متن نوحه منیم ای تشنه قربانیم بالام لای لای گولوم لای لای
متن کامل نوحه منیم ای تشنه قربانیم بالام لای لای گولوم لای لای
منیم ای تشنه قربانیم بالام لای لای گولوم لای لای
باشیم تاجی آدیم سانیم بالام لای لای گولوم لای لای
سودا چیخسا قیزیل ماهی گورن حالین چکر آهی
چالیخلار گه دوشر گاهی سویو بلکه تاپار ماهی
آچار آغزین یومار تز تز هرایه سسلر اللهی
دیر قویما چیخا جانیم بالام لای لای گلوم لای لای
بالخلار شاهی صید اولسا قویاللار آغزینا سکّه
سنی صید ایتدیلر آغزون قیزیل قان اولدی بیرتکّه
دوشوب آغ دوشلو گون اوسته بو قدری قرمزی لکّه
آچوب سولموش گلستانیم بالام لای لای گولوم لای لای
اورک ایستر باخا اوغلوم بالخلار جان ویرن وقته
ولی صیاد جلادون اورگی داشدی یا تخته
نیجه رحم ایلمور بیلمم ایله بیرحالت سخته
دیمور ناظردی سبحانیم بالام لای لای گولوم لای لای
ویرر جان تپراق اوستونده نیجه سمبل کبوتر لر
قنادی اولماسا باغلی چیخاندا جان ویرر شهپر
سنون قول باغلی اولماقون منی چوخ شرمسار ایلر
یانور قلب پریشانیم بالام لای لای گولوم لای لای
بیرآهو برّه صید اولسا آناسی هی ملر دالدان
الینده اولماز علاجی باخار اشکین الر دالدان
گوتورمز گوز بالاسیندان هارا گیتسه گلر دالدان
منیم یوخ الده امکانیم بالام لای لای گولوم لای لای
او کهنه اوچیلار اوغلوم بولر بو رسمی دنیاده
یالار ئوز قانینی آهو ایدر نفرینی صیاده
یالیدون قانیوی سنده گلیدی دستحق داده
چاتیدی درده درمانیم بالام لای لای گلوم لای لای
دیدیم لیلایه صبر ایله بو نیسگل قلبیمی داغلار
طوی ایتسون سن بو گونلرده بالام گهواره ده آغلار
ولی اصغر ایاق دوتسا عروسینده بلین باغلار
قاچار پیشوازه جانانیم بالام لای لای گلوم لای لای
نظرات (۰)