متن نوحه ترکی و فارسی احوالات عاشورا
متن نوحه ترکی و فارسی احوالات عاشورا از شاعران معاصر و قدیمی
احوالات عاشورا
چیخدی پیمبر روضه یِ رضواندان عاشورا گونی
گوردو کفن گیمیش حسین، پیکاندان عاشورا گونی
جنّاتیدن بیر حالیلن چیخدی، جنابِ مصطفیٰ
تاجِ رسالت باشدا یوخ، دورینده کلاً انبیاء
پایِ برهنه، سینه چاک، ائتدی نزولِ کربلا
بلکه حسینین قورتارا، طوفاندان عاشورا گونی
گوردی لبِ گودالیده، زهرا یئره معجر سالیب
قاتل حسینین ذبح ائدیب، گول پیکرین بیسر سالیب
عرشه حسینیم وای سسین اوغلی ئولن مادر سالیب
زلفون ائدیب عنّابی رنگ، القاندان عاشورا گونی
بیر باخدی حسرتلن اونون، اعضایِ پیکان پوشینه
نیزه باشیندا نطقینه، یئرده تنِ خاموشینه
شوره گلیب پروانه تک، شمعین چکیب آغوشینه
گوردو اثر یوخ شعله‌یِ سوزاندان عاشورا گونی
ای مصطفیٰ‌نین گلشن و گلزارینه ریحان حسین
مُحکم ستونی دینیمین، شیرازه‌یِ قرآن حسین
دین اوسته وئردون جان حسین، جدّون سنه قربان حسین
دینی قوتاردون فتنه‌یِ سفیاندان عاشورا گونی
زینب ده اَندی تلّیدن مظلوم حسینین گورمگه
گورموشدی چوخدور یاره سی تا گلدی درمان وئرمگه
ای کاش گلمیدی خانیم، محنت اودون سوندورمگه
باشسیز تاپیبدور قارداشین، میداندان عاشورا گونی
گوردی او نعشِ اطهری بیسر ییخیلمیش مَقتله
موج ایلیور دریا آخور، یول باغلی سو گلمز اله
چاره تاپوب تدبیریله، زینب بو امرِ مُشکله
سر وئردی آبِ دیده‌نی گریاندان عاشورا گونی
دیل بیلمیور سوز آنلاماز، وحشی عرب صحرانشین
چیپلاق آت اوسته اگلشوب، اللرده تیغِ آهنین
بیرده‌ن یئریندن اوینادی، بیر عده ای دریا کیمین
خیمه سرایه یوز قویوب، هر یاندان عاشورا گونی
غارت قیلیب هر خیمه‌نی میخ و طنابین قیردیلار
آلِ رسولی جمع ائدیب، بیر خیمیه اود ووردورلار
باطنده عرشِ اعظمی، اهلِ جفا یاندیردیلار
چیخدی مدارِ چرخِ دون، میزاندان عاشورا گونی
پیمانگذارانِ الست ائتدی عمل بی‌کیف و کم
تا ساحتِ قُدّوسید‌ن فرمان اولوب صادر او دم
اهلِ وفانی آد به آد، ثبت ائتدی لوح اوسته قلم
صورت دوتوب یتمیش ایکی قرباندان، عاشورا گونی
خندق قازاندا حضرتِ سلمان او سیمایِ جلی
گوردی مبارک ریشینی توز توپراق آلتدا پرده‌لی
امّا مظاهر اوغلونون باتدی قانا آق ساققالی
مظهر گورو‌ندی صورتِ سلماندان، عاشورا گونی
مرحوم یحیوی اردبیلی
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , یحیوی اردبیلی
----
رجز روز عاشورا
کرب و بلا چولونده طوفاندی یا محمد
گوندر کفن حسینه عریاندی یا محمد
مهمان ایدیبله دعوت قویمولا احترامین
سو ویرمییبله بالله عطشاندی یا محمد
سقا گیدیب فراته قویموبلا سو گتیرسون
بیر شربه سو گتیرسه احساندی یا محمد
گل کربلا چولونده بیر اوغلووا نظر قیل
گول تک یئر اوسته جسمی خنداندی یا محمد
ابرِ ظلام دوتموش دشت بلانی یکسر
بیر ابر بارشین گور پیکاندی یا محمد
لیلا نوایه گلمیش سسلر هرایه اوغلون
هجر آتشینده قلبی سوزاندی یا محمد
دوشموش یانان چادیردا اصغر آناسی بیهوش
جانین آلیبلا گویا بی جاندی یا محمد
داماد ماتمینده وار اوزگه بیر حکایت
قاندان عروس زلفی الواندی یا محمد
بو کربلا چولونده گویا قیامت اولموش
دیللرده وا محمد عنواندی یا محمد
انگشتر اوسته بجدل قطع ایلیوب بیر انگشت
بو سرّه مین سلیمان حیراندی یا محمد
مرحوم ذهنی زاده
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , ذهنی زاده
----
احوالات عاشورا
آی باتدی صبح آچلدی زینب نوایه گلدی
زهرا دئدی حسین وای، عالم صدایه گلدی
چون یخدیلار آتندان، سلطان تشنه کامی
دنیایه اوْلدی اعلان قتل‌الحسین پیامی
جنّاتیدن ائشیتدی پیغمبرگرامی
نعلئین‌سیز عباسیز کرب وْبلایه گلدی
پیمانه عالم اوْلدی، جانانه وئردی جانین
شوْق وْشرافتیندن، طیّ ائتدی امتحانین
شمردغا تؤکنده، خاک مینایه قانین
یوز دوتدی آسمانه، حمدوْ ثنایه گلدی
خـون خدا تؤکولدی، گوْدال کربلایه
یرلر تزللزل ائتدی، رعشه دوشوب سمایه
کرّوبیان لاهوت، آغلاشدی بوبلایه
یل اسدی گون دوتولدی ظلمت فضایه گلدی
خون حسین بوْغازدان، جاری اوْلان زمانی
جبریل آپاردی عرشه، بیر شیشه ده اوْ قانی
اوْل شیشه‌دن نمودار، اوْلدی بلا نشـانی
قوْزاندی بوی ماتم، اهلئ سمایه گلدی
نورحق اوْلدی لامع، باشسیز قالان بدنده
رأس حسین مظلوم، سر نیزیه گئدنده
بادسیاه اسنده، یئر زلز‌له ائدنده
سیندی نظام دنیا حدّفنایه گلدی
نزدیکیدی یئریندن، چخسین مداردنیا
آل امیّه ائتسین، دستورشرعی مولغا
سرنیزدن ائدنده نورحسین تجللا
دین محمد اوسته نورانی سایه گلدی
فرمان غارتیلن، تللی آشیب عربلر
گؤردی اوْ های وهویی، اطفال زاروْمضطر
قاچیلا خیمگهه، بیرده‌ن اوجالدی سسلر
عمّه آماندی لئشگر، خیمه سرایه گلدی
صحرانو‌رد عربلر، خرگاهی یاندیراندا
باشی آچیق حرملر، اوْددان چخیب قاچاندا
قالخوب بحترآتش، گیزلندیلر دوماندا
توسدی اوجالدی قاره، پرده هوایه گلدی
بیر خردا قیز قاچیردی، دوتموش اله عباسین
مردیهودی دوتدی، خاموش ائدیب لباسین
گتدی اله حسینین، دیلبندینین رضاسین
احسن اوْ شیخه مشگل، وقته هرایه گلدی
گر ائتمه‌سیدی زینب، نسل حسینه امداد
اوْلمشدی اوْد ایچینده، سوزان امـام سجّاد
قیلدی رشادتیله، اوْددان امامی آزاد
بیر تازه زندگانلیق، زین العبایه گلدی
زهرا گزردی گوندوز، اطراف ماجراده
تا کوفییه حسینین، گتدی باشی جیداده
نعش حسینی آخشام، باشسیز قوْیوب آراده
گون باتجاغین اوْ خاتون، مطبخ سرایه گلدی
حوران باغ جنّت، محزون گرفته سیما
حوّا خدیجه خاتون، مریم جناب سارا
آشفته مو سیه‌پوش، دیللرده وای حسین وا
زهرایه همدم اوْلسون، بزم عزایه گلدی
اللی اوچ ایل قاپیندا، وار یحیوی حسین جان
نؤحه یازیب غمونده، اوْلموش مریـض وْنالان
دست مبارکونله، دردینه ائیله درمان
امّیدصحّتیله، باب شفایه گلدی
مرحوم یحیوی
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , یحیوی اردبیلی
----
احوالات عاشورا
بودور علت بو قدرتلن بئله عطشانم ای سیاح
یازیلمیش عهدناممده سوسوز قربانم ای سیاح
مقصرلر پناهی محرم دیوانم ای سیاح
عزاداره جزاده شافع عصیانم ای سیاح
بهشت اهلی دی کیم اهل بکا و اوتباکا دور
شهادت امری صادر اولمادی سیاحه مولادن
شفاعت قولین آلدی آغلادی گئتدی او صحرادن
دولاندیردی لجام مرکبی حضرت او ماوادن
وداع آخرین قصدیله اندی تل بالادن
او تلی که میان عرصه و اخیام طاها دور
خانم زینب دئییر خیمه قباقینده باخوردوم من
گوروم آیا حسینیمله نه رفتار ائیلییر دشمن
سرازیر اولدی بیر تپراقلی طوفان تلون اوستیندن
گلور توز درک اولونماز بو نه توزدور قوزانور یئردن
توز ایچره آت ایاقینون صدای نعلی پیدا دور
تعجب حالیله دقت ائدردیم تا ندور مطلب
یاخونلاشدی توز آیریلدی نمایان اولدی بیر مرکب
آت اوسته پارچا قاندان غیری بیر زاد گورمدیم یا رب
صدا گلدی علیکن السلامی اختی یا زینب
تانیدیم لهجه سیندن کیم حسین بو لفظه گویا دور
سیزی اللهه تاپشوردوم بویوردی شاه بی لشکر
داخی یوخ صحبته فرصت منی زهرا آنام گوزلر
فراز عرشدن جدیم پیمبردور منی سسلر قیامتده عزاداریلر
بو باش بو جانلو پیکر قیمت مقطوع سودا دور
ائله سرعتله آت سوردی حسین میدان دعوایه
نه زینب یادینه دوشدی نه باخدی آه لیلایه
دالیجان منده یوز قویدوم گوزی یاشلی او صحرایه
دئدیم قارداش قسم وئررم سنی مظلومه زهرایه
حسین جان بیر توقف قیل باجون صاحب تمنا دور
حسینین ساخلادی یولدان شرار آهیلن زینب
یول اوسته قول بویون اولدی او شاهنشاهیلن زینب
ائدوبلر رمزلی صحبت ولی اللهیلن زینب
قیتدی خیمه سمتینه دل آگاهیلن زینب
او صحبتدن نتیجه هر بلالرده شکیبا دور
تمام ائت «یحیوی» تحریره یوخدور خامه ده یارا
فصاحتله بو نظم آبداری ائیله دون انشا
آپارسون فیض سرشارین مجالسده آتان یحیی
چکوب زحمت بساط کربلائی ائتموسن احیا
نقدری واردور آثارون آدون مشمول احیا دور
مرحوم یحیوی
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , یحیوی اردبیلی
----
احوالات حضرت رقیه (سلام الله)
در عاشورا
آیریلدی بیر آز خیمه سرادن شه ابرار
عشق آتشی قلبینده گوزینده هوس یار
شاهون ئوزی سرمست ولی مرکبی هشیار
بیردن اوگوزل مرکب ایتوردی ال ایاقین
باخدی ایاقی آلتدا گوروب بیر قز اوشاقین
یورقون بالا بیر یاره لی قوش تک پرآچوبدور
گون ایلور اذیت باشنا شهپر آچوبدور
شاهون ایاقی آلتدا قرا معجر آچوبدور
تز تز دولانوردی دیلی عطشان دوداقیندا
قالمیشدی حسین مات ایکی عشقون قاباقیندا
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی اردبیلی
موضوع: احوالات تاسوعا و عاشورا ,
زبان شعر و شاعر: نوحه ترکی , منزوی اردبیلی
----
احوالات عاشورا
ائتدی فرشته لر نوا آغلادی ارض کربلا
ایلدی جبرئیل صدا قتل الحسین بکربلا
بو سوزی ایستدیم یازام قلبینه دوشدی واهمه
موقع عصر تنگ دور یوم بلای فاطمه
گون دوتولوب هوا دونوب اهل جهان سراسیمه
قاره یئل اسدی یاغدی قان گلدی زمین تلاطمه
جنبشه دوشدی بحرلر وحشته دوشدی ماسوا
غارت اولوب حسابسیز طوق طلا آپاردیلار
آلت گوشواره و سلسله پا آپاردیلار
عنبر و مشگ و زعفران عطر صفا آپاردیلار
پرده شال و ترمه و برد و قبا آپاردیلار
فرش و اثاث و زیبدن خالی اولوب حرمسرا
راوی دئیور او وقت اوزوم درک ائلدیم بو قصه نی
بیر قیز اوشاقیدور قاچور شعله دوتوبدی دامنی
من دالیسیجا سالدیم آت سوندورم اودلی خرمنی
اللری سینه ده سلام ایلدی گورجگین منی
وورما دئدی آتاسیزام من سنی ایلرم دعا
گر تانیسون نجف چولین سن منه ایندی ور نشان
اوردا یاتوب بابام علی مشکلون عقده سین آچان
من گئدورم شکایته ظلم عدودن الامان
دشمن الینده قالمیشوق گل بابا داده بو زمان
گور نئجه دوشموش عترتون اودلارا وا مصیبتا
موضوع: احوالات تاسوعا و عاشورا ,
زبان شعر و شاعر: نوحه ترکی
----
احوالات حضرت زینب (سلام الله)
در عاشورا
تلّیدن بیردن اوجالدی گویه تکبیر سسی
وحشته سالدی بو سَـس سلسله اعدانی
ناگهان باخدی سراسیمه هامی تلّه طرف
گوردیلـر یاللعجب موجیلـی بـیـر دریـانی
اوجا بوی بیر خانم عورتدی گَلـور قتلگهه
مقتـل عشقیده ایسـتورکی گـوره جانانی
گَلـور امّا نجـه گلـمک ایله بیل شیر گَلـور
خـمِ ابـرولـری تسـخیر ایلـیوب صـحرانی
بو همـان دامنـی اللـرده قـالان زینبدی
نجه گور قیز بِجروب فاطمه نون دامانی
غیرتیدن دیزی تیترور قاچابیلمور یخیلور
پـیـکــریندن غــم ایّـام آلــوب یـارانی
یخیـلاندا یِـره دای دورمـاقی اللهه قالـور
نیلسون،دورماقا یِردن یوخ اونون امکانی
گوزی گوداله دوشن وقته دئیور آهسته
گوزوی یومّا حسین جان سنی اکبرجانی
گلـورم مـن سنی اللـردن آلام آی یـارالی
صـبر ایلـه ، زینـب اولا گوزلرون قربانی
موضوع: احوالات تاسوعا و عاشورا ,
زبان شعر و شاعر: نوحه ترکی
----
احوالات شب یازدهم محرم
از قضا چوخ تند اسوردی شامیده بیر قاره یل
قاره نی لر تک سیزیلدوردی دگن دیواره یل
صبح اولونجا همدم اولدی زینب غمخواره یل
هامّی یاتدی زینب اگلشدی حسینیم وای دئدی
گاه حسینیم وای دئدی گه قیزلارا لای لای دئدی
پیچ و تاب ایلوردی گوردی غصه و غمدن رباب
ائتدی فرمایش نییّه آسوده یاتمورسان رباب
صبح اولونجا ناگران اولما اویاقم من رباب
تا نفس وار منده پابندم وفا قاموسینه
چپ باخا بیلمز بیری پیغمبرین ناموسینه
منزلون پوزقوندا اولسا عیبی یوخ ایمنده دی
اضطرابون وار حواسیم گون باتاندان سنده دی
تا وارام من ، فرض ایله قینون ابوالفضل زنده دی
ناگران اولما اگر آی باتسادا من باتمارام
گویده اولدوزلار یورولسا یاتسادا من یاتمارام
موضوع: احوالات تاسوعا و عاشورا ,
زبان شعر و شاعر: نوحه ترکی
----
احوالات عاشورا
ساقیِ میخانهء بزمِ الست
ایسته دی ایتسون هامی مخموری مست
باغلادی پیمان آچا میخانه نی
باده دن سرشار ایده پیمانه نی
سسلدی یانقین قلندلر هانی؟
بادیه عطشان دلاورلر هانی؟
سالدی شورش عالمه بو اَلصَّلا
عالم اولدی عرصه گاهِ ابتلا
الصّلا صوتون کیم ایتدی استماع
ایلدی بابِ بلاده اجتماع
وقت او وقت اولدی بلا جوش ایلسون
اولیا جامِ بلا نوش ایلسون
فتحِ باب اولدی بلا میخانه سی
دوشدی دوره ، ابتلا پیمانه سی
ساقیِ بزمِ محبت بیر به بیر
ایتدی عشّاقی کمندیده اسیر
جمله سین مست ایلدی بیر جامدن
کیمسه نومید اولمادی انعامدن
لطفنی مشمولِ اصحاب ایلدی
بیر به بیر اول جمعی سیراب ایلدی
بیر نفسده مِی پرست اولدی هامی
بادهء عشقیله مست اولدی هامی
ساقیِ بزمِ وفا سالدی نظر
گوردی اصحابِ محبّت سر به سر
غرق اولوبلار جمله ، قان دریاسینه
باش قویوبلار کربلا صحراسینه
سرگران ، مِی دن دوشوب فرزانه لر
شعلهء شمعه یانان پروانه لر
گوردی ساقی وار قالان اول جمعدن
چون اوزاق پروانه دوشمز شمعدن
سسلدی وار جمعدن عطشان قالان
آخرین پیمانه نی مندن آلان
کیمدی قویسون مردِ مردانه قدم
عرصهء عشقه ، قدین ایتسون عَلم
کیم قالیر بو مجمعِ هوشیاردن
ایچمه میش بو ساغرِ سرشاردن
باده کوپ لَرده تلاطمدن داشور
سانکی دریا موج ایدور باشدان آشور
دوردن مِی دوشممیش تعجیل ایده
رندلیق نقصانینی تکمیل ایده
باده قینردن دوشرکن صاف اولوب
جامه توکجاق ، عین و شین و قاف اولوب
بو مِی ین اود دور ازل کیفیّتی
ایچمسین یوخ بیر کیمین ظرفیّتی
بیر ایچیم هر کیم بو صهبادن ایچوب
اولین پیمانه ده باشدان گچوب
ایندی بو میخانه ، بو ساغر ، بو مِی
ایتموشم شرطین سیزه اولده طی
کیمدی بسم الله بو مِی بو میکده
طاقتی گر وار چکسون عربده
اوز حضورین فورا" اعلام ایلسون
ساغر الده عزمِ پیمان ایلسون
باشلیوب دریای وحدت جزر و مد
نقش اولوب دللرده ذکرِ یا احد
هر کسه وار باده اوز اندازه سی
محو اولار بیر نشعه ده خمیازه سی
ناگهان اول جمعِ آتش پاره دن
آتدی بیر مخمور اوزون گهواره دن
سوزِ صهبا اود سالوبدور جانینه
شعله دور باخسان لبِ عطشانینه
سلب ایدوب آرامینی رنجِ خمار
اشتیاقِ باده ایلوب بی قرار
طلعتِ ساقی آلوب آرامینی
تلخ کام ایلوبدی هجران کامینی
عاشقِ اکبردی ، اصغر آدی وار
اکبره بنزر چوخ استعدادی وار
صورتِ ظاهرده بیر طفلِ صغیر
عالمِ معناده بیر فرزانه پیر
غنچیه بنزر سولان گل صورتی
صورتیندن بللدیر کیفیّتی
ظاهرا" گر طفل دور بو قرصِ ماه
پایهء شوکتده اما خضرِ راه
رشتهء قنداقه سی حَبلُ المَتین
حاملِ گهواره سی روح الامین
یاندیروب قلبین یاخوب گر چه فرات
فیضینه عطشاندی اما کاینات
بو تمنّاده ایدور معراجِ عشق
باشینه قویسون مکلّل تاجِ عشق
میلی وار آیریلماسون احبابدن
بهره مند اولسون شرابِ نابدن
ایستوری هر جام اولا رندانیله
اعتلاف ایلور سیه مستانیله
ایستوری سبقت آلا عُشّاقدن
نوش ایده مِی ساغرِ اشراقدن
عشق ایدوب ، هم ساغرِ عبّاس اولا
رنگده هم رنگِ خیرالنّاس اولا
ای عجب آز سنّیله بو محتشم
ایستور اولسون اکبریله هم قدم
ایلور اظهارِ ارادت ساقیه
محرم ایتسون سِرّ جامِ باقیه
ساقیِ عشقین اله دامانینی
سالدی تا ایتسون رضا جانانینی
آغلادی ایتدی او قدری التماس
آچدی آخر یوللاری سلطانِ ناس
محرمِ اسرارِ اشراق ایلدی
پایه ده هم شأنِ عُشّاق ایلدی
مست اولوب دوشدی او دم میخانیه
ملحق اولدی مجمعِ رندانیه
سینهء ساقی اولوب میخانه سی
قان شراب ، اوچ شعبه اوخ پیمانه سی
باده دن بیر جرعه تا نوش ایلیوب
ماسواللهی فراموش ایلیوب
ساقیِ بزمِ بلادن پیشواز
ایلدی لبخندیله اول یکّه تاز
سینهء ساقیده تئز یومدی گوزون
وحدتین دریاسینه ووردی اوزون
اوز اوزون دنیاده جاوید ایلدی
درگهین درگاهِ امید ایلدی
عالمه کشف ایتدی رازِ مطلبین
آلدی تا باب الحوائج منصبین
اوجونا دولدوردی قانین شاهِ دین
سپدی تا زینت تاپا عرشِ برین
عفو قیل عرض ایتدی یا الله سن
بنده وین اَسرارینه آگاهسن
باشه ویردیم ایتدیقیم پیمانیمی
عفو قیل یا رب اوزون نقصانینی
عهدیمه گوستردیم استعدادیمی
بذل قیلدیم عشقیوه هر زادیمی
عاشقِ (شب خیز) ساماندان گچر
عشقده سامان ندی جاندان گچر.
مرحوم عباس شبخیز
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , عباس شبخیز
----
احوالات شب عاشورا
امشب، شب قیامت کبرای دیگر است
هر لحظه یک گزارش صحرای محشر است
امشب رسد به گوش، مناجات عاشقان
فردا، به روی خاک، بدن‌های بیسر است
امشب، علم به دست علمدار کربلاست
فردا، تنش به علقمه، در خون شناور است
امشب رباب، دست دعایش بر آسمان
فردا تسلّی دل او، داغ اصغر است
امشب دعا به جان جوانان کند، حسین
فردا به روی دامن او نعش اکبر است
امشب عطش گرفته ز قاسم توان و تاب
فردا به جای آب، دهانش ز خونْ تر است
امشب دعای زینب کبراست یا حسین
فردا لبش به زخم گلوی برادر است
امشب حسین گرم مناجات با خداست
فردا هزار پاره ز شمشیر و خنجر است
امشب حسین پیرهن کهنه‌اش به بر
فردا، نه سر، نه پیرهن او را، به پیکر است
"میثم" دمد ز هر نفست شعله‌های دل
نظم تو سوز سینۀ آل پیمبر است
حاج غلامرضا سازگار
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه فارسی , غلامرضا سازگار
----
زبانحال حضرت زینب (سلام الله)
باتدی اسلامین گونی ای گون نه رخوتدور بو گون
سنده بات غارت تمام اولسون قیامتدور بو گون
سن بو گون طالع اولاندان کونه دوشموش انقلاب
تک نه صحرای بلا ایلور عوالم اضطراب
گورموسن بیر آسمان ماه و نجوم و آفتاب
باتدی قان دریاسینه سنده نه غفلتدور بو گون
گورموسن اولموش هدایت آسمانی منفطر
گورموسن اولدوزلاری یرده توکولموش منتثر
حشر و نشر اولموش بدنلر یر یوزینده منتشر
بیر قیامتدور قیامتدن علامتدور بو گون
بو گونون بیر نصف روزی نچه ساعتدور مگر؟
وار بو آز ساعتده بیر دنیا حوادثدن خبر
توکدی بیر قانلار بو گون اشرار اولاد بشر
قطره سی دریای راز بدو خلقتدور بو گون
بیر جوانلار توکدی قانلی تپراقا قوم رذیل
هر بیری پیر طریقت اهلینه پیر نبیل
خانقاه عشقیده مسند نشین بی عدیل
پیروانی رهروان حق طریقتدور بو گون
مردلر الدوردولر تزویریله نا مردیلر
مردلر که لافتی تک منحصر برفردیلر
وار دل مردان عالمده بو غمدن دردیلر
شیر مردان دردمند بی نهایتدور بو گون
قوه نوریه وی اسکیت پیمبردن اوتان
حدت ناریه وی آرتورما حیدردن اوتان
جبرئیل لایلای دین صد پاره پیکردن اوتان
یاندی روح فاطمه بو نه حرارتدور بو گون
توکدی بیر قانلار عنادیله بو گون قوم عنود
قطره بقطره او قانلار صاحبی حی ودود
آه اگر طعنه وورا اسلامه کفاریهود
چون او قانلار ننگی دامنگیر امتدور بوگون
باتموسان یوخسا دچار درد بی درمانیسن
یا ایتوردون مغربون سیرینده سر گردانیسن
بات هایان گلدی ولو مشرق نیه حیرانیسن
گرچه عالملر غریق بحر حیرتدور بو گون
کوفیان قطب وجودی سیندوروب یخدی یره
خط سیریندن چیخار قطب اولمیاندا دایره
گودموسن بی نظم اولوب دگموش عوالم بیر بیره
بو منظم سیریوه داعی نه علتدور بو گون
بیر جنایت ایلیوب آل امیه آشکار
گورمیوب گورمز نظیرین بیر ده چشم روزکار
صفحه تاریخ اعراب اولدی یکسر لکه دار
آل هاشم صفحه سی تاریخه زینتدور بو گون
بات یوبانما ایلمه باتماقدا بیر لحظه درنگ
قوی دوتا دنیانی بو روز سیه شبدیز رنگ
تا گوراخ هاردان هارا اولدوزلار آخموش لنگ لنگ
خوردا قیزلار حالی چوللرده نه حالتدور بو گون
امر قتله خاتمه ویردی بو گون قوم ظلام تنگه گلدی
خوردا قیزلار اولموری غارت تمام
معجر استنده کشاکشدور بات اولسون تیره شام
هر قدر تیز باتسان آل للهه نصرتدور بوگون
یاز (حسینی) صفحه رخساره بو غم چامه سین
قویما خشک اولسون مداد اشک و مژگان خامه سین
صالحات ایلر بو نامه سیئاتین نامه سین
اجریوه (ذهنیده) ذیحق شراکتدور بو گون
مرحومین حسینی سعدی زمان و ذهنی زاده
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , حسینی سعدی زمان , ذهنی زاده
----
احوالات شب عاشورا
شب غرق سکوت و جمله ذرات
اندر رخ شاه اولیا مات
با خالق خود نموده خلوت
سرگرم دعا و در مناجات
از اهل کرم شود در آن دشت
هر لحظه عیان دوصد کرامات
اندر رخ هر کدام بیتی
صد معجزع و ظهور آیات
از مستی سرخوشان ساقی
حیران شده جمله سماوات
روشن دل جمله از فروغش
چون ظلمت شب ز نور مشکات
هستند همه چو بندگانی
در محضر کاشف مهمّات
آن شور و شعور و مستی
بتوان که بخواب دید هیهات !
شب رفت و دلی ز رفتن شب
شد جام دلم از غم لبالب
شب رفت بسوی صبحگاهان
تا روز بلا شود نمایان
میرفت سوی سحر شبانگاه
اما به قدوم لرز لرزان
گوئی دل شامگه خبر داشت
از شور و نشور آن بیابان
میرفت ولی نه روی عادت
میرفت و لیک لنگ لنگان
میرفت و به خویشتن همی گفت
یارب نرسد رسم به پایان
خورشید مگر ز هول آن روز
بودی ز طلوع خود هراسان
ای کاش نبود آخر شب
تا چاک کنم ز شب گریبان
ای کاش افق حجاب می شد
تا چهره کنم به پرده پنهان
ای کاش حجاب ظلمت شب
تا حشر نمی شکافت از تب
استاد فانی تبریزی
منبع کانال اشعار فانی تبریزی
موضوع: احوالات تاسوعا و عاشورا ,
زبان شعر و شاعر: نوحه فارسی , فانی تبریزی
----
احوالات عاشورا
تا آتش اشراره حسین خیمه سی یاندی
گون باتدی عدو یاتدی شفق قانه بویاندی
فریادو فغان جوهر ذراته داغیلدی
آوای حسین وای اودی هر یاندا عویاندی
بو ماتم عظماییده لاهوتیله ناسوت
حیراندی پریشاندی و انگشت به دهاندی
تنها نه قرا پوش اولوب کعبه بو غمده
ناقوس کلیساده ده فریادو فغاندی
خون حق و ناحق توکولوب کرب و بلایه
شرحی مرج البحر و لایلتقیاندی
تکفیر ایلمه گر دیسم الله حسیندور
واللهی و بالله او همین و بو هماندی
من چکمرم ال دامن شاه شهدادن
شاه شهدا دامنی مافوق جناندی
ای کاش اولا بیضا سر کویینده غباری
هر چندکی "بیضا " ید بیضای زماندی
بیضای اردبیلی
موضوع: احوالات تاسوعا و عاشورا ,
زبان شعر و شاعر: نوحه ترکی , بیضای اردبیلی
----
زبانحال حضرت زین (سلام الله)
در روز عاشورا
چیخما ای گون گل بو گون ایله حمایت زینبه
آشکاراولسان اولور برپا قیامت زینبه
پرده ی ظلمتدن اولسان سن بوگون ای گون کنار
آل طاهایه اولور اوضاع محشر،آشکار
بیر بئله گونده اگر بولسن طلوعینده نَه وار
اِیله سن مطلق بو صحراده اعانت زینبه
لشکر کفر و ضلالت بیرق ظلمین وروب
بو بیاباندا مقابل نورله ظلمت دوروب
سن طلوع اِتسن بو گون، زینب گونی اِیلر غروب
کربلا دشتی اولور محشردن آیت زینبه
نوریویله سن اگر سالسان حجاباته شفق
غرق اولور دریای غمده ساکنان نُه طَبَق
آه ائدر زهرا، گلور فریاد و داده ماخَلَق
کشف اولور سرَّ قیامتدن علامت زینبه
بو گونون وضعیّتیندن اولسان ای گون با خبر
اولماسان هرگز بو ظلمت پرده سیندن جلوه گر
مشرق غمدن بوگون، ای گون عیان اولسان اگر
اِیله سن بی شک هامی آفاقی ظلمت زینبه
تار ائدر رنگ مصیبت گونلومون مِرآتینی
سوندیرور اَعدای دین انوار حق مِشکاتینی
دین اسلامین پوزار بو چؤلده تشکیلاتینی
اِیلمز هیچ کیمسه لر هرگز حمایت زینبه
چیخما ای گون قوی گؤره لیلا دویونجان اکبرین
چَکسون آغوشینه رَمله قاسمین گل پیکرین
سن طلوع اِتسن بوگون اوخلالّا حلقین اصغرین
بو مصیبتده ویرر غمدن نه حالت زینبه؟
سن طلوع اِتسن وئرَرسن آل سفیانه شَعَف
مظهر والشّمس اولار تیر ستمدن مُنخَسف
غش ائدر زهرا، حسینیم وای دیَر شاه نجف
شدَّت ایلر درد غم ساعت به ساعت زینبه
شبه پیغمبر وجودین دشمن ایلر چاک چاک
آل پیغمبر چَکَر آه اوسته آهِ سوزناک
دوشسه اکبر، نعشینه لیلا اؤزون ایلر هلاک
سن او ساعت اِیله حقدن استعانت زینبه
آشکار اولسان بو گونکی گونده سن ای آفتاب
آتش غم مجتبی قلبینده ایلر التهاب
قاسمین صدچاک جسمین تابشون ایلر کباب
سن بولورسن طاقتِ دِلدور، او قامت، زینبه
بحرْ تک، موجه گلور بو چؤلده قوم بدشِیَم
قولّارین اِیلله عبّاسین فرات اوسته قلم
اولما راضی وحشته دوشسون خَواتین حَرَم
هر مصیبتدن چتیندور بو مصیبت زینبه
تشنه لوق ای گون سالوب دلدن علیّ اصغری
غنچه ی گل تک سولوب سوز عطشدن لب لری
پوزقون احوالی،پوزوب چوخ عترت پیغمبری
بو نهایت آرترور غم، بی نهایت زینبه
بیزده عطشانوخ ولکن قارداشیم عطشاندی چوخ
سالما تابش اوستونه، چونکو یارالی عضوی چوخ
جان وئرور ایسَّی قوم اوسته، سینه سینده دورت مین اوخ
مین قیامت آشکار ایلر او حالت زینبه
چخما ای گون، اولما راضی گلشن طاها سولا
آل هاشم غرق غم، آل اُمیَّه شاد اولا
باغلانا ظلمیله عصمتلو خانْملار قولقولا
ایلیه شمربن ذی الجوشن شماتت زینبه
عادت معهودله سالسان یره بو گون ضیا
اولدورولّر حجَّت اللّهی بو قوم اَشقیا
ظلمتِ ظلم عدودن محو اولار نور هُدا
اولماز عمرینده بیر آن غمدن فراغت زینبه
ایسته سن (صحاف) ایکی دونیاده اولماق سربلند
اِیله اَشکیله مصیبت دفترین شیرازه بند
چکمه آلُ الله دن اَل، دوغرانسا جسمون بند بند
گؤز یاشیله غملرون ایله کتابت زینبه
مرحوم صحاف
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , صحاف تبریزی
----
احوالات شب عاشورا
آخشامدی ، باتوب گون نُهُم ماه بلادی
یئردنده اُفقدنده گَلَن آه و نوادی
مَخیَم کیمی عرش عالمی مشغول عزادی
صحرادی ، بیابان بلا ، کرب و بلادی
بیر زمزمه وار چولده کی هر سینه نی داغلور
گویا آلوب آغوشه رباب ، اصغری ، آغلور
تیغ الده نگهباندی اباالفضل علمدار
اخیامیده دقّتله اِئدور پاسینی تکرار
بیر نکته اِئدور روح فداکارینی آزار
شش ماهه بالا تشنه دی گهواره ده بیدار
عطشان بالانون ناله سی هردم اوجالوردی
عبّاس جوان شرم و غضبدن قوجالوردی
اشراریله احرارین اولوب جنگی مُسَجَّل
علقم اِئلیور ناله سپور کول باشا مقتل
غوغا سَسی قویمور یاتا اَبناتِ مجلّل
روشن ائلییورخیمه گهی بیر نچه مشعل
نه اهل خیَم بیلدی و نه لشگر اشرار
مشعل گئجه چوخ یاندی ویا قلب علمدار؟
اُردو وُروب آز فاصله ده لشگر عدوان
مَسلخده مُسمّم دیله مسلکده مسلمان
بیرعده سی خندانیدی بیرعده سی گریان
بیر عده پریشانیدی بیر عده پشیمان
بیر یاندا گزور شمر دنی زجر و سنانی
بیر یاندا اِئدور حرمله آماده کمانی
بیر گوشه ده بیر عده ائدور تیز سلاحی
بیرگوشه ده یاتموشدلا بیر عده سپاهی
بالش باشی آلتدا بیری اتمیشدی کلاهی
فکرینده بیری غارت اِئدور خیمه ی شاهی
بیر عیسویده حاضِریدی دشت خطرده
طبّیدی اگرچه ایشی دوشدی ئوزی دردی
نصرانی یاتوب نیمه ی شب عالم رویا
گوردی باش آچوق دشته گلوب حضرت عیسی
گوداله باخوب آغلادی شدّ تله مسیحا
فرمایش اِئدوب بوردا وِئرَر جان، شه بطحا
بیر ایش دِئدی گورمه، ئورگیم شعله ده یانوسن
مریم ، سنون اعما لُوَه زهرادن اوتانسون
آگاه اول ایاق آلتدادی بو چولده شرافت
مقتلده عدالت یخلار غرق جراحت
غفلت اِ ئلَمَه وار سنه ده فیض شهادت
مظلومیدن اولسونده اگر اِییله حمایت
بو دشتیده زهرا ئورگین داغلیاجاقلار
عرش اهلی او مظلومه باخوب آغلیاجاقلار
ناگه یوخودان دوردی او نصرانی هراسان
روحین ائله دی گوردوگی رویالری حیران
احساسینه اود سالدی بوسوز فکرینه طوفان
بیلموردی ولکن نَدَ ن اولموشدی پریشان
عارف دگولیدی اولا تا اهل اشاره
عزم اِییله دی یاتسون نگران حالدا دوباره
حکمیدی سحر مرد نصارا اولا آ گاه
گون چخدی غرض شرقیدن اولدی دهم ماه
دریا کیمی اَمواجه گلوب لشگر گمراه
لشگر دِئمَه انسان دئمه بیر گَلّهِ ی روباه
بیر عدّه بیابانی عرب کوفی و شامی
آماده اولوب یولدوره لر تشنه امامی
نصرانی بو غوغالره ایلوردی نظاره
گوردی نئجه پیکارین اودی چکدی شراره
گوردی نئجه دوشدی شهدا گوشه کناره
گوردی ئجه دگدی سود امر اصغره یاره
گوردی باباسی لای لای او مظلومه دِئیوردی
آتدوقجا قدم ساغ سولا لنگر ائلیوردی
ظهریدی هوا ایستی حسینین او زمانی
نه پیری قالوب عرصه ده نه تازه جوانی
آتدان یخلوب مقتله ی وخ تاب و توانی
اوچ پر اوخ آچوب سینه ی شاه شهدانی
اوچ گونّوک عطشدن ائله قلبی سخلوردی
یئرده سورونوردی دورا ... امّا یخلوردی
زهرانین عزیزی ائله دی یرده تقلاّ
ئوز امتی جان وئرمگینه ائِتدی تماشا
هم شمر مسلمانیدی هم لشگری امّا
باش کسمگه یولاّندی همان مرد نصارا
نصرانی غرض مقتل سلطانه یتیشدی
اِنجیلده کی حاشیه قرآنه یتیشدی
درک ائتدی گلورمقتله اصوات ملائِک
سلطانه قوروب تعزیه اَسماءُ و سمائِک
جانانینه دی جان سوزی حَلّت بِفَنائِک
یارب نه بلا اولسا رِضَم مَن بِقَضائِک
میداندا سنون قاندا سنون جاندا سنوندی
یارب آد حسینین کیدی پیماندا سنوندی
موضوع: احوالات تاسوعا و عاشورا ,
زبان شعر و شاعر: نوحه ترکی
----
احوالات عاشورا
یوم عاشورا دی یا روز قیامت دیر بوگون
یا قیامت عرصه‌سیندن بیر علامت دیر بوگون
عالـم باطنده ایمـدی کربلا قان آغلیور
خنجر قاتل باخیر مقتوله هر آن آغلیور
بیـر طرفـده لیلـی‌زار و پریشان آغلیور
بیر طرفده زینبه گویا قیامت دیر بوگون
گه گلـور تل اوسته اول نالان باشیندا اللری
گه ییغیرباش‌سیزلاری باشه تؤکور یاش گوزلری
گه گیدور گاهی دورار از بسکه تترر دیزلری
آخر اول بیچاره ده گور بیرنه حالتدور بوگون
هر طرفدن ایمدی دشمن‌لر آلوب دور و بری
قانـه غلطـان ایلیوبلـر شــاهزاده اکبـری
تیغ و خنجرله اولوبدور پاره‌پاره پیکـری
ام لیلی گور نئجه صاحب سعادت دور بوگون
ووردیلار از بس بوگون بیحد جراحت قاسمه
زخم خنجر حاصل ائتدی استراحت قاسمه
قوردی شـاه کربلا اسباب عشرت قاسمه
قان حنا یاخدی او عشرتدن اشارت دور بوگون
کربلا دشتی دولوب بوگون فغان و دادیله
دولدوروب صحرانی زینب ناله و فریادیله
سالدیـلار عبـاسی آتدان قامت شمشادیله
نه باشی سالم نه قوللاری سلامت دور بوگون
بیر طرفده شمر دورموش خنجر برانیله
بیر طرفـده سـرور دوران لب عطشانیله
نقد جان الده دوتوب سودا ائده جانانیله
چون گورردی یاخشی بازار تجارت دور بوگون
حرملـه بیـر یانـدا الـده نـاوک پیکان دوتوب
متصل قان قان دیور چون گوزلرینی قان دوتوب
اصغری ایلوب نشان اصغر الینده جان دوتوب
کربلاده گور بو ساعت بیر نه ساعت دور بوگون
نه شه لب تشنه‌دن قوم ستمگـر ال چکر
نه شـرار دل نـه اشگ دیـده تر ال چکر
نه قویور گئتسون او بی‌کسدن حرملر ال چکر
نه خیال یاردن بیر لحظه راحت دور بوگون
سالدیلار پیغمبر اوغلون ذوالجناح اوستن یئره
قاره یئللر اسـدی عالم دگدی یکسر بیربیره
قطب دین اطرافین آلدی قوم کین چون دایره
روزگار دون بو دوروندن خجالت دور بوگون
اولدوروب اول سروری طبل بشارت چالدیلار
حضـرت زهرانـون الـدن اختیـارون آلدیلار
قرخه دین عورت اوشاق السیز ایاق‌سیز قالدیلار
شاه دین قتله یئتوب روز شهادت دور بوگون
ظلم ایله اؤلدوردولر بوگون مدینه شاهنی
اهل‌بیتین سویدیلار یاندیردیلار خرگاهنی
باغلادیـلار ظلم الیله اول شهون درگاهنی
ووردیلار باشین جدایه قتل و غارت دور بوگون
(صافیم) قان آغلارام بو گونده آه و زاریله
انتقام آلام اورکدن دیده خونباریله
یاحسین ایسته منی اول قبره بو حضاریله
اورداکی زوار مشغول زیارتدور بو گون
مرحوم صافی تبریزی
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , صافی تبریزی
----
احوالات عاشورا
اهل کوفه قویدولار عنوانی عنوان اوستونه
کربلاده کسدیلر قربانی قربان اوستونه
بو گونون مثلینده بیرشمس هُدا ایتدی غروب
وا حسینیم وای سسی ارض و سمانی دولدوروب
جنّت الاعلاده زهرا حلقۀ ماتم قوروب
اشگ آلیندن توکرمرجانی مرجان اوستونه
سُفلی یان بیر مشعل تابانی خاموش ایتدیلر
علویان عرش خداوندی سیه پوش ایتدیلر
دینی قرآنی عدو یکسر فراموش ایتدیلر
ایتدیلر اوراق اودور قرآنی قرآن اوستونه
منجنیق غمده اولاد خلیلی سیخدیلار
بوحقیقتدور دئسم آئین ودیندن چیخدیلار
اتحاد ائیلوب نفاقه رکن دینی یخدیلار
ظلم دریاسی ائدوب طغیانی طغیان اوستونه
ظلمیله آرتوردولار دلده بتولون شورینی
تا گتورسونله اَلَه سفیانیان منظورینی
صَرصَر ظلمیله سُوندورسُونله الله نورینی
قوزادی دریای کین طوفانی طوفان اوستونه
وئردی بیر فتوا شُریح اول مُفتی اهل عراق
اختنامه باعث اولدی سالدی خلق ایچره نفاق
ایله سین قتل حسین بن علی ده اتّفاق
گوندروب چوخ نامسلمانی مسلمان اوستونه
اولمادی مظلوم امامین کیمسه یتسین دادینه
جهلیله اود ویرولار سلطان دین اکبادینه
کسدیلر آب فراتی فاطمه اولادینه
سالدیلار چوخ ظلمیله عطشانی عطشان اوستونه
بیر ایکی لشگردن اوج ائتدی سمایه قیل و قال
نوریله ظلمت آرا گرم اولدی میدان قتال
اولدولار مقتول حّر و عابس و ابن هلال
یخدیلار آزاده هر انسانی انسان اوستونه
اولدی عاشورا گونی اوخلار کمانوندان رها
سینه لرپیکانلاریله سربه سر اولدی یارا
سنگ باران تیر باران اولدی یتمیش بیرفدا
اشقیا یاغدیردیلار پیکانی پیکان اوستونه
بیرجوانی که نوری مرآتیدی پیغمبره
دوغرانوب قربان کیمی غم یتدی جدی حیدره
سالدیلار مجنون صفت لیلانی اعدا چوللره
دمبدم آرتردیلار افغانی افغان اوستونه
حضرت عباس او شیرکردگارین مظهرین
سیندروب شهباز مثلی سالدیلار بال و پرین
بیر سو مشکی اوسته قویدی تشنه سقا اللرین
باغلاموشدی چون ازل پیمانی پیمان اوستونه
بیله بولمه دینه یتمیش بیر فدا اولدوردولر
کشتی دین خدایه نا خدا اولدوردولر
تشنه یالقیز آیت لطف خدا اولدوردولر
پیکریندن توکدولر القانی القان اوستونه
بیرحسینی که اونا لایلای دئیردی جبرئیل
یخدیلارآتدان دوتوب دنیانی فریاد و عویل
ظهر عاشورائیدی سعد اوغلی اول شوم رذیل
صادر ائتدی بیله بیر فرمانی فرمان اوستونه
اُلدورون بو بی پناهی تاپسون امری خاتمه
باخمیون غم یوز وئرر جدّی رسول خاتمه
یا غمینده اگلشر زهرا آناسی ماتمه
دیده ابریندن توکر بارانی باران اوستونه
قتلگاه کربلاده شورش و غوغائیدی
صدرشاه عشقه چخموش شمر بی پروائیدی
ایلیین شه دن حمایت زینب کبرائیدی
منطقی رسوا ائدن عدوانی عدوان اوستونه
سسلنوردی اَل گوتور بو بیکس و بی یاریدن
شرم ایله زهرا آنامدان احمد مختاریدن
یاده سال بیردادگاه قادر و قهّاریدن
دشمنه گور نه دئیور برهانی برهان اوستونه
جاهلی بند و نصیحت جهلینه ائتدی جری
بیر جسارت ائیله دی تترتدی عرش داوری
قانیله رنگین اولوب زینب لباسی معجری
قهریله سالدی پریشانی پریشان اوستونه
قارداشی حالی گتوردی ذکر یارب یاربی
بولمورم نه حالیله احساس ائدوبدور مطلبی
آچدی قانلو گوزلرین گوردی پریشان زینبی
انکساریندن قویوب مژگانی مژگان اوستونه
ائتدی فرمایش باجی ای ماه چرخ عزّته
قوی منی بو حالیله گئت خیمه گاه عصمته
من شهید اولجاق آچار ال بو جماعت غارته
رحم سیز لشگر ائدر تالانی تالان اوستونه
آه اوساعتدن باجی گیتماقلیقا ائتدی قیام
شه شهادت جامی نوش ائتدی ایچیبدور قان حسام
وئردی فرمان شمر تا که باشلانوب نهب خیام
وردی دشمن آتش سوزانی سوزان اوستونه
خیمه لر یاندی تالاندی ظلمیله آل عبا
بیر عبا آل عباده قویمادی اها جفا
آت دوشونده سالدیلار غارتگران بی حیا
یخدی هر قمچی هراسانی هراسان اوستونه
دم وئروب روح القدوس اشعارون اولدی آبدار
رشتیه دوزدی دوزن مانند دُرّ شاهوار
ایسته هرنه ایسته سن لطف ایله سین پروردگار
صاحب احسان ائدر احسانی احسان اوستونه
حاج حسین حسنی افشرد تبریزی
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , حسنی افشرد , حسنی , حسین حسنی افشرد
----
احوالات شب عاشورا
بو گئجه بیعت پوزولدی آشنالر گئتدیلر
قویدولار پیغمبر اوغلون بی‌وفالر گئتدیلر
منبر اوستونده حسین بن علی صاحب وقار
شوریله منشور عاشورانی ائتدی آشکار
روشن اولدی صبح آچیلسا قتل وار کشتاروار
عشق دنیای فنایه مبتلالر گئتدیلر
شبپره مثلی تمتع گوردیلر ظلماتیدن
خیر محضی نفی ائدوب ال‌چکدیلر اثباتدن
کعبه آمالیده آیریلدیلار میقاتدن
گیمه‌میش احرامنی حاجی نمالر گئتدیلر
بولدیلر یوخدور حسینه یوم عاشورا ظفر
بوی مرگی درک ائدوب سسلندیلر این المفر
مین نفر حضاردن قالدی فقط یئتمیش نفر
قالب غیرتلری بی‌محتوالر گئتدیلر
نقل ائدور شخصاً سکینه شاه دینون دختری
قیلدی فرمایش بابام سوندوردیلر مشعل‌لری
آز زماندا خالی اولدی خیمه‌لر دور و بری
بش‌بش اون‌اون اهل تزویر و ریالر گئتدیلر
صبح آچیلدی الغرض وئردی قالانلار امتحان
کهنه عاشق‌لر تاپوبلار عشق حقدن تازه جان
لبلری گل مثلی خندان و ئوره‌کلر شادمان
کوی جانانه سلیم‌المدعالر گئتدیلر
نه مهاجردن قالوب بیر کیمسه نه انصاردن
بیربه‌بیر دلبرلر آیریلدی گوزه‌ل دلداردن
عشق و سرمستی گئچوب اندازه‌دن معیاردن
کیمیاگر قالدی حیران، کیمیالر گئتدیلر
آلدی رخصت ائتدی اکبر فی سبیل‌الله جهاد
یاره‌لندی زیندن دوشدی یئره اول پاکزاد
قرمزی ژاله ایله آغ‌گل ائتدی گویا اتحاد
حالدن یکسر مقیمان سمالر گئتدیلر
فی المثل خاک بلایه پاره‌لنمیش آی دوشوب
عالم غیب و شهوده قورخلی بیر های دوشوب
گوش جناته صدای ناله و ایوای دوشوب
بارگاه قدس اعلایه صدالر گئتدیلر
جان بلب مظلوم امامه ایلدی اکبر سلام
اوغلونون آلدی سلامین سسلنوب گلدیم بالام
خیمه‌دن چیخدی حسین ائتدی جوانلار ازدحام
قتلگاهه ساری اهل ابتلالر گئتدیلر
چاتدی میدانه حسین دیلده علی‌‌اکبر آدی
جان دئدی، اوغلوم سنی هانسی قلجدی دوغرادی
نوح تک عمر ایلسم اولمازمنه سن‌سیز دادی
گوزلریمده ییر وقتیمده ضیالر گئتدیلر
باشون اوسته یاوران طیب انفاسیم گلور
گوزلرینده گوزیاشی دیداره عباسیم گلور
یولداشون هم مسلکون هم صحبتون قاسم گلور
گل دیله یارا و طاقتدن فتالر گئتدیلر
چوخدی سوز کئچدوم مفصل‌دن بو یئرده مجمله
اوغلونون اعضاسینی گوردی حسین گلمز اله
حملینی مشکل بولوب سالدی عباسین مقتله
وئردی بیر فرمان گویه یئردن نوالر گئتدیلر
ای جوانلار حمل ائدون قارداشوزی میدانیدن
دردمندم چاره‌سیز ال اوزموشم درمانیدن
گوز تیکن چوخدور یولا نسواندن طفلانیدن
خیمه‌لرده اوزلریندن بی‌نوالر گئتدیلر
حامل اولدی آل هاشم پرپر اولموش لالیه
باغبانون اشکی گل هجرینده دوندی ژالیه
تلدن اندیردیلر گلدی حرملر نالیه
قاره باشدا یاسینه بختی قرالر گئتدیلر
آچدیلار قانلی عبانی سس دوشوب داغداشلارا
باخدیلا الوان اولان مژگانلارا گوز قاشلارا
گوردیلر باشدا یاراسین گئتدی اللر باشلارا
تاب و طاقتدن بالالار هم آنالار گئتدیلر
شاعر : مرحوم انور
موضوع: احوالات تاسوعا و عاشورا ,
زبان شعر و شاعر: نوحه ترکی , انور اردبیلی
----
اشاره به شب عاشورا
و شهادت حضرت علی اصغر (علیه السلام)
خواهم ای یاران کنم چون نی، نوا
تا زدل گویم حدیث نینوا
ای خدا دستی زپا افتاده را
تا بگویم ماجرای کربلا
روز عاشوراست و روز عشق و خون
روز جانبازیّ مردان خدا
نغمة تسبیح ذرّات جهان
کرده پُر، گوش سمک را تا سما
ذکر یا قدّوس از لاهوتیان
می‌نوازد گوش هر درد آشنا
علّت ایجاد عالم در میان
همچو قطبی، بین اخوان صفا
سالکان از جذبة ارشاد شاه
مست استغنای حیّ کبریا
جملة اصحاب عرفان محو حال
غرق حیرت در رخ شاه ولا
طی نمودند از طلب، شوریدگان
هفت شهر عشق تا کوی فنا
گوش جان‌ها پر زبانگ «ارجعی»
محو و مات حق، برون از ماسوا
بس که درد و رنج هجران دیده‌اند
منتظر بر وصل یارند و لقا
عقل را گفتم که بس کن ماجرا
عشق گفتا: رو به آغوش بلا
رفتم از نزدیک بینم شور عشق
شور جانبازان دشت کربلا
خیمه گاهی دیدم آنگه رشک طور
رشک خلد و غبطة حور و قصور
خیمه‌گاهی در صفا بیت‌الحرام
محرمانش آفرینش را قوام
خیمه‌گاهی پر زغیرت، پر زشور
دارد از آزادگی‌ها صد پیام
نور یزدان جلوه‌گر از قبّه‌اش
روشن از انوار حیّ لاینام
شه در او چون مه، میان اختران
اختران، چون هاله دور آن همام
صد جهان ذوق و صفا و عشق و شور
خفته اندر قلب هر یک بی‌کلام
در زمین از زمرة افلاکیان
عاشقانی زنده دل بی‌ننگ و نام
عارفانی بینم از دلدادگی
چهرشان از آتش دل، سرخ فام
زاهدانی بینم اندر کوی عشق
در عبادت بی رکوع و بی‌قیام
مست عرفان هر یک اندر گوشه‌ای
بی می و میخانه و ساقیّ و جام
شکر حق، کز لطف ذات ذوالجلال
پیش هم جمعند مردان کرام
در خیال آمد دُر ناسفته‌ای
چون گل نشکفته در آغوش مام
عشق را گفتم که هان! اصغر کجاست؟
آن که او را صد درود و صد سلام
رهنما شد عشق، دیدم گوهری
خفته در گهواره گویا اختری
اختری در برج ایوان شرف
راز «کنت کنز» حق را متّصف
آن دُر دریای عشق و معرفت
بود اندر دُرج لاهوتی صدف
نور یزدان موج میزد در رخش
و آن رخ از الطاف حقّ اندر شعف
خاصّه بر دور خیام آن گهر
انبیا اندر طواف از هر طرف
بهر تشریفش به فردوس برین
منتظر حوران جنّت صف به صف
کوثر و تسنیم و زمزم، سلسبیل
هر یک اندر گوشه‌ای جامی بکف
در مقام و رتبه و اصل و نسب
متّصف بودی به سلطان نجف
بی‌سخن اما لب خاموش او
صد سخن دارد به ارباب شرف
نام او اصغر، ولی در کوی عشق
اکبری بودی ز اولاد خلف
طفل بود اما دلیل راه عشق
آخرین قربان قربانگاه عشق
تا شنید از گوش جان آوای عشق
آن ندای پیر استغنای عشق
گفت: لبیک ای پدر، جانم فدات
می‌خرم با نقد جان کالای عشق
نغمة «هل من مُعینت» را به جان
من خریدارم در این سودای عشق
تا کنم جان را فدا در کوی عشق
عاشقم من عاشق شیدای عشق
در سرم شوق لقای کبریاست
خود تو گویی چون کنم افشای عشق؟
تشنة آب بقایم ای پدر
سرخوشم کن از می مینای عشق
لطفی ای دریای شور و اشتیاق
تا رسانی قطره بر، دریای عشق
ساقیا جامی دگر با دست خویش
پرکن از میخانة والای عشق
تا در این وادی پررنج و بلا
سرنبازم خود، مگر در پای عشق
ساقی لب تشنه آمد سوی مام
خواند اصغر را، برون شد از خیام
می درخشد همچو دُر در دست باب
بی‌تو ای گوهر شود عالم خراب
اختری روشنگر ارض و سما
در کف خورشید گویا ماهتاب
جملة ذرّات هستی در خروش
از نگاه ماهتاب و آفتاب
می‌سرودی لعل شورانگیز او
با زبان بی‌زبانی آب، آب
تشنه بود، اما لب نوشین او
صد حکایت می‌نمودی از شراب
تشنه بود، اما زشکرّ خنده‌اش
ماسوا سیراب بودی بی‌حساب
ماه رویش می‌درخشید از ضیاء
روشن از انوار رویش نُه قباب
خفته گویا در ید بیضای شاه
«سه ولد با چار مام و هفت باب»
دید با چشم الهی چشم شاه
در همه افلاک و انجم انقلاب
شد به سوی رزمگه با صد شتاب
تا دعای او نماید مستجاب
گفتم ای دل، مام عصمت در کجاست؟
آن که دل باشد به حال وی کباب
آنکه اصغر بود او را جان جان
نام وی در بین نسوان بُد رباب
دل بگفت: ای جان، چه گویم از رباب
داده صد جان از فراق آفتاب
در قمار عشق و در دلدادگی
هر چه بودش باخته، الاّ حجاب
طفل اندر دست آن آب حیات
جملة افلاک و انجم، محو و مات
شه زبان بگشود با صد درد و آه
تا مگر سیراب گردد قرص ماه
گفت: هان! ای کوفیان، که برده‌اید
از در حق، بر در شیطان پناه
در کدامین کیش و مذهب، منع شد
قطره آبی بر رضیع بی‌گناه
خاصّه آن باشد ز اولاد علی(ع)
میوة قلب نبی(ص) نور الاه
خواهش آب از سپاه پست و دون؟!
شهریار دین ز قومی دین تباه؟!
ای عجب! از گردش دور زمان
آه از این درد و مصیبت آه آه
داد از آن ظلم و جفا، آن مکر و کین
داد از آن، بیداد قومی روسیاه
واژگون گردد الهی آسمان
تا نبیند چشم گردون این گناه
از کمان کینه، ناگه حرمله
زه کشید و کرد عالم را تباه
بس کن ای فانی دگر این ناله را
جان عالم سوختی زین نی، نوا
استاد فانی تبریزی
منبع کانال اشعار فانی تبریزی
موضوع: احوالات تاسوعا و عاشورا ,
زبان شعر و شاعر: نوحه فارسی , فانی تبریزی
----
احوالات شب عاشورا
سپاه کینه سو بسو چه کوفیان چه شامیان
دوروب نظرده روبرو نظام و دسته یان به یان
بیری بیرینه گفتگو الور ویرور نهان بیان
نها ندی لیک ایلرم بو سری آشکار من
بیری دیور جوانینی بو دشتیده شهید ایدین
بیری دیور که یوسفین بو چولده ناپدید ایدین
بیری دیور حرملرین مصیبتین جدید ایدین
بیری دیور که زینبین چکیم دمشقه خوار من
بویوردی من بوجمعدن گوتوردوم ا یمدی بیعتی
بو موج خیز قلزمین بلاسی چوخ وار آفتی
جا نین سوین کنار اولار دوتار ره سلامتی
سالار بو بحره لنگرین نهنگ نامدار من
کمال عشقیله قالار یانیمدا عون و جعفریم
ویرر هر ایکی اللرین بو شیردل برادریم
کمان آچاندا حرمله گوستری حلقین اصغریم
و یرر نشان خدنگه چون بو طفل شیرخوار من
بو قدر اشقیا گلوب منیله چو نکه کاری وار
بو تیره شبده هر گیدن گیدرسه اختیا ری وار
قا لار منیله هر کیمین ازل گو نی قراری وار
مفو ض ایلرم سیزه زمام اختیا ری من
بو بزم عا شقانه دور که مجلس نیازدور
بساط قرب وصلیده مقام اهل رازدور
بو بزمه طالب اولمویان حقیقتی مجازدور
ازل گونومدن طالبم لقای وصل یاری من
بو کر بلا دیارینین مصیبت و ملا لی وار
نه اینکه زیب و زینت و جلالی ملک و مالی وار
گیدر کناره هر کیمین که سیم و زر خیالی وار
قالار یا نیمدا مسلم و حبیب جان نثار من
خلیل سان گتورموشم نچه جوان ما ه رو
هزار شور و شوقیله منا یه جمله مشکبو
تمام سرو قامت و عقیق لب بنفشه مو
بو مه لقا جوانلاری فدای راه یار من
چو مطلب اولدی آشکار او بیوفا جماعته
صراط مستقیمدن دو شو بدولر ضلالته
او لوبلا بیو فا هامی او سالک رسالته
آلوب بو نکته صبریمی گیدوب داخی قرار من
او بد نهاد طا یفه نه شرم ایدوب نه بیر حیا
او چو لده خیمه سین یخان دو شردی بیر به بیر یولا
گو روردی زینب حزین کوچو ر سپاه بیوفا
دیوب یتو شدی موسم فغا ن و زار من
قو یار داخی تمام اولا بو ماجرای غم فزا
صحیفه ملالده حکایت غم و عزا
گو تورمه دامنیندن ال (حقیر) تا دم جزا
که بزم حشریده او دور محل اعتبار من
مرحوم حقیر خویی
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , حقیر خویی
----
احوالات روز عاشورا
بوگونده انس و جان آغلارحسینه
بو گونده خلق قان آغلار حسینه
عزا خانه ایدوب عرش برینی
خدا- کون ومکان آغلار حسینه
قدیم و حادث و ایام و سرمد
جهان و دهر و آن آغلار حسینه
جمادات و نباتات اوزدلینجه
اولوب نوحه کنان آغلار حسینه
گیومدی خلق نیلی رنگ جامه
اولوب قدی کمان آغلار حسینه
پیمبرلر ملکلربیربیرینه
اولوبدورروضه خوان آغلار حسینه
گلوب افغانه اون سکزمین عالم
زمان آغلار مکان آغلار حسینه
دینده جبرئیل ایوای آقام وای
هامی لاهوتیان آغلارحسینه
شریعت سسلنور وای صاحبیم وای
چکر اسلام امان آغلار حسینه
دیر ایوای حسینیم وای اوغول وای
پیمبر هرزمان آغلار حسینه
آچوب ضربتلنن باشین نجفده
امیرالمومنان آغلار حسینه
قاپوسی باغلانان خاتون محشر
ایدوب اشکین روان آغلارحسینه
تجلی ایلین او-محو اولان بو
ویرنده امتحان آغلارحسینه
یخاندا ذوالجناح استن یراسته
اوزی آتدان یخان آغلار حسینه
علی اصغربوغازی اوخلاناندا
آتان تیری کمان آغلار حسینه
ووراندا ظلمیله اود خیمگاهه
او بی دین کوفیان آغلارحسینه
دیر(طوری) گیجه گوندوز حسین وای
نهان آغلار عیان آغلار حسینه
مرحوم طوری تبریزی
منبع کانال گنجینه گذشتگان
موضوع: احوالات تاسوعا و عاشورا ,
زبان شعر و شاعر: نوحه ترکی , طوری تبریزی , طوری
----
زبانحال حضرت امام حسین (ع) به خواهرشان در صبح روز عاشورا
ایله من مشتاق وصلم بلمورم صهبا ندور
غم ندور محنت ندورباشیمدا بو غوغا ندور
عالم تجریدیده صهبای غم نوش ایتموشم
بو علایقدن اوزوم بالمره مدهوش ایتموشم
ملک و مال و خانمانی هم فراموش ایتموشم
بلمورم بو نشئه ده دنیا و مافیها ندور
گرچه خلقه علت غایی وجودیمدور منیم
ترک قیلماق بو وجودی اصل جودیمدور منیم
عین طاعت قبله عشقه سجودیمدورمنیم
مسجد و محراب و منبر گوشه صحرا ندور
ماسوالله شوقینی قلبیمدن اخراج ایلرم
عالم ناسوتیدن لاهوته معراج ایلرم
دین یولوندا ملک جسم و جانی تاراج ایلرم
عاشق و معشوق بلمزسرندور سودا دور
کربلا طورینده من ادراک انوارایسترم
لمعه نورتجلای رخ یار ایسترم
لن ترانی عالمینده وصل دیدارایسترم
مخفی عشق اولماز محبت لن ندور لما ندور
درک انوار ایچره مدهوش اولمارام موسی کیمی
ظلم الیندن آسمانه چیخمارام عیسی کیمی
ترک قیلام جسم و جانی حضرت یخیی کیمی
قاب قوسین عالمی عیسی ندور موسا ندور
طور سینا ی شهادت کربلا دشتینده دور
بو شهادتده سعادت کربلا دشتینده دور
عهد و میثاق و امانت کربلا دشتینده دور
عالم انواردور موسی ید بیضا ندور
بو جفالردن یتوشمز قلبیمه گرد ملال
صبح عاشورادی ایمدی اولمیوب وقت زوال
اول سببدن انتظارم گوزلورم بزم وصال
بلمورم حنجرندورخنجر ندور اعدا ندور
گرچکم یوزمحنت و غم عین راحتدور منه
کربلا درد و ملالی عیش و عشرتدور منه
چکدیقیم دردو مصیبت شورو لذتدورمنه
لذت جاوید خوشدور لذت بیجا ندور
حالت کرببلا غوغاسی شورانگیزیدور
قصه ی پرغصه احوال ملال انگیزیدور
مختصر فیل(شاکیا)طوفان محشر خیزیدور
کیم گوره بو حشری بلمز محشر کبرا ندور
جواب
ای حسینیم سویله سن بو شورش و غوغا ندور
دمبدم بو آه و بو فریاد و اویلا ندور
بو کلام غمفزا هردم که ایلرسن بیان
آرتورور غم غصه می ایلورمنی چوخ ناتوان
چون بیله معلوم اولوریوخدورحیاتینان گمان
زینبه سندنصورا دنیا و مافیها ندور
گرچهزینب دورآدیم دخت بتول اطهرم
خواهرغمدیده وم زهرا آناما مظهرم
منده قارداش سن کیمی مطیع حی داورم
جلوه گاه عشقیده اعلا ندور ادنا ندور
فرقه اشراریده یوخ اعتبارو اعتقاد
گوز تیکوبدورقتلیوه ظلمیله بو قوم عناد
بیله ظلم اولماز بو اهل کوفه دن فریاد و داد
من اولوم قربان سنه هردم بو استغنا ندور
چون مقدردورگرک چکسون جفا آل رسول
اولمارام هرگزجفای اشقیادن دل ملول
گرچه چوخ مشکلدی هجرانین ولی قیلام قبول
عاشق دلدادیه راحت ندور ایذا ندور
ناره وورماقدان اوزون اولماز حذر پروانه ده
قولاری باغلی دولانام مجلس بیگانه ده
نچه گون قالام یولوندا گوشه ویرانه ده
بلمرم مسکن ندور منزل ندور ماوا ندور
چون بو صحراده یتوبدور قتلیوه فرمان سنه
حیف که مشکل دگل جانی ایدم قربان سنه
منده ویرم بو ایکی طفلی بو گون قربان سنه
حقه قربان اولماقا صغرا ندور کبرا ندور
گر چکم بو دشتیده یوزمین غم و درد و بلا
بی محابا صبر قیلام تا دم روزجزا
قانلی عمامه ن الیمده حشره گلم یا اخا
بلمرم محشر ندور کوثر ندور طوبا ندور
عرض قیلام باراللها کو حسین کو کربلا؟
کو یزید بیحیا کو خولی و شمردغا؟
محشره بیرشورسالام تترسین عرش خدا
بلمسونله شیعه حول محشر کبرا ندور
چون اولوب بو ماتمه ذرات عالم دل حزین
(شاکی) دلخسته ام اولام عزادار و غمین
ایله دوشموش باشیما شوقیله چون شوق حسین
بلمرم طبعیمده بو املاء ندور انشاء ندور
ملا خلیل شاکی ابدالی متخلص به (شاکی)
در از قریه ابدال منطقه قره باغ
منبع کانال گنجینه گذشتگان
موضوع: احوالات تاسوعا و عاشورا ,
زبان شعر و شاعر: نوحه ترکی , ملا خلیل شاکی ابدالی , شاکی
----
احوالات شب عاشورا
از جفای مردم دنیا پرست
قلب زینب چون دل لیلاشکست
برد آنگه برخدای خود پناه
که ای خدای نور ونار ومهروماه
اندر این صحرا حسینم بیکس است
گرچه او را یک اباالفضلش بس است
ای پناه بیکسان رب جلیل
ترسم این عده معدود وقلیل
نبود اندر یاریش ثابت قدم
یک یک اینها هم رودتاصبحدم
این خبررا قاصد باد صبا
بردبرگوش حبیب باوفا
جمع کرد آن باوفا اصحاب را
تا کند آگه حبیب احباب را
گفت زینب درحرم ناراحت است
قلب اطفال حسین در وحشت است
تیغ بران برکشیدند ازنیام
آمدندآن جمع برجنب خیام
هلهله می کرد بر دور حرم
تاشود راحت بنات محترم
مست جام عشق آن دیوانه ها
دور می گردید چون پروانه ها
جانثاران حسین یاران دین
با زبانحال می گفت اینچنین
برنمی داریم دست از شاه دین
تاشویم آغشته خون در راه دین
مرحوم شانی
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه فارسی , شانی
----
مفقود شدن دو طفل
چون امرِ حتم ختمه یتوب ئولدی پادشاه
گون قاره پرده سالدی یوزه ، یاندی بارگاه
قان ایچره آفتابِ امامت ایدوب غروب
برجِ حیا نجومی بساطِ عزا قوروب
گون باتدی آی دوتولدی چخوب پرده دن نجوم
یاندوردی هاشمیّه لری شعلهء رُجوم
یاندی یانان ، قالانلار اسیر اولدی دشمنه
گلدی مخدّراتِ حرم داد و شیونه
سجّاد عمامه الده دیوب وامصیبتا
زینب الینده زلفی دئدی وافضیحتا
یاندی خیَم سویولدی حرم گیتدی عزّ و جاه
بیر کیمسه فاطمیّه لره اولمادی پناه
آلِ عبا قالوب نه گونه وا محمّدا
باشه سالوبلا هر بیری بیر مندرس عبا
فکر ایتمیَن او حالی محال امردور بوله
بیر بیر چادردان عورت اوشاخ یوز قویوب چوله
باشدا عبا قاچاندا چوله بانوانِ دین
آت سالدیلار خانملارین آردینجا اهلِ کین
خوردا اوشاخ گورنده آتلی گلور بیدرنگ
خوفه دوشوب قاچاردی ووراردی عبایه چنگ
اهلِ حرم داغلدیلا صحرایه با فغان
پنهان اولوبلار هر بیری بیر یاندا قورخودان
هریاندا گوردی خارِ مغیلان مخدّرات
گزلندی سایه سینده مبادا گوره عِدات
سعد اوغلی باخدی گوردی داغیلدی چوله حرم
یوز دوتدی شمره سویلدی اولشوم بدشیَم
چاره ندور داغیلدی چوله آل ِبوتراب
هاردان تاپوب یغاق ایلیاخ بستهء طناب؟
فرمان یازوب منه بلوسن کوفه دن امیر
ئولسه حسین ، اهل و عیالین ایدم اسیر
ویردی جواب شمرِ ستمگر او کافره
ایمدی قاچانلاری یغارام جمله بیر یره
سلطاِن دین باشین گتوروب وردی نیزیه
گَتدی تمام انفس و آفاقی لرزیه
گچدی جدایه سِرّ حقّین رأسِ انوری
اوج ایتدی عرشه نالهء الله اکبری
آندوردی اهل بیتینه ایمائیله سوزین
آچدی جدا باشندا ایکی قان دولان گوزین
باخدی صاقا صولا بوئیدی عین ِمطلبی
گورسون بتوله نایبه مظلومه زینبی
یعنی آنام باجی باشوا یغ حرملری
چوللرده قویما قالسون عیالِ پیمبری
شامه کیمی حرملریمون ترکین ایتمرم
سیز گلمه سوز دالمیجا باجی شامه گیتمرم
حیران باخاردی هر طرفه قانلی گوزلری
تکبیر صوتی یغدی بنات ِپیمبری
شرق ِجدادن ایتدی طلوع آفتابِ دین
یوز قویدی نیزیه طرف اطفالِ مه جبین
بدرِ تمام تک باشی تا اولدی جلوه گر
آی دوره سینده هاله وروبلار ستاره لر
بی امن لر امان آپاروبلار امان یره
بیربیر قاچان قایتدی یغشدی همان یره
آلعلی فغانی سماواتی داغلادی
هر کیم گلوب یخلدی جدانی قوجاقلادی
یردن اوجالدی ناله سسی عرش طاقینه
اهلحرم دوشندیله نیزه ایاقینه
توکدی خانملار عارضه گوزیاشی آغلادی
یرده حرم ، جداده حسین باشی آغلادی
اوج ایتدی آل ِحیدرین افلاکه شیونی
زینب خصوصاً آغلادی آغلاتدی دشمنی
عرض ایلدی حسین سنه بو زینبون فدا
قویمولّا بیر دویونجا ایدم ناله و نوا
هر قدر انجیده وورا بو لشگرِ لئام
هیهات من ئولونجه حسین سندن آیریلام
چولدن یغوب بالالاروی بیر بیر آغلارام
گلّم دالونجا شامه کیمی سینه داغلارام
اوز قولینه بو حالده بیر امتحان ویروب
مدّ نظرده بیر به بیر اطفاله سان ویروب
اوّل حرملری ایلیوب بیر به بیر ندا
دوتقون سسیله هر بیری تک تک ویروب صدا
اوندان اوشاقلاری چاقوروب ویردیلر جواب
سس گلمدی ایکی بالادان اولدی دلکباب
فرمایش ایتدی غیظیله بیرحم دشمنه
بو قانلی باش بالالارینی تاپشوروب منه
دیّار قویمارام بو بیاباندا من قالا
بو دشتیده تاپولماسا گر بو ایکی بالا
سعد اوغلی گوردی زینبِ کبرانی خشمناک
بُلدی باش آچسا لشکر شامی ایدر هلاک
ایتدی خطاب لشگره اول شومِ زشت خو
فوراً گیدون ایدون او ایکی طفلی جستجو
وقّاص زاده لشگره تا ایلدی خطاب
تاپماقلیقا ایکی نفر آتلی ایدوب شتاب
آت سالدیلار صاقا صولا چوخ اضطرابیله
آختاردیلار او دشتِ بلانی شتابیله
حیران گزوبله هر طرفه ایتدیلر گذر
اصلا گورونمدی او ایکی طفلدن اثر
بر تلّین اوستنه یتشوبلر همان زمان
مفقود لردن اولدی نمایان او دم نشان
ایلر او حال صخرهء صمّا اولا اثر
گوردی سواره لر ایلین وقتده نظر
گوزدن همان ایکی بالا عالملری آتوب
توپراقلار اوسته هر ایکیسی قول بویون یاتوب
یورقون دوشوب یاتوب او ایکی طفلِ گلعذار
افسرده گل کیمی بوریوب یوزلرین غبار
آتلار دوشونده چوخ یورولوب خسته دل یاتوب
سنبلدی ساچلاری دیه سن توپراقا باتوب
قلب اودلانوب شرارِ عطشدن ز بس یانوب
گوز یاشلاری آخوب سو کیمی توپراق ایسلانوب
نمِ تربتیله سوزِ عطش بلکه اسگیله
مکبوبتاً یاتوبلا اورک چسپ اولوب گله
تا آتلولار اوزاقدان او حاله ایدوب نظار
بو ما وَقَع اولاردان ایدوب سلِب اختیار
دشمن یانوب او حاله ، نجه شیعه یانماسون
آتدان انوبله تا یاتان اطفال اویانماسون
سویلوبله بیربیرینه یاتوبلار اویاتمیاخ
آهسته پاپیاده گیداخ سس اوجاتمیاخ
آت شیهه سی ایشتسه اویانسا بو ایکی زار
قورخالا آتلی گورسَله ایلّله آه و زار
آهسته گلدی اول ایکی آتلی همان یره
شرح ایلرم اگر منه اشگیم امان ویره
دلدن اورک گوزی اولارین حالینه باخور
احوالیمی پوزور یوزیمه گوزیاشیم آخور
گوردی او آتلولار دله یوز ویردی اوزگه سوز
توپراقلار اوسته هر ایکیسی جان ویروب سوسوز
هر آتلی گوتدی سالدی آت اوسته بیرین او دم
فی الفور گتدیلر اولاری تا گوره حرم
بنیان ِصبرِ زینبی غم وردی بیربیره
نیزه یانندا گتدیله تا قویدولار یره
اهلحرم گوروبله ئولوب بو ایکی بالا
باشه وروبلا باشلادیلار تازدن نوا
من بولمورم نحاله قالوبلار خدا بولر
بو ذلّتیله هانسی یتیمه بالا ئولر
زلفین یولوب او حاله باخوب عترتِ امام
اولغملی حاله دشمن و دوست آغلادی تمام
بو محنتی زبانِ قلم ایلمور ادا
دوندر (حسینی) مطلبی باز اوزگه ماجرا.
مرحوم حسینی سعدی زمان
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , حسینی سعدی زمان
----
احوالات شب عاشورا
دئیوم احکام قرانی
قالان قالسین گئدن گئتسین
بیلون اوضاع فردانی،
قالان قالسین گئدن گئتسین
دوتوب تصمیم سعد اوغلی سحر بو چولده جنگ ائتسون
چکیب شمشیرینی چوخلار، مقام و منصبه یئتسون
گوتوردوم بیعتی منده آچیقدیر یول گیدن گئتسون
تانیتدیم کفر و ایمانی قالان قالسین گئدن گئتسین
بو چٶل ده بلا ایچره، جدال حق و باطل دور
ایده دینه حمایت کیم، رضای حقه شامل دور
بو آز جمعییته اما، نچه مینگلر مقابل دور
قالا هر کیم اخار قانی، قالان قالسین گئدن گئتسین
منه آیدین دی بو لشگرده قورتارماز عداوت وار،
سحر بو چولده قان دریاسی اوضاع قیامت وار،
شه شعبه اوخ قلنج عطشان دوداقیله شهادت وار،
بویاللار قانه مهمانی، قالان قالسین گئدن گئتسین
اولون اگه سحر رحم، ایلمز بو قوم بد طینت
جفاده نقص قویمازلار، جهانی دولدورار وحشت
باتار قانه مجاهدلر یانار، خیمه اولار غارت
سویالار صوا طفلانی، قالان قالسین گئدن گئتسین
امیر دین اولان هرکیم، جسارتله فساد ائتمز
عمل احکام قرانه، یزید بد نهاد ائتمز
تقیه آدینه ایمدی، او کسلر کی جهاد ائتمز
ائده ر مظلوم قرآنی، قالان قالسین گئدن گئتسین
ایده لر حقی ناحق قویمارام، تا کی شهادت وار
اگم باش ذلته حاشا، علیدن بیزده غیروار
بو قانلی خطین اوستونده، ایکی عالمده عزت وار
گرگ بذل ایلیم جانی، قالان قالسین گئدن گئتسین
حقیقت عرصه گاهینده، قوی بیر لشگریم واردیر
شبیه حضرت طاها، علی اکبریم واردیر
بیان حق ائده دیلسیز، علی اضغریم واردیر
گوزتلیر قانلی پیکانی، قالان قالسین گئدن گئتسین
حریفیم چوخ قوی پنجه، گلیب بیرحم و ناکسدی
گیدن اولسا بئله فیکر، ایتمسون بو شاه بیکسدی
منیله صبحه جک قالسا، علی اصغریم بسدی
قورودار اشکی دریانی، قالان قالسین گئدن گئتسین
منیله قالسا هر کیمسه گرگ، عشقه سفیر اولسون
تانیسون باطل و حقی، اموراته بصیر اولسون
اوزی اوز اختیارینده شهید، اولسون اسیر اولسون
گرگ آتسین بو دونیانی، قالان قالسین گئدن گئتسین
اله جان رشته سین عشاق آلیب عالی مرام اوسته
حساب اوسته کتاب اوسته حلال اوسته حرام اوسته
گلر بیر گون قیام ایلر بالام مهدی قیام اوسته
قصاص ایلر بو دونانی قالان قالسین گئدن گئتسین
منه خاطیر گلیبدی کوفه و شاماتیدن لشگر
سیزیله ایشلری یوخدور گیدون بو دشتیدن یکسر
بوراجان راضییم سیزدن رضا سیزدن اولا داور
سوزومون اولدی پایانی قالان قالسین گئدن گئتسین
عیار عشقیدن کامل چیخیب مردان آزاده
خلوصیله هامی بزم وصاله اولدی اماده
اورکلر دولدی عشقیله گلوب عشق اهلی فریاده
قبول ایتدوق بو پیمانی قالان قالسین گئدن گئتسین
موضوع: احوالات تاسوعا و عاشورا ,
زبان شعر و شاعر: نوحه ترکی
نظرات (۰)