متن نوحه ترکی حضرت ابوالفضل
متن نوحه ترکی برای حضرت ابوالفضل العباس علیه السلام
زبانحال حضرت امام حسین (ع) به حضرت ابوالفضل (ع)
ای قاندا غرق اولان دل خونباره بنزیسن
چوخ سولموسان خزان زده گولزاره بنزیسن
ای جان نثار عشق اولان ، کربلاده سن
سنگ تمام قؤیموسان الحق ، وفاده سن
سالدین ٱحد گونونده کی ایثاری یاده سن
ای حیدر اوغلی ، حیدر کراره بنزیسن
سن جام عشقی آلماقا،دنیانی آتمیسان
هرساغلیقی سلامتی عشقه ساتمیسان
هر آل وئریوی ایلیییب آخرده یاتمیسان
محتاج استراحت سرشاره بنزیسن
کامل بوگوزلرین،یومولانمیرباخیریارا
من بویاریمچیلیق یومولان گؤزلره فدا
هر قدر ایستیسن،منه باخ،ای بوتون وفا
باشدان ایاقه،تشنه ی دیداره بنزیسن
قارداشه چوخ مددوئرن اولموش،بونوع یوخ
بوقارداشیلن آیریسینین فرقی، چوخدی، چوخ
قوی بنزدیم سنی اوزووه، ای باشاباش، اوخ
عباس نامدا ر و ، وفاداره بنزیسن
اوخلارسالیب حصاره بوهیبتلی قامتی
لمس ایلمک ،چتیندی ، یل پرجراحتی
قارداش بواوخلارین قفسه وارشباهتی
سنده قفسده شیر گرفتاره بنزیسن
دلداده ایستیری گئده دلداردن قاباق
ترک ایلیسن بوعالمی سن یاردن قاباق
سن ارتحال جامینی،بیماردن قاباق
نوش ایلیین وفالی پرستاره،بنزیسن
دوشدین یره،گینه ده،سرافرازعشقسن
بال و پرین سینیب،گینه شهبازعشقسن
بی بال وپرده لایق پرواز عشقسن
واضح دییم،کی جعفر طیاره بنزیسن
هرچنددوشمیسن یره،هیبت یرینده دی
دوغرانمیسان،ولی گینه صولت یرینده دی
گوهرسینیب ولی,گینه قیمت یرینده دی
قولسوزدا،قوللی،قووه لی سرداره بنزیسن
ال تاپماقابوپیکره ای یارخوشمرام
هرسمتدن گتیردی سنه اوزسپاه شام
دورنده ائتدی جان آلان اشخاص ازدحام
پرمشتری جواهر شهواره بنزیسن
انبوه دشمنه سن ائدیرسن نگاه،گاه
گاهداباخیب حسینه،اورکدن چکیرسن آه
قارداش چوخ ایلیسن بوایکی سمته سن نگاه
دلواپس نگار علمداره بنز یسن
سوزوئردین اؤللم اولمارام امااسیرننگ
قوی شیشه ی حیاتیمه دیسین دئدین کی سنگ
امضاائدیبدی سوزلریوی گور نئچه خدنگ
ارزشلی اعتبارلی طوماره بنزیسن
جاندان دوشوبدی دشمنی جاندان سالان بدن
قان یاغدیریربویوزلراوخیلن چالان بدن
قارداش بواوخلارین آراسینداقالان بدن
قؤیمور دییم کی سن گل بیخاره بنزیسن
چوخ حسرتیله قارداشیواگوزتیکیب گؤزون
گلمیر دیلین،بیان ائدیری گؤزاونون سؤزون
اؤلماگوزه امید،امیدیم،دانیش اوزون
گفتاره گل،کی تشنه ی گفتاره بنزیسن
سوغاتیمی دئمه یاری یولداایتیرمیسن
من فرعی نیلیرم،منه اصلی یتیرمیسن
سیل ذهندن اوقطره نی،دریاگتیرمیسن
قوی گؤرمییم کی بیرالی بوش یاره بنزیسن
عباس،کامران،سنی توصیف ائدنمیری
بیرپیچ وخملی یولدادی آسان گئدنمیری
پیچیده نی راحات بیرینه بنزدنمیری
سن بیر ظریف معنی دشواره بنزیسن
شاعر : کامران اسدی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , کامران اسدی
زبانحال حضرت ابوالفضل العباس (علیه السلام)
سو مشکیمون سویی اولوب روانه قارداش
شرر سالار بو غم هامی جهانه قارداش
آلوبدی دوره می منیم تمامی لشگر
یوخومدی بیر نفر کمک، گل ای برادر
نشان اولوبدی اوخلارا بو خسته پیکر
آلوب خدنگ کین منی میانه قارداش
یوخومدی اللریم حسین داخی بدنده
نولاردی قوللاریم بو دم قالیدی تنده
ایدیدی ردّ اوخلاری گلوب اَننده
سو اولمییدی اوخلارا نشانه قارداش
بو حالی کاش بولمیه حرمده زینب
اگر بوله غریق اولار اَلمده زینب
ساچین یولار باشین آچار او دمده زینب
چخار نواسی اوج آسمانه قارداش
ولایتونده غرقم ای حبیب داور
بلا و دردیلن خوشام بو گون برادر
بو آرزونی ایتموشم بیر عمر یکسر
فدا اولام بو گون بو آستانه قارداش
دیمم که یا اخا بو حالیمی گوریدون
و یا گلوب شکسته بالیمی گوریدون
گلوب غمونده اشک آلیمی گوریدون
اولوبدی گور نجه یوزه روانه قارداش
تمام ماسوانی آتمشام حسینیم
یارالی توپراق اوسته یاتمشام حسینیم
دیمم یولوندا قانه باتمشام حسینیم
گلن دگور غمیم غمونده سانه قارداش
یولوندا قوللاریم اولوب قلم برادر
دوشوبدی چون قولوم یاتوب علم برادر
فلک اولوبدی ظلم الیله خم برادر
دونر قدین بو ظلمدن کمانه قارداش
سو وعده سینده من دیدیم اوزوم گوز اوسته
یانوبدی قلبیمین باشی بو بیر سوز اوسته
قالیدی سو، گلردی قارداشون یوز اوسته
ولیک عاجز ایلدی زمانه قارداش
آنام بتولی گورموشم بو ساعتیمده
و لیک حیف اولا بو وضع و حالتیمده
گورن کیمین یانوب دلیم خجالتیمده
گرگ یانام او چشم خون چکانه قارداش
الین قویوب بلینده هی آنام ملردی
دیردی وای بالاما وای، سوزه گلردی
یانقلی دللریله قلبیمی دلردی
نه نوعی گلمیوم بو دم فغانه قارداش؟
مشرّف اولماسان بو صون نفسده قارداش
اوچان دگل بو مرغ دل قفسده قارداش
یانان دلیم اوچار بیله هوسده قارداش
که یوز قویا قدوم شاه جانه قارداش
عیال مصطفا هامی غمه دولوبدی
بنین لر آناسی بی بنین اولوبدی
بو گلشن ایچره گل لری بوتون سولوبدی
یقین که فخر ایدر بو جان فشانه قارداش
نگین ِ شعر و معرفت اولوبدی صافی
بیانینه ادیب لر وار اعترافی
حقیقت اهلینه فقط بو سوزدی کافی
سو مشکیمی بو قوم ایدوب بهانه قارداش
منبع : کانال اشعار استاد مختار وطن پرست (نگین)
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , مختار وطن پرست نگین
زبانحال حضرت امام حسین (ع) در بالین حضرت ابوالفضل العباس (ع)
گوزون آچ سرسپاهیم دور
ابوالفضلیم پناهیم دور
دلون قربانیم قارداش
دانش توکمه یوزه قانیاش
دور ای سقای مظلومان
بویورقون جسمیمه ویرجان
منه سس ویر سنه قربان
دلون قربانیم قارداش
دانش توکمه یوزه قانیاش
یانوردل قان اولوب اشگون
سواوسته اوخلانوب مشگون
اورک داغی اولوب رشگون
دلون قربانیم قارداش
دانش توکمه یوزه قانیاش
ایدوب اکبر غمین اصغر
بوصد پاره اولان پیکر
ویرورسن جان دیزیم تیترر
دلون قربانیم قارداش
دانش توکمه یوزه قانیاش
پریشانم بو حالوندان
گویول دولموش ملالوندان
اوپم اولمور جمالوندان
دلون قربانیم قارداش
دانش توکمه یوزه قانیاش
نشان اوخلار ویریر خاری
سوتک قانین اولورجاری
توتور بو ماه رخساری
دلون قربانیم قارداش
دانش توکمه یوزه قانیاش
گله بو دیدمه پرده
بونعشون گور میم یرده
گلور اودلی دلیم درده
دلون قربانیم قارداش
دانش توکمه یوزه قانیاش
گله بو دیدمه پرده
بونعشون گور میم یرده
گلور اودلی دلیم درده
دلون قربانیم قارداش
دانش توکمه یوزه قانیاش
فراقون دللری داغلار
یوزه چاره یولون باغلار
بناتیم سس چکر آغلار
دلون قربانیم قارداش
دانش توکمه یوزه قانیاش
باتوب آی بولسه اولدوزلار
هلاک ایلر اوزون قیزلار
اوجالموش آه جانسوزلار
دلون قربانیم قارداش
دانش توکمه یوزه قانیاش
سنی ام البنین جانی
اوجالدام قویما افغانی
الون یوخ قوی سیلیم قانی
دلون قربانیم قارداش
دانش توکمه یوزه قانیاش
یوزون قانلی گوزون یاره
ایدر بو قلبیمی پاره
ترحّم ایت بو بی یاره
دلون قربانیم قارداش
دانش توکمه یوزه قانیاش
اله دوشمز بو ساعاتون
روا قیل مبکی حاجاتون
اولوب دینه مواساتون
دلون قربانیم قارداش
دانش توکمه یوزه قانیاش
شاعر : مرحوم مبکی تبریزی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , مبکی تبریزی
زبانحال حضرت رقیه (س) در شهادت حضرت ابوالفضل (ع)
نه سبب جمالیوه سیل تک آخوری سرشک ترون بابا
عمومون باشیندا نه‌وار بئله چوخالوب غم و کدرون بابا
بوگونی که گون ائلیوب طلوع سنه کربلانی ائدوبله تنگ
توکولوب جوانلارون قانی ائلیوبدی تپراقی رنگ رنگ
نفرات شامیله کوفه‌نی عجبا جری ائلیوب بو جنگ
اولارون سانی چوخالور ولی آز اولور سنون نفرون بابا
گئجه ترک ائدنده مدینه‌نی بوشالاندا ظلمله مسکنون
نه جلالیمیز واریدی بیزیم نه جوانلارون واریدی سنون
اورگیم اولاردی باخاندا شاد ائله با صفائیدی گلشنون
سنی مبتلا بیزی دربدرائلیوبدی بو سفرون بابا
اینانوبدی کوفه جماعتی نه خدا نه دین و نه مسلکه
قوناق ئولدورنلر ائدوب بیزه بو دیاری صحنه مهلکه
سو گتورسه صاحب پرچمون سو یولون کسن چتین اَل چکه
قوشون اهلینون نظری بودور آرادان گئده اثرون بابا
نگراندی بسکه خانم بی‌بیم منی گوندروبدی قباقیوه
هدفیم دگول سنه ناز ائدم آلاسان و یا که قوجاقیوه
دی گوروم عموم نه زمان گلورگتورور سو عورت اوشاقیوه
بالا قیزلارون نظری بودور بویور اولسا هر خبرون بابا
قوریوب دوداقلاریمیز یانور نجه که اوت اوسته یانار کباب
دیریلیقدان اَل چکوب عترتون بوریوب اورکلری اضطراب
اوزادوبدی خیمه‌ده قبلیه علی اصغرینی آنام رباب
اوقدر سوسوز دوداقی اَموب یورولوبدی صودامرون بابا
او زمانکه ایستدی آیریلا گئده کارزاره او بی‌بدیل
قوریان دوداقیمی گوستروب دئمیشم اونا عمو الدّخیل
دولی مشکیله گله عهد ائدوب اَنه تلّی سسلنه السّبیل
هامودان قاباق منه سو وئره او جوان خوش نظرون بابا
اَیاقین قویاندا اوزنگیه منی مطمئن ائلدی سوا
باشیما یغوب بالا قیزلاری عمومی اوزوم ائلدیم دعا
گهی خیمه‌گاهیده اگلشوب چیخورام گهی باخورام یولا
من اوزوم نه تک تَلسورهامی گَله اول وفا سیرون بابا
بو علم که شقّه‌سی سربسر بویانوبدی قانه کیمینکیدور
نه قدر اوخا اونی اشقیا ائلیوب نشانه کیمینکیدور
منه باخموسان اونا هی باخوب گلوسن فغانه کیمینکیدور
عمومون لواسینه بنذیورسینوب اولما شاهپرون بابا
اگر ئولسه صاحب پرچمون چاغیروم گله خانم عمّه‌می
گورورم مناده یورولموسان اونا وئر بو بیرق ماتمی
قوشونون قالوبدی مگر سنون کمک ایلیه آلا پرچمی
سحری نهاره یتورمه‌میش بوشالوبدی دور و برون بابا
بویانوبدی قانیله گل یوزون دوداقوندا وار قان علامتی
عمومون مگر شهدا کیمی واریدی بدنده جراحتی
یره یخسا کوفه‌لیلر اگر او همای اوج شهامتی
سنه صبر مرحمت ایلسون اوزی حیّ دادگرون بابا
سنی عمّه‌مین جانی بیر دانیش سارالوب نه علّته صورتون
نیه باخموسان یوزومه منیم نیه یوخدی صحبته رغبتون
بو گئدیش گلیشده نه گورموسن خم اولوبدی بیر بئله قامتون
اَیاق اوسته دوز دورا بولموسن ائله بول سینوب کمرون بابا
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی
زبانحال امام در بالین حضرت ابوالفضل (علیه السلام)
در سبک : من برای تو توبرای من
ای آتام نشانسی آچ گوزون
نیه گوز یاشین قانا قاتمیسان
گوزوه نیه بیله قان دولوب
ایویمی یخوب بیله یاتمیسان
یارالی اویان .... یارالی اویان
بولوسن نقدری سنه منیم
وار اورکده مهر و عطوفتیم
همی قارداشیم سان عزیزسن
سنه واردی دیلده محبتیم
سنی کی بیله یره یخدیلار
نه حالا دوشر منیم عترتیم
الیمی بیلیمده قویوب گیدن
نه گوزل مرامیوه چاتمیسان
سنی کیم بو حاله سالیب اَخا
دیمه نه گلوب گوزه بولمورم
بولوسن اولوب علی اکبریم
داهی سندن ال اوزه بولمورم
یوزیوی بیله یره سوتمه چوخ
اورگیم یانور دوزه بولمورم
سنی سسلیرم نیه دیموسن
نیه آی کیمی بیله باتمیسان
باشیوی دیز اوستونه آلموشام
باخیرام سولان یوزوه سنون
یارالار بو جسمیده باش آچوب
اوقدر وروب یارا دشمنون
داغلیب نیه چوله پیکرون
پوزلوب جفائیله گلشنون
من عبایه ده یغابولمورم
گویه نالمی سن اوجاتمیسان
بوکولوب بلیم غم و دردیله
منی محنته بیله سالما چوخ
بوبلالی چولده منِ غریب
ایله بی کسم کمکیمده یوخ
سنی مندن آیری سالوب بوگون
گوزوه دَگن او سه شعبه اوخ
نیه سو دان اوتری وجودوی
بو بهای اندکه ساتمیسان
اورگیم باشی یانوری بودم
ساتاشیر گوزه بو یارالی باش
بو جبینیوه یتیشن یارا
هامی بیر یارادان اولوبدی باش
دور اوزون منه کمک ایله بیر
قیدیم خیامه یواش یواش
ایله (بیکَسم)دی گوروم اَخا
منی گوزدن اولمیه آتمیسان
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی
استمداد حضرت ابوالفضل (علیه السلام)
امدایمه گل ای شه خوبان آتام اوغلی
عباسون اولوب دینینه قربان آتام اوغلی
ای سینه سی مخزن اولان اسرارخدایه
الله سنی خلق ایلدی سرور شهدایه
کیم جان وئره کویونده یتر عرش خدایه
جنتده تاپار عزت شایان آتام اوغلی
ای پادشه جن وملک عالمه مولا
وی مالک اولان ملک دله زاده زهرا
بوعلته امداده چاغوردی سنی سقا
جانین ائلیه دینینه قربان آتام اوغلی
کسدی یولومی فرقه اشرارزمانه
جوریله کماندار اوخونی قویدی کمانه
سومشگینه ویردی گتوروبدورمنی جانه
گوزیاشیمی دشمن ائلیوب قان آتام اوغلی
سقایم ئوزوم سیدی عطشان ئولورم گل
گوزلور یولوی دیده گریان ئولورم گل
رخساریمی یکسربوریوب قان ئولورم گل
تعجیل ائله ای سرورخوبان آتام اوغلی
ای شمس هدا منبع ایمان و معانی
گلسن دییرم دلده اولان سر نهانی
زینب باجیماکشف ائلمه بوجریانی
قولسوزیخلوب قارداشی عطشان آتام اوغلی
عباسون اون یدی شقی دورسین آلدی
پرسیزقالان عنقاکیمی آتدان یره سالدی
اشرارین الینده یارالی پیکری قالدی
رحم ائتمدی قارداشوا عدوان آتام اوغلی
دیداروه بوحالیده مولا هوسیم وار
فخریم بودی بیرسن کیمی فریادرسیم وار
بیریولدا ده قارداش منه تاکی نفسیم وار
محتاج نوالم ائله احسان آتام اوغلی
عشقونده آخان گوزیاشیم ایمدی سله بنزر
گلشن کیمی جیسمیمده یارالارگله بنزر
باش باشه چاتان سینده اوخ سنبله بنزر
اولمازبئله بیرعالی گلستان آتام اوغلی
یوخ طاقتیم ازبس که دگوبدی منه یاره
گل گورنجه قارداش النوراشگیم عذاره
ایستورسنی گوگلوم گوره بولحظه دوباره
امیدیمی گل ایلمه حرمان آتام اوغلی
آتدان یخلاندا یوزوم اوستونده ترابه
قالدی ایاقیم چخمادی بنداولدی رکابه
یرده سورونوبدی بدنیم دوشدی عذابه
معناده آنان اولدی نواخوان آتام اوغلی
پیغمبررحمت قیزی انسیه ی حورا
طاقت گتوره بولمدی بومحنت گویا
امرایلدی آتدان یخلاندا منه زهرا
قارداش چاغورام من سنی الان آتام اوغلی
چوخلاریازوب عباسه(جوانی)بوردیفی
حاشااولا بونوحه اواشعارون حریفی
لطف ائتدی حسینون سنه سقای شریفی
بوشعری که اولدی بئله عنوان آتام اوغلی
شاعر : کربلایی موسی جوانی تبریزی
منبع : کانال اشعار موسی جوانی تبریزی (ترنم عاشورا)
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی
شجاعت حضرت امام حسین (ع) و آمدن ایشان به بالین حضرت ابوالفضل (ع)
کربلا گلزارینون گوللری پامال اولوب
باغبانین اورگی بو مصیبتدن دولوب
سو یرینه باغینه سیل مثالی قان اخوب
قانلی گوللردن بیری علقم اوستونده سولوب
رحمسیزدور سیندران باغدا گوللر حرمتین
باغلیوب سو یولارین گل چکور سو حسرتین
فکر ایدور نهرین یولون باغلاسا گوللر سولار
سولسا گوللر زای ایدرباغبانین زحمتین
بیلمیور گل ظلمینن سولسادا اولمز بهار
بیلمیور گل خالقی ایلیر ظلامی خوار
بیلمیور عاشق اولوب باغبان معبودینه
بیلمیور عاشق باشی آختارار دنیاده دار
بیلمیور دلدار اوزی اخلانان دلبر سویب
بیلمیور جان خالقی دوغرانان پیکر سویب
خلق ایدن روحین قوشون ساحت قدوسینه
یاره لنمیش جسمیدن اوچماقین بی پر سویب
کربلاده غملره مبتلا ابرار اولوب
محنته اوردا دچار سیدالاحرار اولوب
ایسته دی امدادینه ال آچا غیب عالمی
چون امامین قتلینه ال آچان اشرار اولوب
رد ادیب غیبین الین امر ائدوب گوی تک قالم
ولوله بو لشگره زالفقاریلن سالم
ایستورم بور دا سوسوز جان ورم جانانیمه
کربلاده گوی بو گون هر بلادن باج آلم
سسلرم طغیان ایدن امته هل من معین
بلکه بو عصیانیدن توبه ایتسین قوم کین
جان چخنجا من گرک خلقی ارشاد ایلیم
قانیمیلن ایستورم ایلیم ترویج دین
سوزلری دل اهلینه کشف معنا ایلیور
مصطفی نون مکتبین بیرده احیا ایلیور
عشقینه ایمانینه مرتضا احسن دیور
افتخار ایثارینه آل طاها ایلیور
ایلیور عطشان دیلی خالقه راز و نیاز
ذکریدن سرشاریدور هچ سووا یوخدور نیاز
بیر سپاهین جنگینه ائول سوسوز تنها چیخوب
حیف اولا خلاقیدن قتل عامه یوخ جواز
پهلوانلار ایلیور رزمگاهیندن فرار
سس دوشوب گلدی گنه حیدر الده ذوالفقار
سانکی میدانه آتوب حضرت موسی عصا
اڑدهالر جنگینه اڑدر اولدی اشکار
دور ایدیب ائول حضرتی هر طرفدن اوخ أتان
نینه سین گوزلور اونی نهریده قولسوز یاتان
سو مهیا ایتمگه عترته جاندان کچن
ای کیمین زیبا یوزی سو کنارینده باتان
آی گونش چاتماز اونون حق اوجالدان جاهینه
باوفا نوکر اولوب چون حسین درگاهینه
ساتمیوب نوکرلیگین سلطنت عنوانینه
جان ویرنده وار یری دوندره یوز شاهینه
عرض ایده جانیم چیخور بی قرارم یا اخا
بیر اشاریلن سنه جان نثارم یا اخا
سو مهیا اولمادی عذریمی ایله قبول
قالدی تشنه قیزلارن شرمسارم یا اخا
دشمنیم نامرد اولوب ویرمدی سو اصغره
چوخ جسارت ایلدی عترت پیغمبره
خیمه لردن یا اخا ناگرانم نینیم
موعظه ایتمور اثر بو حیاسیز لشگره
الغرض سر لشگرین درک ادیب شاه جهان
باشی اوسته اگلشوب گوزیاشین ایتدی روان
اوندا کی سالدی نظر قان دولان رخسارینه
بو یانقلی سوزلری وار یری قلیسون بیان
آل هاشمده اولان شهرتی آی قارداشیم
أنداولا اولدوزلارا یوخ سنه تای قارداشیم
قطع ایدن اعدا قولون گوزلین اصغر یولون
قالمشام دعواده تک ویر منه های قارداشیم
آی محبت باغینون عطریلی یاسی اویان
سیندیرار قارداش بلین قارداشین یاسی اویان
هانسی ظالم اندیروب باشووه آهن عمود
آی حسینین قلبیده غملی احساسی اویان
دور گدک منلن اخا زینب اولدی ناگران
دور گدک سنسیز چیخوب عرشه قیزلاردان فغان
هانسی ظالم سیندیریب اوچ پر اوخلان النووی
ایسته مور سنسیز سووی قیزلاریم آی مهربان
سسلدون داده منی پاک انفاسیم منیم
عرش اعلایه اوچان بی پر عباسیم منیم
مه جبینینده ادیب یاره لر شق القمر
حیدره بنرورسن آی اشجع الناسیم منیم
شاعر : حسنعلی بالایی
منبع : کانال اشعار حسنعلی بالایی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی
زبانحال حضرت امام حسین (ع) با حضرت ابوالفضل (ع)
از زبان حضرت امام حسین (علیه السلام)
آی آتام حیدرین یادگاری
آی بنی هاشیمون افتخاری
یاتما قوملارایچینده یارالی
آچ گزون خیمه لر پاسداری
بو قوجا لمیش قارداشیندان دویما قارداش
سنده اکبر تک منی نک قویما قارداش
جان ابوالفضل جان ابوالفضل جان ابوالفضل
از زبان حضرت ابوالفضل (علیه السلام)
وای منه سن پریشان ائلوبسان
اللرووی بلووه قویوبسان
بو مروتسیز اعدا الیندن
دار فانیدن آقا دویوبسان
نوکرم جان ائتمیشم سلطانه قربان
آغلاماز نوکر باشی اوستونده سلطان
جان ابوالفضل جان ابوالفضل جان ابوالفضل
از زبان حضرت امام حسین (علیه السلام)
آغلاما تشنه لر دادخواهی
برج عشقین درخشنده ماهی
مکتب ختم مرسل یولوند
اوچ پر اخلان سینان سجده گاهی
لشگر دینون گزل صاحب لواس
دور بوکولموش قدمین سن ائول عصاسی
جان ابوالفضل جان ابوالفضل جان ابوالفضل
از زبان حضرت ابوالفضل (علیه السلام)
لعن ائولا بو حیاسیز ظلامه
ایلینلر جسارت امامه
ووردولار مشگه اخ سو جالاندی
قویمادیلار گله سو خیامه
خیمه لرده خردا قیزلار قالدی اطشان
گل هلال ایله منی راحت وریم جان
جان ابوالفضل جان ابوالفضل جات ابوالفضل
از زبان حضرت امام حسین (علیه السلام)
گل کیمی توش ائولان خواره قارداش
ساق گزوندن دَیَن یاره قارداش
بیر بله دردین ام البنینون
روزگارین ائدر قاره قارداش
گلمیشم امدادووه حیف السون اعدا
قویمیوب جسمونده قالسون سالم اعضا
جان ابوالفضل جان ابوالفضل جان ابوالفضل
از زبان حضرت ابوالفضل (علیه السلام)
اخ یارالاریما آغلاما سن
گُز یاشووی یوزه باغلاما سن
آغلاساون سن پیمبرده آغلار
جدوون سینه سین داغلاما سن
مندن اُتری زحمته سالما ائزووی
اللریم اُلسیدی سیلردیم گزووی
جان ابوالفضل جان ابوالفضل جان ابوالفضل
از زبان حضرت امام حسین (علیه السلام)
هرگولون وار بیر آیری صفاسی
هچکیمون یوخدی سن تک وفاسی
سن کیمی قارداشیمنان آرالی
ایلدی کوفه نین اشقیاسی
سعدین اوغلی گور نجه ایلور خباست
گورسدور قارداشلارین ایلور شماتت
جان ابوالفضل جان ابوالقضل جان ابوالفضل
از زبان حضرت ابوالفضل (علیه السلام)
جان دوداقه گلوب باقری قانم
خیمه لردن آقا ناگرانم
عذریمی ایسته اصغر بالوندان
گوی دئمه سون کی نامهربانم
باقری قانم ناگرانم بی قرارم
من حرم اهلیندن آقا شرمسارم
جان ابوالفضل جان ابوالفضل جان ابوالفضل
از زبان حضرت امام حسین (علیه السلام)
ایلین دینی پاینده قانی
سو یانیندا چیخان تشنه جانی
انبیا تک بو گون حق تعالا
آلدی سننده عشق امتحانی
سن بو ساعت کعبه ی مقصوده چاتدون
حیف آدامسیز قارداشووی گزدن آتدون
جان ابوالفضل جان ابوالفضل جان ابوالفضل
شاعر : حسنعلی بالایی
منبع : کانال اشعار حسنعلی بالایی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی
استمداد حضرت ابوالفضل (علیه السلام)
قولاریم اولدی قلم قارداش حسین فریاده گل
قالدی بی صاحب علم قارداش حسین فریاده گل
گور ننوعیله ایدر بو اهل کینه هلهله
اوخلانوب مشکیم دوشوب آخرایشیم چوخ مشکله
تیزیتورقارداش اوزون دوشدی علمدارین اله
لطف قیل ایله کرم قارداش حسین فریاده گل
یالقوزام قارداش آلوبدوردوره می بو کوفیان
سبقت ایلربیربیرینه اوخ ووران خنجرووران
پیکریم باشدان ایاقه دوغرانوب قالموب توان
قویما حسرت جان ویرم قارداش حسین فریاده گل
بیرطرفدن دوره می بو لشکرعدوان آلوب
بیر طرفدن نیزه لر قارداش منی دلدن سالوب
بیرطرفده قولاریم بیریاندا بو مشکیم قالوب
بیر طرف قانلی علم قارداش حسین فریاده گل
سعی ایدردیم چوخ بو گون قارداش آلام بیرمشک سو
آلدیم اما حیف اولاقلبیده قالدی آرزو
اوخلادیلار مشکیمی ظلمیله آخر بو عدو
ویردی یوز بیحد الم قارداش حسین فریاده گل
اوخ دکن تک مشکیمه گیچدیم حیاتیمدن اوزوم
خیمگاهه گلماقا هرگز داخی یوخدور یوزوم
منتظر قویما بو قدری گل قالوب یولدا گوزوم
گلمسن جان ویرمرم قارداش حسین فریاده گل
آلدیلار اطرافیمی دورت بیرطرفدن اهل کین
متصل یاره وورالار پیکریمه مشرکین
ویردیلر قارداش باشیمدان بیرعمودآهنین
سرو قدیم اولدی خم قارداش حسین فریاده گل
یخدیلارآتدان منی بو فرقه بی ننگ و عار
جسمیمه هرآن وورالاریاره سانسیز نیزه دار
اولموشام بو عرصه ده بیرسنگدل قومه دچار
دستگیردشمنم قارداش حسین فریاده گل
قول گیدوب باشیم سینوب سینم باتئوب گلمزنفس
قالموشام جلادالینده رحم ایدن یوخ بیرجه کس
طاقتیم الدن گیدوب گل سن منه اول دادرس
ای شهنشاه امم قارداش حسین فریاده گل
حق یولوندا تشنه لب جان ویرماقیم خوشدورمنه
گورمینجه گل یوزون مشکل ویرم باش دشمنه
ال تاپارمندنصورا بلم سپاه کین سنه
بو سببدن غملیم قارداش حسین فریاده گل
قان گیدوب ازبس باشیمدان قالمیوبدورطاقتیم
واردی بو آخر نفس قارداش سنه بیرزحمتیم
شانوه لایق دگل گرچه منیم بو جرئتیم
لیک نیلوم مظطرم قارداش حسین فریاده گل
اولا عرضیم بودور ای خسرو والا مقام
خیمگاهه نعشیمی حمل ایتمه هرقدری ساغام
جون سکینه ندن خجل ایتدی منی قوم ظلام
یوخ یوزوم هرگز گیدم قارداش حسین فریاده گل
قتلگاه ایچره گلنده اهلبیتین شیونه
آغلیوب زلفین یولاندا آل پیغمبرسنه
آغلاسون تاپشورکنیزین فضه ده باری منه
چون منه بس بو کرم قارداش حسین فریاده گل
(مذنبا)صبح و مسا گوزدن سرشکین قیل روان
گوزلریندن واریری بو سو یرینه آخسا قان
بو سوزی هرمجلس غمده دمادم ایت بیان
قولاریم اولدی قلم قارداش حسین فریاده گل
شاعر : مرحوم مذنب تبریزی (مارالانی)
!!!لطفا با نام کانال گنجینه گذشتگان کپی کنید!!!
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , مذنب تبریزی
زبانحال به حضرت ابوالفضل (علیه السلام)
قوملارین اوسته یاتما یارالی سرداریم
قارداشووی تک قویما قولسوز علمداریم
یاره لی سرداریم
نهر فرات اوستونده قانه باتان قارداش
گعبه ی مقصوده لب تشنه چاتان قارداش
یاره لی سرداریم
قولارووی تندن قلم اتدیله بو اوباش
عالم بو دوشن قولارا قربان اولا قارداش
سرداریم ابوالفضل غمخواریم ابوالفضل
گتدی دیزیمنن طاغت سندی بلیم قارداش
گور نجه گوزلریمدن ایندی آخور قان یاش
سندی بلیم قارداش
سوله گروم دنیادن بس نیه تز دویدون
اکبریلن قاصم تک سن منی تک قویدون
سندی بلیم قارداش
میدانه گدن وقتیده قارداش نه تلسدون
تز سایووی سن باشیمیز اوستن نیه کسدون
سرداریم ابوالفضل غمخواریم ابوالفضل
آچ گزووی نهر اوسته تشنه یاتان سقا
بیر منه باخ دنیانی گزدن آتان سقا
تشنه یاتان سقا
یوم گزووی یرقونسان عدنیده راحت یات
سن کیمی قارداشی من بیرده گورم هیهات
تشنه یاتان سقا
شاد ائول کی بو گون محضر طاهایه گدورسن
حیدر بابامین یانینه عقبایه گدوذسن
سرداریم ابوالفضل غمخواریم ابوالفضل
آینه ی تقواسن مظهر ایمانسان
سن سوسوز الساندا دریالره سلطانسان
مظهر ایمانسان
یارلی جسمین آلجاق غیظیله اللرردن
گلددی آنام زهرانین عطری بو مقتلدن
مظهر ایمانسان
دنیا یارالی جانووه قربان اولا قارداش
واردور یری گوللر سنه خاطر سولا قارداش
سرداریم ابوالفضل غمخواریم ابوالفضل
بیلمدیلر بو اعدا کوثره مهمانوک
فکر الیوللر بیر جرعه سوا اطشانوک
کوثره مهمانوک
نهره الم ووردون سو ایچمدون آی سقا
دنیا گوزی گورمز بیرده سنه تای سقا
کوثره مهمانوک
مندن قاباقا دوشمزیدون یول یریَنده
دوشدون قاباقا ایندی اخا عدنه گددنده
سرداریم ابوالفضل غمخواریم ابوالفضل
شاعر : حسنعلی بالایی
منبع : کانال اشعار حسنعلی بالایی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی
استمداد حضرت ابوالفضل (علیه السلام)
قارداش حسین درک ایت منی وقت حملیتدورمنه
قولارگیدوب باش یاره لی الماق سعاتدورمنه
اولدوم مصمم ویرماقا بو چولده قارداش امتحان
باشدان گیچوب اوز عشقیمی عالملره ویرم نشان
گل گل یوزون بیرده گوروم تا من ویروم آسوده جان
آخر نفسده آرزو فیض زیارتدورمنه
وقاص زاده باشیمی کسماقلقا فرمان ویرور
بسکه ووروبلاراوخ قلج جسمیمده یاره قان ویرور
ارداش یارالی قارداشین دلدن دوشوبدورجان ویرور
سینم باتوب گلمورسسیم وقت شهادتدورمنه
اللرده نیزه دورمی ایلوب احاطه بو صفوف
بیردسته سی خنجر ووران بیر دسته سی تیر و سیوف
عرض ایلدیم گل یانیمه عفو ایله ای شاه رئوف
عذرایستورم بو سسلماق چوخ چوخ جسارتدورمنه
بو قوم کین ایتدی کمین قولاریمی ایتدی قلم
فرمایش ایت گوز تیکمسون بیرده یولا اهل حرم
دوشسون سو فکریندن قیزین مشک اوخلانوب یاتدی علم
اوخلانماقی سو مشکیمیناسباب خجلتدور منه
باشیم یارالی قانیله گوزلر دولوب یا سیدی
باد ستمله گلشن عمریم سولوب یاسیدی
تاخیروه بلم سنین علت نولوب یا سیدی
سنسیز یتوب هر غصه و اندوه و محنتدور منه
بو قوم کافر جسمیمی ایلوب ستمله نیزه پوش
بیر پر شکسته قوش کیمی جسمیم قالوب یرده خموش
گل گور علمدارین اولوب نه ظلم بی پایانه توش
تشریف فرما اولملقین شان و جلالتدورمنه
بیر ایله حاله دوشموشم شامه دونوبدورگوندوزوم
یوخ رحم ایدن احوالیمه بلمم ننوعبله دوزوم
بو قانلی تپراق استه من گیتدی سورونماقدان یوزوم
یاره ووران رحم ایتمین اهل شقاوتدور منه
خنجر دمینده دمبدم گلم فغان و داده من
سن باشیم استه گلمسن باش ویرمرم جلاده من
اولما رضا چوخ یالواروم بو فرقه بیداده من
جلادالینده قالماقیم بیحد حقارتدور منه
شاها (حسینی)صدقیله آغلارغمینده صبح و شام
اما فشارابتلا چوخ ایلیوبدور تلخکام
عباس الیله ایله تیز خوشحال و مقضی المرام
بیر مختصر لطفین اگراولسا کفایتدور منه
از اشعار چاپ نشده مرحوم حسینی سعدی زمان
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان
زبانحال حضرت ابوالفضل العباس (علیه السلام)
در آهنگ : ایران... فدای اشک و خنده ی تو
اگرچه تنده اللریم یوخ
بدنده یاره لردی چوخ چوخ
سپهره نالمی اوجالدان
منیم سو مشگیمه دگن اوخ
خجالتم بو چولده قارداش
گرک توکم عذاره قانیاش
آتوبدی اهل کینه بیر اوخ
سو مشگیمه دگوبدی بیر باش
دگوبدی یاره یاره اوستن
اولوبدی پاره پاره بو تن
دورانمورام ایاقه قارداش
گذشت ایله بو حالیمی سن
گوزتلوری منی گل یاس
سکینه دن خجلدی عباس
سزادی دیده دن توکم من
بو محنتینده اشک الماس
جهانیانه نور عینم
فدای قاف و شین و عینم
بو فخردور که عالم ایچره
غلام درگه حسینم
الیم اگر قالیدی تنده
علم یخلمازیدی منده
قوی آغلیوم بو حاله قارداش
یانوم بیله آغور محنده
بو گون کسیلدی چاره نیلوم
توانی آلدی یاره نیلوم
سنون ولی غمون برادر
گلن دگور شماره نیلوم
نولوردی گویلوی آلیدیم
غمونده باشیمه چالیدیم
اولیدی کاش الیم بدنده
قولومی بوینوا سالیدیم
گرک بو قلبی داغلیم من
چکوب سس ایمدی آغلیم من
باخا باخا که تک قالوبسان
نجه گوزومی باغلیم من
نگینه قیل اوزون عنایت
عنایتونله ایت کفایت
و بیرده دعوت ایت برادر
گله بیزی ایده زیارت
شاعر : استاد مختار وطن پرست (نگین)
منبع : کانال اشعار نگین
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , مختار وطن پرست نگین
زبانحال حضرت امام حسین (ع) در بالین برادرشان
در آهنگ : ایران... فدای اشک و خنده ی تو
دور اى جهاندا سرسپاهیم
یوخومدی اوزگه بیر پناهیم
آلوبدی دوره می بو لشگر
دور اى منیم امید گاهیم
قیزیم سکینه دیده گریان
باخور یولووا ایمدی حیران
خیمده جمله تشنه لب لر
یولون گوزتلور ایلور افغان
نه گلدی اللریوه قارداش
بلیم بوکولدی گوزده قانیاش
باشون قانی ندور یوزونده
پوزوبدی حالیمی سنان باش
اگرچه سسلورم سنه وای
گرک دیم که زینب ایوای
باجیم قالار بو چولده یالقیز
چخار صداسی عرشه های های
باجیم سنون غمونده آغلار
جهانیانی غمله داغلار
سرشک چشمینی اولونجه
یانا یانا عذاره باغلار
باتوبدی قانه جمله انصار
من ایمدی یالقیزام علمدار
دور آل اله لوانی قارداش
یوخومدی اوزگه بیر سپهدار
بو پیکرونده یاره چوخدی
خدنگ و نیزه ایله اوخدی
او قدر یاره لر دگوبدی
اوپم سلامت عضوی یوخدی
بو لشگر ایچره دی نئدیم من
سنی نجه قویوم گیدوم من
چوخالدی محنتی حسینون
چتندی چاره سین ایدیم من
گلن سنه وروبدی یاره
وجودون اولدی پاره پاره
بو قدری یاره کیم گوروبدی
محالدور گله شماره
نگینه ایلرم عنایت
گلر ایدر بیزی زیارت
نه حاجتی دلنده اولسا
تماماً ایلرم اجابت
شاعر : استاد مختار وطن پرست (نگین)
منبع : کانال اشعار نگین
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , مختار وطن پرست نگین
در جلالت حضرت ابوالفضل العباس (علیه السلام)
در آهنگ : ایران… فدای اشک و خنده تو...
وزیر شاه کربلا سن
غلام درگه ولاسن
ولی هامی جهانیانه
شها امیر مقتداسن
حسینه سر سپاه اعظم
بلالی کربلاده همدم
چکن علی کیمین قلنجین
ووران صفوف کینه هر دم
جهاندا سرسپاه و سردار
حسیننه قالان وفادار
حرملرین امیدگاهی
بلالی چولده شیر پیکار
سلیل شیرِ شیر داور
هژبرِ حیدرِ دلاور
وراندا کربلاده شمشیر
دیوردی آفرین ملک لر
سنی خدا ایدوب که ساقی
مِیونده واردی لطف باقی
جهانیانی مست ایدوبسن
نه بیرجه ساکن عراقی
رقیه، زینب و سکینه
گلنده سرزمین کینه
دیردی حافظ اول خدایا
بو عباسه اوزون همیشه
اورکلرین صفاسی سنسن
صفاسی سن، ضیاسی سنسن
عنایت ایت بو گون نگینه
امیدیله رجاسی سنسن
شاعر : استاد مختار وطن پرست (نگین)
منبع : کانال اشعار نگین
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , مختار وطن پرست نگین
زبانحال حضرت امام حسین (علیه السلام) در بالین حضرت ابوالفضل (علیه السلام)
بو قدر توکمه گوزیاشون
گلوبدی امداده قارداشون
آماندی قوی سینم اوستونه
آتام اوغلی سینان باشون
.بو فراته یولون دوشوبدی،
اوجا سرویم خولون دوشوبدی،
سویا خاطر قولون دوشوبدی،
دور ایاقه آدامسیزام
سسیوی آلدی زینبیم
خییمده باشلاندی ماتمون
گرک نشانه او بی کسه
آپارام قانلی پرچمون
گول جمالون سولوب ابوالفضل،
مشگیوه قان دولوب ابوالفضل،
ورد و ذکریم اولوب ابوالفضل،
دور ایاقه آدامسیزام
کمکیم یوخدی جسمیوی
عبایه تنها بوکنمرم
بو قدری من تیر و نیزه نی
بدنوندن چکنمرم
سنی آتدان یبخوبدی دشمن،
بو جفایه چوخ آغلارام من،
یوزون اوسته سورونموسن سن،
دور ایاقه آدامسیزام
شاعر : امین اکرمی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , امین اکرمی
زبانحال حضرت ابوالفضل (علیه السلام)
من عباسم منه دریالر آغلار
سوسوز احوالیمه سقالر آغلار
چاره‌سیز قالانلار
دردیلن یانانلار
سسلسون اورکدن ایوای ابوالفضل
منم ام‌البنینون دلرباسی
علاجی اولمیان دردین دواسی
غصه‌لی گرفتار
هر نه مبتلاوار
سسلسون اورکدن ایوای ابوالفضل
من عباسم هامی درده معالج
منه سویلر هامی باب الحوائج
جمله بینوالر
درده مبتلالر
سسلسون اورکدن ایوای ابوالفضل
منی کیم سسلسه فریاده گلم
اونی تک قویمارام امداده گم
اولسا هر مکاندا
جان ویرن زماندا
سسلسون اورکدن ایوای ابوالفضل
من عباسم سلیل مرتضایم
علمدار شه کرب و بلایم
تنگیده قالانلار-حاجتین آلانلار
سسلسون اورکدن ایوای ابوالفضل
منه کیم آغلاسا روز قیامت
اونا من ایلرم کُلاً شفاعت
اولماسون پریشان
اولسا غرق عصیان
سسلسون اورکدن ایوای ابوالفضل
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی
زبانحال حضرت امام حسین (ع) به حضرت ابوالفضل العباس (علیه السّلام)
ای شاهباز بی پریم میداندا یاتما دور گئدک
عبّاس همّت پروریم میداندا یاتما دور گئدک
گلشنده سینون یاره سی گللّر آچوب گلزار تک
امّا شکفته گللّره اوخلار باتوبدور خار تک
اعدایه اولدون نیزه پوش سن جعفر طیّار تک
دوشدوم حصار آهنه من نقطۀ پرگار تک
باخدوقجا تترر پیکریم میداندا یاتما دور گئدک
بیر یاندا پرچم بیر یانا پیکر بویوندا قول دوشوب
قانون آخوب سو تک یره میداندا قرمز یول دوشوب
نخل وجودوندان اَخی برجسته بیر جوت قول دوشوب
بیر یاندا شمشیرون دوشوب بیر یاندا ساق و صول دوشوب
ای یادگار حیدریم میداندا یاتما دور گئدک
علقم کنارینده سنون اطارفوی دشمن آلوب
آتدان یخوبلار تُپراقا جسمون یوزی اوسته قالوب
گویا سنق کشتی دوشوب گردابیده لنگر سالوب
فارغ اولوبدور کوفیان طبل یریش بیردن چالوب
آلدی قشون دور و بریم میداندا یاتما دور گئدک
آهیم بو لرزان جسم تک لرزه سماواته سالور
قارداشوی دشمن گورور بو حالتیله کام آلور
یاتما بو قانلی رزمیده اخیام بی صاحب قالور
من باشون اوسته آغلارام شام اهلی امّا اَل چالور
ظاهر اولوبدور محشریم میداندا یاتما دور گئدک
تیر جفایه آلنوی قوم دنی ائتمیش هدف
اَل اولمیوبدور گوزلروندن قانی ائتسون بر طرف
قان پرده چکمیش رویوه آی تک اولوبدور منخسف
نیزاریدور گویا سینون اوخلار دوروبدور صف به صف
ای یاره لی سرلشکریم میداندا یاتما دور گئدک
شاعر : مرحوم مُنعم اردبیلی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , منعم اردبیلی
استمداد حضرت ابوالفضل العباس (علیه السلام)
قانمی توکماخلقا بیر عده اوباش حسین
بیر بیره سبقت ایدوللر دورما گل قارداش حسین
ای وجودی جمله تکوینات عالمده دخیل
وی لب جان بخشی، آب خضر و نهر سلسبیل
شاه سنسن، درگهونده خادمندور جبرئیل
بو غریق لجه خون، محضرونده تاش حسین
ابروانون طاق محرابیمدی، رویوندور بهشت
روضه رضوان منه سنسیز جحیم و نار زشت
مرشد و پیر طریقم سن، نه مسجد نه کنشت
هاردا سن اولسان او یردور خانقه قارداش حسین
تا فراته وارد اولدوم، ای شه والا جناب
نکهت جانبخش آب، ائتدی اورکدن سلب تاب
تا هوس ایتدوم جمالون جلوه سین، گوستردی آب
اولدی دیدارون بو عطشان اولماقا پاداش حسین
آبروییم آبدیدی ای هامی بیکس کسی
تار و پود مشگه بستیدی حیاتیم رشته سی
گر چه جان آلدی قدر ترسیم ایدن پیکان سسی
اوخ آتان دست قضادور، نیله سین نقاش حسین
گر چه آب و تاب ایدور آخدوقجا بو آب فرات
آز قالور عمروم قوتارسون، درک ایدم فیض ممات
سو ایچم هیهات، قالسون تشنه لب عین حیات
قویمارام باخسون فراته دیده خونپاش حسین
من نه خضرم، سبر آفاق ایلیوب آب آختارام
آبده یوخ آبرو تا آب نایاب آختارام
تشنه لب گلدیم بو یرده لعل سیراب آختارام
اود دوتوب گوردوم یانور باشدان باشا داغ داش حسین
لوح خاطرده خیال ایتمه که نقش سو چکم
یا نسیم سو، دم صبحیله گلسه بو چکم
ذکر و اورادیم آدوندور ایسته سم یاهو چکم
قطب سن، من مرید رندم و قلاش حسین
هر یارا دگدوقجا یول آچدی حضور یاریمه
روزن امید آچلدی خلوت دلداریمه
پیک پیکان رونق آرتوردی عجب بازاریمه
جسممه دگسون یارا ایکاش باشدان باش حسین
بوی صهبای ازل ایتموش منی مخمور و مست
جلوه گر اولموش گوزومده عهد و پیمان الست
اولمادیم پیمان شکن، پیمانه گر تاپدی شکست
اگلنیدی دیده مه مشگه دگن اوخ کاش حسین
دورما تز گل، بو مریدین اوز مرادین آختارور
عبد صالح آدلی بنده میر رادین آختارور
مکتبون شاگردی گورسون اوستادین آختارور
خاکسار کویووه لطف ایله گل چک باش حسین
طاقتین از بسکه طاق ایتموشدی روی زردلر
رشته یاراسین الدن آلدی سانسیز دردلر
چوخ جسارتله تاپوب ال، مردیوه نامردلر
نقد جانین باشوا تز گل ایده شاباش حسین
اولدی هم فکرون(پدیده) فکری نیکو سیر
توکدی موج بحر طبعون ساحله در و گهر
وار نه تاثیری اولا دنیا بوئی پرخاشگر
گر سنه اطلاق ایده عباس و زهرا تاش حسین
شاعر : شادروان دکتر محمود پدیده تبریزی استقبال از مرحوم هندی
منبع : مجمع شعرا و مادحین
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , دکتر محمود پدیده تبریزی
زبانحال حضرت امام حسین (ع) دربالین حضرت ابوالفضل (ع)
سبک : یانورام من .....
دشمن گولوراویان ابوالفضل
اولدی اورگیم قان ابوالفضل
آیرلیقدان امان ابوالفضل
یانورام من .....
منیله دورگئداق خیامه
قارداش قدیم دوندی کمانه
سالدی عجب آیری زمانه
یانورام من .....
سنسن منه وفالی قارداش
اولدون نیه آرالی قارداش
ایاقه دور یارالی قارداش
یانورام من .....
گوزلور یولون خرداجا قیزلار
عورت اوشاق جمله سوسوزلار
سولوب عطش دن آی اولدوزلار
یانورام من .....
یوخ گورورم قول لار بدنده
نولدی گوزو ؤه اوخ دینده
چکدون نلر آتدان دوشنده
یانوارام من .....
سپاه هیمه سرلشکر یدون
غملی گونومده یاور یدون
لب تشنه ساقی ساغر یدون
یانورام من .....
دور ای منیم ماه و قمریم
گوز آچ اخا سئندی کمریم
یانور خیمده صود امریم
یانورام من .....
شاعر : احمد تقوی
منبع : مجمع شعرا و مادحین
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , احمد تقوی
زبانحال حضرت ابوالفضل العباس (علیه السلام)
در سبک : قدم قدم
ییتیش هرایه قارداشیم دوشوبدی اللره باشیم
ساغیم دوشوب سولوم دوشوب آخور عذاره قان یاشیم
گوزومدن اوخ دگوب اخا گل ای کرملی قارداشیم
حالیم چوخ یاماندی قارداشیم گل
باشیم پارچالاندی قارداشیم گل
هر غمدن بو غم منه باش گلدی
مشگیمده جالاندی قارداشیم گل
داغیلدی یوز گوزوم اخا اولوبدی قوللاریم قلم
گوزوم دولوبدی قانیله یاتیبدی سیودوگوم علم
آنان گلوب هرایمه یوبانما ای شاه کرم
سقانی سالوب عدو یارادن
باشیمدن دگوب عمود آهن
اولدوم من رقیه دن شرمنده
قارداش اول رضا بوگون سقادن
منی آپارما خیمیه که شرمگینم آبیدن
حرملرون سو ایسته سه من عاجزم جوابیدن
یانور او سود امر بالان خجالتم ربابیدن
اوچ پر اوخ اثر لیدی خنجردن
انشاالله دگمز او گول حنجردن
دنیامی عوض ایدیب او بیر اوخ
چوخ گوزله اءوزوندن هم اصغر دن
شاعر : رحیم شایان
منبع : مجمع شعرا و مادحین
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , رحیم شایان
زبانحال به حضرت ابوالفضل العباس (علیه السلام)
سبک : یاران چه غریبانه ...
لایلای گوزمون نوری....
عباسیم علمداریم
آچ گوزلریوی قارداش
گوزلور سنی قیزلاریم
آچ گوزلریوی قارداش
هجرون دله بیر اوخدی
دشمن بولوسن چوخدی
سنسیز کومگیم یوخدی
آچ گوزلریوی قارداش
ای اسوه شخصیت
وی شیر خدا خصلت
بیر لحظه ائله همت
آچ گوزلریوی قارداش
ای بیشه حق شیری
چوخ ائتمه سو تدبیری
یاندیرما بو دلگیری
آچ گوزلریوی قارداش
گل رخت وفا سویما
مندن بئله تز دویما
قارداشیوی تک قویما
آچ گوزلریوی قارداش
دریای کرم یاتما
سقای حرم یاتما
دور یاتدی علم یاتما
آچ گوزلریوی قارداش
بو چول دولی عدواندی
وحشتلی بیاباندی
یاندی اورگیم یاندی
آچ گوزلریوی قارداش
دلده عطشون چوخدی
صد حیف قولون یوخدی
جسمون باشاباش اوخدی
آچ گوزلریوی قارداش
غیرتلی علمداریم
ای محرم اسراریم
هر لحظه فداکاریم
آچ گوزلریوی قارداش
ائتدون منی افسرده
گلدی اورگیم درده
قالدی علمون یرده
آچ گوزلریوی قارداش
آرامیمی آلمیش غم
دور اول منیله همدم
اخیامه گئداخ باهم
آچ گوزلریوی قارداش
مشگلدی غم هجران
بیر دردیدی یوخ درمان
سس وئر سسیمه بیر آن
آچ گوزلریوی قارداش
بو غم نئجه تاب آلماز
یا درده دلی سالماز
گئتدون قوشونوم قالماز
آچ گوزلریوی قارداش
وار قلبیده چوخ سوزلر
اشگیله دولوب گوزلر
زینب یولوی گوزلر
آچ گوزلریوی قارداش
وار هاردا عزاخانه
گئت «عافی» صمیمانه
ورد ایله یانا یانه
آچ گوزلریوی قارداش
شاعر : مرحوم عافی تبریزی
منبع : مجمع شعرا و مادحین
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , عافی تبریزی
زبانحال به حضرت ابوالفضل العباس (علیه السلام)
از داغ تو خم شد کمرم وای اباالفضل
شد زمزمه اهل حرم وای اباالفضل
ای ساقی بی دست ای نور دو دیده
کن اشک مرا پاک با دست یریده
ای وای اباالفضل ای وای اباالفضل
در خیمه همه مضطرب و دیده به راهند
طفلان به خدا از تو دگر آب نخواهند
هم تشنه یاری هم تشنه آبی
من فکر تو هستم تو فکر ربابی
ای وای اباالفضل ای وای اباالفضل
آخر تو بگو ای همه دار و ندارم
من با چه دلی تیر زچشم تو در آرم
ماندم که چگونه ای سرو کشیده
گیرم سر زانو این فرق دریده
ای وای اباالفضل ای وای اباالفضل
بعد از تو دگر اهل حرم خواب ندارند
امشب همگی سر به بیابان بگذارند
بی تو شود امشب آواره رقیه
سیلی و سه ساله یچاره رقیه
ای وای اباالفضل ای وای اباالفضل
!!! کپی بدون ذکر نام کانال مدح و مرثیه حرام است !!!
موضوع: حضرت ابوالفضل العباس (ع) زبانحال ,
زبان شعر و شاعر: نوحه فارسی
زبانحال حضرت امام حسین (علیه السلام) به حضرت ابوالفضل العباس (علیه السلام)
ای لشگریمین سید وسالاری ابالفضل
ای قیزلاریمین غم گونی غمخواری ابالفضل
قالدون قوشون ایچره گوزیمون نوری یوباندون
اولما علی اکبر کیمی سنده اوتا یاندون
یا سوالیوه دوشمدی قیزلاردان اوتاندون
گراولماسا سو خیمیه گل باری ابالفضل
ای قیزلاریمین غم گونی غمخواری ابالفضل
سالما سوا خاطر خطره جانوی قارداش
ایفا ایله دون عهدوی پیمانوی قارداش
قویما نگران خیمه ده یارانوی قارداش
یوخدور ثمری گتمه سوا ساری ابالفضل
ای قیزلاریمین غم گونی غمخواری ابالفضل
اولدی هامی یاریم کمکیم یوخدی قالانیم
بیر تک سنه وار دور بو بیاباندا گمانیم
منده سنه تای تشنیه ام هم خسته دی جانیم
سایسیز قوشونون اولما گرفتاری ابالفضل
ای قیزلاریمین غم گونی غمخواری ابالفضل
تل اوسته چخیب علقمه ساری باخارام من
عطرون تانیرام عطروی یلدن آلارام من
تل اوسته سنی گوزلیوب اوردا قالارام من
ای ایللریمین مرد فداکاری ابالفضل
ای قیزلاریمین غم گونی غمخواری ابالفضل
گرمشکله دوشسون سویولوندا منی سسله
جانون خطره سالسالا اوندا منی سسله
دشمن دایانار ساق وسولوندا منی سسله
ای قارداشینون محرم اسراری ابالفضل
ای قیزلاریمین غم گونی غمخواری ابالفضل
سن اولسون اگر دردیمی سنسیز بیلن اولماز
گوزیاشیمی سندن سورا قارداش سیلن اولماز
حتی من اولنده باشیم اوسته گلن اولماز
یوخ حق یولونین بوردا طرفداری ابالفضل
ای قیزلاریمین غم گونی غمخواری ابالفضل
ایتدی حرم اهلین علی اکبر غمی مدهوش
اکبر غمینی اتمه میشم ایندی فراموش
اولما بوحرمخانه نین ای اولدوزی خاموش
گوزیاشلارینی ایتمه یوزه جاری ابالفضل
ای قیزلاریمین غم گونی غمخواری ابالفضل
چوخ غملی دی قارداشه امان ویرمیه دشمن
قارداش داغی قارداشه چتین دور بیلوسن سن
قارداش کیم اولا سن سنه قارداش دا اولام من
ای دشمن دینین گوزونون خاری ابالفضل
ای قیزلاریمین غم گونی غمخواری ابالفضل
گل قوی دیزیمین اوستونه بیر باشیوی دینجل
مندن سورا گیت جنگه گیدیم جنگه من اول
اول من اولوم قوی ، باشیمین اوستونه سن گل
مقتلده منه ایله پرستاری ابالفضل
ای قیزلاریمین غم گونی غمخواری ابالفضل
اول باشیمون اوستونده بویرده اولوم اسان
باغلا گوزوم اخر نفسیمده اوخی قران
زینب باجیمی قویما گلیب ایلیه افغان
اول قبریمین اولده کی زواری ابالفضل
ای قیزلاریمین غم گونی غمخواری ابالفضل
من گتمه لیم گول کیمی بوچولده سولانام
هم اهلیمین هم جان هوسین باشدان آتانام
اما بو بالا قیزلاریما چوخ نگرانام
سن اول بو یتیم قیزلاریمین یاری ابالفضل
ای قیزلاریمین غم گونی غمخواری ابالفضل
منبع : مجمع شعرا و مادحین
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی
زبانحال حضرت امام حسین به حضرت ابوالفضل
سبک : ای سر زمین من......
دوریاتما قان ایچره ،، اماندور ابوالفضل
بوغمون حسینه،، گراندور ابوالفضل
بله یاتما دور آتام اوغلی
منی تک قویما آتام اوغلی
(یاابوفاضل ابوفاضل یابوفاضل ابوفاضل)
آچ گوزلرون قارداش،،ده سوز لرون قارداش
اخیامیده قیزلار،،گوزلور یولون قارداش
نیه قالدون بوحاله قارداش
وای منه وای زینبه قارداش
(یاابوفاضل ابوفاضل یابوفاضل ابوفاضل)
عمامه ویلن،، من گوزقانینی سیلم
بوحالیده منن،، دانشماسان ئولم
گوزون آچ تک گلمیشم قارداش
ال بلیمده قالموشم قارداش
(یاابوفاضل ابوفاضل یابوفاضل ابوفاضل)
قوللارون ابوالفضل،، کیم ایلیوب قلم
دشمن باخوری دور،، قویما یاتا علم
دور ابوالفضل پرچم آل اله
منه دشمن ایلور هلهله
(یاابوفاضل ابوفاضل یابوفاضل ابوفاضل)
گلنده یول اوسته،، قولاروی گوردوم
گئدی توان الدن،، دنیادن ال اوزدوم
بو اوجاقامت نه چیچیلب
گورورم ظلمیه بیچیلیب
(یاابوفاضل ابوفاضل یابوفاضل)
دریایی کرم دور......سقایی حرم دور
قویما یاتا پرچم ....صاحب علم دور
منی تک قویما اویان قارداش
سوسوز عطشان جان ورن قارداش
(یاابوفاضل ابوفاضل یابوفاضل ابوفاضل)
شاعر : احمد تقوی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , احمد تقوی
زبانحال حضرت ابوالفضل العباس (علیه السلام)
هر ایکی قولّاریمی بو مشکه ایتمیشدیم سپر
اوه گوزیمدن قولّاریمدان ایلدیم صرف نظر
مشکی دلدی، سو توکولدی، سعییم اولدی بی ثمر
سو یرینه مشکیمه قان دولدی باشا باش حسین
گرچه یارم چوخدی، سانما من او چوخدان آغلارام
اوخ دلن مشکیمده سو یوخدور او یوخدان آغلارام
جان یاخان قان قان دین پرّآن بیر اوخدان آغلارام
سانجلِیدی قلبیمه بو اوخ منیم ایکاش حسین
سن اوزون یاخشی بولورسن ای شه گردون حشم
اولماسا قول پرچم آچماز اهتزاز ایتمز علم
سرنگون اولدی علم چون قولّاریم اولدی قلم
بیرقیم گوزگوز اولوب گوزدن توکر قانیاش حسین
قولّاریم دوشدی بدندن شهپر عنقا کیمی
هر بیری بیر چشمه سار اولدی جوشان دریا کیمی
بسکه قان آخدی بو چولده مشهر مینا کیمی
گون قباقینده یانان داشلاردا اولدی یاش حسین
گل گلنده دقّتیله باخ سران لشکره
باشیم اطرافینده واردور گور نه خوش بیر منظره
یوز قویوب اون یتدی خنجر بیر یارالی حنجره
منکه باشدان گیچمیشم لازم دگل پرخاش حسین
گل یول آختارسان یول اوستونده دوشن قول گوسترور
مشعل آهیم عزیز مهمانینه یول گوسترور
عاقبت حسّ اخوّت یول امین اول گوسترور
همره اهل کرمدور دست گوهرپاش حسین
ناتوانم صون نفسده ظلّ رافت ایسترم
ذرّه ی بی قدرم امّا قرب عزّت ایسترم
لطف صحبت گرمی بزم محبّت ایسترم
فیض آلور خورشید عالم تابیدن خشخاش حسین
منکه قوملار اوسته یالقوز دوشموشم چوخ بیکسم
بیمناک اولمام ولو امّیدیمی جاندان کسم
تک سنون انجام کاروندن اخا دل واپسم
قورخورام محشر قوپا، نابود اولا داغ داش حسین
من (شباهنگم) اگر ظاهرده گل تک سولموشام
باطناً حبّ حسینیله لبالب دولموشام
افتخاریم وار سعادت یار اولوبدور اولموشام
پاسگاه عشقیده سرباز حاضرباش حسین
شاعر : مرحوم هندی
مجمع شعرا و مادحین
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , هندی
حضرت ابوالفضل العباس (علیه السلام)
در سبک : قدم قدم با یه الم
یواش یواش ،گوزومده یاش
مصیبتین دوشوریادا،شاه کرم
ایله نظر صاحب علم
واردی اورکده بیزلرین شوق حرم
احسان ایت ای کرم دریاسی
ای عطشان شیعنون مولاسی
تربتین ددلرین شفاسی
حیدردی کربلا عباسی
یواش،یواش گوزومده یاش
مصیبتین دوشر یادا شاه کرم
ایله نظر صاحب علم
واردی اورکده بیزلرین شوق حرم
گول آدین بیزلره عزتدی
غمخوارین غمزده زینبدی
عباسین صاحب غیرتدی
آدینان دین آلان زینتدی
یواش،یواش گوزومده یاش
مصیبتین دوشر یادا شاه کرم
ایله نظر صاحب علم
واردی اورکده بیزلرین شوق حرم
کربلا غملره غم چاتدی
زینبی غملری قوجاتدی
حرمله اصغره اوخ آتدی
اصغری قانینه بویاتدی
یواش یواش گوزومده یاش
مصیبتین دوشر یادا شاه کرم
ایله نظر صاحب علم
واردی اورکده بیزلرین شوق حرم
اورگیم علمین تک اسر
آدین دیللریمیزده گزر
عشاقین سنه قربان کسر
آدیوی خردا بویوک سسلر
یواش یواش گوزومده یاش
مصیبتین دوشر یادا شاه کرم
ایله نظر صاحب علم
واردی اورکده بیزلرین شوق حرم
منبع : مجمع شعرا و مادحین
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی
زبانحال به حضرت ابوالفضل (علیه السلام)
اى حرمت قبله حاجات ما
یاد تو تسبیح و مناجات ما
تاج شهیدان همه عالمى
دست على، ماه بنى هاشمى
همقدم قافله سالار عشق
ساقى عشاق و علمدار عشق
سرور و سالار سپاه حسین
داده سر و دست براه حسین
عم امام و اخ و ابن امام
حضرت عباس علیهالسلام
اى علم کفر نگون ساخته
پرچم اسلام برافراخته
مکتب تو مکتب عشق و وفاست
درس الفباى تو صدق و صفاست
شمع شده، آب شده، سوخته
روح ادب را، ادب آموخته
آب فرات از ادب تست مات
موج زند اشک به چشم فرات
یاد حسین و لب عطشان او
و آن لب خشکیده طفلان او
ساقى کوثر پدرت مرتضى است
کار تو سقائى کرب و بلاست
هر که به دردى به غمى شد دچار
گوید اگر یکصد و سى و سه بار
اى علم افراشته در عالمین
اکشف یا کاشف کرب الحسین
از کرم و لطف جوابش دهى
تشنه اگر آمده آبش دهى
چون نهم ماه محرم رسید
کار بدانجا که تو دانى کشید
از عقب خیمه صدر جهان
شاه فلک جاه ملک آشیان
شمر به آواز ترا زد صدا
گفت کجایند، بنو اختنا
تا برهانند ز هنگامهات
داد نشان خط امام نامهات
رنگ پرید از رخ زیباى تو
لرزه بیفتاد بر اعضاى تو
من به امان باشم و جان جهان
از دم شمشیر و سنان بى امان
دست تو نگرفت امان نامه را
تا که شد از پیکر پاکت جدا
مزد تو زین سوختن و ساختن
دست سپر کردن و سر باختن
دست تو شد دست شه لافتى
خط تو شد خط امام خدا
چار امامى که ترا دیدهاند
دست علمگیر تو بوسیدهاند
طفل بدى، مادر والاگهر
برد ترا ساحت قدس پدر
چشم خداوند چو دست تو دید
بوسه زد و اشک ز چشمش چکید
با لب آغشته به زهر جفا
بوسه به دست تو بزد مجتبى
دید چون در کرب و بلا شاهدین
دست تو افتاد به روى زمین
خم شد و بگذاشت سر دیدهاش
بوسه بزد با لب خشکیدهاش
حضرت سجاد هم آن دست پاک
بوسه زد و کرد نهان زیر خاک
مطلع شعبان همایون اثر
بر ادب تست دلیلى دگر
سوم این ماه چو نور امید
شعشعه صبح حسینى دمید
چارم این مه که پر از عطر و بوست
نوبت میلاد علمدار اوست
شد بهم آمیخته از مشرقین
نور ابوالفضل و شعاع حسین
اى به فداى سر و جان و تنت
وین ادب آمدن و رفتنت
وقت ولادت قدمى پشت سر
وقت شهادت قدمى بیشتر
مدح تو این بس که شه ملک جان
شاه شهیدان و امام زمان
گفت به تو گوهر والا نژاد
جان برادر به فداى تو باد
شه چو به قربان برادر رود
کیست «ریاضى» که فدایت شود؟
شاعر : سید محمدعلى ریاضى یزدی (ریاضی)
موضوع: حضرت ابوالفضل العباس (ع) زبانحال ,
زبان شعر و شاعر: نوحه فارسی , ریاضی یزدی
نظرات (۰)