شعرخوانی حاج سلیم موذن زاده اردبیلی - ای دل بهار فصلی دور امواته جان گلور
شعرخوانی زیبا حاج سلیم موذن زاده اردبیلی - ای دل بهار فصلی دور امواته جان گلور - سال 1364
ای دل بهار فصلی دور امواته جان گلور
تئز تئز یاتان قولاغلارا صوت اذان گلور
باخدوغجا ریشه دار وکهنسال آغاجلارا
صدها جوانه بیر بیریسیندن جوان گلور
ای دل بهار فصلیدی امواته جان گلور
متن شعر
ای دل بهار فصلی دور امواته جان گلور
تئز تئز یاتان قولاغلارا صوت اذان گلور
باخدوغجا ریشه دار وکهنسال آغاجلارا
صدها جوانه بیر بیریسیندن جوان گلور
قیش فصلی قیل طبیعت بی جانه بیرنظر
باخ قلبووه ده غصه کانّه دومان گلور
چک باشووه لحاف خیالی قال اینتیظار
اونداگوزآچ کی فصل گل وگل ستان گلور
بوفعل وانفعال ایله بومرگ وزندگی
عبرتدی خلقه یای سووشور هی خزان گلور
بیرسینمادی پرده سی تئزتئز اولور عوض
منکرلره دیور کی قیامت اینان گلور
مادی گرالری کی اسیر خیال اولوب
نه حشراولور دییلّه نه ده جسمه جان گلور
توپراق اولان بدنلری کیم بیرده جمع ائده ر
هاردان دوباره مرده وجوده روان گلور
بیردن اگر بوقدری اولنلر دیریلسه لر
بو عهده دن او حینیده هانسی مکان گلور
فکر ایلیور اوعالمی میدان انقلاب
سوگل عکاظ ذهنینه وهم وگمان گلور
داغ داش عکاظی ده ساتیلان بیر ایپک کیمی
چوخ صاف اولور نظاریه هر یئر عیان گلور
خلقی دوباره زنده ائده ن فکرین ایلییر
بی جا تخیّل اهلینه بوسوز گران گلور
نه روحه واردی باوری،نه روز محشره
نه وار عقیده سی،کی امام زمان گلور
آیا دییلّه زنده قالار بیر بشر مین ایل
عمر ائتسه گر یوز ایل،اجلی ناگهان گلور
اما وئروبدی وعده خداوند لایزال
بیرگون جهانین عمری قالا،قان آلان گلور
بو وعده حق دی کور اؤلا گر دیده حسود
گر اون مین ایلده عمر ائده مهدی جوان گلور
تأیید ائدوب مؤکّداً،اوچ یوز اون اوچ نفر
هر بیر رژیمی باطل ائدن خط نشان گلور
دنیاده بیرجه باطنه حکم ایلیه ن اؤدور/کیم ظالم اولسا تیغی اونا جان ستان گلور
بیز شیعه ییک اوحضرته وادور عقیده میز/افسوس بیلمه ریک گلور آیا هاچان گلور
بیرگون جهان ظلمتی عدل ایله دولدورار/ذلت له دادگاهینه گردن کشان گلور
سیلی ویرانلار عدل ایله سیلی ییه ر اوگون/الله الیله ظالمه سیلی ویران گلور
ایله ر اومنتقم آقا چون کعبه دن قیام/جبرئیل سس له نه رکی گلون حق ستان گلور
هر یئرده اولسا روحی ایکی یئرده دور اونون/دوشسه گذاری هر بیرینه باغری قان گلور
اوّل گله ر بقیعه او سلطان خون جگر/سسله ر کی منتقم بالون ای خسته جان گلور
گیزدین مزارووی ائده رم ایندی آشکار/هرگون سنون زیارتووه شیعیان گلور
پوزقون مزاره نصب اولونار بیر گؤزل ضریح/گل دسته لر بنائی نه ایرانیان گلور
آزاد اولار بقیع ده ذکر مصائبون/یوزلرجه گونده شاعرینه ن نوحه خوان گلور
هرکیم علی محبی دی محرم دی قبرووه/تا من وارام زیارتووه دوستان گلور
بیرده ائشیتمیشه م آغاریب مشک تک باشون/قدّون خیاله شدت غمده ن کمان گلور
ای وای منه اگر سنه سیلی دییب آنام/گول صوره تون خیالی مه نیلی نشان گلور
الان اوبی حیاله ره قیللام محاکمه/عالم بیله ر کی منتقم بی کسان گلور
القصّه انتقامین آلوب ائله مه ز درنگ/کرب وبلایه بیر باشا او مهربان گلور
اوّل ادب له جدی نه عرض سلام ائده ر/قبرین اوپوب دیه ر عجب عطر جنان گلور
رخصت آلوب او چول ده قورار دادگاه عدل/هم أوخ آتان گلور اورا هم أوخلانان گلور
دوزدور اودادگاهه گله ر حرمله أو گون/الده ولی بو دفعه نه أوخ نه کمان گلور
ذرّ عالمی له رجعته واردور اعتقادیمیز/رجعت گونی قصاصه کران تا کران گلور
ظالم لره قوراللار تماشالی دادگاه/گل چینی له ن أو محکمی یه باغبان گلور
نظرات (۰)