سنیله بیر قوای منتظم گلسون
گل اوزلی قزلارین صاقدا صولوندا عده ثکلا
دوشه آردینجا بیر یاندان اخا اوغلی الن لیلا
دالینجا دیده گریان صف چکه اطفال مه سیما
الوم میدانینه سنله هامی ثابت قدم گلسون
یگانه محرم اسرارحق ای کبریا موکب
شکسته قلبسن گویا یوخوندی صاحب منصب
غم ایتمه غم سپاهیندور امیر لشکرین زینب
باجیم کلثومیده ویرم رکابینده علم گلسون
دیمه عباس الوب ای لشکری مغلوب اولان سالطان
دوتان یوخدور رکابیندان قالوبسان واله و حیران
اوزوم اولام جلو دارین باجون زینب سنه قربان
دالینجا دیده گریان باغریقان بو قدی خم گلسون
سراسر خیملرده ناله و فریاد و شیوندور
قیامت عالمی وار گوءیا حشر معین دور
بیله که یالواروربو خردا قزلار دست بدامندور
دایان اولما رضا آردونجا جمله دیده نم گلسون
دوتوب دوروبرین ثکلادی خواهردی یا دختر
آچوق باشدان توکولموش ساچدی یا اینکه قرا معجر
پریده یوزلره باخسان پوزولموش گلشنه بنزر
یری وار نالیه قارداش گلستان ارم گلسون
حسین ال چکمرم سندن وارام هرقدرعالمده
من اول مرغ (بهارم) داده گلم گلشن غمده
منیله اولماقا همناله سوزبزم عالمده
یری وار صافی گلسون راجی گلسون محتشم گلسون
شاعر : مرحوم بهار تبریزی
موضوع: حضرت امام حسین (ع) وداع ,
زبان شعر و شاعر: نوحه ترکی , بهار تبریزی
زبانحال حضرت زینب (س) در وداع با حضرت امام حسین (ع)
ای نیر افلاک شرافت آنام اوغلی
خورشید سماوات شهادت آنام اوغلی
دفترچۀ خلقتده ازل منشی تقدیر
عنوانیله بیر کلمه یازوب منشأ تحریر
بو کلمه حروف اوسته گله عشق اولی تعبیر
وسعت وئره گر ضیق عبارت آنام اوغلی
تک عشقده دور جمع رموزات جهانی
اوچ حرفینه مخصوصدور اسرار نهانی
هر حرف اوز اسرارینه بیر شرح معانی
بیر رمزیدی معنادن او صورت آنام اوغلی
بس عشقدی خلقتدن اولان علّت غائی
منظور محبّتدی چه بَدوی چه نهائی
دنیای محبّتده نه شاهی نه گدائی
عشق اهلینه بیردور هامی حالت آنام اوغلی
سلطان اولا عشق اهلی گدادور درِ عشقه
شه دور بیله درگهده گدا کشور عشقه
پرگار صفت دور ایلین محور عشقه
بُلمز ندی زحمت ندی راحت آنام اوغلی
بیر آینه دور عشق که اوندا کَدر اولماز
هر جلوه سی وار باخبریندن خبر اولماز
هر کیم اثرین گورسه اوزوندن اثر اولماز
سنسن همان آئینه حقیقت آنام اوغلی
گوستردون او آئینه نی هر پیر و جوانه
بیگانه ده اولسیدی سنه اولدی یگانه
بیر بیرلرینه سبقت ائدوب باتدیلا قانه
آری بودی آئین محبت آنام اوغلی
بیر یاندا که اغیار سنه یار اولا جانی
آئینۀ باقینی گورنده اولا فانی
زینب دگُلم گر ایتورم رسم وفانی
امروندن ائدم ذرّه جه غفلت آنام اوغلی
هر امریوون اجراسی برادر گوزوم اوسته
هر گونه شدایدده داینّام دوزوم اوسته
تا واردی غمون دلده وارام ئوز سوزوم اوسته
یوخسا ندی آئین اخوت آنام اوغلی
گئت فارغ و آسوده دل ای روح و روانیم
قوی سنله گئده روح روانیم دل و جانیم
سنسیز قالا دنیاده اگر نام و نشانیم
دنیاجه وار اوندا غم و حسرت آنام اوغلی
گیت لیک یانش گئتمه ره رسم سفردن
دیل آینه سین دوتقون اولا قویما کَدَردَن
شه زاده خانم قزلاریوی سالما نظردن
آغوشیوه آل ایله شفقّت آنام اوغلی
گلشنده بُلورسن که قزل گل لر آچاندا
سنبل بولودون اشکینه زلف سر آچاندا
اَگلَندیری گول سینه ده بلبل پر آچاندا
بلبلدی بولار سن گوله نسبت آنام اوغلی
قوی سینه سین هجران اودینا داغلیا زینب
بو آیریلیقا سس چکه بیر آغلیا زینب
اگلش یئره باشون یاراسین باغلیا زینب
قیمتلی غنیمتدی بو فرصت آنام اوغلی
شاعر : مرحوم ذهنی زاده
موضوع: حضرت امام حسین (ع) وداع ,
زبان شعر و شاعر: نوحه ترکی , ذهنی زاده
وداع حضرت امام حسین (علیه السلام)
اخیامیدن آیریلدی زهرانون او دلبندی
بیر خیرداجا قیز قاشدی دالدان بابا سسلندی
ای قلبیمون آرامی، گور دیده ترم بابا
بیکس بالووام گوزدن قان یاش الرم بابا
گئتمه سو آدین والله، بیرده دیمرم بابا
هی سسلدی جان بابا، قوللارین آچیب قاشدی
گلدی او کفن گئیمیش سلطانه یاخونلاشدی
راکب بویانوب قانه، مرکبده آچوب شهپر
سرعتله گیدور باشدا، وار شوق علی اکبر
بیر سس ایشیدوب سالدی، کشتی خدا لنگر
دوندی دالا بیر باخدی، یاشیله دولوب گوزلر
گل آغلاما جان بالا، مندن سورا آغلارسان
باشسیز بدنیم گورسون میداندا قوجاقلارسان
گلدون نیه بس گلدون اولما بالا عطشانسان
سو یوخ بابا دردیم وار، چیخمیش عطشیم یاددان
آیا ندی؟ بس دردون ده باغریمی ائتدون قان
عرض ایلمرم بابا تا دوشمه میسن آتدان
شاهین اتگین دوتدی عرض ائتدی یانایانه
گوز یاشلی قویوب گئتمه، رحم ائت من نالانه
دوشدی آلوب آغوشه اوپدی قوری لبلردن
بو اوپدی او القانی، پاک ایلدی پیکردن
بیر سوز دئدی یاش توکدی کیپریک سانی گوزلردن
یاندیم باباجان یاندیم، ای وای بو بلالردن
گئتسون منی دوشمنلر یالقوز گورجئک بابا
وای قمچی‌لر آلتیندا شمر اولدورجک بابا
دردین دیوب آغلاردی اول قانلی کفن پوشه
شاهون غمی دریا تک موج ائتدی گلوب جوشه
توپراق ایده اگلشدی محکم باسوب آغوشه
ناگه یومولوب گوزلر، دینجلدی گیدوب هوشه
بیردن دوروب عرض ائتدی، دردون آلارام بابا
مانع دگولم واللاه، گئت آغلامارام بابا
الدن منی قویموردون ای دردی اولان دریا
ایندی دیوسن دور گئت نه اولدی سبب بابا
عرض ایلدی اینجیتدیم عفو ایله منی بابا
الان یوخودا گوردوم گلمیشدی آنام زهرا
امر ایلدی اینجیتمه مهمانیمی قوی گلسون
آغلاتما یول اوستونده جانانیمی قوی گلسون
شاعر : منعم اردبیلی
موضوع: حضرت امام حسین (ع) وداع ,
زبان شعر و شاعر: نوحه ترکی , منعم اردبیلی
زبانحال حضرت امام حسین (ع) در وداع با حضرت زینب (س)
ساعت موعود و هنگام شهادتدور باجی
جان ویروب کام آلماقا وقت تجارتدور باجی
ایتمیشم جانانیله اوّلده بیر بیع و شری
وصلنه اولسون بوغازیمدن آخان قانیم بها
قوی گیدوم عشقیله حقّون ایلیوم حقّین ادا
سرعتیم بو امره چوخ فیض سعادتدور باجی
ایستدی محو ایلسون ناحقّلر حقون حقین
رأیت دینی یخوب ورسون ضلالت بیدقین
منده جان ویرماقدا گوردوم شرع انور رونقین
عمده مقصودیم بو گون دینه حمایتدور باجی
دمبدم سینای دلده جلوه ائیلر نور حق
جلوه گاه عشقده اولموش وجودیم طور حق
من کلیم اللهی ایتدیم طورده منظور حق
ورد و ذکریم ربّ اَرِنی دن عبادتدور باجی
بو گونون اوضاعنه حاکیدی قرآن مجید
کاف و هایا عین و صاد اولموش منیله مستفید
کاف عبارت کربلادن ها هلاکت یا یزید
عین عطشدن صاد صبریمدن اشارتدور باجی
سن ازلده هر بلایه ائتمسن شرکت منه
ائیلرم صبری وصیّت ای باجی منده سنه
ورسالار قمچی تظلّم ائتمه هرگز دشمنه
هر مصیبتدن چتین طعن و شماتتدور باجی
گر چه عطشان جان ویروب عبّاس و عون و جعفریم
قطعه قطعه دوغرانوب جدیم شبیهی اکبریم
اوخلانوب قنداق ایچینده شیر خواره اصغریم
سودیگیم خوش منده ده اوندان بشارتدور باجی
یتمگه قرب وصال یاره بسکه دلخوشام
زخمدن گلشن کیمی آچسا وجودیم گل خوشام
سنده اولسان بو بلالی گلشنه بلبل خوشام
چون سنون عشقون منه مالا نهایتدور باجی
آغلاماسینون غمیله شمر داغلار آغلاسان
قوللّارون مندن صورا ظلمیله باغلار آغلاسان
حالوه دشمنلریم رحم ائیلر آغلار آغلاسان
تا حیاتون وار سنه هر آن قیامتدور باجی
سینمی دورت مین خدنگه شامیان آماج ایدر
باشمی زیب خدا خرگاهمی تاراج ائدر
بانوان عصمتی بیر معجره محتاج ائدر
آل سفیانون خیالی قتل و غارتدور باجی
نیزه باشندا کسوک باشیم باجی قرآن اوخور
قصّه اصحاب کهفی هر زمان هر آن اوخور
وَجهُهُ یَبقی وَ کُلُّ مَن عَلَیها فان اوخور
اهل حقّه دائما ذکریم تلاوتدور باجی
جسممی قرآن کیمی اوراق ائده لّر بند بند
قانمی توپراقلارا مسحوق ائدر سُِمّ سمند
گوز یاشیله غم یمه ((صحّاف)) ایدر شیرازه بند
شغلی آه و ناله مقصودی زیارتدور باجی
شاعر : مرحوم صحاف
موضوع: حضرت امام حسین (ع) وداع ,
زبان شعر و شاعر: نوحه ترکی , صحاف تبریزی
وداع حضرت امام حسین (ع)
ای بتوله نائبه درد و غم چکن باجی
گئت حسینیوه گتور کهنه پیرهن باجی
آخرین وداعیدور واضحین سنه دیَم
یوخدی گلمگیم اودور کهنه کوینک ایسیَم
بُلمک ایستسون نیه کهنه پیرهن گیَم
سویماسا عدو اولا نعشیمه کفن باجی
بادۀ وفائیلن قارداشون اولوبدی مست
آخره گرک یته عهد نامۀ الست
ایلورم سنی بالا قزلاریما سرپرست
من کیمی نوازش ائت اهلبیته سن باجی
ترک موطن ایلدوک دوشدوک آیری مشقه بیز
عاشقوک گرک یتک شاهراه عشقه بیز
ائتمشوک معاهده تا گئدک دمشقه بیز
سن سنق کجاوه ده نیزه اوسته من باجی
بو خلاصه مطلبه آگه ایلورم سنی
نزد اهل بیتده سن اوجالتما شیونی
من خیامه گلمرم گوگلون ایستسه منی
قتلگاهه ساری گل تلّون اوستن اَن باجی
باشیمی گورن زمان نیزه اوسته صبر ایله
سینم اولسا تیریلن گر شکسته صبر ایله
آتلو دولسا خیمیه دسته دسته صبر ایله
هر بلاده صابر اول چخما صبردن باجی
کشف حال ائدوم سنه سرنوشتوزی بیلوز
یاندیرار بو قلب تک کائناتی نسگلوز
شهر کوفه دور سحر ابتداده نسگلوز
منده کربلا چولون ایلرم وطن باجی
گئتسوز هر یره حسین سرفراز ائدر سیزی
خلق اچینده صاحب امتیاز ائدر سیزی
کوفه ده کسوک باشیم پیشواز ائدر سیزی
بیر عجوزه زن ائدر ظلمنی علن باجی
هر مکانیده وارام اهل بیتلن ئوزوم
آغلیار ملالوزه نیزه اوسته قان گوزوم
وقت یوخیدی صحبته چوخدی قلبده سوزوم
شرحیلن چتین یته آخره سخن باجی
داد او وقتیدن سنه راه چاره سد اولار
قامتون کمان کیمی بیر خمیده قد اولار
هر غم و ملالیدن بو غمون اشدّ اولار
خارجی دیوب وورار طعنه هر گلن باجی
ای شریک محنتیم ای بتوله نور عین
حالیمه گرک ائده اهل کوفه شور و شین
نیزه اوسته آیۀ کهفی ذکر ائدر حسین
حیرته دوشر کسوک باشیمی گورن باجی
«انورم» یازوب سنه نوحه ایلرم نوا
خلقه دار فانیده یوخدی ذره ای وئفا
بو سوزی دئدی همان وقته شاه کربلا
ای بتوله نائبه درد و غم چکن باجی
شاعر : مرحوم انور
موضوع: حضرت امام حسین (ع) وداع ,
زبان شعر و شاعر: نوحه ترکی , انور اردبیلی
وداع حضرت امام حسین (علیه السلام)
تعجیلیلن گئتمه حسین میدانه صبر ایله
سالما بلالی زینبی هجرانه صبر ایله
گر چه سنی جذب ایلیوبدور وصل دلدارون
گورم حسین عمر ائتمگه یوخ رغبت آثارون
آغلار قالوبدور خیمه ده آخر بالالارون
کیم سرپرست دور بیر بُلوک طفلانه صبر ایله
بیر درد مشکلدور حسینجان محنت هجران
هجرانیوه یوخ طاقتیم ای شاه مظلومان
سالما فشاره روحیمی رحیم سنه قربان
دوندرمه داغلی قلبیمی القانه صبر ایله
خیمه سراده اولمادی ممکن ائدم صحبت
واردور خیامه گلمگون کشف ائت اولوم راحت
بو ساعتوندور جان حسین جان آخرین ساعت
بیلدیر اؤرک سرّین منِ نالانه صبر ایله
تأخیر قیل قوی اخذ ائدیم توشه جمالوندان
پروانه تک من نور آلوم شمع وصالوندان
دویدون نه تئز قارداش حسین اهل و عیالوندان
سرعتله یولّاندون بیله میدانه صبر ایله
غربت مکان سنسن امیدیم تک حسین قارداش
گئتسون باجون ایلر نوا نی تک حسین قارداش
گیدون ایلیکه کهنه بیر کوینک حسین قارداش
بُولدوم همان ساعت دویوبسان جانه صبر ایله
گلدی حسین گویا دیله ائتدی بئله گفتار
یول گوزلمه زینب خیامه گلمرم زنهار
بو ساعت آخر ساعتیمدور آخرین دیدار
نزدیکدور عمریم یته پایانه صبر ایله
شاعر : مرحوم انور
موضوع: حضرت امام حسین (ع) وداع ,
زبان شعر و شاعر: نوحه ترکی , انور اردبیلی
وداع حضرت امام حسین (علیه السلام)
گیدورم مجلس جانانه بو جان و سریله
الیم استه بوغازی اوخلی غلی اصغریله
باجی بو گون ایدرم ایلدیقیم عهده وفا
اولوب اصحاب وفادار هاموسی حقه فدا
کسجاق باشیمیده تشنه منیم شمردغا
قاسم و ااصغرو عباس و علی اکبریله
تشنه لب جانیمی قربان ایدرم جانانه
نهرتک حنجریمین قانی آخارمیدانه
ظلم الیله بو بساطیم گیده جاق تالانه
اهرمنلر کسر انگشتیمی انگشتریله
نیزده باشیم اولارباجی منیم شامه روان
گون قباقینده قالارپیکریم اوچگون عریان
اولی بو جمع پریشانیم اسیرعدوان
شام شومه گیده سوز باشدا قرا معجریله
قالارام دشمن ایچنده باجی من فرد و وحید
منی لب تشنه ایدرظلمیله کفارشهید
ظاهرا آدلارین اسلام قویوب قوم یزید
باطنا واردی عداوتلری پیغمبریله
صبرایدون هرنه جفا لشکرکفارایده لر
نه قدر جورو جفا قوم جفا کارایده لر
گیده سوز اوندا باجی شمرستم پروریله
گیده سن ناقه عریانیله سن شامه باجی
یتورر شمر او گون ظلمینی اتمامه باجی
آپارارسیزلری بیرانجمن عامه باجی
سیزه باش چکماقا گلم اورا منده سریله
روز محشر قویارام عرصه گه حشره قدم
باشیم استه دوتاجاق قارداشیم عباس علم
حول محشردن اوگون کیمسنه دن چیخمازدم
دوتارام قائمه عرشی کسیک اللریله
ایدرم عرض که ای خالق بی مثل و بدیل
ظلم الیله منی کفارایلدی تشنه قتیل
اکتفا ایلمیوب ظلمیله بو قوم رذیل
سالدیلار ایسی قوم استه یارالی پیکریله
نجه من ایلمیشم ایلدبقیم عهده وفا
سنده بو جدیمین امتلرین عفو ایله خدا
خاصه اولارکه دوتالار من مظلومه عزا
هم نشین ایله بهشتده اولاری بیزلریله
روزمحشر گلرهر کیمسه بیر احوالیله
خلق محشوراولاراوزایتدیقی افعالیله
جمله سی الده گلرنامه اعمالیله
نوحه خواندا گلجاق محشره بو دفتریله
شاعر : مرحوم خادم عطار تبریزی (نوحه خوان)
!!! لطفا با نام کانال کنزُ الشُّعَراء کپی کنید !!!
موضوع: حضرت امام حسین (ع) وداع ,
زبان شعر و شاعر: نوحه ترکی , خادم عطار تبریزی
****
وداع حضرت امام حسین (علیه السلام)
کوی عشقیده شوقیلن بو گون قانه باتماسام برملا باجی
قرب حقّیده دشت ایمنه فخر ایدر نجه کربلا باجی
ایچمشم بو گون قان شرابینی جرعه جرعه من جام عشقیدن
نشئه تاپمارام مست اولماسام هم شراب گلفام عشقدن
اولماسام فنا آلمارام بقا اولمارام رها دام عشقیدن
زندگانی جاودان ویرور عشقیدن منه بو فنا باجی
توکسه ابر غم بارش اَلَم باشیم اوسته هر دم، غم ایتمرم
قان فرات تک موج ایدوب داشا دیده ی دلی پر نم ایتمرم
هر بلا یتیشسه بو گون منه چشمیم اوسته ابرو خم ایتمرم
عالم ازلده بَلی دین سویلَمز داخی حرف لا باجی
اونداکی سینار جور و ظلمیلن قانه غرق اولور کشتی نجات
بی قرار اولور چرخ نیلگون اختیار ایدر لرزه شش جهت
حاملان عرش اختیارینی سلب ایدر بو گون بو عوالمات
هم پوزار صفوف ملائکی یر اوزونده کی ماجرا باجی
اول زماندا لشکردن آیریلور شمر بی حیا اضطرابیلن
قصد ایدر منیم قتلگاهیمی هر قدمده سعی و شتابیلن
نه هواده نور فلک قالور نه فلکده ضوء، آفتابیلن
وحشته دوشر قدسیان هامی حیرت اوسته هم ماسوا باجی
چوم من اولّام اول قتلگاهیده شوقیله او ساعتده ممتحن
انبیا حضوریله برملا کشف اولور ندور مثمن و ثمن
سس گَلر حق لایزالیدن ایسته بذل ایدوم هر نه ایسته سن
حیّ لم یزل فیض ذاتینی ایلیوب منه خون بها باجی
اوندا ترک ایدر قارداشون سنون بو جهانیدن هر علایقی
وعده ی وصالیله عاشقون ماسوا نه صورتده لایقی
بیر باشیملا کشف ایلرم او دم شمر اَلینده سرّ حقایقی
اوندا ختم اولار بو حسین ایدن خالقیله بیع و شرا باجی
ایمدی قوی گیدوم تشنه جان ویروم تنگه دوشدی وقت شهادتیم
وار شهادتیمده رضای حق، حق رضاسی عین سعادتیم
آغلاسان اگر شیون ایلمه پوزماسون بو حالون او حالتیم
ای باتان بو غرقاب محنته کشتی غمه ناخدا باجی
دیشره چخما بو خیمه گاهیدن ای سپهر عصمتده کوکبیم
سویلمه علمدار اُلوب علم یاتدی تار و مار اولدی موکبیم
گیچمز اول قدر که گورر گوزون ناله و فغانیله مرکبیم
خیمیه طرف شاه سیز گَلور مات اولوب ایدر آه و وا باجی
اونداکی خبر گَتدی سیزلره، بیر نظاره ایت سن بو توسنه
آشکار اولور حالتیم سنه دشمن ایلیوبدور نلر منه
قتلگاهه گَلسن قِییت گلن خیمه گاهه، یالوارما دشمنه
راضی اولما ایتسون شماتتی بو حسینیوه اشقیا باجی
ای حسبده زهرایه نائبه وی نسبده خیرالوری قیزی
گرچه صدر اوّلده کتب ایدوب منشیان بزم وفا سیزی
من شهید اولاندان صورا ویرون غارت ایتسه دشمن لباسیزی
چون دیوبله آل عبا سیزه بسدی سیزلره بیر عبا باجی
چکمه غم که خلقتده اولموسان رشک خلد و حورایه ماصدق
صفحه ی جمالون صفا ویرور عالمه اوخونسا ورق ورق
خیره دور هامی دیده لر سنون عارضوندن آلماز مگر شفق
بیله کیم گورونموبدی بیر گوزه شمسیدن به غیر از ضیا باجی
چوخ تعجّبیم وار قلم نجه یازدی بو بیاناتی دفتره
خامه خام اولور بو یتیمیلن ویرسه دل اگر اوزگه دلبره
بو وداعیدن وار تدارکیم عاصیانِ هنگام محشره
سن شفیعه سن بو یتیم اوچون، من شفیع روز جزا باجی
شاعر : مرحوم عابد
موضوع: حضرت امام حسین (ع) وداع ,
زبان شعر و شاعر: نوحه ترکی , عابد
ـــــــــــــــــــــــــــ
وداع حضرت امام حسین (علیه السلام)
آیردی آشنالردن سنی بیگانه لر قارداش
کول اولدی شمع وصلونده یانان پروانه لر قارداش
اوزون مخمور جام وحدت بزم الست ایتدون
او ته جرعیله یتمیش بیر نفر سربازی مست ایتدون
بنای کاخ دینه ایله ترمیم شکست ایتدون
فراموش اولدی تاریخ اُرگَنَن افسانه لر قارداش
قیامون گوش تاریخ جهانه یاخشی پند اولدی
باخوب ظرفیّت فکریجه هر کس بهره مند اولدی
بزیده اگمدون باش آل هاشم سربلند اولدی
باش اَکمز بُلدولر دیوانیه فرزانه لر قارداش
بعلت نارضایتی خانواده مرحوم منزوی فقط پنج بیت اول
از اشعار و تخلص ایشان به اشتراک گذاشته میشود
سنی ویرّم قسم ای دخت زهرا شاه عطشانه
یِتور سن (منزوینون) درد پنهانین او سلطانه
دِنَن لطفیله یازسون دائماً شعر ادیبانه
مذمّت ایتمسون تا عیب جو بیگانه لر قارداش
شاعر : مرحوم منزوی
موضوع: حضرت امام حسین (ع) وداع ,
زبان شعر و شاعر: نوحه ترکی , منزوی اردبیلی
ـــــــــــــــــــــــــــــــــ
وداع حضرت امام حسین (علیه السلام)
فریاد او وقتیدن که گوروب زینب حزین
میدانیدن یارالی امام هدی گلور
گل پیکری دولوبدی سراسر یارائیله
هر بیر نفس چکور یارالاردان دِما گلور
باشی یارالیدور آتاسی مرتضی کیمی
آنّیندا داش یاراسی دل مصطفی گلور
عرض ایتدی گل باشون یاراسین باغلیوم حسین
من تک یاراوی باغلاماقا کیم سزا گلور
سن تک بلالی قارداش اولار نه جهانیده
من تک نه بیر باجی اولا صاحب وفا گلور
آلدی خبر حسین گلوسن بیرده خیمیه
ایتدی اشاره باشیله، معناسی لا گلور
یعنی آنام باجی منیم اولماز قِییتماقیم
امن اولسا آشیانینه مرغ قطا گلور
گیتدیم، گوزیوی تیکمه یولا، یول گوزتلمه
هیهات بیرده خیمیه بو مبتلا گلور
بوردا گورنمه سن گوره سن شهر کوفه ده
باشیم اولوبدی زینت نوکِ جدا گلور
زینب دیدی حسین آنامین وار سفارشی
ایتسن قبول قلبیمه بی حد صفا گلور
سویلوب اُپم بوغازیوی آخِر وداعیده
اُپسم اله رضایت خیرُ النّسا گلور
ویردی جواب قیل آنامین امرینه عمل
زهرا رضایتیله رضای خدا گلور
اُپدی اجازه سیله حسینین بوغازینی
بوردا ظهوره منظره ی غمفزا گلور
بو صحنیه باخوردی رقیّه کناریدن
گوردی بو آیریلیق گوزه پرماجرا گلور
بو حالتیله که باباسی آیریلوب گیدر
بیرده چتین خیامه شه کربلا گلور
گلدی بلالی عمّه سینون دوتدی دامنین
گفتاره عمّه سیله او نازلی بالا گلور
عرض ایتدی اُپدون عمّه بابامین بوغازینی
چوخ پرملال خاطره بو مایُری گلور
سالدون او حالیله که بابامی بیبی یولا
بولدوم محال بیرده امام هدی گلور
معلوم اولان که بیرده قِییتمز منیم بابام
اوندا بلالی باشیمیزه نه بلا گلور
باشسیز قالان عیالینه کیم عمّه باش چکر
کیملر حمایت ایتماقا اوندانصورا گلور
کیم دردیمه یتر، گوزیمون یاشینی سیلر
درمان درد ایتماقا الده دوا گلور
رافتله کیم چکر منی آغوشه جان کیمی
کیم بو شکسته گوگلونی آلماقلیقا گلور
الدن گیدور وفالی بابام، کیم بابام کیمی
سایه بلالی باشیمون اوسته سالا گلور
کیم نازیمی چکر، کیمه ناز ایلرم بویور
کیم غم گونونده حالیمه دلدن یانا گلور
زینب بویوردی من چکرم نازیوی اوزوم
مندن نیازِ ناز اولا سندن سزا گلور
سن ناز ایله منده سنون نازیوی چکوم
ناز ایتسه نازدانه نه قدری بجا گلور
بیکس بابان گیدنده سنی تاپشیروب منه
عیناً عمل وصیّتینه جابجا گلور
سندن بیر آن گل اوزلی قیزیم گوز گوتورمرم
منّتدی جانه هرنه یولوندا بلا گلور
قارداش بالاسین عمّه لر عالمده چوخ سویر
بو عرض حالیمه بیبی لر آشنا گلور
من تک وفالی عمّه اولار نه جهانیده
سن تک نه بیر وفالی صفالی بالا گلور
من تک نه دل ویرن اولی قارداش بالاسینه
سن تک نه عالمه دل آلان دلربا گلور
بیله اوزون ایتورمه هله عمّن اُلمیوب
غملر سنی تاپاندا بیبون غمزدا گلور
زهرا باخیشلی گوزلرون آز دولدوروب بوشات
سن آغلینده نای دلیمدن نوا گلور
ای مه جبین سنی گوزون اوستونده ساخلارام
سنلن ایشیق بو گوزلریمه مه لقا گلور
گیتمه گوزومدن آهوی چین و ختای عشق
گوز تیرینه نشان ایده اهل خطا گلور
سنده بلالیسان بالا منده بلالیم
سندن منه صفا، منه سندن وفا گلور
کرب و بلا بلاسی یتر باشه، باشیوه
شاماتیده وقایع ویرانسرا گلور
تائب تدارک ایله محرّم عزاسینی
آماده اول عزایه که ماه عزا گلور
تائب بو دل لری سنه دل صاحبی ویروب
علّت اودور سوزون قلمه چوخ رسا گلور
آغلار حسینه صدقیله دنیاده آغلاسان
محشر گونی شفاعتیوه مصطفی گلور
شاعر : مرحوم تائب
موضوع: حضرت امام حسین (ع) وداع ,
زبان شعر و شاعر: نوحه ترکی , حاج صادق تائب تبریزی
ـــــــــــــــــــــــــــ
وداع حضرت امام حسین (علیه السلام)
منیم پناهیم امید‌گاهیم
دایان حسینیم سنه سوزوم وار
اوپوم ایاقون یانان دوداقون
امان حسینیم سنه سوزوم وار
دایان برادر عزیز مادر
گلیر دالینجا پیاده زینب
هارا گئدیرسن؟ شتاب ائدیرسن
قالوبدی بحربلاده زینب
نه چاره ائیلیم یانیر بو قلبیم
چکیبدی درد زیاده زینب
وداع آخر توقف ائت بیر
زمان حسینیم سنه سوزوم وار
باجووا لطف ائت بیر آز دایان گئت
اماندی قارداش آماندی ئوللم
گوزومده یاشیم آغاردی باشیم
غمیم بیلیرسن گراندی ئوللم
اؤییلدی قدیم، یارالی قلبیم
خد‌نگ ظلمه نشاندیر ئوللم
ترحم ائیله آتیوا وئرمه
عنان حسینیم سنه سوزوم وار
بو غمده قیزلار غمه گرفتار
حرمسراده قالیبدیر آغلار
او فوجی آیا بو چولده تنها
بلالی زینب نه نوعی ساخلار
تعجبیم وار مگر آتالار
بالالارینی بو نحوی یوخلار
کومکلری یوخ، بلالری چوخ
اینان حسینیم سنه سوزوم وار
اگربراد‌ر قییتماقین وار
او کهنه کوینک ندیر بد‌نده
ئورک سیخیلدی ایویم ییخیلدی
او کوین‌گی سن آلیب گینده
منه بس اولدی، مشخص اولدی
سنی سویارلار یقین ئولنده
همیشه مغموم همیشه مظلوم
اولان حسینیم سنه سوزوم وار
قیزون رقیه دیینده عمه
هانی بابام بس ائدیم نه چاره
نئجه دئییم من گئدیبدیر الان
خیامه گلمز بابون دوباره
او باغری قانلار او آغلیانلار
بالالاروندور ائدیر نظاره
آتیب گئدیرسن اولارا سن سن
گمان حسینیم سنه سوزوم وار
شاعر : مرحوم انور
موضوع: حضرت امام حسین (ع) وداع ,
زبان شعر و شاعر: نوحه ترکی , انور اردبیلی
نظرات (۰)