متن نوحه ای عمه سینون زینت آغوشی رقیه

متن کامل نوحه ای عمه سینون زینت آغوشی رقیه

ای عمه سینون زینت آغوشی رقیه 

پوزقون چمنون بلبل خاموشی رقیه

 

یانام غموه چوخ ایلدون بیر گجه شیون 

 علت خبر آلدیم نیه چوخ ناله ایدورسن 

آهسته قولاقیمه دیدون عمه آجام من 

پوزدی منی اول کلمه سرگوشی رقیه

 بو شامده حشره کیمی پاینده دی قبرون 

آفاقه اولا قبله برازنده دی قبرون 

من فتح ایلدیم شامی نماینده دی قبرون 

 لایقدور اولا باش توکی روپوشی رقیه

 

ای بلبل خوش نغمه گلزار حسینی 

 وی مدفنی آئینه انوار حسینی 

 دور قویما نواسیز گیده زوار حسینی 

 سنسن بو یولون نغمه لی چاووشی رقیه

 

گل یاپراقی تک شمری گورن وقته اسردون 

 ناچار قالوب رشته گفتاری کسردون 

اکبر یاننا گیتمگه سن چوخ تلسردون 

دور عهد و وفایه ایله همدوشی رقیه

 

اولدی ایاقون آبله بو شامه گلنده 

 آخر سنی صیاد اجل سالدی کمنده 

 تای توشلارون ایندی سنی گوزلولله وطنده

قویما گوزی یولدا قالا تای توشی رقیه

 

قبرون ویرر آفاقه سنون درس حقیقت 

مظلومیتون منزویه گوسترور عبرت 

آخر ایشیدور وعظ حقی اهل شقاوت 

 گر اولسا حقیقت شنوا گوشی  رقیه